1992 Matric Fail>Tractor Driver>Watchman>Peon>WoodCutter>1997Matric again>1999 F.S.c.>Now a Doctor۔☝️
18/07/2026
Niazi Studio ❤️🙏
اہل میانوالی!
آئیے عہد کریں کہ
میانوالی کا کوئی بھی نادر بچہ
محض غربت، مجبوری یا
جسمانی کمزوری کی وجہ سے
اپنے خوابوں
اور صلاحیتوں سے محروم نہ رہے۔
آئیے ایسا میانوالی تعمیر کریں
جہاں ہر مزدور کے
لائق بچے کو یہ یقین ہو کہ
"میں اکیلا نہیں،
میرا ضلع میانوالی
میرے ساتھ کھڑا ہے۔"(موساز)❤️🙏
17/07/2026
موساز کا ایک ہی پیغام!
اپنے والدین کا مان بنیں،
اپنے اساتذہ کا فخر بنیں،
اپنے ضلع، اپنے پاکستان
اور اپنی اُمت کا نام روشن کریں۔❤️🙏
07/06/2026
یہ ہوتی ہے زندگی بانٹنے والی کرکٹ! ❤️🩸🏏
کل چھدرو بلڈ ڈونیشن کرکٹ ٹورنامنٹ کے
افتتاح کے موقع پر
میری خواہش تھی کہ
میں خود جا کر
خون کی پہلی بوتل عطیہ کروں
اور اس عظیم مقصد کا حصہ بنوں لیکن
بخار اور ایک ہنگامی
مصروفیت کی وجہ سے وہاں پہنچ نہ سکا۔
تاہم، میری غیر موجودگی میں
جو منظر سامنے آیا،
اس نے دل خوش کر دیا۔
ماشاء اللہ!
چودہ نوجوانوں نے
ٹورنامنٹ کے آغاز پر
رضاکارانہ طور پر
خون کا عطیہ دے کر
میانوالی کی تاریخ میں
ایک خوبصورت مثال قائم کر دی۔
یہ نوجوان
خون نہیں دے رہے تھے
بلکہ کسی مریض کو
زندگی عطیہ کر رہے تھے۔
کرکٹ کھیلنا اچھی بات ہے لیکن
کھیل کے آغاز کو
انسانی جانوں کی خدمت سے
جوڑ دینا ایک ایسا عمل ہے جو
اس ٹورنامنٹ کو ہمیشہ یادگار بنا دے گا۔
میں دل کی گہرائیوں سے
ان تمام خون عطیہ کرنے والے نوجوانوں،
منتظمین کو خراجِ تحسین پیش کرتا ہوں۔
آپ نے ثابت کر دیا کہ
میانوالی کے نوجوان
صرف کھیل کے میدان کے ہیرو نہیں بلکہ
انسانیت کے بھی ہیرو ہیں۔
اللہ تعالیٰ
آپ سب کو سلامت رکھے،
آپ کے جذبے میں برکت عطا فرمائے
اور آپ کے اس عطیے کو صدقۂ جاریہ بنائے۔
خون دیں، زندگی بچائیں!
❤️🩸🏏
27/05/2026
میری طرف سے
اہلِ اسلام کو
عیدالاضحیٰ کی
خوشیاں بہت بہت مبارک ہوں۔
رب العالمین
آپ سب کی قربانیاں
اپنی بارگاہ میں
قبول و منظور فرمائے، آمین ثم آمین۔
ڈاکٹر حنیف نیازی
#ایڈمن
#ماحی
16/05/2026
ڈاکٹر حنیف نیازی صاحب کو
جب ان کا پرائمری سکول کے دور کا
کلاس فیلو ملا تو
ان کے درمیان کیا دلچسپ مکالمہ ہوا!
عموماً جب بھی کوئی
کسی کی حوصلہ افزائی کرتا ہے،
مدد کرتا ہے تو
کئی لوگ
یہ بحث چھیڑ دیتے ہیں کہ
اسے راز رکھنا چاہیے تھا !،
سرعام نہیں کرنا چاہیے تھا !
بلاشبہ
یہ رائے بہت محترم ہے لیکن
ایک نقطہ سمجھنا بہت ضروری یے۔۔
جب بھی
ہم کسی کو کچھ دیتے ہیں۔۔
یا تو
اس سے متاثر ہو کر،
اس سے خوش ہو کر دیتے ہیں۔۔
یا پھر
اس کی حالت زار دیکھ کر،
اس پر ترس کھا کر،
عبرت پکڑ کر،
اللہ عزوجل سے ڈر کر،
اس کی مدد کر دیتے ہیں۔۔
پہلی صورت میں
کی جانے والی مدد،
میڈل، ٹرافی یا انعام کہلاتے ہیں۔۔
دوسری صورت میں
دی جانے والی مدد،
صدقہ و ذکواۃ
و خیرات کے زمرے میں آ جاتے ہیں۔۔
انعام کی صورت میں
لوگ سرعام،
سینہ چوڑا کیے، سر فخر سے بلند کیے،
اپنا انعام وصول کرنے آتے ہیں
اور دوست احباب و عوام میں
اس کے بارے بڑے مان سے بتاتے پھرتے ہیں۔۔
صدقہ و ذکواۃ و خیرات کی صورت میں
لوگ دوسروں سے
نظریں ملانے سے کتراتے ہیں
اور اپنا منہ چھپاتے پھرتے ہیں۔۔
اس لیے
جب جب آپ کسی کو
انعام دیں تو پھر شان سے دیں تاکہ
انعام وصول کرنے والے کو
وہ چیز انعام محسوس ہو، خیرات نہیں !
اور
جب جب آپ کسی کو
خیرات دیں تو
چھپا کر دیں، نظریں جھکا کر دیں تاکہ
اس کی عزت نفس کبھی مجروح نہ ہو !
آج تک میں نے
کسی کھلاڑی کو
انعامی رقم، ٹرافی یا نقد انعام لیتے وقت
شرمندہ ہو کر
روتے نہیں دیکھا ! منہ چھپاتے نہیں دیکھا !
کسی گلوکار کو
اپنے اوپر نوٹوں کی بارش ہوتے دیکھ کر
شرم سے پانی پانی
ہوتے نہیں دیکھا ! مغموم نہیں دیکھا !
کسی ویٹر کو
اچھی سروسز کے بدلے ٹپ لیتے وقت
کسی ورکر کو
اچھا کام کرنے پر شاباشی لیتے وقت
چلو بھر پانی میں ڈوب کر مرتے نہیں دیکھا !
تو
کیا آپ یہ سمجھتے ہیں کہ
صرف
لائق ترین، ہونہار ترین،
ڈاکٹر، انجینئر، لفٹین،
لیکچرر، وکیل، جج،
آفیسر بن جانے کی صلاحیت
رکھنے والے سٹوڈنٹس ہی
انعامی طور پر
ملنے والی فیس لیتے وقت
شرم سے مر جائیں گے !
دنیا کو کیا منہ دکھائیں گے !
جب ایک
کبڈی کا نوجوان باڈی بلڈر کھلاڑی
ڈانس کرتے ہوئے
تماشائیوں کی صفوں سے
جھولی میں
پیسے جمع کرتے ہوئے نہیں شرماتا !
انٹرنیشنل گلوکار
3 گھنٹے لگاتار
دوہڑے دے دے کر
نوٹوں کی گڈیاں جمع کرتے ہوئے
اپنی تذلیل محسوس نہیں کرتا !
ایک مولوی،
ایک نعت خوان، ایک ذاکر،
کنڑکی اکھ سے
اپنے سامنے میز پر
جمع ہوتے ہوئے پیسے دیکھ کر
انھیں خیرات نہیں سمجھتا !
جب
مندرجہ بالا سب لوگ
ان پیسوں کو،
ان میڈلوں کو،
ان ٹرافیوں کو،
انعام سجھتے ہیں تو
پھر
یہ بھی یقین کر لیجیے کہ
ڈاکٹر حنیف نیازی
جیسے
دنیا کے سارے طالب علم
اسکالرشپس کو
اپنا حق سمجھ کر،
اپنا انعام سمجھ کر،
اللہ عزوجل کی عطا سمجھ کر،
وصول کرتے ہیں
اور بڑے فخر سے بتاتے پھرتے ہیں کہ
فلاں شیردل نے
مجھے یوں انعام دیا تھا !
میری یوں مدد کی تھی !
میری یوں حوصلہ افزائی کی تھی !
خدا را !
احساس کمتری کو، شرمندگی کو،
صرف سٹوڈنٹس تک ہی محدود نہ کیجیے !
سٹوڈنٹس کو
شاباش دیجیے تاکہ
کل
ایک قاتل کم ہو جائے،
ایک ڈاکو کم ہو جائے،
ایک بےروزگار کم ہو جائے
اور معاشرے میں
ایک مفید فرد کا اضافہ ہو جائے !
Be the first to know and let us send you an email when Dr Hanif Niazi posts news and promotions. Your email address will not be used for any other purpose, and you can unsubscribe at any time.
