29/07/2021
𝐇𝐚𝐩𝐩𝐲 𝐇𝐲𝐩𝐨𝐱𝐢𝐚 (သို့)
ပျော်ရွှင်စွာအောက်စီဂျင်ပြတ်လပ်ခြင်း
ကျွန်တော်တို့အားလုံးကိုဗစ်ရောဂါဆိုးကိုကြံ့ကြံ့ခံရင်ဆိုင်နေကြတဲ့အထဲသတိ ထားစရာလေးတစ်ခုကိုဝေမျှချင်ပါတယ်။ကိုဗစ်က အသက်ရှူလမ်းကြောင်းဆိုင်ရာရောဂါဖြစ်ကြောင်းအားလုံးသိပါတယ်။ ကိုရိုနာဗိုင်းရပ်စ်ကူးစက်ပြီးတဲ့နောက်မှာ ဖျားခြင်း၊ချောင်းဆိုးခြင်း၊အနံံ့ပျောက်ခြင်း၊
ဝမ်းပျက်ခြင်း၊ပိုဆိုးလာရင် မောခြင်း ၊အသက်ရှူကြပ်ခြင်း ၊အောက်စီဂျင်ကျခြင်း မလူံလောက်ခြင်း ၊ ကိုယ်တွင်းအင်ဂါများထိခိုက်ခြင်း၊သတိလစ်ခြင်း၊ အသက်ဆုံးရှုံးခြင်းစသည့် အချက်များ တစ်ဆင့်ခြင်းဖြစ်ပေါ်နိုင်ပါတယ်။သို့မဟုတ်သက်သာလာနိုင်ပါတယ်။ဒါကိုအားလုံးလည်း သိထားပြီးဖြစ်ပါမယ်။
ဒါပေမယ့် သင့်သွေးသွင်းအောက်စီဂျင်ပမာဏကလဲကျနေမယ်၊ အထက်ပါလက်ခဏာတွေထဲက မောတာ အသက်ရှူကြပ်တာ တွေမခံစားရဘူးဆိုရင်တော့ သင်ဟာ
ပျော်ရွှင်စွာအောက်စီဂျင်ပြတ်လပ်နေခြင်း
(happy hypoxia) ကို ခံစားနေရတာဖြစ်နိုင်တယ်ဆိုတာသတိပြုသင့်ပါပြီ။
အများအားဖြင့်လူငယ်ပိုင်းတွေကပိုမိုခံနိုင်ရည်ရှိတဲ့အတွက် အောက်စီဂျင်ကျရင်ချက်ခြင်းဖြစ်ကိုဖြစ်ရမယ့်လက်ခဏာတွေကိုမခံစားရဘဲအေးအေးဆေးဆေးနေမိတာကြောင့်မလိုလားအပ်တဲ့ ကုသမှုနောက်ကျခြင်း သေဆုံးခြင်းတို့ဖြစ်နိုင်တယ်ဆိုတာပါဘဲ။
သင်ပျော်ရွှင်စွာအောက်စီဂျင်ငတ်နေပြီလား???
———————————————
သင်ဟာသွေးတွင်း အောက်စီဂျင်ပမာဏ 90% လောက်ပေမယ့် မောတာ အသက်ရှုကျပ်တာတွေ မခံစားရပဲ...
♦️ပြုံးပြုံးကြီး စကားပြောနေမယ် နိုင်နေမယ်
♦️လမ်းလျောက်နေမယ် လေ့ကျင့်ခန်းတွေဆက်လုပ်နေမယ်ဆိုရင်တော့
သင်ဟာ happy hypoxia ရနေပြီး ရုတ်တရက်အမောဖောက်တာ သတိလစ်လဲကျတာ သေဆူံးတာတွေဖြစ်နိုင်ပါတယ်။
ထိုအရာများထက် အောက်စီဂျင်ပေးဖို့နောက်ကျတာ ၊ ဆေးကုသမှုနောက်ကျတာ တွေကြုံတွေ့ရနိုင်ပါတယ်။ ဒါကြောင့် ကိုဗစ်စစ်လို့တွေ့တယ်၊ ဒါမှမဟုတ် အပျော့စားလက်ခဏာတွေ စခံစားရမယ်ဆိုရင် သွေးတွင်းအောက်စီဂျင်ပမာဏကိုလဲ စဥ်ဆက်မပြတ်တိုင်းတာနေဖို့လိုပါမယ်။
အောက်စီဂျင်ကျမကျဘယ်လိုသိမလဲ?
သွေးတွင်းအောက်စီဂျင်ပမာဏ ကို pulse oxymeter လို့ခေါ်တဲ့ စက်ကလေးတွေနဲ့တိုင်းနိုင်ပါတယ်။
ပုံမှနိကျန်းမာသန်စွမ်းတဲ့လူတစ်ယောက်ဆို 95-99%ဆိုပုံမှန်လို့သတ်မှတ်လို့ရပါတယ်။ စက်ရဲ့မှားနိုင်ခြေ ၊ တိုင်းပုံတိုင်းနည်း ၊ အရည်အသွေးပေါ်မူတည်ပြီး တိကျမှုတို့ကိုလည်း တော်တော်များများ သိထားကြပြီးဖြစ်မယ်လို့ယူဆရပါတယ်။
ထိုပမာဏထက်ကျလာရင်တော့ မောခြင်း၊ရင်တုန်ခြင်း၊အသက်ရှူကြပ်ခြင်း၊အစက်ရှူမြန်ခြင်း ၊ ဝေခွဲနိုင်စွမ်းကျလာခြင်း တို့ခံစားရနိုင်ပါတယ်။ပိုဆိုးရင် နှလုံးခုန်မမှန်ခြင်း၊အချိန်ကြာကြာ အောက်စီဂျင်ကျခြင်းကြောင့် ကိုယ်တွင်းအင်ဂါများထိခိုက်ခြင်း ( ဥပမာ နှလုံး ၊ကျောက် ကပ် ၊ဦးနှောက် ၊အဆုတ်)နောက်ဆုံး သတိလစ်ခြင်း အသက်ဆုံးရှုံးခြင်းတို့ကို ခံစားရပါမယ်။
🚨တကယ်လို့ သင့်သွေးတွင်းအောက်စီကဂျင်က 90% အောက်ရောက်နေပေမယ့်သင်ဟာအထက်ပါလက်ခဏာတွေကိုမခံစားရဘူးဆိုရင် ကုသမှုနောက်ကျသွားနိုင်ပါတယ်။
ဘယ်အချိန်အောက်စီဂျင်လိုမလဲ?
သင်ဟာကျန်းမာသန်စွမ်းတယ်၊ ဆီးချို နှလုံးသွေးကြောကျဥ်း ရောဂါ ၊ခုခံအားဆိုင်ရာရောဂါအခံတွေမရှိဘူးဆို အောက်စီဂျင် 95 % ကျော်ရင် ပူံမှန်လို့ပြောလို့ရပါတယ်။အောက်စီဂျင်ပမာဏ 93 - 95 % ဒါပေမယ့် အသက်ရှူလေ့ကျင့်ခန်းလုပ်ပြီး မှောက်ခုံအိပ်prone position လုပ်ပြီး 95% ကျော်အောင် maintain လုပ်နိုင်တယ်ဆိုရင်လည်း အခြေအနေ ကောင်းပါတယ်။
အောက်စီဂျင်ပမာဏ 93% အောက် အသက်ရှူလေ့ကျင့်ခန်း ပြုလုပ်လဲ မတက်လာဘူးဆို အောက်စီဂျင်ရှူဖို့လိုနိုင်ပါတယ်။ နောက်တစ်ချက် က အောက်စီဂျင် ပမာဏ 95% ကျော်ဖို့သင့်နှလုံးခုန်နှုန်းက အရမ်းမြန်အောင် ထိန်းညိုရုန်းကန်နေရတယ်ဆိုလဲ အောက်စီဂျင်လိုနိုင်ပါတယ်။
ကုသခြင်း
———-
ဒါကတော့ ထွေထွေထူးထူးပြောစရာလိုမယ်မထင်တော့ပါဘူး။ online ကတစ်ဆင့် ရောဂါ အဆင့်တွေ ၊ဆေးနည်းတွေ သိထားပြီးတဲ့သူတွေလည်း ရှိမယ်။ Online consultation ကနေ တစ်ဆင့် Covid Hotline ကနေတစ်ဆင့် သမားတော်တွေ ညွှန်ကြားကုသပေးနေတာတွေလဲရှိသင့်သလောက် ရှိပြီးဖြစ်ပါတယ်။
မလိုအပ်ဘဲ steroid ၊ antivital ၊ နဲ့ NSAID တွေသောက်သုံးခြင်း ၊နွယ်မြက်သစ်ပင်ဆေးဖက်ဝင်ဆိုသော်လဲ အာနိသင်အတိအကျမသိရသောဆေးမြီးတိုများ စမ်းသူံးခြင်းတို့ကိုတော့ရှောင်ကျဥ်သင့်ပြီး ဆေးဝါးများကို သမားတော် (physician) တွေလိုအပ်သလိုပေးခြင်းကိုသာလိုက်နာသင့်ပါတယ်။
အစာစားခြင်း ၊ ကောင်းစွာအိပ်သက်ခြင်း ၊ရေဓာတ်ဖြည့်ခြင်း ၊ vitamin အားဆေးများသောက်သုံးခြင်း ၊ အသက်ရှူလေ့ကျင့်ခန်း လုပ်ခြင်းတို့ဖြင့်အဆုတ်နဲ့ ခုခံအားစနစ်ကို မြင့်တင်တာကပိုထိရောက်ပါတယ်။
အောက်စီဂျင်ပမာဏကိုတော့ တိုင်းတာနေဖို့လိုပါတယ်။ အောက်စီဂျင်ကျပြီဆိုရင်လိုအပ်တဲ့ထိရောက်တဲ့ကုသမှုတွေရရှိဖို့ ကြိုးစားရပါမယ်။
Hotline consultation တွေလဲတော်တော်များများပေါ်ထွက်လာနိုင်နေပြီလို့လဲမျှော်လင့်ပါတယ်။
✅တတ်နိုင်သလောက်အိမ်မှာနေပါ
✅၊လက်ဆေးပါ၊
✅စည်းကမ်းလိုက်နာပါ၊
✅ခုခံအားကိုမြင့်တင်ပါ။
✅အောက်စီဂျင်တိုင်းတာပါ။
လူတိုင်း ကိုဗစ်ကာလမှာ ပျော်ရွှင်စွာအောက်စီဂျင်ကျနေခြင်း
(Happy Hypixia )
ကိုသတိထားနိုင်ကြပါစေ။
With blessings,
Dr Luke
