Alpha Dental Clinic

Alpha Dental Clinic عيادة سنية تُعنى بالاهتمام بالصحة الفموية وزيادة الوع?

#حسومات #عروضرح نبلش معكن بأقوى العروض لغاية منتصف تشرين الاول 😍😍 ⭐الحشوات التجميلية 40% 😬😬(نخور - تبديل حشوة )⭐تعويضات...
25/09/2021

#حسومات
#عروض
رح نبلش معكن بأقوى العروض لغاية منتصف تشرين الاول 😍😍

⭐الحشوات التجميلية 40% 😬😬
(نخور - تبديل حشوة )

⭐تعويضات (جسور - تلبيسات - بدلات) 25% 😁😁
(سن متهدم - غياب سن او اكتر - سن معالج لبيا/مسحوب عصبو - تغير لون السن- دواعي تجميلية)

⭐تنضيف الاسنان 50%🦷🦷
( من الجير والقلح المتراكم على الاسنان - ازالة تصبغات)

⭐سحب عصب 30% 🌚🌝
(في حالة الالم - لمعان السن - تعفن السن وعدم الاحساس به)

⭐وجوه تجميلية مباشرة 30%🔥🔥
(فراغ بين الاسنان - اسنان صغيرة )

و #بنقطة بتوصلك الاسعار عالخاص 😍😍


مكملين معكن بالأساسيات 😊😊يا ترى الخيط والغسول هنن فعلا مهمين ولا فقط كماليات مالن حاجة⁉️🤔خلونا نشوف🧐🧐 🧵 هو الحل الوحيد ...
20/09/2021

مكملين معكن بالأساسيات 😊😊

يا ترى الخيط والغسول هنن فعلا مهمين ولا فقط كماليات مالن حاجة⁉️🤔
خلونا نشوف🧐🧐

🧵
هو الحل الوحيد لتنضيف المنطقة بين الأسنان وإللي بتكون ضيقة وما في شي بيوصلا وبشكل 4️⃣0️⃣% من تنضيف الأسنان بإعتبار لكل سن في 5️⃣ وجوه.

⭐نتيجة عدم التنضيف بتتشكل طبقة بلاك وهية بتكون متل مستعمرة للجراثيم 🦠 وبتسبب نخر وعلى المدى طويل ألم ما بينتهي غير بإزالة العصب 💔💔

كيف مستخدمو للخيط؟ 🤔🤔
⭐منقطع 4️⃣0️⃣ سم تقريبا بعدين منلف الخيط على الأصبع الوسطاني من كل أيد ومنتجكم فيه بالابهام والسبابة.
مندخل الخيط عمهل بين السنين بعدين منلفو عالسن بشكل حرف C ومنحركو لتحت⬇️ وفوق⬆️ و قدام⬅️ و ورا➡️.

⭐إللي عندو مشكلة بايدو أو بيتعب فينو يستخدم حامل الخيط وهيك مابكون عندك حجية 🤗🤗

⭐الأهم وقت تستخدمو نكون مروقين وما مستعجلين🏃‍♂️🏃‍♀️ لانو السرعة رح تجرح اللثة وبالتكرار بتسبب تراجع وتبين فراغات سودة بين الاسنان😥😥

🧴
⭐الغسول بتمم عمل الفرشاية والخيط بوصولو لمناطق صعبة متل المناطق الخلفية وإللي ممكن إنت وعم تفرشيا يصير معك منعكس الاقياء نتيجة توزع الأعصاب😵😵

⭐بيحتوي على الفلورايد إللي حكينا عنو المرة الماضية وعن دورو بترميم الميناء بالإضافة لتطهير الفم بيعطي انتعاش وبغير من ريحة الفم الكريحة 🌬️🌬️

⭐فينا نستعمل مرتين ل3 مرات باليوم وما نخففو بالماء الأفضل نتبع التعليمات مع العبوة📄

⭐بساعد بمنع تجمع البلاك ع الأسنان لكن مابزيل البلاك المتشكلة قبل استخدام الغسول.

⛔ ممنوع تستخدم الغسول بعد التفريش ⛔
لإنو بسبب بإزالة الفلورايد إللي حصلنا عليه من التفريش🙃 فالاستخدام الأمثل بكون بعد نص ساعة 🕧 من التفريش و بعد وجبات الطعام 🥪وخاصة إذا كان حمضي أو سكري 🍊🥞

وهيك بعد ما عرفنا أهمية التفريش والخيط والغسول صار دوركن لتهتموا باسنانكن 😁😁

مرحبا 👋🏻👋🏻رح نبلش بمعلومات اساسية 🔝 بس هي السبب المجهول لوجع وحساسية سنانا🤕⁉️ الشي الاساسي اللي تعلمنا ومنعرفوا هو الفرش...
18/09/2021

مرحبا 👋🏻👋🏻
رح نبلش بمعلومات اساسية 🔝 بس هي السبب المجهول لوجع وحساسية سنانا🤕

⁉️ الشي الاساسي اللي تعلمنا ومنعرفوا هو الفرشاية والمعجون.. طيب نحن منعرف كيف منفرشي ؟؟ او كم دقيقة لازم نفرشي ؟؟ ايمت ممكن نقلل مروة ومانفرشي🙄🙄 بعد الاكل فورا ؟؟ واذا حبينا نستعمل غسول فموي بنوب عن التفريش او بيجي قبلو او بعدو 🤔🤔 خلونا نبلش ⬇️

⭐اختيار الفرشاية: غالبا منستعمل فرشاية بقساوة متوسطة يعني ما ناعمة اللي بتوصف لمرضى التهاب لثة او تراجع لثوي أو للأطفال 👶🏻🍼ولا خشنة متل اللي عندن تصبغات من التدخين والمشروبات 🚬☕🍹

⭐لازم ننضف اسنانا مرتين باليوم- الصبح والمسا- الأهم هية تفريشة المسا طبعا لانو رح تنام شغلة 7-8 ساعات وهون بتاخد راحتا الجراثيم لتتكاتر وتشتغل شغلا 😈😣، وفينك تستفيد من الفواكه بتنضيف سنانك متل التفاح او الجزر او اي فاكهة غنية بالألياف🍌🍓🥑 بس ما بنوب عن تفريشة المسا ما الها حل هادي 🙃🙃

⭐ المدة اللازمة للتفريش بتتراوح بين 3-5 دقايق وهي مدة محسوبة عأساس تنضف كل اوجه السن من جوا وبرا والطاحن (محل ما بتطحن الاكل )،تفرش سنانك بدقيقة مارح تفيدك 🤭🤭

⭐ فينا نفرشي سنانا ايمت ما بدنا بس لازم ننتبه ما نكون أكلين شي حمضي متل ورق دوالي مثلا😋او عنب حامض 🙅🏻 لازم ننطر نص ساعة⏳ لتتعدل الحموضة بالفم منشان ما نسحل او نشيل من الطبقة الخارجية للسن (الميناء) اثناء التفريش😁

💥ونحن عم نفرشي سنانا يفضل ما نمخمض بالماء 🥛ع القليلة آخر مرة وانما نبصق المعجون لنحافظ على الفلور اللي بساعد على اعادة بناء السن ،واللي بجاوب عسؤالي من وقت كنت صغير ليش مستر بين ما مخمض بالحلقة اللي بكون متأخر فيا عن الشغل وبيلبس عالطريق 😆😆

⭐لنحافظ على الفرشاية لازم نغسلا بعد كل استعمال وتكون بوضعية عامودية وما تلامس فرشاية تاني ونتركها تجف بالهوا ومانغطيا حتى ما نترك مجال لنمو الفطور عليا😷😷

⭐لازم نغيرا وقت نشوف كل شعيرة صارت بجهة او وقت يروح لونا وتقريبا بتتراوح المدة بين 3-5 شهور📆

⭐في عدة طرق للتفريش الاسهل بوضع الفرشاية بزاوية 4️⃣5️⃣ باتجاه التقاء اللثة مع السن وبحركة دائرية بالاتجاه المعاكس بالاضافة للحركات الدائرية ولازم نبتعد عن التفريش بشكل افقي اللي بسبب سحل الميناء 🦷

بالاخير شو رأيكن بالخيط السني والغسول الفموي🧴 مهمين ولا بتكفي الفرشاية والمعجون 🤔🤔 نطرونا للبوست الجاية 🤩

Address

المشروع السابع
Lattakia

Opening Hours

Monday 11:00 - 20:00
Tuesday 11:00 - 20:00
Wednesday 11:00 - 20:00
Thursday 11:00 - 20:00
Saturday 11:00 - 20:00
Sunday 11:00 - 20:00

Telephone

+963994857119

Website

Alerts

Be the first to know and let us send you an email when Alpha Dental Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category