12/05/2020
🏷️ البوست دا مهم جدااا جداا ,فعلا مهم لكل الناس .. كبير أو صغير 👌
🏷️هنتكلم فيه شوية عن الـ 💫
🏷️ البوست هيكون عبارة عن أسئلة وإجاباتها , وهنحاول بقدر الإمكان إنه يكون بالعربى علشان الكل يقدر يستفيد منه بإذن الله ❤️
----------------
👨( حوار بين طبيب ومريض )👨⚕️
👨 : ممكن أسأل حضرتك شوية أسئلة يا دكتور ؟
👨⚕️ : أكيييد , اتفضل تحت أمرك 😊
***
👨 : شكرا يا دكتور , بداية كده هو أنا المفروض أغسل سنانى كام مرة فى اليوم علشان تبقى بيضا وحلوة كده ؟ 🤩
👨⚕️ : فى قاعدة جميلة كده اسمها 2Care role ...
1️⃣ يعنى المفروض إننا نغسل سناننا #مرتين يومياً ( على الأقل ) ✌️
2️⃣ نغسلهم لمدة #دقيقتين ✌️
3️⃣ ونستخدم خيط الأسنان #مرتين يومياً ✌️
4️⃣ وأخيراا نزور طبيب الأسنان مرتين فى السنة علشان تطمن 👌
***
👨 : هو أيه خيط الأسنان دا يا دكتور ؟ 🤔
👨⚕️ : دا خيط طبى بنستخدمه علشان ننضف ما بين الأسنان علشان نشيل أى بقايا أكل موجودة .. متوفر فى أى صيدلية 🏥
***
👨 : تمااام .. طب أنا عندى مشكلة يا دكتور , أنا بصراحة مش بغسل دايما لإنى كل ما أغسل سنانى بتجيب دم .. ف بطلت أغسل 🙊
👨⚕️ : دا بقى أكبر خطأ ممكن أى حد يقع فيه , إنه يبطل يغسل 😷 ..... نزيف اللثة دا سببه الأساسى هو عدم غسل الأسنان ومرة على مرة هتلاقى طبقة من الجير اتكونت على سنانك واللى بدوره بيأثر على عضم الفك وبيسبب التهابات فى اللثة , وعلى المدى البعيد بيسبب حركة فى الأسنان دى .. دا غير رائحة الفم الكريهة 🗣️
🔺 إنما لو غسلت حتى لو حصل نزف وإنت بتغسل واستمريت على كده هيقل مرة فى مرة وهتبقى كده حافظت على سلامة اللثة 💫
***
👨 : لالالا خلاااص هغسل سنانى على طول والله 😃 ... طيب إيه الفرشاة المناسبة اللى أغسل بيها , اخترها إزاااى يعنى ؟ 🤔
👨⚕️ : حلو السؤال دا .. من الأفضل استخدام فرشاة ناعمة soft خاصة فى حالات التهابات اللثة وكمان الأفضل إن الفرشاة تكون صغيرة الرأس mini head علشان توصل بشكل أفضل إلى جميع مناطق الفم ، بما فيه الأسنان الخلفية التي يصعب الوصول إليها 🤚
***
👨 : طب هو نوع المعجون بيفرق يا دكتور ولا استخدم أى نوع وخلاص ؟
👨⚕️ : من المهم استخدام معجون أسنان مناسب لك ، و جدير بالذكر أن فى مجموعة كبيرة من معجون الأسنان واللى تم تصميم كل منها علشان تناسب الكثير من الظروف ، بما في ذلك علاج التهاب اللثة ، وعلاج حساسية الأسنان وغيرها
***
👨 : طيب تمااام جداا .. بس يا دكتور أنا سمعت إن فى طريقة معينة لغسل الأسنان .. هو الكلام دا صح ؟
👨⚕️ : الكلام دا طبعا صح ومظبوط جداا .. لإن لو غسلنا غلط بيأثر على الأسنان وهيسبب تراجع اللثة gingival recession بعد كده 💧
***
👨 : طب أيه هى الطريقة الصح دى يا دكتور ؟ 😇
👨⚕️ : أشهر وأفضل طريقة لغسل الأسنان هى طريقة اسمها Bass technique أو بنسميها Sulcus Cleaning Method ... ودى بقى بتكون كالتالى :
🔺 أول حاجة بغسل ال buccal surface , همسك الفرشاة بحيث تبقى مايلة على الأسنان بزاوية °45 ناحية اللثة ..
🔺 هحدد كل 3 أسنان مع بعض , بعد كده أبدأ أحرك الفرشاة حركات دائرية صغيرة مقدار حوالى 20 مرة كده مثلا .. لحد ما أخلص الأسنان كلها ..
🔺 وممكن بدل الحركة الدائرية للفرشاة احطها بزاوية °45 بردو بس اخدها من اللثة للسنة , يعنى لو بغسل الأسنان اللى فوق اغسل بالفرشاة من فوق وانزل لتحت والعكس فى الأسنان اللى تحت .. الطريقتين صح ف اعمل اللى يريحك 👌
🔺 بعد كده أغسل ال Lingual surface هحط الفرشاة المرة دى بحيث تكون عمودية على الجانب دا ..
🔺 بعد كده اغسل ال Occ. Surface اضغط بالفرشاة وانا بغسل فى ال pits & fissures
🔺 وبعد ما أخلص أغسل الفرشاة كويس جدااا علشان ما تكونش مصدر للعدوى البكتيرية وغيرها ..
🔺 وبعد كده انضف ما بين السنان باستخدم خيط السنان اللى قولنا عليه 👆👆
***
👨 : بجد ربنا يكرمك يا دكتور , بس سؤال أخير من فضلك .. هو المفروض أغير الفرشاة كل أد ايه ؟
👨⚕️ : هى ملهاش معاد محدد بس يفضل كل 3 شهور , وممكن أقل لو لقيت إن حالة ال bristles بقت مش تماام 😒
***
👨 : تمام يا دكتور .. شكرااا جدا لحضرتك 🌺🌷
👨⚕️ : العفو .. تحت أمرك ❤️
=================
🔮 كلمة أخيرة .. مسؤليتك ك طبيب أسنان إنك تعمل توعية للى حواليك بكل نقطة اتكلمنا فيها .. ف لازم تكون حريص على مريضك وتنبهه دايما 💙
🔮 دا كان #حوار بين طبيب ومريض حول ال dental care .. نتمنى نكون بسطنا المعلومة بحيث توصل بسهولة لحضراتكم 😊😊
🎑 #
دعوة بظهر الغيب
نقلا عن masr
