10/08/2020
နေ့စဉ် လူအများနဲ့ ပြောဆိုဆက်ဆံနေရတဲ့ လူတိုင်းအတွက် ဂရုစိုက်ရမယ့်အချက်တွေထဲမှာ သွားကျန်းမာရေးကလည်း တစ်ခုအပါအဝင်ပါပဲဗျ….
မိမိရဲ့ သွားတွေ ကျဲနေတာမျိုး၊ မညီမညာဖြစ်နေတာမျိုးနဲ့ ကြုံနေရတဲ့အခါ မိမိကိုယ်ကို ယုံကြည်မှုလျော့နည်းတာတွေမဖြစ်ရလေအာင် လုပ်လို့ရတဲ့နည်းလမ်းကတော့ Tooth Braces (သွားညှိကရိယာ) တပ်ခြင်းပါပဲ…😇😇
ဘယ်လိုလူတွေတပ်လေ့ရှိကြတာလည်းဆိုတော့……..
သွားနေတာမျိုး၊ သွားအထပ်တွေကို ညှိချင်တာမျိုး၊ ယုန်သွားလိုရှေ့ကိုခေါနေတဲ့ သွားလေးတွေကို ညီချင်တာမျိး လုပ်ချင်တဲ့ သူလေးတွေကတော့ Tooth Braces (သွားညှိကရိယာ) ကိုတပ်လေ့ရှိကြပါတယ်…😁
ဒီလို သွားညှိကရိယာတွေကို ၁၀ နှစ်ကျော်လောက်ကစပြီး အရိုးသန်မာတဲ့အရွယ် လူကြီးပိုင်းအထိကို တပ်လို့ရပါတယ်… သွားညှိကရိယာ စတပ်ခါစ ပထမတစ်ရက် နှစ်ရက်မှာ နည်းနည်းနာနိုင်ပေမယ့် နောက်ပိုင်းမှာနာကျင်တာတွေမရှိနိုင်တာမို့ ကြောက်စရာလည်းမလိုသလို side effect လည်းမရှိနိုင်ပါဘူး…😲
မေးရိုးနဲ့ ပြုပြင်မယ့် သွား အခြေအနေပေါ် မူတည်ပြီး အဓိကအားဖြင့် သွားညှိကုသမှုပုံစံအမျိုးမျိုးလည်း ရှိနိုင်ပါတယ်ခင်ဗျာ…😊
အဓိကအားဖြင့် သွားညှိကုသမှုပုံစံ ၄ မျိုးရှိပါတယ်…
၁။ Fixed Braces (ဖြုတ်တပ်လုပ်လို့ရတာမျိုးမဟုတ်ပဲ bracket တုံးလေးတွေကို သွားပေါ်မှာကပ်ပြီး ကုသတဲ့ပုံစံ) ဆိုတာကတော့ အသုံးအများဆုံးပုံစံဖြစ်ပြီး Fixed Braces ကိုတပ်ထားစဉ်အတွင်းမှာ ပုံမှန်အတိုင်းစားသောက်နိုင်ပါတယ်..ဒါပေမယ့် အချိုရည် နဲ့ မာတဲ့အစားအစာတွေကိုရှောင်ကြဉ်ဖို့တော့ သတိပြုသင့်ပါတယ်.. ထိခိုက်နိုင်တဲ့ အားကစားတွေလုပ်မယ့် အချိန်မှာလည်း အကာအကွယ်တစ်ခုခု တပ်ထားသင့်ပါတယ်..Fixed Braces ဆိုတာ များသောအားဖြင့် သတ္တုရောင်ကိုသုံးတာမို့လို့ တပ်ထားမှန်း သိသာနိုင်ပေမယ့် Clear Bracket တပ်တာမျိုး၊ သွားအပြင်ဘက်ကို Bracket မတပ်ပဲ အတွင်းဘက်မှာတပ်တဲ့ Lingual Braces တပ်တာမျိုးလည်း တပ်လေ့ရှိကြပါတယ်…😌
၂။ Removable Braces ( အရှင်တပ်လို့ရတဲ့ အံကပ်လို့ပုံစံ) ကတော့ သွားကို အနည်းငယ်ပဲပြုပြင်စရာလိုတဲ့သူမျိုးတွေသုံးလေ့ရှိကြပါတယ်.. Removable Braces ကိုဖြုတ်ပြီး သန့်ရှင်းရေးလုပ်လို့ရသလို အားကစားလုပ်တဲ့အခါမျိုးမှာလည်း ဖြုတ်ထားလို့ရနိုင်ပါတယ်..😉
၃။ Functional Appliance ( အရှင်ဖြစ်ပြီး တစ်ခါတရံ အပေါ်သွား အောက်သွားကိုပါချိန်ညှိပေးတဲ့ ပုံစံ) မျိုးတပ်မယ့်သူတွေကတော့ အမြဲတပ်ထားဖို့လိုပြီး အစားစားချိန်မှာ Braces ကိုဖြုတ်ထားပေးရပါမယ်..😊
၄။ Headgear ( အခြားသွားညှိကရိယာတွေနဲ့ တွဲဆက်ပြီးမှကုတဲ့ပုံစံ) ဆိုတာကတော့ ရှေ့သွားတွေကိုကုသနေချိန်မှာ နောက်သွားတွေကိုထိန်းထားပေးဖို့လိုတဲ့အခြေအနေမျိုးမှာ သုံးလေ့ရှိကြပြီး Headgear ကိုတပ်ထားတဲ့ အချိန်မှာတော့ အစားစားလို့မရနိုင်ပါဘူးနော်….😫
တပ်မယ့် သွားညှိကရိယာ နဲ့ မိမိ သွားအခြေအနေပေါ်မူတည်ပြီး တစ်နှစ်ကျော်မှ သုံးနှစ်နီးပါးထိပဲတပ်ရလေ့ရှိတာကြောင့် ဒီလိုအချိန်ကာလအတွင်းမှာ ညီညာတဲ့ သွားတွေကို ပိုင်ဆိုင်နိုင်မှာဖြစ်ပါတယ်…. ပုံမှန် နှုတ်ခမ်း အနေအထားရှိတဲ့သူတွေအနေနဲ့ သွားညှိကိရိယာ တပ်မယ်ဆိုရင်တော့ သွားတွေ ပြန်ကျဲတာ ပြန်ခေါတာမျိုး ဖြစ်လေ့မရှိ်ပါဘူး….😎
ဒီလိုမျိုး သွားညှိကိရိယာတပ်မယ့်သူတွေအနေနဲ့ တစ်လတစ်ကြိမ် ဆေးခန်းကိုပြန်လာပြဖို့ သတိပြုရမှာဖြစ်ပါတယ်…. အပြုံးက လူတိုင်းအတွက် အကောင်းဆုံးအလှ ဆိုတဲ့ အတိုင်း သွားညှိကိရိယာ တပ်ခြင်း ကြောင့် ပေးရတဲ့ကုန်ကျစရိတ် အချိန်နဲ့ ကိုက်ညီအောင် ညီညာလှပတဲ့သွားလေးတွေကို ရရှိနိုင်မှာမို့ လူအများကြားထဲမှာ ယုံကြည်မှုရှိရှိနဲ့ ပြောဆိုရယ်မောနိုင်ပါပြီ….😉😉
ဆေးခန်းကိုဆက်သွယ်ချင်တယ်ဆိုရင်တော့
ဖုန်းနံပါတ်- 09952263630 , 09952263631
ဆေးခန်းလိပ်စာ-အမှတ် (၆၃)သိမ်ဖြူလမ်းအောက်ဆုံးဘလောက် (ကမ်းနားလမ်းအနီး)၊ဗိုလ်တထောင်မြို့နယ်၊ရန်ကုန်မြို့။
