24/01/2025
ايه هي خطة العلاج ؟
ويعني ايه تعديل نمو عضم الفك في الاطفال؟
الولد الجميل ده عنده ١٢ سنه
وعنده بروز جامد في الفك السفلي
والفك العلوي النمو بتاعه قليل فبالتالي حجمه اصغر
(Skelatal class III)
والحالات اللي زي دي دي بتحتاج جراحه تقويم لما يكبر طبعا
فكده ايه الحل ؟
اننا نستخدم الجهاز ده
(Ortho face mask )
عشان نحاول نتحكم في نمو الفك السفلي بحيث ميكبرش عن كده
ونحاول نحفز نمو الفك العلوي اكتر
وتستغل إن الولد لسه في فترة النمو
فبالتالي ننقذ الولد من الجراحه لما يكبر
ونظبطله شكله وشكل اسنانه
وده طبعا هيفرق جدا في نفسيته وإحساسه إن شكله رجع طبيعي زي زمايله اللي حواليه في المدرسه
وطبعا كل ما بنستخدم الجهاز ده في سن اصغر كل ما بنلاقي نتائج احسن بكتير
((والجهاز ده بيتلبس في وقت البيت بس ))
انهارده كان اول يوم في رحلة التقويم ⏳
وان شاء الله خلال كام شهر نلاقي نتيجه كويسه 😉
#تقويم
