What are the opening hours?

Monday 09:00 - 19:00 Tuesday 09:00 - 19:00 Wednesday 09:00 - 19:00 Thursday 09:00 - 19:00 Friday 09:00 - 19:00 Saturday 09:00 - 19:00 Sunday 09:00 - 19:00

https://royal-pearl-dental-specialist-centre.business.site/

Royal Pearl Dental Specialist Center - သွားနှင့်ခံတွင်း အထူးကုဆေးခန်း, Kanbae/Thit Sar Street, Yangon (2026)

25/12/2025

ဒီနှစ် Christmas အခါသမယမှာ ချစ်ရတဲ့ မိတ်ဆွေများ၏ အလှပဆုံးအပြုံးတွေအတွက် ကျွန်တော်တို့ Royal Pearl Dental Center ကို ယုံကြည်စိတ်ချစွာ ရွေးချယ်ပေးခဲ့ကြလို့ အထူးပင် ကျေးဇူးတင်ရှိပါတယ်။

လာမယ့် အားလပ်ရက်ရက်ရှည်တွေမှာလည်း ချစ်ခင်ရသူတွေနဲ့အတူ ပျော်ရွှင်ခြင်း၊ ကျန်းမာခြင်းတွေ ပြည့်စုံပြီး တောက်ပတဲ့ အပြုံးပိုင်ရှင်များ ဖြစ်ကြပါစေကြောင်း ဆုမွန်ကောင်းတောင်းအပ်ပါတယ်။

ချစ်ရတဲ့မိတ်ဆွေများနှင့် မိသားစုဝင်များ အားလုံး Merry Christmas နှင့် Happy New Year ဖြစ်ကြပါစေ။

Royal Pearl Dental Family

01/12/2025

🦷 သွားညှိနေချိန်မှာ ရှောင်သင့်တဲ့ အစားအစာများ 🚫
အခုခေတ်လူငယ်တွေက သွားကျန်းမာရေးနဲ့ အလှအပကို ပိုပြီးဂရုစိုက်လာကြပါပြီနော် ✨

Braces (သွားညှိကိရိယာ) တပ်ထားတဲ့အခါ Wire တွေ၊ Bracket တွေ မပြုတ်ထွက်ဖို့က အရေးအကြီးဆုံးပါပဲ ☝️

ခဏခဏပြုတ်ထွက်နေရင် ကုသချိန်ပိုကြာပြီး ငွေကုန်ကြေးကျများနိုင်ပါတယ် 💸

ဒါကြောင့် လိုရင်းတိုရှင်း မြန်မြန်လှဖို့ ဒီအချက်လေးတွေကို လိုက်နာကြစို့နော် 🤝

🛑 ၁။ မာတဲ့ အစားအစာတွေ (Hard Foods)
ဒီအစားအစာတွေက Bracket အတုံးလေးတွေကို ပျက်စီးစေနိုင်လို့ပါ 💥
🥜 အခွံမာသီးတွေ (မြေပဲ၊ သီဟိုစေ့ စသည်)
🧊 ရေခဲတုံး ဝါးစားတာမျိုးတွေ
🍬 သကြားလုံးအမာတွေ ကိုက်စားတာတွေ
🥖 မာလွန်းတဲ့ ဘီစကွတ် (Biscuits) နဲ့ ပေါင်မုန့်အနားသားတွေ
🥕 မုန်လာဥနီလို အသီးအရွက်အစိမ်းတွေ (အတုံးသေးသေးလေး လှီးစားရင်တော့ ရပါတယ်) 🔪

🛑 ၂။ ကပ်စေးနဲတဲ့ အစားအစာတွေ (Sticky Foods)
သွားမှာကပ်ငြိပြီး သန့်ရှင်းရခက်သလို Bracket တွေကိုလည်း ပြုတ်စေပါတယ် 😬

🍚 ကောက်ညှင်း၊ ခေါပုတ်၊ မိုချီ (Mochi)
🍬 ပီကေ (Chewing Gum)၊ Caramel၊ Toffee၊ ချောကလက်အပျော့တွေ
🍇 သစ်သီးခြောက်တွေ (စပျစ်ခြောက်၊ စွံပလွန်သီး )

🛑 ၃။ ကြွပ်ရွသော အစားအစာများ (Crunchy Foods)

ကြွပ်ရွလွန်းတဲ့ အစားအစာတွေကလည်း သတိထားရမယ့်အထဲ ပါပါတယ် 🍟
🍗 ကြက်ကြော် အရေခွံတွေ၊ အာလူးကြော် (Chips) တွေ
🍜 ကြွပ်ရွနေတဲ့ ခေါက်ဆွဲကြော်တွေ
🍔 စားသောက်ပုံ အလေ့အထ (Eating Habits)
ပန်းသီးတစ်လုံးလုံးကို ကိုက်စားတာမျိုး လုံးဝမလုပ်ပါနဲ့ 🍎❌

ဘာဂါအကြီးကြီးတွေ၊ ပီဇာအနားသား မာမာတွေကို အားပါပါ ကိုက်ဖြတ်တာမျိုး ရှောင်ပါ 🍕❌

အစားအစာတွေကို ဓားနဲ့ အတုံးသေးသေးလေးတွေ လှီးပြီးမှ စားပေးပါနော် 🍽️✅

✅ ၄။ စားသင့်တဲ့ အစားအစာများ (Soft Foods)

Braces သမားတွေအတွက် အသင့်တော်ဆုံးကတော့ ပျော့ပျောင်းတဲ့ အစားအစာတွေပါပဲ 😋

🍜 ခေါက်ဆွဲပြုတ် (Soft noodles)၊ ထမင်း
🍳 ကြက်ဥ၊ ဒိန်ချဉ် (Yogurt)
🍌 ငှက်ပျောသီး နဲ့ ပေါင်မုန့်အသား ပျော့ပျော့လေးတွေ
🥦 နူးအိနေအောင် ချက်ထားတဲ့ ဟင်းသီးဟင်းရွက်တွေ

ဆရာဝန်ချိန်းတဲ့အတိုင်း မှန်မှန်သွားပြပြီး ဒီအချက်လေးတွေ ရှောင်မယ်ဆိုရင် အချိန်တိုအတွင်းမှာ အဆင်ပြေသွားမှာပါ 🥰

အားလုံးပဲ သွားကျန်းမာရေးကို ဂရုစိုက်ပြီး အပြုံးလှလှလေးတွေ ပိုင်ဆိုင်နိုင်ကြပါစေရှင် 😁✨

29/09/2025

🦷သွားညှိနေချိန်မှာ ပုံမှန်သွားစစ်ဆေးမှုတွေရဲ့ အရေးပါပုံ။✨
သွားညှိကုသမှု ခံယူနေတဲ့သူတွေအတွက် ပုံမှန်သွားစစ်ဆေးတာက ဘာလို့အရေးကြီးလဲဆိုတာ သိပြီးကြပြီလားဗျို့⁉️

ဒီအချက်လေးတွေကို ဖတ်ကြည့်ပြီး သွားစစ်ဆေးဖို့ မမေ့ကြနဲ့နော်။👇

✅ သွားတွေရဲ့ ရွေ့လျားမှုကို စောင့်ကြည့်နိုင်တယ် 🦷➡️ သွားဆရာဝန်က သွားတွေ မျှော်မှန်းထားသလို ရွေ့နေလားဆိုတာ စစ်ပေးပြီး လိုအပ်တဲ့ ချိန်ညှိမှုတွေ လုပ်ပေးပါတယ်ဗျ။💯

✅ ပြဿနာတွေကို စောစီးစွာ ဖြေရှင်းနိုင်တယ် 🦷🆘

သွားပိုးစားတာ၊ သွားဖုံးရောင်တာ၊ သွားချေးကပ်တာ စတဲ့ ပြဿနာတွေကို အစောကြီးသိရင် စောစောကုသနိုင်ပြီး ကုသမှုအောင်မြင်ဖို့ အခွင့်အရေး ပိုများပါတယ်နော်။✨

✅ သွားသန့်ရှင်းရေး အကြံဉာဏ်တွေ ရနိုင်တယ် 🦷🧼 သွားညှိကုသနေတဲ့သူတွေအတွက် သွားဘယ်လိုတိုက်ရမယ်၊ ဘယ်လိုသန့်ရှင်းရေးလုပ်ရမယ်ဆိုတာကို သွားဆရာဝန်က အသေးစိတ် ရှင်းပြပေးပါတယ်။🤓

✅ ကုသမှုကြာချိန်ကို ခန့်မှန်းနိုင်တယ် 🦷⏱️

ပုံမှန်စစ်ဆေးမှုတွေကနေရတဲ့ အချက်အလက်တွေနဲ့ သွားဆရာဝန်က ကုသမှုဘယ်လောက်ကြာနိုင်လဲဆိုတာကို ခန့်မှန်းပေးနိုင်ပါတယ်ဗျ။💡

ဒါကြောင့် သွားညှိနေတဲ့သူငယ်ချင်းတို့ရေ ပုံမှန်သွားစစ်ဆေးမှုတွေကို ဘယ်တော့မှ မပျက်ကွက်ကြပါနဲ့နော်။😊

သွားကျန်းမာရေးက အရာရာထက် အရေးကြီးပါတယ်။💪

21/09/2025

သွားညှိကုသခြင်းဆိုတာ ဘာလဲ? 🦷✨

သွားတွေမညီလို့ စိတ်ညစ်နေရပြီလား။ 🤔 ကိုယ့်ကိုယ်ကိုယ် ယုံကြည်မှုမရှိ ဖြစ်နေပြီလား။ 😔 ဒီပြဿနာတွေကို ဖြေရှင်းပေးနိုင်မယ့် နည်းလမ်းတစ်ခုရှိပါတယ်။ ဒါကတော့ သွားညှိကုသခြင်း (Orthodontic Treatment) ပဲ ဖြစ်ပါတယ်။

သွားညှိကုသခြင်းဆိုတာ ဘာလဲ?

သွားညှိကုသခြင်းဆိုတာက သွားတွေကို ပုံမှန်အနေအထား ရောက်အောင် ဖြည်းဖြည်းချင်း ရွှေ့ပေးတဲ့ ကုသမှုတစ်မျိုးပဲ ဖြစ်ပါတယ်။ 🦷

ကုသရာမှာ သွားညှိကိရိယာ (brace) လို့ ခေါ်တဲ့ အတုံးလေးတွေ တပ်လို့ရသလို၊ သွားညှိတဲ့ အစွပ်လေးတွေ (Aligner) ကိုလည်း အသုံးပြုနိုင်ပါတယ်။

သွားညှိကုသခြင်းရဲ့ အကျိုးကျေးဇူးတွေက ဘာတွေလဲ? 💖

သွားညှိကုသခြင်းကို အလှအပအတွက်ပဲ ထင်ကြပေမယ့် တကယ်တမ်းကျတော့ အကျိုးကျေးဇူးတွေ အများကြီး ရှိပါတယ်။

• ယုံကြည်မှုအပြည့်နဲ့ ပြုံးရယ်နိုင်ခြင်း - သွားတွေ ညီသွားတဲ့အတွက် ယုံကြည်မှုရှိရှိနဲ့ လှပစွာ ပြုံးရယ်နိုင်ပါပြီ။ 😁

• သွားနဲ့သွားဖုံး ကျန်းမာရေး ပိုကောင်းလာခြင်း - သွားတွေမညီရင် သန့်ရှင်းရေးလုပ်ရတာ ခက်ခဲပြီး သွားပိုးစားတာ၊ သွားဖုံးရောဂါတွေ ဖြစ်တတ်ပါတယ်။ သွားတွေ ညီသွားတဲ့အခါ သန့်ရှင်းရေးလုပ်ရတာ လွယ်ကူသွားလို့ ဒီလိုရောဂါတွေ ဖြစ်နိုင်ခြေကို လျော့နည်းစေပါတယ်။ 🧼

• အစာဝါးရတာ ပိုကောင်းမွန်လာခြင်း - သွားတွေ မညီတဲ့အခါ အစာဝါးရတာ ခက်ခဲနိုင်ပေမယ့် သွားညှိကုသပြီးရင် အစာဝါးရတာ ပိုမိုအဆင်ပြေစေပါတယ်။ 😋

• မေးရိုးနဲ့သွားဖုံး ကျန်းမာရေးအတွက် အကာအကွယ်ပေးခြင်း - သွားတွေ ညီသွားတဲ့အခါ မေးရိုးနဲ့ သွားဖုံးအပေါ် သက်ရောက်တဲ့ဝန်အားတွေကို လျှော့ချပေးပြီး နောင်ဖြစ်လာမယ့် ပြဿနာတွေကို ကာကွယ်ပေးပါတယ်။ 💪

ဘယ်လိုလူတွေ သွားညှိကုသမှု ခံယူသင့်လဲ? 👩‍⚕️👨‍⚕️

သွားညှိကုသခြင်းက အသက်အရွယ်မရွေး ကုသနိုင်ပါတယ်။

သွားတွေမညီတာဟာ ကလေးတွေအတွက်ပဲ မဟုတ်ဘဲ အသက်ကြီးသူတွေလည်း လိုအပ်ရင် ကုသမှုခံယူနိုင်ပါတယ်။
• သွားတွေ အရမ်းထပ်နေတာ

• သွားတွေကြားမှာ နေရာလွတ်တွေ အများကြီးရှိနေတာ

• အပေါ်သွားနဲ့ အောက်သွားတွေက ကောင်းကောင်းမကိုက်တာ

• ကိုယ့်ရဲ့အပြုံးကို ပိုမိုလှပစေချင်တာ စတဲ့ အခြေအနေတွေဆိုရင် သွားဆရာဝန်နဲ့ တိုင်ပင်ဆွေးနွေးနိုင်ပါတယ်။

ဒါကြောင့် သွားညှိကုသခြင်းဆိုတာ ကျွန်တော်တို့ရဲ့ ကျန်းမာခြင်းနဲ့ ပျော်ရွှင်မှုအတွက် အကောင်းဆုံးရင်းနှီးမြှုပ်နှံမှုတစ်ခုပါပဲ။ ကျန်းမာပြီး လှပတဲ့ အပြုံးလေးတွေ ပိုင်ဆိုင်ဖို့ ဒီနေ့ပဲ စတင်လိုက်ပါ။ ✨😊

အမှတ်(၉)၊ ၁၃ ရပ်ကွက်၊ သစ္စာလမ်းမကြီးပေါ်၊ ရန်ကင်းမြို့နယ်၊ ရန်ကုန်မြို့။

အမှတ် ၁၂(က)၊ ပြည်သာယာလမ်းမကြီးပေါ်၊ သင်္ကန်းကျွန်းမြို့နယ်၊ ရန်ကုန်မြို့။
09-740951445, 09-740951446, 09-740951447

#သွားလေးများ၏တန်ဖိုး #သွားကျန်းမာရေး #သွားကျန်းမာရေး #သွားညှိကုသခြင်း

21/09/2025

🦷✨ သွားညှိကုသမှု (Orthodontic Treatment) အောင်မြင်ဖို့ သွားဖုံးကျန်းမာရေး ဘာကြောင့် အရေးကြီးတာလဲ? ✨🦷

လက်ရှိမှာ သွားညှိကုသမှု ယူနေပါသလား? သွားတွေ လှပအောင် ညှိနေချိန်မှာ သွားဖုံးကျန်းမာရေးက အဓိကသော့ချက်ဆိုတာ သိပါရဲ့လား? 🔑

သွားဖုံးတွေ မကျန်းမာရင် ကုသမှုကြာချိန် ပိုရှည်တာ၊ နောက်ဆက်တွဲ ပြဿနာတွေ ဖြစ်တာ ဒါမှမဟုတ် ရလဒ်မကောင်းတာတွေ ဖြစ်နိုင်ပါတယ်နော်။ 😥

📌 ၁။ သွားဖုံးကျန်းမာမှ သွားတွေက ကျန်းကျန်းမာမာနဲ့ ရွေ့နိုင်မှာပါ

• သွားညှိခြင်းဟာ သွားတွေကို အရိုးနဲ့ သွားဖုံးထဲမှာ နေရာရွှေ့တာဖြစ်လို့ သူတို့ ခိုင်မာပြီး ကျန်းမာနေဖို့ လိုပါတယ်! 💪

• သွားဖုံးရောဂါများ: Gingivitis (သွားဖုံးရောင်ခြင်း) ဒါမှမဟုတ် Periodontitis (ရေစီးကမ်းပြို‌ရောဂါ) တွေရှိနေရင် သွားညှိကုသမှုကို မစခင် အရင်ဆုံးပျောက်ကင်းအောင် ကုသရပါမယ်။ 🙅‍♀️

• ကျန်းမာသော သွားဖုံးရိုး တည်ဆောက်ပုံ: သွားဖုံးနဲ့ အရိုးတည်ဆောက်ပုံ ကောင်းမှသာ သွားတွေ စနစ်တကျ ရွေ့လျားပြီး ရလဒ်ကောင်းကို ရရှိစေမှာပါ။ ✅

⚠️ ၂။ သွားညှိကုသမှုနှင့် သွားဖုံးကြား ဆက်စပ်မှု

Braces တွေ တပ်ထားတဲ့အခါ သွားဖုံးကျန်းမာဖို့ ပိုဂရုစိုက်ဖို့လိုပါတယ်။ 🧐

ခံတွင်းသန့်ရှင်းရေး ခက်ခဲခြင်း: Braces, ဝါယာကြိုးတွေကြောင့် သွားကြားထဲ သန့်ရှင်းဖို့ ပိုခက်ခဲလာပါတယ်။ 😓

သွားချေး(plaque) စုပုံခြင်း: သန့်ရှင်းရေး မကောင်းရင် ဘက်တီးရီးယားကပ်ငြိမှု (plaque) တွေ စုပြီး သွားဖုံးရောင်ခြင်း၊ သွားပိုးစားခြင်းတွေ ဖြစ်လာနိုင်ပါတယ်။ 🦠

💡 ၃။ ကုသမှု မစခင် လုပ်ဆောင်သင့်တာတွေ

သွားညှိကုသမှု မစခင် သွားဆရာဝန်က သင့်ရဲ့ သွားဖုံးကျန်းမာရေးကို စစ်ဆေးပေးပါလိမ့်မယ်။ 🔬

သွားဖုံးရောဂါ စစ်ဆေးခြင်း: သွားဖုံးရောင်တာ၊ သွေးထွက်တာ၊ သွားဖုံးသားနိမ့်ကျတာတွေ ရှိမရှိ ကြည့်မှာပါ။ 🩸

ကြိုတင်ကုသခြင်း: ရောဂါရှိနေရင် သွားညှိကုသမှု မစခင် သွားချေးခြစ်ခြင်း (Scaling) ကဲ့သို့သော ကုသမှုတွေ အရင်ဆုံး လုပ်ဖို့ လိုအပ်ပါတယ်။ 🦷

💎 ၄။ သွားညှိနေစဉ် သွားဖုံးကျန်းမာရေး ထိန်းသိမ်းနည်းများ

လှပတဲ့ အပြုံးကို မြန်မြန်ဆန်ဆန် ရရှိဖို့ ဒီအချက်တွေကို လိုက်နာပေးပါ။ 👇

၁။ မှန်ကန်သော သန့်ရှင်းရေး: Braces အတွက် သွားကြားတိုက်တံ (interdental brushes) နဲ့ သွားကြားပွတ်ကြိုး (floss) များကို သေချာ အသုံးပြုပါ။ 🧼

၂။ ပုံမှန် ပြသခြင်း: သွားဆရာဝန်နဲ့ ပုံမှန်ချိန်းဆိုမှုတွေကို မပျက်မကွက် သွားရောက်ပြီး စစ်ဆေးပါ။ 📅

၃။ ကျန်းမာရေးနဲ့ညီသော အစားအစာ: သကြားဓာတ် များတဲ့ အစားအစာနဲ့ အချိုရည်တွေကို ရှောင်ပါ။ 🍬❌

၄။ ဆေးလိပ် ရှောင်ပါ: ဆေးလိပ်သောက်ခြင်းက သွားဖုံးရောဂါ ဖြစ်ပွားနိုင်ခြေကို တအား မြင့်တက်စေပါတယ်။ 🚬🚫

📝 နိဂုံးချုပ်

သွားဖုံးကျန်းမာရေးဟာ သွားညှိကုသမှု အောင်မြင်ရေးရဲ့ မရှိမဖြစ် အစိတ်အပိုင်းပါ! 💖

သွားဖုံးတွေ ကျန်းမာမှသာ သွားညှိကုသမှုကနေ ရရှိလာမယ့် လှပတဲ့ အပြုံးနဲ့ ကျန်းမာတဲ့ သွားများ ဆိုတဲ့ ရလဒ်ကောင်းကို ခံစားရမှာပါ။ 😄

ဒါကြောင့် သွားညှိကုသဖို့ စဉ်းစားနေရင် သွားဆရာဝန်နဲ့ အရင်ဆုံး တိုင်ပင်ပြီး သွားဖုံးကျန်းမာရေးကို သေချာ ဂရုစိုက်လိုက်ပါ။ 👩‍⚕️✨

14/09/2025

🇯🇵 ကနေ ဆေးခန်းကို လာရောက်ပြသပေးပြီး အသိအမှတ်လေးပြုပေးလို့ Life of Su မဆုကို ကျေးဇူးအထူးတင်ရှိပါတယ်ရှင့် ❤️

21/08/2025

🦷 ထိခိုက်ဒဏ်ရာကြောင့် သွားကျွတ်ထွက်သွားတဲ့အခါ အသက်အရွယ်အလိုက် ဘယ်လိုကုသရမလဲ ⁉️

မတော်တဆထိခိုက်မှုကြောင့် သွားကျွတ်သွားရင် ဘယ်လိုလုပ်ရမလဲဆိုတာ သိထားဖို့က အရေးကြီးပါတယ်။

အချိန်နဲ့အမျှ မှန်ကန်တဲ့ ကုသမှုပေးနိုင်မှ သွားလေးကို ပြန်ကယ်တင်နိုင်မှာပါ။ ဒါပေမဲ့ ကလေး၊ ဆယ်ကျော်သက်နဲ့
လူကြီးတွေမှာ လုပ်ဆောင်ရမယ့်ပုံစံတွေကတော့ မတူညီပါဘူး။

👶 ကလေးများ (၁၂ နှစ်အောက်)

ပြန်မစိုက်ပါနဲ့ ❌- ကလေးသွားကျွတ်သွားရင် နောက်ထပ်ပေါက်လာမယ့် လူကြီးသွားအတွက် နေရာဖယ်ပေးဖို့ လိုတာကြောင့် ပြန်မစိုက်သင့်ပါဘူး။

သွားကို သိမ်းဆည်းပါ 🥛- ကျွတ်သွားတဲ့သွားကို နို့အေးထဲမှာ ထည့်ပြီး ဆရာဝန်ဆီ အမြန်ဆုံး ယူသွားပါ။

ကုသမှုခံယူပါ 🔧- ဆရာဝန်က ကလေးသွားဖုံးဒဏ်ရာကို စစ်ဆေးပြီး လူကြီးသွား ပုံမှန်ပေါက်လာစေဖို့ နေရာထိန်းကိရိယာ (Space Maintainer) ကို တပ်ဆင်ပေးနိုင်ပါတယ်။

🧒 ဆယ်ကျော်သက် (၁၃–၂၀ နှစ်) နှင့် 👨 လူကြီးများ (၂၁+ နှစ်)

ချက်ချင်းပြန်စိုက်ပါ

✅- သွားကျွတ်ထွက်ပြီး မိနစ် ၃၀ အတွင်း ပြန်စိုက်နိုင်ရင် အောင်မြင်နိုင်ခြေ အမြင့်ဆုံးဖြစ်ပါတယ်။

သွားကို ပြန်မစိုက်နိုင်ရင်တော့ ပါးစပ်ထဲငုံထားတာ ဒါမှမဟုတ် နို့အေးထဲ ထည့်ထားတာက အကောင်းဆုံးပါပဲ။

သွေးတိတ်အောင်လုပ်ပါ 🩸- သွားပြန်စိုက်ပြီးရင် ပတ်တီးစ ဒါမှမဟုတ် ဂွမ်းစလေးနဲ့ ဖိကိုက်ထားပါ။

ဆေးကုသမှုခံယူပါ 💊- သွားဆရာဝန်ဆီ ချက်ချင်းသွားပြီး သွားကို ခဏထိန်းခြင်း (Splinting) ကုသမှုခံယူပါ။

ဒဏ်ရာပြင်းထန်မှုပေါ်မူတည်ပြီး မေးခိုင်ကာကွယ်ဆေးနဲ့ ပိုးသတ်ဆေးတွေလည်း လိုအပ်နိုင်ပါတယ်။

⚠️ အားလုံးအတွက် အရေးပေါ်အဆင့်များ

သွားကိုင်တွယ်နည်း

✋- သွားအမြစ်ကို လုံးဝမကိုင်ပါနဲ့။ သွားရဲ့ အပေါ်ပိုင်းကိုပဲကိုင်ပါ။

သန့်ရှင်းရေး 🚿- သွားညစ်ပတ်နေရင်တောင် ပွတ်တိုက်တာ၊ ဆပ်ပြာနဲ့ဆေးတာမျိုး မလုပ်ရပါဘူး။

နို့အေး ဒါမှမဟုတ် Normal Saline ဖြင့် ၁၀ စက္ကန့်လောက် အသာအယာ ဆေးကြောပေးပါ။

အချိန်ကို သတိထားပါ ⏰- မိနစ် ၃၀ ကျော်သွားရင် သွားအမြစ်မှာရှိတဲ့ ဆဲလ်တွေသေဆုံးသွားပြီး သွားပြန်စိုက်နိုင်မယ့် အောင်မြင်နှုန်း သိသိသာသာ ကျဆင်းသွားနိုင်ပါတယ်။

🛡️ ကာကွယ်နည်း ၃ ချက်
အားကစားလုပ်တဲ့အခါ သွားကာကွယ်အကာ (Mouthguard) တပ်ပါ။ 🥊

ဆိုင်ကယ်စီးရင် ဦးထုပ်ဆောင်း၊ ကားစီးရင် ခါးပတ်ပတ်ပါ။ 🛵

၆ လတစ်ကြိမ် သွားဆရာဝန်နဲ့ ပုံမှန်စစ်ဆေးပါ။ 👨‍⚕️

ဒီအရေးကြီးတဲ့အချက်တွေကို သိထားခြင်းအားဖြင့် အခန့်မသင့်လို့ သွားကျွတ်သွားခဲ့ရင်တောင် စနစ်တကျနဲ့ အချိန်မီလုပ်ဆောင်နိုင်မှာဖြစ်ပါတယ်။

မိတ်ဆွေသူငယ်ချင်းတွေလည်း သိရအောင် ဒီ Post လေးကို Share ပေးလိုက်ပါဦးနော်။ ❤️

19/08/2025

🦷 ကလေးရဲ့ ပိုးစားနေတဲ့သွားကို ဘာလို့ ချက်ချင်းမနုတ်သင့်တာလဲ❓

ကလေးသွားလေးတွေဟာ ခဏလေးပဲ ရှိနေမှာလို့ ထင်ရပေမဲ့ သူတို့ရဲ့အခန်းကဏ္ဍက အရေးပါပါတယ်။ 🤫

ပေါက်လာမယ့် လူကြီးသွားတွေ ညီညီညာညာလေးဖြစ်ဖို့အတွက် နေရာလွတ်ကို ကလေးသွားလေးတွေက ထိန်းပေးထားပါတယ်။ ဒါ့အပြင် အစာကို သေချာဝါးနိုင်ဖို့နဲ့ စကားကို ရှင်းရှင်းလင်းလင်း ပြောနိုင်ဖို့လည်း ကူညီပေးပါတယ်။

ဒီတော့ ပိုးစားနေတဲ့သွားကို နုတ်မပစ်ဘဲ သွားဆရာဝန်က ဘာတွေလုပ်ပေးနိုင်လဲ❓

ပိုးစားတဲ့ပမာဏပေါ် မူတည်ပြီး အခုလိုကုသနည်းတွေနဲ့ ကယ်တင်နိုင်ပါတယ် 👇

1️⃣ Indirect Pulp Treatment (IPT)

ပိုးစားနေတဲ့အပိုင်း အများစုကို ဖယ်ရှားပြီး အာရုံကြောကို မထိအောင် နူးညံ့တဲ့အလွှာလေးကို ချန်ထားပါတယ်။ ဒါဟာ အလွန်အောင်မြင်တဲ့ နည်းလမ်းဖြစ်ပါတယ်။

2️⃣ Pulpotomy

သွားအာရုံကြောရဲ့ အပေါ်ပိုင်းကို ပိုးဝင်နေရင်တောင် အမြစ်က ကျန်းမာနေသေးတယ်ဆိုရင် ပိုးဝင်နေတဲ့ အပေါ်ပိုင်းကိုပဲ ဖယ်ရှားပြီး သွားကို ဆက်ရှင်သန်နေအောင် ကုသပေးနိုင်ပါတယ်။ ဒီနည်းလမ်းက နာကျင်မှု နည်းနည်းနဲ့ သွားကို ကယ်တင်ပေးနိုင်ပါတယ်။

3️⃣ Pulpectomy (Root Canal Treatment)
ပိုးစားတာက သွားအမြစ်အထိ ရောက်နေပြီဆိုရင်တော့ သွားအမြစ်အတွင်းပိုင်းကို သန့်ရှင်းရေးလုပ်ပြီး ဆေးထည့်ပေးထားနိုင်ပါတယ်။

💡 ဒီနည်းလမ်းတွေက ဘေးကင်းပြီး အောင်မြင်ပါသလား?

ဟုတ်ကဲ့၊ အောင်မြင်မှုနှုန်း အလွန်မြင့်မားပါတယ်။ သွားတစ်ချောင်းကို ကယ်တင်ခြင်းဟာ ကလေးရဲ့ နာကျင်မှုကို လျော့နည်းစေပြီး ရေရှည်မှာ သွားတွေကို ပိုမိုကျန်းမာစေနိုင်ပါတယ်။

ဒါ့ကြောင့် သွားဆရာဝန်တွေဟာ ဖြစ်နိုင်သမျှ ကလေးသွားကို မနုတ်ဘဲ ကယ်တင်ဖို့ အမြဲကြိုးစားကြပါတယ်။

🧐 ဒါဆို ဘယ်အချိန်မှာတော့ နုတ်ပစ်တာ အကောင်းဆုံးလဲ?

အောက်မှာရှိနေတဲ့ လူကြီးသွား ထွက်တော့မယ့်အချိန်၊ သွားက အရမ်းပျက်စီးနေပြီး ကလေးရဲ့ ကျန်းမာရေးကိုပါ ထိခိုက်လာနိုင်တဲ့ အခြေအနေ ဒါမှမဟုတ် သွားအမြစ်တွေ အရမ်းပျက်စီးနေပြီဆိုရင်တော့ နုတ်ပစ်တာက ပိုပြီးဘေးကင်းနိုင်ပါတယ်။

သွားဆရာဝန်တွေက ကလေးလေးတွေရဲ့ ကျန်းမာရေးနဲ့ ဖြစ်လာမယ့် ခံတွင်းကျန်းမာရေးကို ထည့်သွင်းစဉ်းစားပြီး အကောင်းဆုံးဆုံးဖြတ်ချက်ကို ချပေးမှာပါ။

ကလေးရဲ့သွားနဲ့ ပတ်သက်ပြီး စိုးရိမ်ပူပန်နေရင် ဒါမှမဟုတ် မေးစရာရှိရင် Messenger ကနေ ဓာတ်ပုံရိုက်ပြီး ပို့လို့ရသလို စာပို့ပြီးလည်း မေးမြန်းနိုင်ပါတယ်။ 💬

ဒီအကြောင်းအရာကို သိစေချင်တဲ့ မိဘသူငယ်ချင်းတွေကို Tag နိုင်ပါတယ်၊ ဒါမှမဟုတ် Share ပေးနိုင်ပါတယ်။ 👇

Royal Pearl Dental Clinic

အမှတ်(၉)၊ ၁၃ ရပ်ကွက်၊ သစ္စာလမ်းမကြီးပေါ်၊ ရန်ကင်းမြို့နယ်၊ ရန်ကုန်မြို့။

အမှတ် ၁၂(က)၊ ပြည်သာယာလမ်းမကြီးပေါ်၊ သင်္ကန်းကျွန်းမြို့နယ်၊ ရန်ကုန်မြို့။

09-740951445, 09-740951446, 09-740951447

#သွားလေးများ၏တန်ဖိုး #သွားကျန်းမာရေး #သွားကျန်းမာရေး

14/08/2025

👑🦷 သားသားမီးမီးလေးတွေရဲ့ သွားလေးတွေ ဘယ်အချိန်မှာ သွားအစွပ် (Crown) တပ်ဖို့ လိုအပ်လဲ?

ကလေးသွားလေးတွေဟာ ပျက်စီးလွယ်တာကြောင့် တစ်ခါတလေ သာမန်သွားဖာတာထက် ပိုအထူးကုသမှု လိုအပ်တတ်ပါတယ်။

😟 အဲဒီလိုအချိန်မျိုးမှာ သွားအစွပ် (Crown) တပ်ဆင်ဖို့ လိုအပ်လာနိုင်ပါတယ်။

ဒါဆိုရင် ဘယ်လိုအခြေအနေတွေမှာ ကလေးသွားလေးတွေကို Crown တပ်ဆင်ပေးဖို့ လိုအပ်လဲဆိုတာ ကြည့်လိုက်ရအောင်။ 👇

၁။ သွားပိုးစားမှု အလွန်အမင်း များပြားနေတဲ့အခါ

✨ သွားပိုးစားတာ အရမ်းများပြီး သာမန်သွားဖာခြင်း (filling) နဲ့ မရနိုင်တော့တဲ့အခါမျိုးမှာ Crown က သွားတစ်ချောင်းလုံးကို ဦးထုပ်လို အုပ်မိုးကာကွယ်ပေးပြီး ပိုးစားတာ မပျံ့အောင် တားဆီးပေးနိုင်ပါတယ်။

၂။ သွားအတွင်းပိုင်း ကုသမှုပြီးသည့်အခါ

💡 သွားပိုးစားတာ နက်ရှိုင်းလို့ သွားအတွင်းပိုင်းကို ကုသထားရတဲ့ ကလေးသွားတွေဟာ ပုံမှန်ထက် ပိုပြီးပျက်စီးလွယ်၊ ကျိုးပဲ့လွယ်ပါတယ်။

🩹 ဒါကြောင့် သွားအသစ်မပေါက်ခင်အထိ ခိုင်မာနေအောင် Crown နဲ့ ကာကွယ်ပေးထားဖို့ လိုအပ်ပါတယ်။

၃။ မွေးရာပါ သွားကြွေလွှာ ချို့ယွင်းချက်ရှိနေတဲ့အခါ

👶 သွားပေါ်က ကြွေလွှာ (enamel) ဟာ မွေးကတည်းက ပါးလွှာနေတာ၊ ပျော့နေတာမျိုး ဖြစ်တတ်ပါတယ်။

🛡️ ဒီလိုပျက်စီးလွယ်တဲ့ သွားကြွေလွှာကို Crown က အကာအကွယ်ပေးပြီး သွားကိုက်ခြင်းကိုပါ ကာကွယ်ပေးနိုင်ပါတယ်။

၄။ ကျိုးပဲ့သွားတဲ့ ကလေးသွားများ 🦷💔

🤕 ပြုတ်ကျတာ၊ ကစားရင်း ထိခိုက်မိတာကြောင့် သွားကျိုးသွားတာမျိုးပါ။ Crown က ကျိုးသွားတဲ့သွားရဲ့ ပုံသဏ္ဍာန်နဲ့ ခိုင်မာမှုကို ပြန်လည်ကောင်းမွန်စေပြီး ကလေးကို ပုံမှန်အတိုင်း ပြန်လည်စားသောက်နိုင်၊ ပြုံးနိုင်အောင် ကူညီပေးပါတယ်။ 😊

ဒီလိုအခြေအနေတွေမှာ ကလေးသွားလေးတွေကို Crown တပ်ဆင်ပေးတာဟာ နာကျင်မှုတွေနဲ့ နောက်ဆက်တွဲပြဿနာတွေကို ကာကွယ်ပေးနိုင်တဲ့ အကောင်းဆုံးနည်းလမ်းတစ်ခု ဖြစ်ပါတယ်။ 💖

ကလေးဘေးတွေရဲ့ သွားအခြေအနေနဲ့ပတ်သက်ပြီး စိုးရိမ်ပူပန်မှုတွေရှိရင် သွားဆရာဝန်နဲ့ အမြန်ဆုံးဆွေးနွေးတိုင်ပင်ကြည့်ဖို့ အကြံပြုပါရစေနော်။ 👩‍⚕️

Royal Pearl Dental Clinic

ရန်ကင်းမြို့နယ်
အမှတ်(၉)၊ ၁၃ ရပ်ကွက်၊ သစ္စာလမ်းမကြီးပေါ်၊ ရန်ကင်းမြို့နယ်၊ ရန်ကုန်မြို့။

သင်္ဃန်းကျွန်းမြို့နယ်
အမှတ် ၁၂(က)၊ ပြည်သာယာလမ်းမကြီးပေါ်၊ သင်္ဃန်းကျွန်းမြို့နယ်၊ ရန်ကုန်မြို့။

☎️ 09-740951445, 09-740951446, 09-740951447

#သွားလေးများ၏တန်ဖိုး #သွားကျန်းမာရေး #ကလေးသွားအစွပ် #သွားအစွပ် #ကလေးသွား #သွားဆေးခန်း

13/08/2025

ကလေးသွားများ လျင်မြန်စွာ ပျက်စီးနိုင်သော Rampant Caries အကြောင်း 🦷✨

ဒီနေ့ခေတ် ကလေးတွေမှာ အဖြစ်များလာတဲ့ သွားပိုးစားခြင်းအမျိုးအစားတစ်ခုဖြစ်တဲ့ Rampant Caries အကြောင်းကို ပြောပြပေးချင်ပါတယ်။ 💡 ဒါက သာမန်သွားပိုးစားတာထက် ပိုမြန်ဆန်ပြီး ပိုပြင်းထန်ပါတယ်၊ ကလေးရဲ့ သွားတွေကို အချိန်တိုအတွင်းမှာပဲ ပျက်စီးစေနိုင်ပါတယ်။ 😱

Rampant Caries ဆိုတာဟာ ကလေးသွားတွေအပြင် လူကြီးသွားတွေမှာပါ အလွန်မြန်မြန်ဖြစ်ပွားတဲ့ သွားပိုးစားခြင်းတစ်မျိုးပဲ ဖြစ်ပါတယ်။ သွားတစ်ခုတည်းမှာတင်မကဘဲ တစ်ချောင်းပြီးတစ်ချောင်း လျင်မြန်စွာ ပျက်စီးသွားတာမျိုး ဖြစ်တတ်ပါတယ်။ ဒါ့အပြင် လူကြီးတွေမှာလည်း တံတွေးထွက်နည်းတဲ့ ပြဿနာတွေကြောင့် ဖြစ်တတ်ပါတယ်။ 😥
ဖြစ်ရတဲ့ အဓိကအကြောင်းရင်းတွေကတော့... 🧐

• သကြားဓာတ်များတဲ့ အစားအစာတွေ မကြာခဏစားသုံးခြင်း 🍭🍬 သကြားလုံး၊ ကွတ်ကီးနဲ့ အချိုရည်တွေက သွားပေါ်မှာ ကပ်ညှိပြီး ပိုးမွှားတွေ ပေါက်ပွားဖို့ အကောင်းဆုံး‌ေသာပတ်ဝန်းကျင်ကို ဖန်တီးပေးပါတယ်။

• ညဘက်မှာ နို့ဘူးနဲ့အိပ်တာ 🍼😴 ကလေးငယ်လေးတွေကို ညဘက် နို့ဘူးတိုက်ပြီး အိပ်ခိုင်းတဲ့အခါ သွားတွေပေါ်မှာ နို့ရည်တွေ ကပ်နေတတ်ပြီး သွားပိုးစားတာကို အလွန်အမင်း ဖြစ်စေနိုင်ပါတယ်။

• သွားသန့်ရှင်းရေးကို ပုံမှန်မလုပ်ခြင်း 🪥💦 အစာစားပြီးတိုင်း သွားတိုက်တာ၊ ပလုတ်ကျင်းတာ ပုံမှန်မလုပ်တဲ့အခါ အစားအသောက်အကြွင်းအကျန်တွေကနေ ဘက်တီးရီးယားတွေ ပေါက်ပွားလာပါတယ်။

• တံတွေးထွက်နှုန်းနည်းခြင်း 💧 တံတွေးက သွားတွေကို သဘာဝအတိုင်း သန့်စင်ပေးပြီး အက်ဆစ်ဓာတ်ကို ထိန်းညှိပေးပါတယ်။ တံတွေးထွက်နည်းတဲ့အခါ သွားတွေပေါ်မှာ ဘက်တီးရီးယားတွေ စုပုံပြီး ပိုးစားတာ ပိုဖြစ်လွယ်ပါတယ်။ ကင်ဆာကုသမှု ဓာတ်ရောင်ခြည်ကုထုံးခံယူရသူတွေ၊ စိတ်ကျရောဂါဆေးနဲ့ ဓာတ်မတည့်တဲ့ဆေးအချို့ သောက်သုံးသူတွေမှာ တံတွေးထွက်နှုန်း လျော့နည်းနိုင်ပါတယ်။

ဘယ်လိုကာကွယ်ကြမလဲ... 🤔

• သကြားဓာတ်ပါတဲ့ အစားအစာတွေကို လျှော့ကျွေးပါ 🙅‍♀️🍰 အစားအသောက်တွေကို ရွေးချယ်ပြီး ကျွေးတာဟာ ကလေးရဲ့ သွားကျန်းမာရေးအတွက် အရေးကြီးပါတယ်။

• ကလေးကို ညဘက် နို့ဘူးနဲ့ မအိပ်ပါစေနဲ့ 🚫🍼 နို့အစား ရေကိုသာ တိုက်ပြီး အိပ်ခိုင်းပါ။

• မနက်တစ်ကြိမ်၊ ညတစ်ကြိမ် သွားတိုက်ပေးပါ 🌞🌙 သွားတိုက်တဲ့အခါ Fluoride ပါတဲ့ သွားတိုက်ဆေးကို သုံးပေးတာဟာ သွားတွေအတွက် ပိုအကျိုးရှိပါတယ်။

• တံတွေးထွက်အောင် အားပေးခြင်း 🍎 တံတွေးထွက်နှုန်းကောင်းစေဖို့ သစ်သီးနဲ့ ဟင်းသီးဟင်းရွက်တွေ စားပေးတာ၊ သကြားမပါတဲ့ ပီကေကို ဝါးပေးတာမျိုး လုပ်နိုင်ပါတယ်။

• သွားဆရာဝန်နဲ့ ပုံမှန်ပြသပြီး စစ်ဆေးပေးပါ 👨‍⚕️ တစ်နှစ်ကို အနည်းဆုံး (၂) ကြိမ် သွားဆရာဝန်ဆီသွားပြီး သွားနှင့်ခံတွင်း
ကျန်းမာရေးကို စစ်ဆေးသင့်ပါတယ်။

ဒီအချက်လေးတွေကို လိုက်နာမယ်ဆိုရင် သားသားမီးမီးလေးတွေရဲ့ သွားလေးတွေ ကျန်းမာလှပနေမှာပါ။ 😊✨ သင့်ကလေးရဲ့ သွားလေးတွေကို ဂရုစိုက်ဖို့ မမေ့ပါနဲ့နော်။ ❤️

12/08/2025

🦷✨ ကလေးသွားလေးတွေရဲ့ သူရဲကောင်း — Stainless Steel Crown များအကြောင်း သိကောင်းစရာ

ကလေးငယ်လေးတွေရဲ့ သွားတွေ ပိုးစားတာများလို့ ဒါမှမဟုတ် ပဲ့သွားလို့ စိတ်ပူနေပြီလား? ပုံမှန်သွားဖာလို့ မရတော့တဲ့အခါ သွားလေးတွေကို ကာကွယ်ပေးနိုင်တဲ့ Stainless Steel Crown များအကြောင်း ဒီပို့စ်မှာ ရှင်းပြပေးပါမယ်နော်။ ❤️

🤔 Stainless Steel Crown ဆိုတာ ဘာလဲ?

👑 Stainless Steel Crown ဆိုတာ ကလေးသွားတစ်ချောင်းလုံးကို အုပ်ပေးထားတဲ့ သတ္တုအကာလေးတစ်ခုပါ။ သွားလေးတွေ ပိုပြီးခိုင်ခံ့အောင်နဲ့ အစားအစာတွေ ပုံမှန်ဝါးနိုင်အောင် ကာကွယ်ပေးဖို့ အဓိကရည်ရွယ်ပါတယ်။

✌️ Crown တပ်ဆင်နည်း (၂) မျိုး

1. Conventional Technique 💉
ဒီနည်းလမ်းမှာတော့ သွားပိုးစားတဲ့နေရာတွေကို သန့်ရှင်းရေးလုပ်ပြီးမှ Crown ကို တပ်ဆင်ပေးပါတယ်။ နီကယ်ဓာတ်မတည့်တဲ့ ကလေးတွေအတွက် နီကယ်မပါဝင်တဲ့ Titanium Crown တွေနဲ့လည်း အစားထိုးနိုင်ပါတယ်။

2. Hall Technique 🤩
"Biological Technique" လို့လည်း ခေါ်ကြပြီး၊ သွားကြားထဲမှာ ပိုးစားတဲ့ကလေးတွေအတွက် အထူးသင့်တော်ပါတယ်။ ဒီနည်းလမ်းရဲ့ အားသာချက်ကတော့ ထုံဆေးထိုးစရာမလိုဘဲ Crown ကို တိုက်ရိုက်ကပ်ပေးတာကြောင့် ဆေးခန်းကြောက်တဲ့ ကလေးတွေအတွက် အဆင်ပြေစေပါတယ်။ ဒါပေမဲ့ သွားနာတာ၊ သွားဖုံးရောင်တာ၊ သွားလှုပ်တာမျိုးတွေမှာတော့ ဒီနည်းလမ်းကို အသုံးမပြုသင့်ပါဘူး။

✨ Crown တပ်ဆင်ပြီးနောက်ပိုင်း ဘာတွေလုပ်ရမလဲ?
Crown တပ်ဆင်ပြီးခါစမှာ ကလေးလေးတွေဟာ နည်းနည်းအောင့်တာ၊ တင်းကျပ်တာမျိုး ခံစားရနိုင်ပါတယ်။ ဒါပေမဲ့ ရက်အနည်းငယ်ကြာရင် ပုံမှန်အတိုင်း အသားကျသွားမှာပါ။ ပုံမှန်မဟုတ်တဲ့ လက္ခဏာတွေ (ဥပမာ- နာကျင်မှု မသက်သာတာ၊ Crown လှုပ်တာ) ဖြစ်လာရင်တော့ သွားဆရာဝန်နဲ့ ပြန်ပြသဖို့ အကြံပြုလိုပါတယ်။ 👩‍⚕️

ကလေးသွားလေးတွေကို အကောင်းဆုံးကာကွယ်ပေးနိုင်ဖို့အတွက် သွားဆရာဝန်နဲ့ ပုံမှန်ပြသဖို့ မမေ့ပါနဲ့နော်။ 💖

အမှတ် ၁၂(က)၊ ပြည်သာယာလမ်းမကြီးပေါ်၊ သင်္ကန်းကျွန်းမြို့နယ်၊ ရန်ကုန်မြို့။
09-740951445, 09-740951446, 09-740951447

#သွားလေးများ၏တန်ဖိုး #သွားကျန်းမာရေး #သွားကျန်းမာရေး #ကလေးသွား

09/08/2025

🦷✨ ကလေးလေးတွေရဲ့သွားတွေ ပုံမှန်မဟုတ်တာ သတိထားမိလား? 🤔 ဒီလိုဖြစ်နေတာဟာ ဘာကြောင့်လဲ၊ မိဘတွေအနေနဲ့ ဘာတွေလုပ်ပေးနိုင်လဲဆိုတာ သိရအောင် ဖတ်ကြည့်လိုက်ရအောင်!

ကလေးတွေရဲ့ သွားဖွံ့ဖြိုးမှုဟာ မွေးပြီးကတည်းက စတင်ပြီး အရေးကြီးတဲ့ အဆင့်တွေ အများကြီး ရှိပါတယ်။ 👶 ဒါပေမဲ့ တစ်ခါတလေမှာ သွားကြွေလွှာ (Enamel) နဲ့ သွားအတွင်းသား (Dentine) တွေက မူမမှန်တာမျိုးတွေ ဖြစ်တတ်ပါတယ်။ 😥 ဒီပြဿနာတွေဟာ ကလေးရဲ့ ခံတွင်းကျန်းမာရေးကို အမျိုးမျိုး သက်ရောက်မှု ရှိစေနိုင်ပါတယ်။

• 🧬 ဘာကြောင့်သွားဖွံ့ဖြိုးမှုချို့ယွင်းရတာလဲ?
ဒီလိုဖြစ်ရတဲ့ အကြောင်းရင်းတွေက အများကြီးရှိပါတယ်။

• 🧬 မျိုးရိုးလိုက်ခြင်း: မိဘတွေဆီကနေ မျိုးရိုးလိုက်တဲ့ "သွားကြွေလွှာ မကောင်းတဲ့ရောဂါ (Amelogenesis Imperfecta)" ဒါမှမဟုတ် "သွားအတွင်းသား မကောင်းတဲ့ရောဂါ (Dentinogenesis Imperfecta)" မျိုးတွေ ဖြစ်တတ်ပါတယ်။

• 🤰 ကိုယ်ဝန်ဆောင်ချိန်: ကိုယ်ဝန်ဆောင်ချိန်မှာ မိခင်က ရောဂါပိုးဝင်တာမျိုး (ဂျိုက်သိုး၊ ဆစ်ဖလစ်) ဒါမှမဟုတ် Tetracycline လိုမျိုး ဆေးတွေ သုံးစွဲမိတာမျိုးကလည်း အကြောင်းရင်းတစ်ခု ဖြစ်နိုင်ပါတယ်။

• 🍼 ကလေးဘဝအခြေအနေ: လမစေ့ဘဲမွေးတာ၊ ပြင်းထန်တဲ့ ဖျားနာမှုတွေ၊ ဒါမှမဟုတ် အာဟာရမပြည့်ဝတာတွေကလည်း သွားဖွံ့ဖြိုးမှုကို ထိခိုက်စေပါတယ်။

•💧 ပတ်ဝန်းကျင်: ဖလိုရိုက်ဓာတ် (Fluoride) လိုမျိုး ဓာတ်တွေ အလွန်အကျွံရရှိတဲ့အခါလည်း သွားမှာ အကွက်တွေဖြစ်တတ်ပါတယ်။
⚠️ ဒီချို့ယွင်းချက်တွေက ဘာတွေဖြစ်စေနိုင်လဲ?

• 🟡 အရောင်ပြောင်းခြင်း: သွားတွေက ပုံမှန်မဟုတ်ဘဲ အဝါ၊ အညို ဒါမှမဟုတ် အစက်အပြောက်တွေ ပါတတ်ပါတယ်။

• 💔 ကျိုးလွယ်ခြင်း: သွားတွေဟာ ပိုပြီး ကျိုးပဲ့လွယ်ပါတယ်။

• 🐛 သွားပိုးစားခြင်း: သွားကြွေလွှာ မခိုင်မာတဲ့အတွက် သွားပိုးစားဖို့ အခွင့်အရေး ပိုများပါတယ်။

• 🥶 သွားကျဉ်ခြင်း: အပူအအေးကို စားသောက်တဲ့အခါ သွားတွေကျဉ်ပြီး နာကျင်တာမျိုး ဖြစ်နိုင်ပါတယ်။

• 😔 ယုံကြည်မှုကျဆင်းခြင်း: သွားတွေ မလှတာကြောင့် ကလေးရဲ့ စိတ်ပိုင်းဆိုင်ရာကိုလည်း ထိခိုက်စေနိုင်ပါတယ်။

👨‍👩‍👧‍👦 မိဘတွေ ဘာလုပ်ပေးသင့်လဲ?

သင့်ကလေးရဲ့ သွားတွေမှာ ပုံမှန်မဟုတ်တဲ့ လက္ခဏာတွေ တွေ့တယ်ဆိုရင် သွားဆရာဝန်နဲ့ အမြန်ဆုံး သွားပြဖို့ အရေးကြီးပါတယ်။ 🩺 စောစောစီးစီး သိရှိပြီး ကုသမှုခံယူမယ်ဆိုရင် နောင်ဖြစ်လာနိုင်တဲ့ ပြဿနာတွေကို လျှော့ချနိုင်မှာ ဖြစ်ပါတယ်။

သင့်ကလေးရဲ့ ခံတွင်းကျန်းမာရေးအတွက် ဒီအချက်အလက်တွေက အထောက်အကူပြုလိမ့်မယ်လို့ မျှော်လင့်ပါတယ်။ 😊 နောက်ထပ် သိချင်တာတွေရှိရင်လည်း ကွန်မန့်မှာ မေးသွားနိုင်ပါတယ်နော်။ 💬

အမှတ်(၉)၊ ၁၃ ရပ်ကွက်၊ သစ္စာလမ်းမကြီးပေါ်၊ ရန်ကင်းမြို့နယ်၊ ရန်ကုန်မြို့။

အမှတ် ၁၂(က)၊ ပြည်သာယာလမ်းမကြီးပေါ်၊ သင်္ကန်းကျွန်းမြို့နယ်၊ ရန်ကုန်မြို့။
09-740951445, 09-740951446, 09-740951447

#သွားလေးများ၏တန်ဖိုး #သွားကျန်းမာရေး #သွားကျန်းမာရေး #သွားချို့ယွင်းမှုများ #သွားဖွံဖြိုးမှုဆိုင်ရာ ချို့ယွင်းမှုများ

Royal Pearl Dental Specialist Center - သွားနှင့်ခံတွင်း အထူးကုဆေးခန်း

25/12/2025

01/12/2025

29/09/2025

21/09/2025

21/09/2025

14/09/2025

21/08/2025

19/08/2025

14/08/2025

13/08/2025

12/08/2025

09/08/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	09:00 - 19:00
Tuesday	09:00 - 19:00
Wednesday	09:00 - 19:00
Thursday	09:00 - 19:00
Friday	09:00 - 19:00
Saturday	09:00 - 19:00
Sunday	09:00 - 19:00