03/09/2026
ازيييكم 💚
اشتقنا ليكم وطوّلنا منكم شديد!💕
والليلة راجعين ليكم بـي قصة حالة و معلومة مهمة و مسابقة وجائزة 🎉✨
والجائزة؟
جلسة نضافة كاملة + تلميع 🦷✨
لكن أول حاجة… خلونا نحكي ليكم القصة 🌝
مريضة شابة جاتنا العيادة وهي بتعاني من ألم شديد في السن.
بعد الفحص والتقييم، اتضح إنو السن/الاسنان محتاج علاج عصب 🦷
لكن المشكلة ما كانت في علاج العصب بس…
السن كان ضعيف ومتهدم بدرجة كبيرة، والمريضة طبعاً ما كانت عايزة تفقد سنها ❤️🩹
ونحن دائماً بنقول:
القلع آاااخر خيار.
طالما في فرصة حقيقية نحافظ على السن ونرجعو لوظيفتو، بنحاول نستفيد منها.
لكن برضو مهم نكون واقعيين:
في مراحل متأخرة جداً، السن بيكون ما عندو قابلية للعلاج أو الترميم، ووقتها القلع بكون هو الحل الأنسب.
الحمد لله بفضل ربنا علينا في حالتنا دي قدرنا نعالج السن ونحافظ عليه 🙏
وبعد تقييم كمية السن المتبقية وقوتها، كان واضح إنو محتاج حماية إضافية بتلبيسة زركون عشان تساعد في حماية السن وترجع وظيفتو وشكلو.
والنتيجة؟
اللهم باااااارك ✨
مريضتنا طلعت مبسوطة… ونحن فرحنا بفرحتها أكتر 💕
وهنا المعلومة المهمة جداً 👇
ليه الأسنان المعالجة عصب ممكن تحتاج تلبيسة؟
لأن السن بعد علاج العصب، خصوصاً لو كان متهدم وفاقد جزء كبير من بنيتو، ممكن يكون أكثر عرضة للكسر.
والتلبيسة في الحالات المناسبة بتساعد على تغطية السن وحمايتو من قوى المضغ.
لكن ما كل سن معمول ليهو علاج عصب لازم تلقائياً يتلبّس!
القرار بيعتمد على كمية السن المتبقيةو مكان السن
و مقدار التهدم و قوة الجدران المتبقية وطبيعة الضغط الواقع على السن
عشان كدا التقييم الصحيح أهم من أي قاعدة عامة.✨
وأهم رسالة من الحالة دي:
ما تستنى الألم الشديد!
لأن الألم أحياناً بيكون علامة إن المشكلة وصلت لمرحلة متقدمة.
الفحص الدوري ممكن يكتشف التسوس أو المشاكل في بدايتها، قبل ما السن يوصل لمرحلة علاج عصب أو ترميم كبير.
يعني باختصار:
سنك الطبيعي أغلى وأحسن من أي تعويض… حافظ عليهو 🙏
نجي للمسابقة 🔥
من الصورة
خَمِّن/ي السن أو الأسنان الفيها تلبيسة زركون؟ 👀
اكتب/ي تخمينك في التعليقات 👇
حنختار تعليق واحد من المشاركين والجائزة:
✨ جلسة نضافة كاملة + تلميع الأسنان ✨
والأجمل؟
حتى لو ما عرفت السن… اكتب تخمينك
نشوف منو عندو عين دكتور أسنان وخلونا حنكتشف المواهب المستخبية 😂
شارك البوست مع زول مهتم بأسنانو 💕🌸
عيادة براح لطب وتقويم الأسنان/ عيادة د إيثار عباس
للتواصل اتصال وواتس اب
0111427091
0927069673
حي الهدي شرق النيل جوار مستشفي الكرامة ومدارس د ادريس جلال
#زركون
