22/11/2025
Almaniyada uşaqlarınız p*s dişlərinə görə əlinizdən alına bilər!
Bəli, bu tamamilə real ehtimaldır. Almaniyada diş həkimlərinin uşaqların vaxtından əvvəl çoxsaylı çürümüş (kariesli) dişlərinə görə valideynlər barəsində Jugendamt-a (Uşaq müdafiə xidməti) məlumat vermək hüququ var. Bu, xüsusilə süd və ya daimi dişlərdə kütləvi kariyes, tez-tez ağrı, abses və müalicədən davamlı yayınma hallarında uşağın laqeyd qoyulması kimi qiymətləndirilə bilər.
Ən çox rast gəldiyim yanlış fikir: “Onsuz da süd dişləridir, töküləcək...”
Bu yanaşma Almaniyada qətiyyən qəbul edilmir. Çünki uşağın xüsusilə 11 yaşına qədər süd dişlərini vaxtından əvvəl itirməsi, gələcəkdə daimi dişlərin düzgün çıxması və sıraya düzülməsinə ciddi maneə törədir, çoxsaylı kariyes, ağrı və infeksiyalar isə uşağın yuxusuna, qidalanmasına, psixologiyasına və ümumi inkişafına mənfi təsir edir.
Əgər uşağınızda aşağıdakılar varsa:
- kütləvi, açıq kariyes ocaqları,
- təkrarlanan şiddətli ağrılar və abseslər,
diş həkiminin dəfələrlə tövsiyə etdiyi müalicələrin davamlı olaraq ləğvi və ya gecikdirilməsi baş verirsə, bu artıq “diş problemi” deyil uşağın sağlamlığına laqeydlik edilməsidir. Bu da Almaniya qanunvericiliyinə görə Kindeswohlgefährdung uşağın rifahının təhlükə altında olması kimi qiymətləndirilə bilər.
Belə hallarda diş həkimi:
- valideynləri yazılı və şifahi şəkildə xəbərdar edib, vəziyyətin ciddiliyini izah etdikdən sonra,
dəyişiklik baş vermirsə, Jugendamt-a rəsmi məlumat vermək hüququna (və bəzən də öhdəliyinə) malikdir. Jugendamt isə yalnız cərimə və ya “şikayət” üçün yox, ilk növbədə uşağı qorumaq üçün müxtəlif tədbirlər görə bilər. Ekstremal, uzunmüddətli və ağır laqeydlik hallarında bu, hətta uşağın ailədən ayrılmasına qədər gedə bilər.
Almaniyada həyata keçirdiyimiz Uşaqların Sedasiya və Narkozla Stomatoloji müalicəsinin detallarını aşağıdakı linkdən oxuya bilərsiniz.
https://www.facebook.com/share/p/17UMqNwj9m/
