Dr Mohammed Salah - VNM

15/03/2026

15/03/2026

🔥 زمان… كان أسهل قرار في طب الأسنان:
وجع؟ → نشيل العصب.
تسوس عميق؟ → نشيل العصب.
أي شك قريب من العصب؟ → نشيل العصب وخلاص.

لكن الطب الحديث غير المعادلة.
بقينا نسأل سؤال أهم:
هل فعلاً لازم نشيل العصب… ولا نقدر نحافظ عليه؟ 🤔

لأن العصب مش مجرد مصدر للألم…
دا الجزء الحيوي الي بيغذي السن وبيطول عمره.
والتحدي الحقيقي دلوقتي هو إنقاذ العصب… مش التخلص منه 🦷✨

---

🦷 Case Highlight | Lower Right 7

الحالة دي جتلنا العيادة بتشتكي من ألم في الضرس السفلي التاني (Lower Right 7).

البيشنت بيقول:
"يا دكتور الحشو المعدني اتكسر… ومن ساعتها مش قادر آكل عليه."

وبالفحص الأولي، شكل التسوس كان يوحي بحاجة واحدة:
📌 دي حالة حشو عصب.

لكن ده كان منطق الطب القديم.

تعالوا نفكر بطريقة الطب الحديث

لما بصينا كويس لقينا إن الضرس فيه حشو Amalgam قديم.
وده معناه إن مش كل اللون الغامق اللي شايفينه… تسوس.

علشان كده استخدمنا:
✔️ Caries Detector

والنتيجة كانت مفاجأة 👇
جزء كبير من اللون الداكن كان تصبغات ناتجة عن الحشو المعدني
مش تسوس فعلي.

يعني العصب لسه عنده فرصة يعيش.

---

🛠️ خطة العلاج المحافظة

بعد إزالة التسوس الحقيقي بحرص شديد،
ولما قربنا من العصب… قررنا نحميه بدل ما نشيله.

✔️ استخدمنا MTA – Mineral Trioxide Aggregate
كمادة تحفز تكوين طبقة دفاعية وتشبه العاج المفقود.

✔️ بعدها طبقة Glass Ionomer
كعازل بين الـ MTA والحشو النهائي.

✔️ وفي النهاية عملنا Composite Build-up Free Hand
عشان نرجع:

شكل الضرس
وظيفته

---

✨ النتيجة

🟢 العصب لسه سليم
🟢 الضرس رجع يشتغل طبيعي
🟢 المريض رجع ياكل من غير ألم

والحالة دلوقتي تحت المتابعة
عشان ندي العصب فرصة كاملة يستعيد قوته 💪

---
التطور الحقيقي في طب الأسنان مش إننا نعرف نشيل العصب…
التطور إننا نعرف إمتى نحافظ عليه.

📍 لو عندك ضرس قالولك لازم يتعمله حشو عصب…
ممكن يكون لسه فيه فرصة تانية.

التشخيص الصح بيوفر عليك وقتك و يحافظ على اسنانك🦷✨

15/03/2026

🔥 مش كل التحدي في حشو العصب… أحيانًا التحدي الحقيقي بيبدأ بعده.

ناس كتير بتفتكر إن أصعب خطوة خلصت أول ما القنوات اتقفلت…
لكن الحقيقة إن الترميم النهائي هو اللي بيحافظ على نجاح كل اللي اتعمل قبله

لأن الضرس بعد حشو العصب محتاج بناء قوي + شكل جمالي + contact سليم
عشان يعيش ويؤدي وظيفته من غير مشاكل.

---
🦷 Case Highlight

الحالة دي جتلنا العيادة متحوّلة بعد ما خلّصت حشو عصب
وكان باقي لها الحشو النهائي.

ومن برّه الموضوع ممكن يبان بسيط…
لكن من وجهة نظرنا كأطباء دي خطوة ليها نفس أهمية علاج العصب نفسه
لأن نجاح اللي قبله… معتمد عليها

---

🛠️ خطوات العلاج

✔️ بدأنا بـ العزل الكامل باستخدام Rubber Dam
عشان نضمن بيئة جافة ومعقمة للشغل

✔️ إزالة أي تسوس متبقي
✔️ تصميم الـ Cavity بالشكل المثالي
عشان:

الحشو يعيش أطول فترة ممكنة

ومايبقاش فيه اختلاف في Shade أو Contour

---

🔧 بناء الجدار المفقود

استخدمنا Sectional Matrix + Spring Clip
لكن لوحدهم ماكانوش كفاية يحققوا seal مناسب لبناء الـ Mesial Wall.

فكان الحل 👇

✔️ إضافة Saddle Matrix داخل التحضير
✔️ مع Wedge بين الضرسين 5 و 6
عشان نضمن:

contact طبيعي

seal محكم

شكل تشريحي سليم

---

✨ مرحلة الفن

بعد كده بدأنا نبني الحشو Layer by Layer
و استعملنا الـ Ever X عشان تدينا strength و dentin shade
ورسمنا الـ Occlusal Anatomy بهدوء
عشان يرجع الضرس لشكله الطبيعي ووظيفته.

وفي النهاية:
✔️ Finishing & Polishing
عشان نوصل لسطح ناعم
وشكل طبيعي كأن الضرس ما حصلوش حاجة 👌

---

النتيجة النهائية

🟢 Contact مضبوط
🟢 شكل جمالي طبيعي
🟢 حشو قادر يتحمل المضغ

---

💡 في النهاية…
نجاح علاج العصب ما يكتملش غير بترميم صح.
لأن الضرس مش بس لازم يختفي وجعه…
لازم يرجع يعيش ويشتغل طبيعي.

📍 لو عندك ضرس معمول له حشو عصب ولسه محتاج الترميم النهائي
اختيار الطريقة الصح بيفرق كتير في عمره

احجز استشارتك وخلي شغلك يتعمل مرة… ويتعمل صح 🦷✨

03/03/2026

🔥 طب أسنان الأطفال مش بس “حشو وخلاص”…
إحنا بنتعامل مع سن لسه بيتكوّن، جذوره لسه بتقفل، وكل قرار فيه ممكن يحدد مستقبله بالكامل.
المعادلة هنا معقدة: نحافظ على الحيوية… نقوّي التركيب… ونسيطر على الألم… في طفل عنده ٩ سنين بس 👧🦷

---

🦷 Case Journey | 9 Years Old – Lower First Permanent Molar

البنوته دي جتلنا بألم شديد في الضرس الأول السفلي الدائم.
الأشعة وضحت إن الجذور Open Apex — لسه ما اكتملتش.

📌 وده معناه حاجة مهمة جدًا:
حشو عصب تقليدي؟ ❌ خارج الحسابات.
لأن الضرس لسه محتاج يكمل نموه ويتقوّى.

---

المرحلة الأولى | البداية… والتحديات

بدأنا بالعزل الكامل بالـ Rubber Dam Isolation.
وأثناء إزالة التسوس واجهنا أول مفاجأة 👇

⚠️ Undermined Enamel كتير
الجدران كانت ضعيفة جدًا
وحصل Fracture في الـ Distal Wall
والمشكلة إن ده كان الجدار اللي ماسك فيه الـ clamp!

📌 اضطرينا نتصرف بسرعة:

شيلنا الـ Rubber Dam

عزلنا الـ cavity بالـ Teflon

عملنا Partial Isolation باستخدام cotton rolls & holder

استخدمنا Band Matrix & Spring Clip لعمل build-up للجدار الخلفي

وبعد ما رجّعنا الجدار…
رجّعنا العزل تاني وكملنا شغلنا 👌

---
المرحلة الأصعب | Exposure غير متوقع

وأثناء إزالة التسوس حصل Pulp Exposure.
ولأن الأطفال حركة مفاجئة منهم ممكن تغيّر كل حاجة…
حصل Exposure تاني مع Bleeding صعب السيطرة عليه.

حاولنا نمشي في اتجاه Pulpotomy
لكن الألم كان غير محتمل.
وده كان مؤشر إن الالتهاب مش جزئي…
العصب كله كان ملتهب.

📌 القرار الشجاع هنا؟
نغيّر الخطة فورًا.

---

المرحلة الحاسمة | Pulpectomy + Revascularization

عملنا Pulpectomy (إزالة كاملة للعصب).
لكن مش هنسيب الضرس بدون فرصة للنمو.

خطة العلاج تحولت إلى:

🩸 Revascularization Procedure

الهدف؟
إعادة تحفيز تكوين نسيج حيوي جديد داخل القنوات
عشان الضرس يكمل تكوين الجذور طبيعيًا.

✔️ عملنا Over-instrumentation لتجاوز الـ Apex
✔️ سمحنا بتكوين Blood clot داخل القنوات
✔️ حطينا MTA (Mineral Trioxide Aggregate) على مستوى الـ chamber floor
لتحفيز تكوين خلايا عصب جديد

---

المرحلة النهائية | إعادة البناء

بعد ما أنهينا الجزء الحيوي الخاص بالعصب :
✔️ استخدمنا EverX Posterior كطبقة بديلة للعاج (Dentin replacement layer)
✔️ كملنا بالكومبوزيت لاستعادة الشكل التشريحي والوظيفة

الضرس رجع شكله طبيعي…
وقادر يؤدي وظيفته 👌

---

النتيجة حتى الآن ✨

🟢 مفيش ألم
🟢 الحالة مستقرة (Stable)
🟢 متابعة دورية مستمرة
🟢 طربوش لحماية الضرس في السن المناسب ليه ⏳

---

💡 الخلاصة؟
مش كل حالة أطفال تمشي بخط مستقيم.
أحيانًا بنغير الخطة ٣ مرات في نفس الجلسة…
بس المهم إننا نوصل للحل اللي يحافظ على الضرس للمستقبل.

📍 في عيادتنا…
إحنا مش بس بنعالج سن.
إحنا بنحمي مرحلة نمو كاملة 🦷💙

لو طفلك بيعاني من ألم…
التشخيص الصح بدري بيصنع فرق كبير.

17/02/2026

🦷 لما طفل عنده ١٠ سنين ييجي وهو ماسك خده من الألم… فدي مش مجرد سنة بتوجعه، دي سنة محتاجة قرار صح ينقذها للمستقبل.

الطفل العسول دا جالنا العيادة وهو بيعاني من ألم شديد في الضرس الأول السفلي lower right 6
وبرغم صغر سنه، الفحص وضّح إن الضرس كان متهالك والتسوس وصل للعصب — حالة متقدمة بالنسبة لعمره الصغير.

لكن في طب الأسنان، الهدف مش بس نشيل الألم… الهدف إننا ننقذ السنة ونحافظ عليها تنمو بشكل طبيعي 💪

🔍 المرحلة الأولى | السيطرة على مصدر الألم
بدأنا بالعزل الكامل باستخدام Rubber dam isolation لضمان بيئة معقمة وآمنة.
✔️ إزالة التسوس بالكامل بحرص
✔️ الوصول للقنوات العصبية وتنظيفها
✔️ إتمام Root canal treatment للضرس لإنهاء الألم ومنع انتشار العدوى
الألم اختفى… لكن كان لسه عندنا تحدي أهم.

⚠️ التحدي الحقيقي | فقدان جزء كبير من الضرس
بعد تقييم الضرس، لقينا إن:
الضرس فاقد جزء كبير من بنيته
الحشو لوحده مش هيكون كافي يتحمل قوى المضغ
وفي نفس الوقت، بسبب صغر سن الطفل واستمرار النمو، عمل طربوش ثابت مش الخيار المثالي حالياً

📌 الحل كان لازم يكون قوي… محافظ… ومناسب لعمر الطفل

🛠️ الحل الذكي | EverX Overlay Reinforced Restoration

✔️ بناء الجدار باستخدام Matrix band & Tofflemire لاستعادة الشكل الصحيح
✔️ استخدام EverX Posterior كـ Dentin replacement layer
وده Composite مدعّم بألياف زجاجية، بيتميز إنه:
• يقوي الحشو
• يقلل احتمالية الكسر
• يحاكي خواص العاج الطبيعي (Dentin-like behavior)

✔️ بعدها استعملنا Nano-hybrid composite لرسم anatomy الضرس بدقة

✔️ استعادة الشكل الوظيفي والجمالي بالكامل
✨ النتيجة النهائية؟
🟢 اختفاء الألم
🟢 استعادة وظيفة الضرس
🟢 حماية الضرس في مرحلة نمو حرجة
🟢 حل محافظ وقوي بدون اللجوء لتركيبة ثابتة مبكراً

في طب أسنان الأطفال… القرار الصح في الوقت الصح ممكن يفرق بين سنة تعيش وسنة تضيع.

إنقاذ الأسنان مش صدفة… ده علم + خبرة + اختيار المواد والتقنيات الصح 👌
📩 لو طفلك بيشتكي من ألم أو عنده تسوس، التدخل المبكر بيصنع فرق كبير.
احجز استشارتك وخلّي ابتسامة طفلك تكمل نموها بأمان وثقة 🦷✨

11/02/2026

🦷 Quick Case | Lower Right 4

حالة سريعة بس فيها تفاصيل مهمة 👌

البيشنت اتحول لنا بعد ما خلّص حشو عصب للضاحك الأول السفلي (Lower right 4)
والهدف كان إننا نبني السنة بحشو تجميلي بشكل آمن ويدوم.

🔹 أول خطوة كانت التوعية
وضحنا للبيشنت إن الجزء المتبقي من السنة (Remaining tooth structure) مش كافي يعتمد على الحشو لوحده،
وإن الأفضل للحفاظ على السنة على المدى الطويل هو طربوش (Crown) بعد البناء.

🔹 خطوات الشغل
✔️ تنعيم الحواف وعمل Beveling & cavity design لضمان ثبات الحشو
✔️ قص لثوي بسيط (Gingivictomy) عشان نوصل للأجزاء المدفونة
وده جزء من شغل Deep Margin Elevation
✔️ استخدام Matrix & Toflemire لبناء شكل السنة بشكل صحيح
✔️ بناء السنة بالحشو التجميلي واسترجاع الكونتور الطبيعي

✨ النتيجة؟
حشو تجميلي رجّع للسنة شكلها الطبيعي ووظيفتها
مع خطة واضحة للحفاظ عليها أطول فترة ممكنة 💪🦷

11/02/2026

🦷 Case Spotlight | Upper First Molar

مش كل وجع في الأسنان بيستنى…
في حالات الألم الشديد، القرار الصح والتدخل السريع هما الفرق بين الراحة واستمرار المعاناة ⚡

---

الحالة دي جتلنا العيادة بتشتكي من ألم شديد في الضرس الأول العلوي Upper left 6
وبالفحص اتأكدنا إن السبب هو التهاب في العصب irreversible pulpitis
وإن الضرس محتاج حشو عصب لإنقاذه بدل ما نفقده

🔹 خطة العلاج
✔️ بدأنا بإزالة التسوس تحت عزل كامل بالبروتوكول
✔️ اشتغلنا على القنوات العصبية بخطوات مدروسة ودقيقة
✔️ تم تنظيف وتعقيم القنوات وقفلها بشكل سليم

وفي الجلسة الأخيرة 👇
🛠️ أعدنا بناء الضرس باستخدام حشو تجميلي
عشان:

نرجع الشكل الطبيعي

نضمن الوظيفة أثناء المضغ

ونحافظ على الضرس لأطول فترة ممكنة

---

✨ النتيجة؟
✔️ الألم اختفى
✔️ ضرس ثابت ووظيفته رجعت
✔️ شكل جمالي يليق بابتسامة المريض

حشو العصب مش نهاية الضرس…
بالعكس، هو بداية جديدة لو اتعمل صح 👌🦷

07/02/2026

🦷 Case Spotlight | لما سنة تبان بسيطة… وتطلع مخبية خطر كبير 👀

في مجال طب الأسنان،
مش كل ألم سببه تسوس بس…
أحيانًا المشكلة الأخطر بتكون خط كسر (Crack line / Tooth crack)
وده من أكتر الحاجات اللي بتتفوت و صعب تتشخص، و نتيجة لدا العلاج كله ممكن يفشل بعدها ⚠️

---

🔹 القصة من البداية
الحالة دي جتلنا العيادة بتشتكي من ألم في الضرس الأول السفلي
الضرس فيه تآكل + تسوس عميق.

📌 بدأنا الشغل بالطريقة الصح:
✔️ عزل كامل بالبروتوكول
✔️ إزالة التسوس بحرص باستخدام
(Caries Detector – متعقب التسوس) عشان نشيل الجزء المصاب بس من غير ما نضعف الضرس أكتر

وأثناء الشغل…
👀 لاحظنا وجود Crack line في جسم الضرس
وده نوع من الكسور الدقيقة اللي:

ممكن متبانش في الأشعة

وممكن تكون سبب ألم غامض

ولو اتساب… الضرس ممكن يتكسر فجأة ⚡

---

🔬 Management
قررنا نعمل Crack tracing تعقب ليه
يعني تتبعنا مسار الكسر خطوة خطوة
عشان نعرف:

هل هو سطحي ولا عميق؟

محتاج تدخل كبير ولا محافظ؟

✔️ الحمد لله الكسر كان سطحي
✔️ ومحتجناش نشيل بنية سليمة زيادة عن اللزوم

---

🛠️ بعد كده:
✔️ بنينا الضرس بحشو تجميلي
✔️ رجّعنا الشكل والوظيفة
✔️ وشرحنا للبيشنت إن الضرس محتاج طربوش (Crown)
عشان:

يحمي الضرس من كسر كامل

ويطوّل عمره لأطول فترة ممكنة 👑

---

✨ الخلاصة؟
مش كل وجع سببه تسوس
ومش كل كسر بيبقى واضح
لكن الفحص الدقيق هو الي بيدي عمر اطول لخطة العلاج

📍 لو عندك ألم مش مفهوم أو سنة “بتوجع على مزاجها”
📞 تعالى نكشف صح… قبل ما المشكلة تكبر 🦷✨

05/02/2026

البيشنت داخل العيادة:
«يا دكتور أنا امبارح ما نمتش دقيقة… مسكنات كتير ومفيش فايدة» 😣

📸 نبدأ نفحص…
أكتر من مشكلة موجودة،
بس مصدر الألم الحقيقي كان واضح 👇
🦷 الضاحك الأول العلوي – Upper 4
تسوس عميق واصل للعصب + تسوس عند عنق السنة عامل تآكل مؤلم.

📌 القرار؟
حشو عصب… بس بشغل هادي، دقيق، ومضمون ✔️
---
🔹 الجلسة الأولى
✔️ عزل كامل بالبروتوكول
✔️ إزالة التسوس بالكامل
✔️ الوصول للقنوات العصبية وتنضيفها كويس
✔️ أشعة للتأكد من القياسات 📐

🔹 الجلسة التانية
✔️ حشو القنوات العصبية بمادتها
✔️ بناء السنة بحشو تجميلي
✔️ رجعنا الشكل… والوظيفة… وراحة البيشنت 🙌

---

✨ النتيجة؟
الألم اختفى ✔️
السنة تم إنقاذها ✔️
والحالة خلصت في جلستين بس 👌

💡 لأن العلاج الصح
مش بس يشيل الوجع…
دا كمان بيرجّع الثقة والراحة 😌

04/02/2026

🦷 Case Highlight | Upper 6

الحالة دي جتلنا العيادة بتشتكي من وجع بين الضرسين،
وبالفحص اتضح إن السبب تسوس جانبي في
الضرس الأول العلوي (Upper 6)
مكانه خادع… بس وجعه مزعج 😬

🔍 الخطة كانت واضحة:
بدأنا بعزل كامل بالبروتوكول ✔️
وأزلنا التسوس بحرص تحت العزل
من غير ما نقرّب للعصب

بعدها عوضنا الجزء المفقود بـ حشو تجميلي
رجّع للضرس شكله الطبيعي ووظيفته
وخلّى الوجع يختفي من غير تدخلات زيادة ✨

28/01/2026

🔥 “حشو عصب لكل الضروس؟! وهي عندها 9 سنين؟”
أقاويل بنسمعها كتير… بس مش دايمًا صح 👀
---
🦷 Case Story | Pediatric Dentistry

البنوته العسولة دي 👧🦷
عندها 9 سنين وجتلنا العيادة تشتكي من أول ضرس دائم
فيه تسوس قريب جدًا من العصب Lower left 6

والدتها كانت قلقانة وبتقول:

> «دكتور قالنا برّه إنها محتاجة حشو عصب لكل ضروسها، والموضوع صعب عليها قوي»

---

👨‍⚕️ ردنا كان بسيط وواضح:
أولًا…
الضرس لسه مكتملش تكوينه
🔹 Open apex
يعني الجذور لسه بتقفل
👉 وحشو العصب في المرحلة دي مجازفة كبيرة و هيضر الضرس ف حشو العصب مش الاختيار الأول بالنسبالنا

الحل؟
🎯 أبسط، أذكى، وأرحم للطفل
ومن غير ما ندخل في دوامة حشو العصب.

---
🔬 خطة العلاج – علمية وبهدوء:

1️⃣ عزل كامل بالبروتوكول

2️⃣ إزالة مصدر البكتيريا باستخدام
👉 Caries Detector

3️⃣ إزالة جزئية للتسوس
🟢 (Partial Caries Removal)
من غير ما نعرض العصب للخطر

4️⃣ وضع مادة
👉 MTA (Mineral Trioxide Aggregate)
عشان:

تحفيز تكوين الاجزاء المفقودة من السنة Reparative dentin

و حماية العصب

المحافظة على حيوية الضرس

5️⃣ قفل نهائي بـ حشو تجميلي
رجّع للضرس شكله ووظيفته الطبيعية

---

✨ النتيجة؟
✔️ لا وجع
✔️ لا حشو عصب
✔️ الضرس تم إنقاذه
✔️ والطفلة خرجت مبتسمة ومطمنة 💙

---

🧠 الخلاصة:
مش كل تسوس قريب من العصب = حشو عصب
خصوصًا عند الأطفال 👧
التشخيص الصح + القرار الهادئ
يقدر يوفّر ألم، وقت، وتدخلات ملهاش لزوم.

📍 في عيادتنا… بنعالج الطفل قبل السن
📞 ثقة، خبرة، وتعامل هادي مع أطفالنا الصغيرين 🦷✨

25/01/2026

🔥 لما ضرس العقل يطلع مش عاقل 😅
ضرس قرر يطلع بميل ويأذي اللي جنبه، فكانت النتيجة؟
وجع شديد، كسر، وتآكل في الضرس التاني 🦷💥

---
🦷 Case Journey | Lower Right 7

الحالة دي جتلنا العيادة بتشتكي من ألم شديد جدًا في الضرس التاني السفلي
(Lower Right 7)
وبالفحص والأشعة اتضح إن السبب مش الضرس لوحده 👇

📌 المشكلة الأساسية:

ضرس العقل خارج في اتجاه مائل (Mesio-angular impaction)

عامل كسر وتآكل في الضرس اللي قدامه

البكتيريا دخلت ➝ التهاب في العصب (Pulpitis)

---

🔍 خطة العلاج – خطوة بخطوة:

1️⃣ جلسة الطوارئ

عزل كامل للحالة

إزالة التسوس

فتح القنوات العصبية

إزالة العصب لتخفيف الألم فورًا

2️⃣ تنظيف وتعقيم القنوات

تحديد الطول العامل (Working length)

تنظيف القنوات

تعقيم كامل لمنع أي عدوى مستقبلية

3️⃣ حشو العصب

قفل القنوات العصبية بإحكام

تأكيد الطول بالأشعة ✔️

4️⃣ إعادة بناء الضرس

بناء الضرس بحشو تجميلي

استعادة الشكل التشريحي الطبيعي

رجوع الضرس لوظيفته في المضغ بثبات

---

✨ النتيجة النهائية؟
✔️ الوجع اختفى
✔️ الضرس تم إنقاذه
✔️ والوظيفة رجعت كأن مفيش حاجة حصلت

---

⚠️ ملحوظة مهمة:
ضروس العقل المائلة مش بس بتعمل وجع…
دي ممكن تدمر الضرس اللي جنبها في صمت!

📍 لو عندك وجع غريب في آخر ضروسك أو صعب التنضيف
📞 الكشف بدري بيفرق جدًا
🦷 لأن ضرس العقل مش دايمًا… عاقل 😉