24/06/2026
"بسم الله الرحمن الرحيم"
التسنين عند الأطفال.. اننا هنتكلم عن تأخر التسنين عند الأطفال واسبابه وازاي نتعامل
مع المشكلة دي ؟؟
🔶أول حاجه هنتكلم عنها مواعيد التسنين عند الأطفال .. وهي بتبدأ من الشهر السادس للطفل وممكن تبدأ قبل كده بشهرين عادي وممكن تتأخر لحد سنه عادي برضو انما امتي ابدأ اقلق !؟ لو الطفل بقي عنده 18 شهر وأسنانه لسه مظهرتش او مفيش اي أعراض للتسنين هنا بقي لازم يتمعرض الطفل علي دكتور أسنان .
🔶طب إيه أسباب تأخر ظهور اسنان الاطفال ؟؟؟
🔸نقص فيتامين "د" وده السبب الرئيسي في أغلب الحالات
🔸وجود خلل في افرازات الغدة الدرقية
🔸مرض لين العظام (الكساح) rickets
🔸فى حالة كثافة اللثة
🔸فى حالة فقدان براعم الاسنان
خلال النمو
🔸وجود متلازمة داون (المغولية)
🔸وجود مشاكل في الغدة النخامية
🔸بعض الحالات وراثية
🔶فيه معتقد خاطئ عند ناس كتير خاصة عند الأمهات ان لو الطفل اتأخر شويه في التسنين يبقي عنده نقص في الكالسيوم !!
🔸الكالسيوم مبيتاخدش الا في حالات نقص الكالسيوم الموثقة بالتحاليل أو تشنجات "نقص الكالسيوم"( carbopedal spasms ) أو في علاج لين العظام بجرعات (عالية) من ڤيتامين د أو بشكل وقائى في الأطفال اللى عندهم حساسية ألبان عشان مش بياخدوا حاجه فيها كالسيوم !
🔸لو الطفل بيرضع طبيعي يبقي مياخدش كالسيوم لانه بياخد كفايته من الكالسيوم من لبن الأم
🔸برضو لو بياكل كل يوم (700ملجم ) يعنى ٢ كوب زبادى و ٢ كوب لبن يبقي مش محتاج كالسيوم
🔸لو الطفل بيرضع صناعي يبقي غالبا مش محتاج ياخد فيتامين"د" لان اللبن الصناعي فيه فيتامين"د" وممكن الطبيب يدي الطفل 200 وحدة دولية كل يوم
🔸مفيش علاقه بين تأخر الطفل في المشي وبين تأخر ظهور الأسنان او لين العظام
🔶طب اشمعنا بتدى فيتامين "د" من غير تحليل !!
🔸عشان العلماء عملوا أبحاث على الأطفال ولقوا إن لبن الأم مبيكفيش فيتامين "د" لإن فيه ٨٧ وحدة دولية يومياً والطفل محتاج ٤٠٠ وحدة يومياً على الأقل عشان يساعد في امتصاص الكالسيوم و يرسبه جوا العضم والأسنان !!
🔶طب ايه الأدويه اللي فيها فيتامين"د" والجرعة بتكون قد إيه ؟؟
لو "جرعة وقائية" يعنى لكل الأطفال يومياً من أول يوم ولادة ٤٠٠ وحدة دولية وفيه دكاترة تانين قالو لا الطفل يبدأ ياخد فيتامين "د" بدأ من الشهر الرابع ودكاترة تانين قالو لا بدأ من الشهر السادس
🔸نقاط ڤيدروب "Vidrob" تحتوي على فيتامين "د" ولكن للأسف مش موجودة في السوق بوفرة ..لو طفل عمره سنة يبقي محتاج 400 وحدة دولية في اليوم وي بتعادل 4 نقاط في اليوم فقط .. بعد عمر السنة بيكون محتاج 600 وحدة دولية في اليوم ودي بتعادل 6 نقاط حتى (3 -5)سنين
🔸نقاط بيبي ڤيت "Bebe vit" (بديل فيدروب) يحتوي على العديد من الفيتامينات وميزته جرعة فيتامين "د3" اللي محتاجها الطفل موجودة بقدر 400 وحدة دولية
🔶أدوية تحتوي على عنصري الكالسيوم وفيتامين "د" .
🔸"ديكال ب12" و "بيديكال" هما الاتنين مكمل غذائي وكل منهم يحتوي على كالسيوم وفيتامين "د" وفيتامين ب12
طب ايه الفرق بينهم ؟؟؟
الفرق ان "ديكال ب12" فيه فيتامين "د3" بنسبة أكبر ودة مدون على العبوة
"بيديكال" (50 مجم كالسيوم - 400 وحدة دولية د3 - 10 ميكروجرام ب12)
و"ديكال ب12" (50 مجم كالسيوم - 1000 وحدة دولية د3 - 10 ميكروجرام ب12)
ودول عادي نستخدمهم كبديل ل (ڤيدروب)
وجرعة فيتامين "د" اللي المفروض ياخدها الجسم يومياً مش المفروض تزيد أبداً عن 400 وحدة دولية ودة بيكون معناه (2 سم فقط) من "ديكال ب12" و 5 سم كاملة من "بيديكال"
🔸 "ماكسي كال" و "هاي كال" و الأنواع دي فيها كالسيوم زائد عن احتياج الطفل ونقص جرعة فيتامين "د" المطلوبة للطفل عشان كده مش بيستخدم للاطفال
🔸"أوستيوكير" osteocare
20 مل يوميا لا تكفي لان المركب الأساسي فيه الكالسيوم بس المشكله عندي في تأخر التسنين ولين العظام فيتامين"د" وليس الكالسيوم وفيتامين"د" لا يتعدي87 وحدة دولية يعني مينفعش لا جرعة وقائية ولا حتي علاجية للأطفال
🔶 "وان الفا" و "الفاكارينو" نقاط فيتامين "د" بجرعات عالية وهي منتشرة في السوق ويمنع استخدامها برضو لان فيتامين "د" بيكون موجود بصوره نشطه أو بمصطلح آخر "مركز شربات فيتامين "د" مما يؤدي لحدوث ترسيبات للكالسيوم على كلي الطفل
🔹اما بقي لو جرعة علاجية فدي بقي اللي يحددها الدكتور علي حسب حالة كل طفل وعلي حسب اللي شايفه صح ممكن تكون زي الجرعة العلاجية وممكن يزود عنها وممكن يقلل عنها
🔶لو الطفل اخد جرعة زيادة من فيتامين "د" هيحصله تسمم ؟؟؟
🔸عشان نقول الجرعة مسممة لازم الطفل ياخد 2000 وحدة دوليه على الأقل يوميا لمدة ٣ شهور يعنى لو الڤيدروب يبقي لازم ياخد قطارة كاملة لمدة ٣شهور عالأقل وده صعب جدا
🔶 طب ايه أعراض زيادة فيتامين "د" وامتي أقلق ؟؟؟
فيتامين "د" لما يزيد بيزود الكالسيوم وده بيعمل
🔸فقدان شهية
🔸إرهاق مستمر و دوخه
🔸العطش الشديد
🔸زيادة كمية البول
🔸إمساك غالباً أو إسهال
لو الأعراض دي ظهرت علي طفل بياخد فيتامين "د" بجرعات عالية يجب وقف الدوا فوراً ومراجعة الطبيب .
🔷 إيه الأكل اللى فيه فيتامين "د" ؟
زيت كبد الحوت .. سمك السلامون .. الماكريل .. التونة .. منتجات الألبان كلها زي الزبادي مثلا .. صفار البيض
🔹عذرا علي الإطالة لكن الموضوع يستاهل يا رب اكون قدرت افيد .. لو شايف انك استفدت ولو معلومه بسيطه اكتب تم في كومنت واعمل شير للبوست عشان الكل يستفيد ..
