28/11/2025
كلهم سكر
بس انا بموووووت في دنيا سمير غانم
ولاد سمير غانم ما بيلبسوش مكشوف.. وليلى وملك أحمد زاهر أدب واحتشام.. وريهام عبد الغفور مالهاش ولا مشهد ساخن.. وحنان مطاوع ممنوعة من البوس 💋
أكتر بنات الفنانين المؤدبين في مصر..
👇
في البداية.. دنيا وإيمي سمير غانم.
ودنيا ليها شرط قبل ما تدخل أي عمل، وهو إنها بتقعد مع المخرج وبتطلب منه يبعدها عن أي مشاهد مثيرة أو ساخنة، وبيبقى الكلام من الأول، عشان لو رفض، هي كمان بترفض العمل كله من بابه.
ودنيا في الأساس متدينة جدًا وما بتسبش فرض، وفي فترة من الفترات كانت هتتحجب، وهي اللي أقنعت باباها إنه يحافظ على الصلاة لحد ما توفى.
أما بقى إيمي، فهي مطرقعة شوية، لكن في نفس الوقت محترمة جدًا، وما بتعملش ولا مشهد مثير، ومن ساعة ما بدأت تمثيل، لبسها كله مقفول، وما لبستش ولا مرة بدلة رقص ولا حاجة مكشوفة، وما بتدخلش في أي حاجة فيها إيحاءات.
وييجوا بعدهم ليلى وملك أحمد زاهر.
ودول بقى مش محتاجين نتكلم عنهم كتير، ملك عندها 22 سنة، وليلى 21، وبدأوا مشوارهم الفني من خلال مسلسل “آدم” وفيلم “عمر وسلمى”، ومن بعدها والكل عرفهم بخفة دمهم.
وأحمد زاهر محافظ عليهم جدًا، وتعب قوي في تربيتهم، ولما حبوا يمثلوا وافق، لكنه حطّ لهم خطوط حمراء يقفوا عندها: لا مشاهد ساخنة، ولا بوس تحت أي ظرف، لإنه بيعتبر الحاجات دي سيئات جارية.
وليلى وملك بيسمعوا كلامه، وأي عمل بيتعرض عليهم بياخدوا رأيه فيه الأول، ولو فيه مشاهد جريئة، بيرفضوا قبل ما يرجعلوا من الأساس.
وبرغم إنهم مش محجبات، إلا إنهم ما بيسيبوش فرض.
والكلام ده ظهر في فرح ليلى على هشام جمال، لما كانت لابسة فستان عروسة مقفول لحد الرقبة، ومش مبيّن ولا حاجة من جسمها.
وليلى وملك يعتبروا من أحلى بنات الممثلين في مصر، وده غير جمالهم، كمان ممثلين شاطرين جدًا والناس كلها بتحبهم.
والتالتة.. ريهام عبد الغفور.
عمرها ما عملت ولا مشهد شمال، وبترفض البوس أو القرب الزيادة في التصوير، وقالت إنها لما دخلت التمثيل، أبوها وافق، لكن حطّ لها خطوط حمراء ما تتعدّهاش.
وريهام كمان بتحترم جوزها وبتخاف على مشاعره جدًا، وهو من ضمن الأسباب اللي بتخليها ما تعملش مشاهد جريئة، عشان ما تزعلهوش.
وتيجي بعدها.. حنان مطاوع.
ودي من وقت ما ظهرت ما شفنا لهاش ولا مشهد وحش.
واللي كتير ما يعرفهوش عن حنان إنها كانت هتشارك في فيلم “كف القمر” هي ووالدتها الفنانة سهير المرشدي، وخدت السيناريو وقريته ووافقت. بعدها، المخرج خالد يوسف عمل تعديلات على الدور وضاف فيه مشاهد ساخنة، وهنا بقى حنان مطاوع قالت له “يفتح الله”، واعتذرت، رغم إن وقتها أي فنانة كانت تتمنى تشتغل مع خالد يوسف، لكن حنان قالتله: “شكرًا، أنا ما بعملش أدوار فيها مشاهد ساخنة”.
والفنانة سهير المرشدي لما لقت الموضوع كده، اعتذرت هي كمان، بعد ما كانت مرشحة لدور وفاء عامر.
وحنان قالت: “الجرأة في الأفكار مش في التعرّي أو المشاهد الخارجة.
أنا ممكن أقدم دور فتاة ليل من غير ما أعمل حاجة خادشة أو تخضّ المشاهد”.
وحنان كل ما بتطلع مصيف وتتصوّر، بتكون لابسة مايوه محترم ومش مبيّن ولا حاجة من جسمها.
واللي زيهم برضه وأدب واحترام "مريم" بنت المرحوم محمود الجندي.. وملهاش في الكلام الوحش خالص تحت أي ظرف
وإنتوا بقى قولوا لنا.. مين أكتر بنات فيهم مؤدبين؟
