07/09/2026
التسوس مش مجرد ألم مفاجئ❌، بل هو عملية ديناميكية مستمرة بتصير داخل فمنا بين "هدم تمعدن" و"إعادة تمعدن" على طول الوقت!
لتفهم كيف بتبلش القصة، خلينا نشوف العوامل الأساسية المسببة لتسوس الأسنان (مثل ما هو موضح في مخطط الدوائر):
1 البكتيريا: الفم بيحتوي بشكل طبيعي على أعداد هائلة من البكتيريا.
2 السكر / الكربوهيدرات: التسوس يعتمد أساساً على وجود السكر والكربوهيدرات بالغذاء.
3 الوقت: تراكم العوامل وعدم الاهتمام بالتنظيف مع مرور الوقت.
4 السن :وهو العضو المستهدف لحدوث الإصابة في حال تفوقت عوامل الهدم.
كيف بتصير العملية بالتفصيل؟
البكتيريا بتقوم بعملية الأيض الحيوي بوجود السكريات والكربوهيدرات بالفم، وهالشيء يؤدي لـ إنتاج الحمض وبالتالي بتزيد درجة حموضة الفم.
هالحموضة بتؤدي لخروج أيونات الكالسيوم والفوسفات من بنية الأسنان في عملية تُسمى هدم التمعدن.
بالمقابل، تنظيف الأسنان بقلل درجة الحموضة وبخلينا ندخل بعملية عكسية وهي إعادة التمعدن للاسنان (يعني ترجع الأيونات السابقة للسن).
⚠️ الخلاصة:
التسوس هو عملية ديناميكية ما بين هدم تمعدن وإعادة تمعدن طول الوقت. إذا عملية الهدم غلبت (عن طريق عدم الاهتمام بالتنظيف وتراكم الطعام وظلت حموضة الفم عالية)، رح نوصل لحفرة التسوس ع سطح السن!
حافظوا على نظافة أسنانكم دائماً لتبقى كفة "إعادة التمعدن" هي الراجحة! 🪥👇
#اليامون #جنين #فلسطين #اسنان #تسوس
