02/12/2025
مساء الخير،
لما بتيجي فترة الامتحانات بتطلعلك فقاعات مزعجة ومؤلمة داخل الفم وتبقى مش عارف تلاقيها منها ولا من المنهج؟
هنتكلم النهاردة عن "قُرح الفم المتكررة"
عبارة عن قُرح مؤلمة نتيجة تمزق الأغشية المخاطية الفموية(باطن الشفتين، الخدين، اللسان) وليها اسم تاني وهو التهاب الفم القلاعي، وبتكون غير مُعدية وبتختفي لوحدها بدون تدخل أو أدوية من أسبوع لـ أسبوعين بالكتير.
🛑أسبابها؟
❎الأكثر شيوعًا الضغط النفسي والإجهاد والتوتر وعلشان كدا بترتبط بالفترات الصعبة زي الامتحانات.
❎أسباب موضعية زي العض على الخد أو احتكاك الأغشية بحافة حادة لحشو أو سن مكسور وممكن بسبب الغسيل الخطأ باستخدام الفرشاة.
❎عوامل غذائية زي الحمضيات والشطة.
❎سوء التغذية ونقص الفيتامينات.
❎التغييرات الهرمونية.
❎ضعف الجهاز المناعي.
🛑الوقاية والعلاج؟
✅العناية بالصحة الفموية باستخدام غسول مناسب أو المضمضة بالماء الدافئ والملح.
✅تخفيف الألم عن طريق وصف الطبيب جل مطهر أو مرهم موضعي.
✅تجنب الأطعمة المزعجة زي الأطعمة والمشروبات الحارة أو المالحة أو الحمضية أو السكرية لإنها قد تهيج القرحة.
✅الإكثار من السوائل الغير حمضية.
زي ما ذكرنا فوق إنها مش خطيرة وقد لا تستدعي زيارة طبيب الأسنان باتباع التعليمات اللي فوق لإنها في كل الأحوال هتختفي بدون أثر في خلال أسبوع أسبوعين؛ ولكن في حين إنها استمرت لأكتر من أسبوعين يتوجب زيارة طبيب الأسنان للاطمئنان.
☎️ للتواصل و الاستفسارات واتس اب : 01127930200
