27/04/2026
سن لبني غمّق فجأة… نقلق ولا نطمن؟
طفل عنده ٥ سنين، واحد من أسنانه اللبنية لونه بقى غامق…
مفيش ألم، مفيش خراج، وكل حاجة طبيعية 👌
ومع سؤال مامتها اتضح إن السن ده اتعرض لخبطة من حوالي ٦ شهور…وقع الطفل في البيت…
💡 هل ده طبيعي؟
أيوه، ده وارد جدًا يحصل بعد أي خبطة في السن
اللون ممكن يغمّق بسبب تغيّرات حصلت جوه العصب، وده مش معناه على طول إن فيه مشكلة محتاجة تدخل
📌 إمتى نكتفي بالمتابعة؟
لو:
• مفيش ألم
• مفيش تورم أو خراج
• الطفل بياكل عادي
• الأشعة (لو اتعملت) مفيهاش تغييرات مقلقة
ساعتها بنكتفي بالمتابعة الدورية 👀
⚠️ إمتى نتدخل؟
لو ظهر أي من الآتي:
• ألم
• خراج أو تورم
• حركة غير طبيعية في السن
• تغيّرات في الجذر أو العظم حوالين السن في الأشعة
هنا لازم نتدخل بالعلاج المناسب ….
📚 الخلاصة:
تغيّر لون الأسنان اللبنية بعد الخبطات حاجة شائعة، وغالبًا بيكون نتيجة نزيف داخلي أو تغيّرات في العصب
وفي حالات كتير السن بيفضل بدون أعراض ومش محتاج علاج، لكن المتابعة المنتظمة هي الأهم
✨ رسالة مهمة للأهالي:
أي خبطة في سن الطفل حتى لو بسيطة لازم نتابعها مع دكتور الأسنان، لأن تأثيرها ممكن يظهر بعد فترة
