Dr. Rana Negm

15/09/2026

مشاعرك امانة ، زي جسمك ماهو امانة
اختار دلوقتي انك تبدأ تهتم بنفسك دي ماعيشت عمرك تهتم بكل حاجه الا انت

ضمن سلسلة «تعرّف إلى محاضري Explore»، نعرّفكم اليوم بـ رنا نجم، أحد أعضاء فريق محاضري Explore Yourself Academy.
فهم المشاعر ليس رفاهية؛ فالوعي بما يحدث داخلنا يؤثر في قراراتنا وعلاقاتنا وطريقة تعاملنا مع التغيير.
رنا نجم كوتش حياة معتمدة من الاتحاد الدولي للكوتشينج، وتجمع بين خلفية أكاديمية في المجال الطبي وخبرات في الطب الشعوري والتوازن النفسي وتقنيات الإنياجرام.
كما تحمل درجة الماجستير في إدارة الإبداع والتغيير من جامعة حمدان في دبي، وتوظف مجموعة من الأدوات الداعمة للوعي والتغيير.
مجالات التخصص: الطب الشعوري | التوازن النفسي | الإنياجرام | إدارة الإبداع والتغيير
أبرز المؤهلات والخبرات: كوتش معتمدة من ICF | ماجستير إدارة الإبداع والتغيير - جامعة حمدان | خلفية أكاديمية طبية | ممارس تنويم بالإيحاء واختبار لوشير
في Explore، نؤمن أن قوة تجربة التعلّم تبدأ من الخبرة التي تقف خلفها، ومن القدرة على تحويل المعرفة إلى ممارسة وأثر.

11/09/2026

كلمات بنقولها كل يوم ، بتخلينا عايشين المعاناه والالم يوميا

لو حسيت ان الفيديو ده حرك فيك حاجه يبقي انت ف المكان الصح

كلمنا واحجز كشفك علي
01004366007

07/09/2026

عمرك فكرت ان البكتريا اللي موجوده في اللثه لما تكون ملتهبة ممكن تسبب جلطة ؟؟؟

شوف الفيديو اللي ف اللينك ده واسمع ازاي جراحين القلب اكتشفوا ان في جلطات بتحصل بسبب بكتريا الفم

https://www.facebook.com/share/r/196b8T3juY/?mibextid=wwXIfr

الفيديو ده ☝️مش عشان يخوفك

الفيديو ده عشان يقولك ان مينفعش تستهون بصحتك

مينفعش تشرف ان مشاكل اسنانك حاجه بسيطة

مينفعش تستخسر تدفع في اسنانك وتقول اصلها مش مهمة ..

ضروري تلاقي طريقة متخليش لثتك ملتهبة :

اما عن طريق انك تبعد عن مسببات الالتهابات

او عن طريق تنضيف الجير كل ٣-٦ شهور حسب طبيعة جسمك

او تحسن حالتك النفسية فتتحسن مناعتك ، وتبقي هي خط الدفاع الاول ضد كل البكتريا

06/09/2026

سعر علاج الاسنان غالي؟؟

انت محتاج تكمل الفيديو ده للاخر وبعدها تقرر

ولو حسيت ان الفيديو ده بيتكلم عنك يبقي ده الوقت اللي تحجز فيه كشفك
كلمنا علي الرقم

01004366007

واختار مكان كشفك في فروعنا في اسكندريه او الشيخ زايد

04/09/2026

لو حسيتي ان الفيديو ده بيتكلم عنك ، يبقي انتي ف المكان الصح

تحجزي دلوقتي كشفك علي الرقم
01004366007
وتعالي نفهم سوا انتي محتاجه ايه وليه وايه الاختيار الانسب ليكي مش لس طبيا ، لا كمان نفسيا

28/08/2026

انا مش مجرد دكتورة اسنان

انا كمان كاتبة
من صغري وانا بحب اكتب … خواطر، شعر، اغاني.. بس كلها كانت علي ادي بشيلها واسيبها في الدرج

في ٢٠١٩ قررت اجمع الخواطر اللي كانت قيمة في كتاب سميته ( انا مصابة بك ) طبعت منه عدد قليل ، وكنت بديه للناس القريبين مني لاني كنت بتكسف وقتها اقول اني بكتب.

لحد ماتعرفت علي كوتش Hala Emad واشتركت معاها في ورشة Cook your Book
عرفتني حاجات كتير عن الكتابة وعن نفسي مكنتش اعرفها . خليتني افتخر اني كاتبه ، وكتبت معاها كتابين "ريحة شياط " ورواية "للسفر فوائد عاطفية"

كتاب "ريحة شياط "
- هو كتاب علمي بلغة عربيه ، عاميه ، كوميديه .
- موجهه لاطباء الاسنان او طلبه طب اسنان او اي حد بيفكر يدخل كليه طب اسنان
- بتكلم فيه عن حياتنا كدكاتره والضغط اللي بنمر بيه واسبابه ومراحله وازاي شغفنا ممكن يحركنا تجاه او بعيد عن المهنه .. بفصص فيه اسباب ارهاقنا كدكاتره اسنان ما بين دراسه وامتحانات وخامات وحالات ومعامل وتجهيزات ومؤتمرات .. والاهم اني حطيت فيه طرق علميه بسيطه وفعاله فوريا للتخلص من التوتر في حياتنا عشان نستمتع بالمهنه وكمان نعيش حياه مرفهه ماديا ومعنويا

كتاب " للسفر فوائد عاطفية"
- بيحكي عن زوجين مغرمين ببعض ، بتحصل امور تضطر الزوج يسافر ، وبتبدا الامور تتكعبل ما بين مؤامرات وخيانه وقلق وصراع ، بيخلو البطل " مراد" يعمل كل اللي ف استطاعته عشان يثبت لمراته انها اهم حاجه ف حياته وانه قادر يحميها حتي من الاذي النفسي .
- القصه فيها twists كتيره بتعلمنا حاجات زي : مينفعش نحكم علي تصرفات الاخرين بدون معرفتهم ، ازاي لو الواحد مش واعي ممكن يضحك عليه ، وازاي الحب الصادق بيدفع صاحبه للتصرف مهما كان التمن .

الكتب بتتباع بشكل حصري من خلال واتس اب الرقم ده :
+971 58 301 8679

لما درست علم نفس وكوتشينج اكتشفت الحياة لا تقتصر علي مهنتي كدكتوره اسنان وبس ، اتعلمت اخلي يومي بمقام ٤٨ ساعة مش ٢٤ بس
اكتشفت اني اقدر اكون ام وزوجه ودكتوره وباحثه وكاتبه وكوتش وفوق ده كله انسانه سعيدة وراضيه

27/08/2026

من ساعة ما رجعت امبارح من القاهرة لتلبية دعوة د. حاتم الجندي للنقاش، وأنا بيدور في بالي حاجات كتير…

دايمًا مؤمنة إن في حكمة من ورا كل حاجة بتحصل في حياتنا، واللقاء ده علّمني دروس مهمة جدًا.

أولًا، اتعرفت لأول مرة على قامة كبيرة زي د. إيهاب هيكل، واللي حقيقي بهرني بهدوئه وموضوعيته. وزاد إعجابي بيه أكتر لما عرفت إنه دارس سيكولوجي، وده انعكس بوضوح على طريقة تفكيره وإدارته للحوار.

ثانيًا، اتعلمت من نقاشي مع د. حاتم الجندي، وكيل النقابة العامة لأطباء الأسنان، إن الإنسان الراقي هو اللي بيتعامل باتساع صدر، وابتسامته ما بتفارقش وشه، وبيسمع كويس قبل ما يصدر أي حكم.

ثالثًا، اتعلمت من جلسة النقاش إن الحفاظ على الأصول والأساسيات شيء مقدس، وإن السماح بالإضافات والتطوير شيء مقبول ومحمود. وده كان من أهم الرسائل اللي اتأكدت خلال جلسة الاستماع بالنقابة. كلنا أكدنا واتأكد لنا إن علاج الأسنان في عيادات الأسنان بيتم وهيفضل يتم بالطرق العلمية والتقليدية المعتمدة، لكن في نفس الوقت مفيش ما يمنع من الاستفادة من وسائل حديثة تساعد على تهدئة المريض والاهتمام بحالته النفسية ودعم مناعته، بما ينعكس بشكل إيجابي على تجربته العلاجية.

وسعدت جدًا بتأكيد واهتمام والتزام النقابة بالحفاظ على المهنة وممارستها وفق ما يُدرَّس في الجامعات المعترف بها من المجلس الأعلى للجامعات، واللي علي اساسه بيصدر تراخيص مزاوله المهنة، واللي أنا فخورة إني جزء منه وبمارسه يوميًا في عيادتي، وهو الأساس اللي بدأت منه وما زلت بأسعى للتطوير والبناء عليه.

بشكر ربنا إنه دايمًا بيخليني أتعلم في كل خطوة ومن كل شخص بقابله في حياتي.

وبشكر كل حد دعمني ووثق فيا.

وأخيرًا، بشكر نفسي على الشقين اللي بحاول أوازن بينهم بكل حب:
شق إني Dentist بمارس الطب وألتزم بأصوله العلمية،
وشق إني Coach بهتم بالإنسان ككل، مش بجزء واحد منه.

الرحلة مستمرة… والتعلم مستمر. ❤️

27/08/2026

تلقيت دعوة كريمة من النقابة العامة لطب الاسنان بالقاهرة والتقيت بالأستاذ الدكتور إيهاب هيكل نقيب أطباء الأسنان، والأستاذ الدكتور حاتم الجندي وكيل النقابة العامة لأطباء الأسنان، وسعدت جدًا باستقبالهم ونقاشهم معي امس الاربعاء ٢٦ اغسطس ٢٠٢٦ ، وكان النقاش راقي جدا جدا، كما كان مثمر جدًا عن مفهوم Psychodental وأهمية أن طبيب الاسنان يبص للمريض بشكل أشمل ، ويفهم قد إيه الحالة النفسية والمشاعر والتوتر ممكن يكون ليهم تأثير على تجربة المريض وصحته الفموية والتزامه بالعلاج.ودا طبعا بجانب الاجراءات التقليديه المتعارف عليها في طب الاسنان واللي ميقدرش حد يقلل من اهميتها ودورها واستمرارها.

سعيدة جدًا بالدعم والتشجيع اللي لمسته منهم لمجتمع طب الاسنان، وانفتاح حضراتهم على مناقشة أفكار جديدة هدفها في النهاية خدمة المريض والارتقاء بمهنة طب الأسنان الحاليه بشكلها المتعارف عليه عشان توصل لاعلي مستوي.

اتقدم لسيادتهم بجزيل الشكر علي دعوتهم لي للنقاش كما اشكرهم على وقتهم واستماعهم وتقديرهم للمجهود المبذول في المجال ده، وإن شاء الله أفضل أكمل - زي مابدأت - في البحث والتعلم ونشر الوعي بالعلاقة بين صحة الفم والصحة النفسية والمشاعر في إطار علمي ومهني يخدم مرضانا بشكل أفضل، كما أدعو زملائي الاعزاء المحبين لمرضاهم والراغبين في التعاون أن نبذل قصاري جهدنا لخدمة مرضانا ليكونوا باحسن حال لكي نؤدي رسالتنا علي اكمل وجه.

وكمان فرحني جدا قبول معاليهم لنسخة من كتابي ريحة شياط الموجهه لاطباء الاسنان واللي كتبته عشام يكون صديق ودليل ليا ولزماياي ف انهم يتخلصوا من الضغط النفسي اللي بيواجهنا في مهنتنا ك اطباء اسنان
وكمان كان ليا الشرف اهداء معالي النقيب ليا نسخة من كتابه اللي اكيد هيكون بدايه وبصمة في فنون الاداره .

شكرا جزيلا لكل اللي بيجتهد لخدمة المرضي ولرقي مهنة طب الاسنان في مصر.

كل الاحترام والتقدير للنقابة والقائمين عليها وللزملاء الذين يدعموا الافكار والممارسات المهنية العلميه لتحسين صحة مرضنا (عملائنا).

@النقابة العامة لاطباء الاسنان
Heikal
Elgendy

24/08/2026

هو ليه اسناني بتسوس ،وبيجيلي جيوب بينها ،واللثه بتجيب دم كل ما اغسلها ؟
اكتر سوال بيدو في بال ناس كتير ، وعشان كده حبيت اعمل البوست ده

اسباب مشاكل الفم والاسنان ٣

اولا : اسباب عضويه :
١- عدم الاهتمام والغسيل الصحيح
٢- مأكولات بتفضل بقاياها في البؤ فتره طويله او بتلزق ع الاسنان وصعب تنضيفها
٣- اكل صلب جدا ومضغ سريع ( بذره جوافة، مكسرات قشرتها مقفوله،…….هكذا)
٤- عادات غلط ( استخدام الاسنان لفتح العلب والصواميل ، المضمضه بمواد ضاره …..هكذا )
٥- جينات وراثيه ( ولكن ابحاث ال epigenitics حاليا بتقلل من تإثير العامل ده )
وغيرها كتير من الاسباب المتعارف عليها
في الحاله دي مع الكشف بنلاقي سبب حقيقي يستدعي تدخل دكتور الاسنان فورا ، والمشكله غالبا بتروح لما بنعمل احراءات الاسنان المتعارف عليها علي حسب كل حاله .

ثانيا : اسباب نفسية :
في الحاله دي بيجي لنا العميل ( المريض ) وبعد الكشف ، مش بنلاقي اي سبب نهائي يؤدي للوجع اللي هو بيقول عليه ، ف نطلب اشعات ، فنلاقي كل تمام بردو ، ف نطلب تحاليل عامه نلاقيها تماما ، هنا بيكون السبب نفسي بحت ، وبيكون اللالم العضوي ماهو الا استجابه من الجسم للالم النفسي وفي الغالب اللي بيعاني من ده حد عنده OCD, Bipolar , border personality disorder syndrom او غيرها من الامراض النفسية
وعلي مدار اخر ٥ سنين من حياتي قابلني ناس كتير عندها اعراض في بؤها واسنانها بدون اي سبب عضوي ف كنت بحولهم لطبيب او معالج نفسي ، وده اللي خلاني ابحث اكتر في مجال الصحة النفسيه وعلاقتها بالاسنان.
وهنا الالم والمشكله بيختفوا بمجرد العلاج النفسي بدون تدخل طبيب اسنان نهائي

ثالثا: اسباب شعورية stress
والفئة دي هما الناس اللي معندهومش اسباب عضويه صريحة ( بيهتموا باسنانهم واكلهم، مبيعملوش عادات غلط ، معندهومش حد في عيلته اسنانه وحشه …) ولكن عنده اعراض زي قرح في الفم ، اسنان متاكله من الجز ، تسوس كل شويه وهو فاكر ان الاسنان بتعدي بعضها ف كل ما يعالج سنه او ضرس اللي جمبه يبوظ مع انه بيهتم كويس جدا.
او اشخاص هما واعيين ومنتبهين لنفسهم انهم لما بيكونوا في مكان معين او مع ناس معينين او لما بيمروا بمواقف صريحة بعينها بيجيلهم وجع في اسنانهم ( او التسوس الساكت بيبدأ يوجع ) .

والفئة دي هي اكتر فئه منتشره اليومين دول
والاعراض بتقف بمجرد تدخل طبيب الاسنان لكن بترجع تاني في فتره قصيره جدا ، او بيحصل مشكله تانيه جديده مكنتش موجوده قبل التدخل ده.
فالمريض بيكون مضايق من كتر المشاكل وتكرارها ومن كتر زياراته لدكتور الاسنان ، ودكتور الاسنان بيكون مستغرب هو ليه الحاله دي بيحصل فيها كل المشاكل دي مره واحده كده .

الفئه الاخيره دي هما الناس اللي الstress او ال والافكار والمواقف السلبيه بيأثروا عليهم

ناس معظم الوقت حاسيين ان الدنيا جايه عليهم ومش عارفين ياخدوا / يستمتعوا بابسط حقوقهم
ناس عاديه كل همهم في الحياه يعيشوا مرتاحين ومبسوطين.
الحل هنا بيكون مزيج من العلاج العضوي للاسنان ( اللي كلنا كدكاتره اسنان بنعمله) + جلسات كوتشينج عشان التخلص من التوتر وزياده الوعي بيه ( وقلت كوتشينج مش علاج نفسي ، لان الناس دي مش مرضي نفسيين ، هما بس مضغوطين من احداث الحياه السريعه والضاغطة عليهم )

ومن هنا جت اهميه ان يكون في جزء اساسي فينا كدكاترة اسنان لفهم الحاله الشعوريه للحالات بتاعتنا ، احنا عمرنا مهنكون اطباء نفسيين
لكن ممكن نكون اطباء اسنان بيهتموا بالحانب النفسي للناس اللي بيعالجوهم ، اللي بحب اسميهم واسمي نفسي منهم psychodentist

ولو حابب تحجز معاد في فرع القاهره او اسكندريه تقدر تبعتلي رساله علي
01004366007
وهترد عليك مسئولة الحجز

11/08/2026

س/ ايه معني ادعاءك انك مرسلة من الله عشان تنشري علم حقيقي ؟
- انا قلت (انا دايما كنت بشوف نفسي ربنا جابني الارض مش عشان احشي واخلع ) وبعدها قلت ( ولكن بشوف رسالتي هي ……)
ووضحت ان الجمله دي معناها اني بالاضافه للي بعمله فانا بعمل حاجات تانيه . اما بالنسبه لكلمة "رسالتي " ، ف ده مش معناها خالص اني مرسله من الله او ان ربنا اللي قايلي اعمل كده او ما الي ذلك من الاتهامات
رسالتي = هدفي = mission = purpose
كل انسان فينا لما بينر برحلة وعي او تطور بيبدا يفكر هو اتخلق ليه والهدف من وجوده ايه وبيختار هدف مناسب ليه ويقدر يقوم بيه ويخدم الناس ويروح بيه لربنا.

#سيكودنتال