3 to 12 for pediatric dentistry

22/07/2020

5 years old korean implant

22/07/2020

24/07/2019

02/04/2019

لما نتكلم عن العناية بأسنان أطفالنا، أكتر سؤال بيجيلنا هو إمتى أبدأ تنظيف أسنان طفلي؟ و إيه الطريقة الصحيحة لتنظيفها؟
في البداية لازم نعرف إن تنظيف أسنان الطفل بيبدأ مع ظهور أول سنة ليه عند سن 6 شهور تقريبا، و كمان لازم نعرف إن لكل عمر من أعمار أطفالنا طريقة خاصة للعناية بأسنانهم.

- أقل من سنتين (عمر الرضاعة):
لفي قطعة من الشاش على صباعك و بليها بالمياه، و إمسحي بيها أسنان طفلك من بواقي اللبن المتراكم عليها.

- عمر 3 سنوات:
بنستخدم مسحة صغيرة جدا من معجون الأسنان في تنظيف أسنان الطفل.

- عمر من 3 لـ 6 سنوات:
بنستخدم نقطة معجون بحجم حبة البازلاء في تنظيف أسنان الطفل.

و من المهم تنظيف أسنان الطفل لمدة دقيقتين تقريبا مرتين في اليوم، مرة خلال النهار و مرة قبل النوم مباشرة.

العنوان:
10 شارع المشير أحمد إسماعيل - سيدي جابر .. الدور الثاني 3to12 (داخل مركز رويال للأسنان).
تليفون: 01066623322 - 01066623366

السيوف شماعة - خلف دوران المطافي - تقاطع شارع أديب معقد مع شارع أحمد محسن.
تليفون: 01550874177

26/03/2019

أطفالنا عندهم عادات كتير بتضر بأسنانهم و بتأثر عليها من الصغر، علشان كده لازم ناخد بالنا منها.

- أولا: الإكثار من تناول الحلويات مع عدم الإهتمام بغسيل الأسنان أو تنظيفها بشكل خاطيء، و ده بيسبب حالات التسوس اللي بيعاني منها أطفال كتير و بتأثر على أسنانهم حتى بعد ما يكبروا.

- ثانيا: عادة مص الأصابع أو الـ Thumb Sucking و دي بتعتبر طبيعية حتى سن 3 أو 4 سنوات و لكن لو الطفل إستمر عليها بتسبب تحرك الأسنان من مكانها بشكل خاطئ زي إن الأسنان الأمامية العلوية تطلع للأمام و السفلية ترجع للخلف، و كمان ممكن العضة تبقى مفتوحة و ده بيسمى بالـ Anterior Open Bite و ده بيخلي الطفل في المستقبل محتاج يعمل تقويم لو ما أخدناش بالنا بدري و روحنا للدكتور علشان يقوم باللازم.

ثالثا: عادة دفع اللسان أو ما يسمى بالـ Touneg Thrus t و دي غالبا بتترتب على عادة مص الإصبع لما الأسنان بتتحرك و العضة تبقى مفتوحة من الأمام، و في الحالة دي اللسان بيخرج من الأمام و بيسبب مشكلة كبيرة جدا.

رابعا: الجز على الأسنان أو ما يسمى بالـ Bruxism و دي في الغالب الطفل بيعملها لا إراديا أثناء النوم و بتسبب تآكل في أسنان الفكين نتيجة الإحتكاك المستمر و تاكل طبقة المينا و دي بنقدر نعرفها من صوت إحتكاك أسنان الطفل أثناء النوم و من شكل الأسنان المتآكلة، و لو لاحظتيها عند طفلك لازم تتوجهي لدكتور الأسنان حالا علشان يعمل اللازم و يحل المشكلة قبل ما تكبر.

العنوان:
10 شارع المشير أحمد إسماعيل - سيدي جابر .. الدور الثاني 3to12 (داخل مركز رويال للأسنان).
تليفون: 01066623322 - 01066623366

السيوف شماعة - خلف دوران المطافي - تقاطع شارع أديب معقد مع شارع أحمد محسن.
تليفون: 01550874177

20/03/2019

كلنا بنخاف من دكتور الأسنان، ف ما بالك بقى بالأطفال؟ 😂
لكن إحنا عندنا طفلك هيتعالج من غير خوف، لأن عندنا دكاترة متخصصين بيستخدموا أحدث الأساليب العلمية في التعامل مع الأطفال، و ده بيكون عن طريق تبسيط وسائل العلاج للطفل و كمان إنه مايشوفش حقنة البنج و مايحسش بأي وجع، و دي مهمتنا ;)

العنوان:
10 شارع المشير أحمد إسماعيل - سيدي جابر .. الدور الثاني 3to12 (داخل مركز رويال للأسنان).
تليفون: 01066623322 - 01066623366

السيوف شماعة - خلف دوران المطافي - تقاطع شارع أديب معقد مع شارع أحمد محسن.
تليفون: 01550874177

16/03/2019

تفتكروا إيه حكاية الأسنان اللبنية لأطفالكم؟
أول حاجة لازم نعرفها إن فيه نوعين من الأسنان.
- أولا: الأسنان اللبنية و دي عددها ٢٠ سنة و بيبدأ ظهورها من سن ٦ شهور و حتى سن ٣ سنوات.
- ثانيا: الأسنان الدائمة و دول عددهم ٣٢ سنة و بيبدأ ظهورهم من سن ٦ سنوات و حتى ١٢ سنة و يبدأ ظهور ضرس العقل من سن ١٦ و حتى ٢٥.

و سن التبديل هو السن اللي بيكون فيه عند الطفل أسنان لبنية لسه ماتبدلتش و أسنان إتبدلت خلاص، و ده بيكون من سن ٦ سنوات و حتى ١٢ سنة، و مهم جدا في السن ده إننا ناخد بالنا من أول ضرس دائم بيظهر في سن ٦ سنوات؛ لأن معظم الأمهات مش بيكونوا عارفين إنه دائم و مش بيهتموا بيه، و ده بيسبب خلع الضرس و بيسبب مشاكل كتير جدا في الأسنان الدائمة.