10/03/2022
مساء الخير 😊🌸
عايزين نتكلم النهارده عن نقطة مهمة جدا وهي الخلع المبكر للاسنان اللبنية للأطفال 😬
في ناس كتير لما الطفل يشتكي من سنة او ضرس بيستسهلو ويقولوا اخلعه يا دكتور هنعمل حشو ليه كده كده هيطلع 🙄
وهنا عايزين نوضح كذا نقطة غاية في الاهميه 👋
1- كل ضرس او سنه ليها سن ووقت معين بتبدل فيه ولو اتخلعت بدري مش هتطلع بدري لا كده كده هتطلع في نفس السن اللي هي المفروض تطلع فيه يعني مثلا في ضروس بتبدل على سن 12 سنه لو في طفل خلع الضرس ده على سن 5 سنين هيفضل 7 سنين على ما الضرس الدائم يطلع بالعكس الخلع المبكر ممكن يسبب تأخر الضرس الدائم 😥
2-الضرس طول ما هو موجود مكانه بيحفظ المكان والمسافه للضرس الجديد لما ييجي يطلع يلاقي مكانه موجود فيطلع مضبوط لما الطفل بيخلع الضرس اللبني بدري الاسنان اللي قبله واللي بعده بيقفلوا المسافة دي فالضرس الدائم بيجي يطلع ميلاقيش مكانه فيطلع معووج 😬
3- الخلع في السن الصغير وخاصة اكتر من ضرس بيقلل من كفاءة المضغ عند الطفل مما يسببله متاعب في الجهاز الهضمي ويؤثر ايضا على النمو 😶
طب ايه العلامات اللي توضح أن الأسنان دي فيها تسوس :
1 - ظهور بقع بيضاء على أسنانه الأمامية.
2 - وجود حفر في الأسنان.
3 - تحول الحفر للون البني أو الأسود.
☑️ اهم نقطه يجب ان يفهمها الامهات والاباء ان اول ضرس دائم يطلع في عمر 6سنوات يعني لازم نفرق بين الضرس الدائم واللبني لان بعض الآباء بيكون في بالهم ان دة ضرس لبني ويتغير مش لازم نعالجه. دة اكبر خطا
لان نسبه تسوس في الضرس الدائم نعتبره 90% بعد سنه من ظهوره 😶
