02/09/2026
من قبل ما اختار الطب، ومن قبل حتى ما احلم اني كون طبيبة، كان عندي يقين انو علاج الإنسان مو بس بعلاج وجعو… علاج الإنسان انك تحس بوجعو وتفهم خوفو وتكون إنساني معو قبل أي شي.
وقبل ما افتح عيادتي، تعهدت بيني وبين حالي اني مهما كنت مضغوطة نفسياً وجسدياً، ما خلي هالشي ينعكس على المريض يلي قدامي… حاول قد ما بقدر خفف عنو، وكون هادية وبالي طويل وإيدي خفيفة.
كنت اتمنى تكون عيادتي مكان الواحد يفوت لعندو وهو خايف… ويطلع منها مرتاح.
ياخد وقتو، وينسمع، وما يحس انو مجرد مريض وعندو موعد وخلص.
وبعد سنتين من شغلي وتجربتي مع مرضاي، ما في شي بيفرحني من قلبي أكتر من لما اسمع من حدا فيهن:
"دكتورة عنجد ارتحت معك"
"ما حسيت بالخوف"
"كنت مفكر الموضوع أصعب"
أو حتى "حسيت حالي بأمان".
يمكن هاد بالضبط الشي يلي كنت من البداية اتمنى اقدر اعطيه لكل حدا يفوت لعندي. 🤍
وبهمني كتير اسمع منكن بصراحة…
شو كانت تجربتكن معي؟
وشو أكتر شي حسيتوا فيه بالراحة بعيادتي؟ 🤍
