31/10/2025
💥 ခါးနာတာနဲ့ ခြေထိအထိ ဆွဲသွားသလိုနာနေတာလား၊တင်ပါးခွက်မှာ မီးစ ဖြင့်ထိုးသလို စူးကနဲ နာနေပါလား❓
ဒါကတော့ “Sciatica Pain” ဖြစ်နိုင်ပါတယ် 🦵💢
Sciatica ဆိုတာ ခါးအောက်ကနေ တင်ပါးနဲ့ ခြေထိ ဆွဲသွားတဲ့ sciatic nerve ကိုဖိမိခြင်းကြောင့် ဖြစ်တဲ့နာကျင်မှု ဖြစ်ပါတယ်။
Sciatic nerve ဟာ လူ့ခန္ဓာကိုယ်မှာ အကြီးဆုံး
အာရုံကြော ဖြစ်ပါတယ်။ ၎င်းအာရုံကြောဟာ ခါးဆစ်ရိုး L4-L5 နေရာက စထွက်ပြီး တင်ပခွက်နဲ့ ပေါင်နောက်
တလျှောက်မှ ဒူးဆစ်အနောက်တလျှောက် supply လုပ်ပေးပါတယ်။နှစ်ဘက်လုံးမှာ ဒီအာရုံကြောကရှိပါတယ်။
ဒါကြောင့်ခါးရိုးအတက်ထွက်သူ၊ ခါးဆစ်ပြားကျွံသူ နဲ့ ခါးဆစ်ရိုးကျဉ်းသွားတဲ့သူတွေမှာ sciatica pain (ပေါင်တန်းနာ) ရတတ်ပါတယ်။
ပုံမှန်အားဖြင့် လေ့ကျင့်ခန်းလုပ်ခြင်း၊ကိုယ်အလေးချိန်ထိန်းခြင်း ဖြင့် သက်သာတတ်ပါတယ်။
အဝလွန်သူတွေ ဆီးချိုရောဂါရှိသူတွေ၊ အထိုင်များတဲ့သူတွေမှာ ဖြစ်လေ့ရှိကြပါတယ်။
⸻
အကြောင်းရင်းများ
• Disc ပြိုကျခြင်း (Herniated Disc)
• Spinal stenosis (အာရုံကြောနယ် ကျဉ်းခြင်း)
• Piriformis syndrome
• မတော်တဆထိခိုက်မှု့ကြောင့် အာရုံကြောအားဖိမိခြင်း
• အသက်ကြီးလာတာနဲ့ disc ပျက်စီးခြင်း
• ကင်ဆာ သို့မဟုတ် အကြိတ်တခုခုမှ အာရုံကြောအားဖိမိထားခြင်း
⸻
လက္ခဏာများ
• ခါးအောက်ကနေ ခြေထိ ဆွဲသွားသလိုနာခြင်း
• ခြေမှာ တုန်ခြင်း၊
• အပ်ဖြင့်ထိုးသလိုစူးပြီး ဓာတ်လိုက်သလို
တင်ပခွက်မှာ ခံစားရခြင်း
• ချောင်းဆိုး၊နှာချေ ခြင်း၊ အချိန်ကြာမြင့်
စွာအထိုင်များတဲ့အခြေနေတွေမှာ ပိုဆိုးတတ်ပါတယ်။
• တစ်ဖက်ခြမ်းသာနာခြင်း
• လမ်းလျှောက်ရခက်ခဲခြင်း
• ခြေတစ်ဘက် ထုံကျင်နေတတ်ခြင်း၊ကြွက်သားများအားမရှိသလိုခံစားရခြင်း၊ခြေတစ်ဘက်က ထုံနေလျှင် တစ်ဘက်မှာ နာကျင်မှု့ကိုခံစားရခြင်း
⸻
ဘယ်အချိန်တွေမှာ ဆရာဝန်ဖြင့်သေချာကုသဖို့လိုအပ်ပြီလဲ ❓❓❓
• ခြေထောက်တဖက် တန်းပြီးလမ်းလျှောက်ရခက်ခဲလာခြင်း။
• အာရုံကြောကို ဖိမိထားခြင်းကြောင့် ကြွက်သားများအားလျှော့လာကာ ဆီးဝမ်း မထိန်းနိုင်ခြင်း၊ ချက်ချင်းသွားချင်လျှင် အောင့်မထားနိုင်ခြင်း။
• နာကျင်မှု့ ဆိုးဝါးလာခြင်း
• နီးစပ်ရာ ပြွန်ရေကြောအကြိတ်များ ရောင်ရမ်းလာခြင်း
_____________
ရောဂါရှာဖွေခြင်း🚨
• Xray
• CT
• MRI ( Magnetic Resources Imaging)
• EMG (electromyography)
ကုသမှုနည်းလမ်းများ ❓
🩺 ဆေးဝါးဖြင့်ကုသခြင်း
•NSAIDs အရောင်ကျဆေးများ၊အာရုံကြောနာကျင်မှု့အားသက်သာစေသောဆေးများ)
•steroid ဆေးများ
•Antidepressant
•Anti-seizure medication
•Opioid ဆေးများ
•Physiotherapy (Stretching, Posture correction)
• လှုပ်ရှားမှုနဲ့နေထိုင်ပုံပြောင်းခြင်း
• Surgery (ခွဲစိတ်ကုသခြင်း)
⸻
နောက်ဆက်တွဲဆိုးကျိုးများ 🙏❓
ခါးနာပြီး sciatica pain ရနေတဲ့သူတွေဟာ ရောဂါကိုသေချာမကုသဖြစ်ပါက နောက်ဆက်
တွဲဆိုးကျိုးများစွာကိုခံစားတတ်ရပါတယ်။
-တချို့သောသူတွေမှာ ခြေထောက်တလျှောက်လုံးကိုထောက်ပံ့ပေးထားတဲ့ sciatic nerve အာရုံကြော ဖိမိခြင်း(သို့) ပျက်စီးတဲ့နေရာပေါ်မူတည်ပြီး ခြေထောက်ရှိ
ကြွက်သားများအားနည်းလာတတ်ပါတယ်။ များသောအားဖြင့် ခြေကျင်းဝတ်မကော့နိုင်ခြင််း၊ ခြေမ မကော့နိုင်ခြင်းစသည့် ကြွက်သားများလှုပ်ရှားမှုအားနည််းနိုင်ပါတယ်။
-လမ််းလျှောက်တဲ့နေရာမှာအရေးကြီးတဲ့ကြွက်သားတွေအားနည််းသွားပါက ခြေထောက်ကြွလမ်းမလျှောက်နိုင်တော့ဘဲ ခြေတရွတ်ဆွဲသွားတတ်ပါတယ်။
-တချို့သောသူတွေမှာတော့ ဆီးဝမ််း ထိန်းတဲ့ကြွက်သားတွေပါ အားနည်း သွားတတ်ပါတယ်။
အိမ်တွင်းသက်သာစေသောနည်းများကတော့
• လေ့ကျင့်ခန်းလုပ်ခြင်း(ဖြစ်နိုင်လျှင် physiotherapy ရယူခြင်း)
• ကိုယ်အလေးချိန်ထိန်းခြင်း
• Cold pad /heat pad တလှည့်စီကပ်ခြင်း
• ရောဂါအခံများအားကုသခြင်း(ဆီးချိုရောဂါ)
⚠️ သတိထားပါ – Sciatica ကို “နာတာရှည်” ဖြစ်အောင်မထားပါနဲ့။
အာရုံကြောပျက်စီးနိုင်တာကြောင့် အမြန်ဆုံး ဆရာဝန်နဲ့တိုင်ပင်ခြင်း အရေးကြီးပါတယ်။
နင်းခြင်း၊ နှိပ်ခြင်း လုံးဝ ပြုလုပ်ရန်မသင့်တော်ပါဘူး။
ခြေထောက်တဘက်အားလက်တဖက်ဖြင့်ထိန်းပြီးထော့နဲ့ထော့နဲ့သွားရတဲ့အဆင့်မဖြစ်အောင် သေချာဆေးဝါးကုသပါ။ စနစ်တကျ ကုသလျှင် သက်သာပျောက်ကင်းနိုင်သော ရောဂါဖြစ်ပါတယ်။
#ဆေးပညာဗဟုသုတများ_မျှဝေလိုပါက_လွတ်လပ်စွာ_မျှဝေနိုင်ပါသည်။
