Dr Sara Amr - عيادة اسنان للاطفال

Dr Sara Amr - عيادة اسنان للاطفال Dental Clinic

كتير من الماميز بيستغربوا إن أسنان طفلهم بتتسوس بسرعة 😟بس الحقيقة إن في عادات بسيطة ممكن تكون السبب:🔹 شرب اللبن قبل النو...
17/05/2026

كتير من الماميز بيستغربوا إن أسنان طفلهم بتتسوس بسرعة 😟

بس الحقيقة إن في عادات بسيطة ممكن تكون السبب:

🔹 شرب اللبن قبل النوم من غير تنظيف
🔹 الأكل السكريات طول اليوم (حتى لو بكميات صغيرة)
🔹 عدم غسل الأسنان من أول ما تظهر
🔹 استخدام الببرونة لفترة طويلة

✨ الحل بسيط:

✔️ نبدأ تنظيف الأسنان أول ما تطلع
✔️ نقلل السكريات بين الوجبات
✔️ نمنع النوم بالببرونة
✔️ نزور دكتور الأسنان بدري

👩‍⚕️ الوقاية دايمًا أسهل من العلاج ❤️

لعناية_بأسنان_الأطفال #نصائح طبية

كتير من الأهل بيستغربوا لما نقول إن الطفل محتاج "طربوش" لكن الحقيقة إنه بيكون الحل المثالي في حالات كتير 👇✔️ لما التسوس...
14/05/2026

كتير من الأهل بيستغربوا لما نقول إن الطفل محتاج "طربوش"

لكن الحقيقة إنه بيكون الحل المثالي في حالات كتير 👇

✔️ لما التسوس يكون كبير ومش كفاية له حشو
✔️ بعد علاج العصب للأسنان اللبنية
✔️ لحماية السن من الكسر

💡 الطربوش بيحافظ على شكل السن ووظيفته
وبيساعد الطفل ياكل ويتكلم بشكل طبيعي لحد ما السن الدائم يظهر 🦷✨

👶 يعني ببساطة: بنحافظ على سن طفلك بدل ما نخلعه بدري

لعناية_بأسنان_الأطفال #نصائح طبية

عارفين إن في حالات كتير من تسوس الأسنان عند الأطفالممكن تتعالج من غير بنج خالص؟! 😍 اه والله من غير حقنه بنج و من غير الم...
12/05/2026

عارفين إن في حالات كتير من تسوس الأسنان عند الأطفال
ممكن تتعالج من غير بنج خالص؟! 😍

اه والله من غير حقنه بنج و من غير الم كمان و طفلك هيكون مرتاح و الجلسة كمان مش هتاخد وقت
طب ازاي؟

✨ لما نكتشف التسوس بدري: ✔️ بيكون سطحي وصغير
✔️ الطفل مش بيحس بألم
✔️ نقدر نعالجه بحشو بسيط وسريع
✔️ والأهم… من غير حقنة بنج 💉❌

💥 لكن لو اتأخرنا: 🔸 التسوس بيكبر
🔸 الطفل يبدأ يشتكي من الألم
🔸 وساعتها بنحتاج بنج وعلاج أكبر 😢

📌 عشان كده: الفحص الدوري مش رفاهية… دا حماية لطفلك

🦷 كل ما نلحق بدري = تجربة أسهل + طفل مش خايف من دكتور الأسنان 👌

#اطفال #تسوس

"وفرّي على نفسك وجع ومصاريف أكبر!""تسوس بسيط = حشو بسيط 💡تسوس متأخر = خلع أو علاج عصب 😔نقطه سودة في ضروس طفلك يعني حشوة ...
11/05/2026

"وفرّي على نفسك وجع ومصاريف أكبر!"

"تسوس بسيط = حشو بسيط 💡
تسوس متأخر = خلع أو علاج عصب 😔

نقطه سودة في ضروس طفلك يعني حشوة بسيطه
الحقيها قبل ما تزيد و نحتاج علاج عصب

اختاري الصح من بدري 👌

🎁 عرض خاص على حشو الأسنان للأطفال
بسعر مميز جدًا لفترة محدودة
احجزي دلوقتي قبل ما الحالة تتعقد 🦷💔"

ابعتيلنا رساله او واتساب على الرقم 0128299240 و هنجاوب على كل استفساراتك في اسرع وقت

# ة #
#

🤩💁💁‍♀️ أول زيارة لأسنان طفلك بدون خوف!لو ابنك بيخاف من دكتور الأسنان 😥أو أول مرة يزور عيادة…إحنا هنخلي التجربة لطيفة ومم...
10/05/2026

🤩💁💁‍♀️ أول زيارة لأسنان طفلك بدون خوف!

لو ابنك بيخاف من دكتور الأسنان 😥
أو أول مرة يزور عيادة…
إحنا هنخلي التجربة لطيفة وممتعة ليه 💛

✨ العرض لفترة محدودة:
✔️ كشف أسنان للأطفال
✔️ تنظيف بسيط + فلورايد
✔️ نصايح للأم للحفاظ على أسنان الطفل
🎁هدية بسيطة للطفل

بسعر خاص جدا

📩 احجزي دلوقتي على الرسائل أو واتساب

السلام عليكم 🤩🤩🦷❗ السن الدائم طالع واللبني لسه موجود؟!كتير من الماميز بتلاحظ إن السن الدائم بدأ يظهر ورا أو جنب السن الل...
08/05/2026

السلام عليكم 🤩🤩

🦷❗ السن الدائم طالع واللبني لسه موجود؟!

كتير من الماميز بتلاحظ إن السن الدائم بدأ يظهر ورا أو جنب السن اللبني 😳
واللبني لسه موقّعش… فبتقلق جدًا!

الحاله دي بتحصل لما السن الدائم يبتدي يطلع قبل ما جذر السن
اللبني يذوب بالكامل

📌 هل ده طبيعي؟
أيوه 👍 وبيحصل كتير خصوصًا في الأسنان الأمامية السفلية

🟡 نعمل إيه؟
نشجع الطفل يهز السن اللبني بإيده بلطف
نخليه ياكل أكل مقرمش زي التفاح والجزر 🍎🥕
نتابع خلال كام أسبوع

⚠️ نروح لدكتور إمتى؟
لو السن اللبني مبيتحركش خالص
أو عدى وقت وموقعش
أو السن الدائم طالع بعيد قوي عن مكانه
👩‍⚕️ ساعتها ممكن الدكتور يساعد بإزالة السن اللبني بسهولة جدًا عشان يسيب مكان للسن الدائم

✨ مهم تعرفي:
التدخل في الوقت الصح بيحافظ على ترتيب الأسنان ويمنع اللخبطة بعد كده 💙

#

😍✨ أهلاً بيكم😣🦷 هنتكلم النهارده عن أعراض التسنين عند الأطفال… طبيعي ولا لأ؟كتير من الأمهات بتحتار 🤔"هو اللي عند ابني ده ...
07/05/2026

😍✨ أهلاً بيكم

😣🦷 هنتكلم النهارده عن أعراض التسنين عند الأطفال… طبيعي ولا لأ؟

كتير من الأمهات بتحتار 🤔
"هو اللي عند ابني ده تسنين ولا حاجة تانية؟!"

تعالي نعرف أشهر أعراض التسنين 👇

✨ 1. سيلان اللعاب (الريق) 💧
هتلاقي بقه دايمًا فيه لعاب زيادة

✨ 2. العض على أي حاجة 👶
بيحاول يعض في إيده أو اللعب عشان يخفف الألم

✨ 3. عصبية وزعيق 😣
بيبقى متضايق ومش مرتاح

✨ 4. قلة النوم 🌙
ممكن يصحى كتير بالليل

✨ 5. احمرار بسيط في اللثة
مكان السن بيكون وارم شوية

---

⚠️ مش من أعراض التسنين:
❌ سخونية عالية
❌ إسهال شديد
❌ ترجيع مستمر

👩‍⚕️ لو الأعراض دي موجودة → لازم نكشف

---

💡 نساعد الطفل إزاي؟
✔️ عضاضة ساقعة أو فاكهة ساقعة
✔️ تدليك اللثة برفق بإصبعك أو بشاشة مبلولة
✔️ الاهتمام بالنظافة

---

💬 قوليلنا 👇
طفلك عنده كام شهر؟ وظهرت عنده أعراض التسنين ولا لسه؟ 😍و انا اقولك طبيعي و لا متاخر و محتاجين نعمل ايه





Address

Cairo
Cairo
CAIRO

Telephone

+201282992340

Website

Alerts

Be the first to know and let us send you an email when Dr Sara Amr - عيادة اسنان للاطفال posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr Sara Amr - عيادة اسنان للاطفال:

Shortcuts

Share

Category