https://www.facebook.com/1676881919276488/

Dr MoeNay, Yangon (2026)

30/05/2026

Halitosis / Bad Odour (ခံတွင်းနံ့ဆိုးခြင်း)

ခံတွင်းနံ့ဆိုးခြင်း (Halitosis) သည် လူတိုင်းကြုံတွေ့ဖူးနိုင်သော ပြဿနာတစ်ခုဖြစ်သည်။ မိမိကိုယ်တိုင် ခံစားရနိုင်သလို၊ မိမိပတ်ဝန်းကျင်ရှိသူများတွင်လည်း တွေ့မြင်ရနိုင်ပါသည်။

• “ပါးစပ်နံ့မကောင်းဘူး”
• “သွားမတိုက်ထားဘူးလား”
• ကိုယ့်ခံတွင်းနံ့ကြောင့် အခြားသူများ စိတ်အနှောင့်အယှက်ဖြစ်ခြင်း
• အခြားသူ၏ ခံတွင်းနံ့ကြောင့် မိမိကိုယ်တိုင် စိတ်အနှောင့်အယှက်ဖြစ်ရခြင်း

စသည့် အတွေ့အကြုံများကို လူအများစု ကြုံတွေ့ဖူးကြပါသည်။

ခံတွင်းနံ့ဆိုးခြင်း၏ အကြောင်းရင်း

အဓိကအားဖြင့် ခံတွင်းအတွင်းရှိ Gram-negative anaerobic bacteria များ ပိုမိုများပြားလာခြင်းကြောင့် ဖြစ်ပါသည်။ ထိုဘက်တီးရီးယားများသည် Volatile Sulfur Compounds (VSCs) ဟုခေါ်သော Sulfur ပါဝင်သည့် ဓာတ်ပစ္စည်းများကို ထုတ်လုပ်ပေးပြီး ယင်းတို့က ခံတွင်းနံ့ဆိုးခြင်းကို ဖြစ်ပေါ်စေပါသည်။

ထို့အပြင် -

👉 ခံတွင်းအတွင်း pH တန်ဖိုး မြင့်မားခြင်း
👉 တံတွေးထွက်နည်းခြင်း (Dry Mouth)
👉 အသက်အရွယ်ကြီးလာခြင်းကြောင့် Oral Microflora ပြောင်းလဲခြင်း
👉 ဆေးလိပ်သောက်ခြင်း၊ အရက်သောက်ခြင်း၊ ကွမ်းစားခြင်း
👉 ပါးစပ်ဖြင့် အသက်ရှူခြင်း

စသည့်အချက်များသည်လည်း ခံတွင်းနံ့ဆိုးခြင်းကို ဖြစ်စေနိုင်ပါသည်။

အထူးသဖြင့် ညအိပ်နေစဉ် တံတွေးထွက်နည်းသွားသဖြင့် ဘက်တီးရီးယားများ ပိုမိုပေါက်ဖွားလာကာ မနက်အိပ်ရာနိုးချိန်တွင် ခံတွင်းနံ့ဆိုးခြင်းကို ပိုမိုသတိထားမိနိုင်ပါသည်။

ခံတွင်းအတွင်းရှိ အကြောင်းရင်းများ

👉 ခံတွင်းသန့်ရှင်းရေး အားနည်းခြင်း
👉 သွားမတိုက်ခြင်း
👉 သွားဖုံးရောဂါများရှိခြင်း
👉 သွားပိုးစားနေခြင်း
👉 လျှာသန့်ရှင်းရေး မပြုလုပ်ခြင်း
👉 အစာအကြွင်းအကျန်များ ညပ်နေခြင်း
👉 မသင့်တော်သော အံကပ်များ၊ Bridges များ တပ်ဆင်ထားခြင်း
👉 ခံတွင်းအနာများ ရှိခြင်း
👉 အနံ့ပြင်းသော အစားအစာများ စားသောက်ခြင်း
👉 ခံတွင်းခြောက်သွေ့ခြင်း
👉 ခံတွင်းကင်ဆာအနာများ

ခန္ဓာကိုယ်ရှိ ရောဂါများကြောင့် ဖြစ်နိုင်သော အကြောင်းရင်းများ

👉 အသက်ရှူလမ်းကြောင်းဆိုင်ရာ ရောဂါများ
👉 အစာအိမ်နှင့် အူလမ်းကြောင်းဆိုင်ရာ ရောဂါများ
👉 လည်ချောင်းရောင်ခြင်း၊ ထိတ်ခတ်နာများ
👉 စိတ်ဖိစီးမှုများခြင်း
👉 အမျိုးသမီးများ ရာသီလာစဉ်ကာလ
👉 ကျောက်ကပ်နှင့် ဆီးလမ်းကြောင်းဆိုင်ရာ ရောဂါများ
👉 အသည်းရောဂါများ
👉 အချို့သော စိတ်ကျန်းမာရေးဆိုင်ရာ ရောဂါများ

ကာကွယ်ခြင်းနှင့် ကုသခြင်း

✅ သွားနှင့်ခံတွင်း သန့်ရှင်းရေးကို ဂရုစိုက်ပါ။
✅ သွားတိုက်ရာတွင် နေရာမကျန်အောင် စနစ်တကျ တိုက်ပါ။
✅ လျှာကိုလည်း သန့်ရှင်းရေး ပြုလုပ်ပေးပါ။
✅ Dental Floss (သွားပွတ်ကြိုး) အသုံးပြုပါ။
✅ Mouthwash အသုံးပြုနိုင်ပါသည်။
✅ ကွမ်းစားခြင်း၊ ဆေးလိပ်သောက်ခြင်း၊ အရက်သောက်ခြင်းများကို ရှောင်ကြဉ်ပါ။
✅ အစာစားပြီးတိုင်း ရေဖြင့် ပလုပ်ကျင်းပါ။
✅ စေးကပ်သော အစားအစာများကို လျှော့စားပါ။
✅ လတ်ဆတ်သော သစ်သီးဝလံများ များများစားပါ။
✅ ရေများများသောက်ပါ။
✅ Vitamin C ပါဝင်သော အစားအစာများ စားသုံးပါ။
✅ ၆ လတစ်ကြိမ် သွားဆေးခန်းတွင် သွားသန့်ရှင်းရေး ပြုလုပ်ပါ။
✅ လိုအပ်ပါက သွားနှင့်ခံတွင်းဆရာဝန်ထံ စစ်ဆေးကုသမှု ခံယူပါ။

ဒေါက်တာ မိုးနေ
Ref: Final BDS Periodontology Textbook, Yangon

#ခံတွင်းနံ့ဆိုးခြငိး
#သွားသန့်ရှင်းရေး

26/05/2026

သွားကျဲတာကိုအချိန်တိုတွင်းအမြန်လှစေတဲ့

Direct composite veneer

25/05/2026

မွေးရာပါသွားကလည်းမရှိဘူးး

ကလေးသွားကလည်း မကျွတ်ဖူး

လှချင်တယ်ဆိုလို့ အဆင်ပြေဆုံးအတတ်နိုင်ဆုံး

ကြိုးစားပေးထားပါတယ်

လှသွားပါပြီ 😍😍🥰

Dr.MoeNay

25/05/2026

သမီးမှန်တယ်

ဆရာထောက်ခံတယ်

😁😁😁

24/05/2026

ပရွက်ဆိတ်ကိုက်သလောက်ပဲနာမယ်နော်

🤭🤭🤭

24/05/2026

😂😂🤭

22/05/2026

Q-သွားသန့်ရှင်းရေးလုပ်ရင်သွားထိခိုက်လား

ဒီမေးခွန်းကို ခဏခဏမေးတတ်ကြပါတယ်

သွားသန့်ရှင်းရေး (scaling) ကို ခဏခဏလုပ်တာက သွားကိုတိုက်ရိုက် “ပျက်စီးစေတယ်” ဆိုတာ မဟုတ်ပါဘူး။
ဒါပေမယ့် မလိုအပ်ဘဲ အရမ်းမကြာခဏလုပ်ရင်တော့ သွားနဲ့ သွားဖုံး sensitive ဖြစ်လာနိုင်ပါတယ်။

အများအားဖြင့် —

* ၆ လ တစ်ခါ သို့မဟုတ်
* သွားကျောက်တက်လွယ်သူဆို ၃–၄ လ တစ်ခါ

လောက်က သင့်တော်တတ်ပါတယ်။

လူတချို့ scaling လုပ်ပြီးနောက် —

* သွားကျဉ်လာတာ
* သွားကြားကျယ်သလိုခံစားရတာ
* သွားဖုံးနည်းနည်းနာတာ

ဖြစ်တတ်ပေမယ့် အများစုက ယာယီပါ။

သွားကြားကျယ်သလိုခံစားရတာက သွားကျောက်တွေဖုံးထားတာကို ဖယ်လိုက်လို့ ဖြစ်တာများတယ်။ Scaling ကြောင့် သွားကိုဖြတ်စားသွားတာမဟုတ်ပါဘူး။

ဒါပေမယ့် —

* အရမ်းကြမ်းတဲ့စက်သုံးတာ
* မကျွမ်းကျင်တဲ့နေရာမှာလုပ်တာ
* အလွန်အကျွံ polishing လုပ်တာ

တွေဆိုရင် enamel ကို ထိခိုက်နိုင်ပါတယ်။ ဒါကြောင့် သွားဆရာဝန်နဲ့ပဲလုပ်တာကောင်းပါတယ်။

သွားကျောက်တက်တာ၊ သွားဖုံးသွေးယိုတာ၊ အနံ့ဆိုးတာရှိရင် scaling လုပ်တာက မလုပ်ဘဲထားတာထက် ပိုကောင်းပါတယ်။

Q -သွားသန့်ရှင်းရေးလုပ်ပြီးသွားကျင်တာပုံမှန်ပဲလား

ဟုတ်ပါတယ် — သွားသန့်ရှင်းရေး (scaling) လုပ်ပြီးနောက် သွားကျင်တာ၊ sensitive ဖြစ်တာက အတော်များများမှာ ပုံမှန်ဖြစ်တတ်ပါတယ်။

အထူးသဖြင့် —

* ရေအေး / ရေနွေးသောက်ရင်ကျင်တာ
* ချဉ်တဲ့အစားအစာစားရင်ကျင်တာ
* လေဝင်ရင်တောင်စိမ့်သလိုဖြစ်တာ

တွေက ၂ ရက်ကနေ ၁ ပတ်လောက်အထိ ဖြစ်တတ်ပါတယ်။

အဲ့ဒါက သွားကျောက်ဖုံးနေတဲ့နေရာတွေ ဖယ်လိုက်တော့ သွားရဲ့အတွင်းပိုင်း sensitive area ပိုပေါ်လာလို့ပါ။

သက်သာအောင် —

* Sensitive toothpaste (ဥပမာ Sensodyne) သုံးပါ
* အရမ်းအေး/အရမ်းပူတာ ခဏရှောင်ပါ
* ကြမ်းကြမ်းမတိုက်ပါနဲ့
* Fluoride mouthwash သုံးလို့ရပါတယ်

ဒါပေမယ့် —

* အရမ်းနာလာတာ
* ၁–၂ ပတ်ကျော်ထိမသက်သာတာ
* ကိုက်မရလောက်အောင်ကျင်တာ
* သွားဖုံးရောင်/သွေးယိုတာ

ရှိရင်တော့ သွားဆရာဝန်ပြန်ပြတာကောင်းပါတယ်။

🦷 သွားသန့်ရှင်းရေးလုပ်ခြင်းရဲ့ အကျိုးကျေးဇူးများ

✅ သွားကျောက်များ ဖယ်ရှားပေးနိုင်ခြင်း
✅ ခံတွင်းအနံ့ဆိုး လျော့နည်းစေခြင်း
✅ သွားဖုံးရောင်ရမ်းခြင်းကို ကာကွယ်ပေးခြင်း
✅ သွားပိုးစားမှုအန္တရာယ် လျော့ချပေးခြင်း
✅ သွားများ ပိုမိုဖြူလင်းသန့်ရှင်းလာစေခြင်း
✅ သွားဖုံးကျန်းမာရေးကောင်းမွန်စေခြင်း
✅ ကြည်မှုပိုရှိစေသော အပြုံးလှလှ ရရှိစေခြင်း

📌 ၆ လ တစ်ကြိမ် သွားသန့်ရှင်းရေးလုပ်ပေးခြင်းက
သင့်သွားနှင့် သွားဖုံးကျန်းမာရေးအတွက် အရေးကြီးပါတယ်။

Dr.MoeNay

#သွားသန့်ရှင်းရေး #သွားကျောက်ခြစ်ခြင်း

19/05/2026

အငွေ့သက်များ

တခါတလေမိုးစိုစိုထဲ လမ်းလျှောက်ရင်းမြေသင်းနံ့လေးတချက်ရလိုက်တာနဲ့အရင်ကကြုံခဲ့ဖူးတဲ့ နေ့တချို့ဆီစိတ်က ဖြတ်ခနဲ ပြန်ရောက်သွားတတ်တယ်။

တခါတလေဟင်းနံ့လေးတစ်ခုကြောင့်အမေချက်ကျွေးခဲ့တဲ့ ထမင်းဝိုင်းကိုသတိရသွားတတ်တယ်။

တချို့ကလေးဘဝမုန့်လေးတွေမြင်ရင်အပူပင်မရှိတဲ့ ငယ်ဘဝကိုပြန်တွေ့လိုက်ရသလိုပဲ။

တခါတလေထမင်းပေါင်းနံ့လေးတချက်ရတာနဲ့ကျောင်းတက်တုန်းကသူငယ်ချင်းတွေနဲ့ ရယ်မောစားသောက်ခဲ့တဲ့နေ့တွေပြန်ပေါ်လာတတ်တယ်။

တချို့သီချင်းသံတွေကြားရင်လည်းတချိန်က ပျော်ခဲ့၊ ဆိုခဲ့၊ ရူးခဲ့တဲ့လူငယ်ဘဝကို ပြန်သတိရစေတယ်။

ဥပမာ…အငဲရဲ့ “လက်ခံလိုက်မယ်” သီချင်းကြားရင်၂၀၀၂ ခုနှစ်ကလက်ဖက်ရည်ဆိုင်တစ်ဆိုင်မှာအောင်စာရင်းစောင့်ခဲ့တဲ့ညကိုပြန်မြင်ယောင်တ်တယ်။

ရေမွှေးနံ့လေးတချက်ရလိုက်ရင်တောင်
တချိန်က ရင်းနှီးခဲ့ဖူးတဲ့
ပခုံးတစ်ဖက်ရဲ့ အနံ့ကို
သတိရသွားတတ်တယ်။

အဲ့လိုမျိုး…
မထင်မှတ်ဘဲ ဖြတ်ခနဲပေါ်လာတတ်တဲ့
အတိတ်ရဲ့ အငွေ့သက်တွေကို
ကျွန်တော် အရမ်းသဘောကျတယ်။

ပြန်မရတော့တဲ့အချိန်တွေက
အမှတ်တရတွေထဲမှာပဲ
အသက်ရှင်နေတတ်တာမျိုး။

ဖြတ်ခနဲ…
ပေါ်လာပြီး
နှလုံးသားကို တချက်လောက် နွေးသွားစေတဲ့
အတိတ်အငွေ့သက်တွေက
တကယ်ချစ်ဖို့ကောင်းတယ်။

မိုးနေ

#အငွေ့သက်များ

16/05/2026

“ရည်းစားက ဖြတ်သွားလို့ စိတ်တိုပြီး
အရိုးမာကို အားနဲ့ကိုက်လိုက်တာ…
နောက်ဆုံး နှလုံးသားလေးနဲ့အတူသွားလေးပါ
ဟက်တက်ကွဲသွား🦷💔”

🥹🥹🥹🥹

Emotion control မရတဲ့အချိန်
သွားကပဲ victim ဖြစ်တတ်ပါတယ် 😭

အမာတွေ၊ ရေခဲတွေ၊ အရိုးမာတွေကို
အားနဲ့ကိုက်တာက
healthy tooth လည်း crack / split ဖြစ်နိုင်ပါတယ် ⚠️

Breakup က healing time နဲ့ကောင်းသွားနိုင်ပေမယ့်
ကွဲသွားတဲ့သွားကတော့
treatment လိုတတ်ပါတယ်
နှလုံးသားနဲ့အတူ သွားလေးပါဆုံးရှုံးလိုက်ရပီ😅

Dr.MoeNay

16/05/2026

ကျန်းမာရေးဝန်ကြီးဌာနမှ စံချိန်မမှီတိုင်းရင်းဆေးများအဖြစ်ထုတ်ပြန်
👇👇👇

ကျန်းမာရေးဝန်ကြီးဌာနကထုတ်ပြန်လိုက်တဲ့

အရေးသွေးမပြည့်မှိီတဲ့တိုင်းရင်းဆေးမှာ

မြန်မာအမျိုးသားများကြားရေပန်းစားနာမည်ကြီးနေတဲ့

တောင်ကြာပန်း အမျိုးသားအားတိုးဆေးပါ ပါဝင်

Tadalafil /sildenafilလို့ခေါ်တဲ့အနောက်တိုင်းဆေးထည့်သုံးထားတယ်လို့ရေးထားပါတယ်

Tadalafil ကတော့ အမျိုးသား erectile dysfunction (ED) — လိင်ဆက်ဆံချိန်မှာ er****on မတည်မငြိမ်ဖြစ်တာကို ကုသဖို့ အသုံးများတဲ့ဆေးပါ။
ဒါ့အပြင် benign prostatic hyperplasia (BPH) — ဆီးကျိတ်ကြီးခြင်းကြောင့် ဆီးခက်တာတွေကိုလည်း ကုသနိုင်ပါတယ်။

လူသိများတဲ့ brand name

* Cialis

အလုပ်လုပ်ပုံ

* သွေးကြောတွေကို ဖြေလျော့ပေးပြီး သွေးစီးဆင်းမှုကောင်းစေပါတယ်။
* လိင်စိတ်အလိုရှိတဲ့အချိန်မှာ er****on ပိုမိုကောင်းမွန်လာစေပါတယ်။
* ဆေးသောက်ပြီး 30 mins – 1 hr အတွင်း အာနိသင်စတင်တတ်ပြီး 36 hrs လောက်ထိ သက်ရောက်နိုင်တာကြောင့် “weekend pill” လို့တောင်ခေါ်ကြပါတယ်။

Sildenafil ကတော့ erectile dysfunction (ED) — အမျိုးသားလိင်အင်အားကျခြင်းကို ကုသဖို့ အသုံးများတဲ့ဆေးပါ။
Brand name အနေနဲ့ လူသိများတာက Vi**ra ဖြစ်ပါတယ်။

အလုပ်လုပ်ပုံ

* သွေးကြောတွေကို ဖြေလျော့ပေးပြီး လိင်အင်္ဂါဆီ သွေးစီးဆင်းမှုကောင်းစေပါတယ်။
* လိင်စိတ်ရှိတဲ့အချိန်မှာ er****on ပိုကောင်းစေပါတယ်။
* သောက်ပြီး 30 mins – 1 hr အတွင်း အာနိသင်စတင်တတ်ပြီး 4–6 hrs လောက်ကြာတတ်ပါတယ်။

Common side effects

* ခေါင်းကိုက်
* မျက်နှာနီ
* အစာမကြေ
* ကျောနာ / ကြွက်သားနာ
* နှာခေါင်းပိတ်

သတိထားရမယ့်အချက်

* Nitroglycerin လို nitrate ဆေးတွေနဲ့ တွဲမသောက်ရ
* နှလုံးရောဂါ၊ သွေးဖိအားပြဿနာရှိရင် ဆရာဝန်နဲ့တိုင်ပင်သင့်
* er****on 4 hrs ကျော်မပျောက်ရင် အရေးပေါ်ဆေးရုံသွားသင့်ပါတယ်။

Dr.MoeNay
Source Myanmar digital news

15/05/2026

မနေ့က pageမှာ လူနာတစ်ယောက်လာမေးလို့ပါ
မနေ့က သွားနှုတ်ခဲ့တာ အမြစ်ကျန်နေလို့တဲ့
ပြန်ခွဲထုတ်ရမာလားဆိုပြီးလာမေးလို့ပါ

🦷 သွားနှုတ်ပြီး အမြစ်ကျန်ခဲ့ရင် ဘာဆက်ဖြစ်နိုင်လဲ?

သွားနှုတ်တဲ့အချိန်မှာ
သွားအမြစ်တစ်စိတ်တစ်ပိုင်း ကျန်ခဲ့တာမျိုး ဖြစ်နိုင်ပါတယ်။
အမြစ်ကျန်နေတဲ့အခြေအနေပေါ်မူတည်ပြီး
ပြဿနာရှိနိုင်သလို မရှိဘဲနေနိုင်တာလည်းရှိပါတယ်။

❗ ဖြစ်နိုင်တဲ့ပြဿနာများ

• သွားဖုံးရောင်ခြင်း
• ကိုက်နာခြင်း
• ပြည်တည်ခြင်း
• ပိုးဝင်ခြင်း
• သွားဖုံးဖောင်းလာခြင်း
• အနံ့ဆိုးထွက်ခြင်း
• အနီးနားသွားတွေကိုထိခိုက်နိုင်ခြင်း

တချို့လူနာတွေမှာတော့
အစပိုင်း မနာပေမယ့်
နောက်ပိုင်းမှာ ရောင်လာပြီး နာလာတတ်ပါတယ်။

✅ ဘယ်အချိန်မှာ အမြစ်ကိုထုတ်ဖို့လိုလဲ?

• နာကျင်နေတဲ့အခါ
• ရောင်နေတဲ့အခါ
• ပိုးဝင်နေတဲ့အခါ
• X-ray မှာ ပြဿနာတွေ့တဲ့အခါ
ဆိုရင် အမြစ်ကျန်တာကို ထပ်ထုတ်ဖို့လိုနိုင်ပါတယ်။

❗ တချို့အခြေအနေတွေမှာတော့
အမြစ်သေးသေးလေးနဲ့ ပြဿနာမရှိဘူးဆိုရင်
ဆရာဝန်က စောင့်ကြည့်ထားဖို့ပဲ အကြံပေးတတ်ပါတယ်။

🦷 သွားနှုတ်ပြီးနောက်
နာတာ၊ ဖောင်းတာ၊ မသက်သာတာရှိရင်
ကိုယ့်ဘာသာမထားဘဲ သွားဆရာဝန်ပြန်ပြတာ အကောင်းဆုံးပါ။

Dr.MoeNay

#သွားနှုတ်ခြင်း #အမြစ်ကျိုးခြင်း

Dr MoeNay

30/05/2026

26/05/2026

25/05/2026

25/05/2026

24/05/2026

24/05/2026

22/05/2026

19/05/2026

16/05/2026

16/05/2026

15/05/2026

Address

Website

Alerts

Shortcuts

Share