What are the opening hours?

Monday 08:00 - 20:00 Tuesday 08:00 - 20:00 Wednesday 08:00 - 20:00 Thursday 08:00 - 20:00 Friday 08:00 - 20:00 Saturday 08:00 - 20:00 Sunday 08:00 - 20:00

https://www.facebook.com/100893178118271/

Soe Thitsar Dental Clinic, Twante (2026)

09/04/2024

#သင်္ကြန်ဆေးခန်းပိတ်ရက်အသိပေးကြေညာခြင်း

ကျွန်တော်တို့ “စိုးသစ္စာ” သွားနှင့်ခံတွင်းဆေးခန်းကို သင်္ကြန်ကာလ ဆေးခန်း ပိတ်ရက်အဖြစ်

12.4.24 (သောကြာနေ့) မှ 18.4.24 (ကြာသပတေးနေ့) အထိ ဆေးခန်းပိတ်ထားမှာ ဖြစ်တဲ့အကြောင်း အသိပေး အကြောင်းကြားအပ်ပါတယ် ခင်ဗျာ။

01/08/2023

ဝါဆိုလပြည့်နေ့ ဆေးခန်း မပိတ်ပါဘူးခင်မျာ 🪷

စိုးသစ္စာ သွားနှင့်ခံတွင်းဆေးခန်းကို အမြဲ တနင်္လာနေ့တိုင်းသာ ပိတ်လေ့ရှိပြီး 🚨

လပြည့်၊လကွယ် နှင့် အစိုးရရုံးပိတ်ရက် များ ဆေးခန်း မပိတ်ပါဘူးခင်မျာ 😊

“သန္ဓေ၊ တောထွက်၊ ဓမ္မစက်၊ တချက်ပြာဋိဟာ” ဆိုသည့်အတိုင်း

ဂေါတမမြတ်စွာဘုရားရှင် ပဋိသန္ဓေ နေတော်မူခြင်း၊ တောထွက်တော်မူခြင်း၊ တရားဦးဓမ္မစကြာကို ဟောကြားတော်မူခြင်း၊ ရေအစုံ မီးအစုံ တန်ခိုးပြာဋိဟာကို ပြသတော်မူခြင်းဟူသော

ဗုဒ္ဓဘာသာဝင်တို့၏ ထူးမြတ်သည့် ဝါဆိုလပြည့်နေ့ အချိန်အခါသမယတွင် ခုနှစ်ရက်သားသမီး အပေါင်း ဘေးအန္တရာယ်များမှ ကင်းဝေးကာ စိတ်၏ချမ်းသာခြင်း ၊ ကိုယ်၏ ကျန်းမာခြင်း ပြည့်စုံပါစေကြောင်း

✨🦷စိုးသစ္စာ သွားနှင့်ခံတွင်းဆေးခန်းမှ ဆုမွန်ကောင်း တောင်းအပ်ပါတယ်ခင်မျာ 🙏

25/06/2023

#ဆေးခန်းပိတ်ရက်အသိပေးခြင်း

ဆရာ သင်တန်း သွားတက်ရန်ရှိပါသဖြင့်

🦷 27.5.23 ( အဂ်ါနေ့ ) မှ
🦷 28.5.23 ( ဗုဒ္ဓဟူးနေ့ ) အထိ
ဆေးခန်း( 2 )ရက် ပိတ်ထားမှာ
ဖြစ်ပါတယ် ခင်ဗျာ။

🦷 29.5.23 ( ကြာသပတေးနေ့ )တွင် ဆေးခန်းပြန်လည်ဖွင့်လှစ်ပြီး ကုသမှုများအား ပြန်လည်လုပ်ဆောင်ပေးမှာ ဖြစ်ပါတယ် ခင်ဗျာ။

🚨 တနလ်ာနေ့ တိုင်းဆေးခန်းပိတ်ပါသည်။ 🚨

21/05/2023

#ဆေးခန်းပိတ်ရက်အသိပေးခြင်း

ဆရာ သင်တန်း သွားတက်ရန်ရှိပါသဖြင့်

🦷 23.5.23 ( အဂ်ါနေ့ ) မှ
🦷 24.5.23 ( ဗုဒ္ဓဟူးနေ့ ) အထိ
ဆေးခန်း( 2 )ရက် ပိတ်ထားမှာ
ဖြစ်ပါတယ် ခင်ဗျာ။

🦷 25.5.23 ( ကြာသပတေးနေ့ )တွင် ဆေးခန်းပြန်လည်ဖွင့်လှစ်ပြီး ကုသမှုများအား ပြန်လည်လုပ်ဆောင်ပေးမှာ ဖြစ်ပါတယ် ခင်ဗျာ။

🚨 တနလ်ာနေ့ တိုင်းဆေးခန်းပိတ်ပါသည်။ 🚨

24/09/2022

🦷ရေပလုတ်ကျင်းရင် ပြုတ်မထွက်၊ ရီတဲ့ ပြုံးတဲ့ စကားပြောတဲ့အချိန် ပြုတ်မကျ၊ အစာလည်း ကောင်းကောင်းဝါးလို့ရတဲ့ အံကပ်တစ်ခုရဖို့ဆိုရင် အခြေခံအဆင့် ငါးဆင့် လိုအပ်ပါတယ်ခင်ဗျာ

🔹ပုံစံအကြမ်း အရင်ယူရပါတယ် (Primary Impression )

🔹လူနာအတွက် သီးသန့်ပုံစံယူခွက်ပြုလုပ်ပြီး ပုံချောယူရပါတယ် ( Secondary Impression )

🔹မျက်နှာနဲ့ မေးရိုးရဲ့ မူလအမြင့်ကို ပြန်လည်တိုင်းတာရပါတယ် ( JRR )

🔹ဖယောင်းဖြင့် အံကပ်ပုံကြမ်း ထုတ်ရပါတယ် ( Try in Wax Pattern )

🔹လူနာက ဖယောင်းအံကပ်ကို နှစ်သက်တယ် အဆင်ပြေတယ်ဆိုမှ နောက်ဆုံး အံကပ်ကို ပြုလုပ်ရပါတယ် ( Complete Denture )

🤗 ယခုလို အံကပ်ကောင်းတစ်ခုရဖို့ ဆေးခန်းကို အနည်းဆုံး လေးကြိမ်မှ ငါးကြိမ် လာပေးရပါတယ်🚨

🦷ဆရာ၀န်ကလည်း အားထုတ်ကြိုးစားရသလို

⚪လူနာကလည်း စိတ်ရှည်သည်းခံပြီး

🚅လူနာရှင်ကလည်း ဆေးခန်းမှ ရက်ချိန်းခေါ်ယူတိုင်း အချိန်ပေးပြီး လူနာကို လိုက်ပို့ပေးရပါတယ်ခင်မျာ

😄ကုန်ကျစားရိတ်များအားလည်း တစ်ခါတည်းပေးသွင်းစရာမလိုပဲ ရက်ချိန်းအလိုက် အရစ်ကျ ပေးချေလို့ရပါတယ်ခင်ဗျာ👍

✨🦷 စိုးသစ္စာ သွားနှင့်ခံတွင်း အထူးကုဆေးခန်းကို အမှတ်33 ရွှေဆံတော်ဘုရားလမ်း နှင့် ကျုံးကြီးကျောင်းလမ်းထောင့်
တွင် ဖွင့်လှစ်ထားပါတယ်

⏰ ဆေးခန်းဖွင့်ချိန် - မနက် 8 နာရီမှ ည 6 နာရီထိ

☎️ Ph. 09 795471704

🟥 တနင်္လာနေ့တိုင်း ဆေးခန်းပိတ်ပါသည် 🟥

🌕 လပြည့်၊လကွယ် နှင့် အစိုးရရုံးပိတ်ရက် များ ဆေးခန်း မပိတ်ပါ 🌒

17/01/2022

" သွားနူတ်တဲ့အခါ မျက်ကြောလွတ်ပါ့မလား? "

ဒီမေးခွန်းကို ကြားတိုင်း ကျွန်တော် ရီရီမောမောနဲ့ပဲ "မထိပါဘူးဗျာ" လို့ ဖြေလေ့ရှိပါတယ် ။
အပေါ်သွားတွေ နူတ်ရမယ်လို့ ပြောတဲ့အခါ မျက်ကြောထိမှာ ပိုစိုးရိမ်ကြပါတယ် ။ အဓိကကတော့ သွားနူတ်ပြီးရင် မျက်စိတွေ မွဲသွားမှာကို ကြောက်ကြတာ ။
ဘာကြောင့်များ ဒီလိုကြောက်ကြတာလဲပေါ့ ကျွန်တော်တွေးမိတာလေးတွေ ပြေပြချင်ပါတယ် ။
တချို့လူတွေကကျတော့ အရပ်စကားနဲ့ ကြောက်ကြတာဗျ ။ ကျွန်တော်တောင်ကြားမိသား ဟိုဘက်ရပ်ကွက်က ဒေါ်ဘုမ သွားနူတ်လိုက်ခါမှ သွားနာတာတော့ပျောက်ပြီး မျက်စိတွေမွဲသွားရော တဲ့ ။ ဒေါ်ဘုမက အသက်ဘယ်လောက်ထင်လဲ... ၇၀ တဲ့ဗျား ။ ဒေါ်ဘုမ သွားနူတ်လိုက်တယ် မျက်စိမွဲတယ် ဒီအခြေအနေကိုပဲ ယုံလိုက်ကြတာပဲ ။ ဒီအရွယ်ရောက်မှတော့ မျက်စိက အရွယ်ကြောင့်မွဲတာ ဖြစ်ဖို့များပါတယ် ။
ဒီအကြောင်းကို သိထားတဲ့ သူတစ်ယောက်ကများ သွားနူတ်ခံရလို့ကတော့ ငါနူတ်ပြီးရင်များ မျက်စိမွဲလေမလားလို့ ဆိုက်ကိုဝင်မှာ အသေအချာပဲ ။ ဒေါ်ဘုမဟာ ဒီလို ဆိုက်ကိုရှိတာလည်း ဖြစ်နိုင်တာပဲ မဟုတ်ဘူးလား ။ တချို့အမျိုးသားတွေဆို သွားနူတ်ပြီးတော့ ကြည့်နေကျ သင်ဇာဝင့်ကျော်တောင် သိပ်မကိတ်တော့သလိုပဲတဲ့ ။ ဒီလိုဖြစ်စဉ်တွေက အစွဲကြောင့်၊ စိတ်ကြောင့် ဥပါဒ်ဖြစ်ရော ။ ဒေါ်ဘုမ ဖြစ်စဉ်ကို သူသိထားတာကိုး... ကိုယ်နဲ့ ရင်းနှီးတဲ့လူကပြောထားတော့ ကိုယ်ဖြစ်သလိုပဲ ခံစားလိုက်ရတာပေါ့ ။ ဒီလို လူနာတွေကျတော့ သွားမနူတ်ခင်မှာ သွားဆရာဝန်က အကျိုးသင့်အကြောင့်သင့် ရှင်းပြရင်တောင် စိတ်ထဲမှာ သွားနူတ်ရင် မျက်စိမွဲမယ်ဆိုတဲ့ အစွဲက ဖျောက်ဖျက်မရဘူး ။
တချို့လူတွေကျတော့ ကိုယ်ပိုင်အသိလေးတွေနဲ့ တွေးတောပြီး စိုးရိမ်လို့မေးတာ ။ လူနာတွေစိုးရိမ်ရင်လည်း စိုးရိမ်ချင်စရာပဲဗျ ..။ ကျွန်တော်တို့ မျက်စိနဲ့ သွားတွေက အရမ်းနီးနေကြတာကိုး ။ ဒါကြောင့် သွားတွေများ တစ်ခုခုဖြစ်ရင်၊ နူတ်လိုက်ရင် မျက်စိကို ထိခိုက်မိမလား စိုးရိမ်တာ ။ ဒီလိုလူတွေကျတော့ ကိုယ်တိုင်တွေးခေါ်တတ်တော့ စိတ်ပူတာ၊ စိုးရိမ်တာ ပျောက်သွားကြတယ် ဥပါဒ်လည်း မဖြစ်ဘူး ။
တချို့လူတွေမှာကျတော့ သွားပိုးစားတာကို သတိမပြု၊ ဂရုမစိုက် ပေနေတာကြောင့် နောက်ဆက်တွဲ ဆိုးကျိုးအနေနဲ့ မျက်နှာကြီးပါ ရောင်လာရော ။ ဒါဆို ပါးတွေ ၊ မျက်ဝတ်လေးတွေပါ ရောင်လာရော ။ တချို့အခြေအနေဆိုးရင် ရောင်တာအားကြီးပြီး မျက်လုံးပါ ဖွင့်မရတော့ဘူး ။ ဒီလိုကိုယ်တိုင်ခံစားရတာကြောင့် သွားနဲ့ မျက်လုံးဟာ ဆက်စပ်မွုရှိတယ်လို့ ယုံကြည်ကြတာလည်း ဖြစ်နိုင်ပါတယ် ။
ဘယ်လိုကြောင့်ပဲ သွားနူတ်ရင် မျက်ကြောထိတယ်လို့ ထင်ထင် ဒီနေ့ အဲ့ဒီအကြောင်းကို မေ့လိုက်ရအောင် ။
ကျွန်တော် ပထမဆုံးစာကြောင်းမှာ ရေးခဲ့သလိုပဲ အကြောင်းကြောင်းကြောင့် သွားနူတ်ရတဲ့အခါ မျက်ကြောတွေ အမြင်အာရုံတွေကို ထိခိုက်မှာမဟုတ်ပါဘူး ။
ဘာလို့လဲ အဖြေက ရှင်းလင်းပါတယ် ။ သွားတွေရဲ့ အာရုံကြောတွေ နဲ့ မျက်လုံးအာရုံကြောတွေက အာရုံကြောသီးသန့်အခွဲတွေဖြစ်ပြီး ဆက်စပ်မွု မရှိတာကြောင့်ပါ ။ အလုပ်လုပ်တဲ့ ပုံစံတွေလည်း မတူကြပါဘူး ။
ဒါကြောင့် သွားဘက်ဆိုင်ရာဆရာဝန် တစ်ဦးက သွားနူတ်ဖို့ အကြံပြုတယ်ဆိုရင် စိတ်ချလက်ချသာ နူတ်လိုက်ပါ။ သွားဘက်ဆိုင်ရာဆရာဝန်တွေဟာ သွားတွေကို ချစ်ကြတာမျိုးဖြစ်လို့ တော်ရုံဆို သွားမနူတ်ကြပါဘူး ။ နူတ်ဖို့ အကြံပြုလိုက်တယ်ဆိုရင်လည်း တော်တော်ကြီး ကိုယ့်ရဲ့သွားက အခြေအနေဆိုးနေတယ်ဆိုတာ နားလည်ရပါမယ် ။
သွားနူတ်တဲ့အခါ သွားဘက်ဆိုင်ရာဆရာဝန်တွေဆီမှာသာ နူတ်ဖို့ အကြံပြုပါတယ် ။ သွားဘက်ဆိုင်ရာဆရာဝန်တွေ အားလုံးက ကျွန်တော်တို့ဦးခေါင်းမှာရှိတဲ့ အာရုံကြောတွေ၊ ကြွက်သားတွေ ၊ အရိုးတွေ စတဲ့ ခန္ဓာဗေဒတွေကိုလည်း တတ်ကျွမ်းနားလည်ကြတာမို့ သွားဆရာဝန်နဲ့ သွားနူတ်ရင် ဆိုးကျိုးတွေနည်းမှာ သေချာပါတယ် ။ ဘာလို့ ဒီလို သတိပေးရသလဲဆိုရင် တချို့ဒေသတွေမှာ သွားဘက်ဆိုင်ရာဆရာဝန်မဟုတ်ပဲ ဆေးကုသနေကြတဲ့သူတွေကြောင့် လူနာတွေ နစ်နာနေတာကိုလည်း နေ့စဉ်မြင်တွေ့နေရတာကြောင့်ပါ ။ သွားတွေကို နူတ်တယ် အမြစ်တွေကျိုးသွားတယ် လုံးဝ မရတော့မှ သွားဆရာဝန်ဆီသွားဖို့ လွဲတာမျိုး... အနာအပေါက်ကြီးတွေ စုတ်ပြတ်သတ်နေမှ ရောက်လာတာမျိုးတွေ ကြုံတွေ့ရပေါင်းလည်း များလှပါပြီ ။
လူနာတွေအနေနဲ့ သွားနူတ်ရင် မျက်ကြောထိမှာထက် ဒီလို အဖြစ်အပျက်မျိုးကို ပိုကြောက်သင့်ပါတယ် ။
နောက်ဆုံး ချိန်းခြောက်ချင်တာလည်းရှိပါတယ် ။သွားနူတ်သင့်တဲ့အချိန်မှာ မနူတ်ပဲ ပေနေရင်တော့ သွားအလွန်အမင်းနာခြင်း ၊ သွားအမြစ်ထိပ်မှာပြည်တည်ခြင်း ၊ မျက်နှာရောင်ရမ်းခြင်း ၊ ဖျားခြင်း အပြင် အရမ်းဆိုးရွားပါက အသက်အန္တရာယ်စိုးရိမ်ရသည်အထိ ဖြစ်နိုင်ပါတယ် ။
အကိုက်အခဲ ပျောက်ဆေးတွေနဲ့ အံတုနေသူများကတော့ ခဏတာ အကြားအာရုံပျောက်ခြင်းဖြစ်စဉ်တွေကို ကြုံတွေ့ရနိုင်ပါတယ် ။
ဒီပို့စ်က သွားနူတ်ဖို့ အားပေးထားတဲ့ ပို့စ်မဟုတ်ပါဘူး ။ သွားနူတ်ဖို့လိုတဲ့သူတွေ စိတ်ရှင်းရှင်းနဲ့ သွားနူတ်နိုင်ဖို့ ဗဟုသုတအလို့ငှါ မျှဝေပေးခြင်းဖြစ်ပါတယ် ။
ဒီပို့စ်ရဲ့ အနှစ်ချုပ်ကတော့
"သွားနူတ်စရာရှိရင် နူတ်ကြ ။
သွားကောင်းတဲ့သူတွေက သွားမနူတ်ရဖို့ ဂရုစိုက်ကြ ။"

ချစ်ခြင်းဖြင့်သာမျှဝေပါသည် ။
ဒေါက်တာ မျိုးမြင့်အောင်

#ခင်ဗျားတို့ရဲ့သွားဆရာဝန်

21/09/2021

"စိတ်ဖိစီးမှုများနှင့် ခံတွင်းကျန်းမာရေး"

အခုကာလမှာ လူတိုင်းစိတ်ဖိစီးနေကြမယ်လို့ ထင်ပါတယ် ။ နိုင်ငံရေးအခြေအနေတွေ ၊ ကပ်ရောဂါအခြေအနေတွေကြားမှာ လူမှုရေးပြသနာတွေ စီးပွားရေးပြသနာရောကြောင့် အဖက်ဖက်ကနေ စိတ်ဖိစီးနေကြတာ လတွေအတော်ကြာနေလောက်ပါပြီ ။ ဒီလိုအကြာကြီးစိတ်ဖိစီးမှုတွေရှိနေတဲ့အခါ ကျွန်တော်တို့ရဲ့ ကိုယ်ခန္ဓာမှာလည်း မကောင်းတဲ့ အပြောင်းအလဲတွေ စဖြစ်လာပါတယ် ။ ဒီနေ့တော့ စိတ်ဖိစီးမှုတွေက ကျွန်တော်တို့ သွားနှင့်ခံတွင်းကျန်းမာရေးကိုလည်း အများကြီးထိခိုက်စေနိုင်တဲ့အကြောင်းကို ဗဟုသုတအဖြစ် ဆွေးနွေးပေးချင်ပါတယ် ။

(၁) အနာသေးသေးလေးတွေပေါက်လာခြင်း ။

ဒီလို အနာသေးသေးလေးတွေထွက်လာရင် လူတွေတော်တော်များများက အပူကန်တယ်ဆိုပြီးပြောကြပါတယ် ။ အနာလေးတွေက နူတ်ခမ်းအတွင်းသားလေးတွေ၊ ပါးစောင်တွေ ၊ လျှာတွေ နေရာအနှံ့ ပေါက်ချင်တဲ့နေရာမှာ ပေါက်တော့တာ ။ ပေါက်လာခါနီး ယားစိစိနဲ့ ပေါက်လည်းပေါက်သွားရော နာလိုက်တာ ။ ဘာမှကိုစားလို့မရအောင်ပဲ ။ ဒါတွေဟာ တကယ်တော့ စိတ်ဖိစီးမှုတွေကြောင့်ဖြစ်လာတာပါ ။ ကျွန်တော်ကျောင်းတက်တုန်းကဆိုရင် စာမေးပွဲဖြေခါနီး တစ်ပတ်အလိုလောက်ဆို ပါးစပ်ထဲ ဒီလိုအနာသေးသေးလေးတွေ တစ်ခု၊နှစ်ခုတော့ထွက်လိုက်ရမှ ။ အနာမပေါက်ရပဲ စာမေးပွဲပြီးသွားတယ်ဆိုတာ မရှိလိုက်ဘူး ။ ဒီလိုအနာလေးတွေက တစ်ပတ်ကနေ (၁၀) ရက်ခန့်အထိကြာတတ်တော့ အဲ့ဒီအတောအတွင်းတော့ အစားစားရတာလည်းအဆင်မပြေ၊ ဒီအတိုင်းနေလည်း နာသကိုးဗျ ဒုက္ခတွေများခဲ့ရပါတယ် ။
ကျွန်တော်တို့ဆေးခန်းကို လူနာတွေ ဒီလိုအနာလေးတွေပေါက်ကြလို့ ခဏခဏရောက်လာကြဖူးတယ် ။ တစ်ပတ်လောက်ကြာပြီ မပျောက်သေးဘူးဆိုပြီး စိုးရိမ်လို့လာပြကြတာ ။ သူတို့ရောက်လာကြရင်တော့ ပျောက်ခါနီးနေပါပြီ ။ ဒီအတောအတွင်းတော့ ဝေဒနာတွေတော့ တော်တော်ခံလာရမှာပဲ ။ ဝေဒနာတွေ အရမ်းမခံရအောင် အနာသေးသေးလေးတွေပေါက်လာတဲ့အခါ သွားဘက်ဆိုင်ရာဆရာဝန်နဲ့သေချာပြပါ ။ ဆရာက အနာသက်သာစေဖို့ လိမ်းဆေးလေးတွေ ၊ အနာမြန်မြန်ကျက်စေဖို့ ပိုးမဝင်စေဖို့ ပလုပ်ကျင်းဆေးရည်တွေ ညွန်းပေးပါလိမ့်မယ်ခင်ဗျာ ။

(၂) ညအိပ်တဲ့အခါ သွားကြိတ်ခြင်း ။

စိတ်ဖိစီးမှုတွေက စိတ်ပူပန်မှုကိုဖြစ်စေပြီး အဲ့အကြောင်းကို ထပ်ခါခါတွေးတောနေမိနေတတ်ကြတယ် ။ အဲ့ဒီအခါ စိတ်ဖိစီးမှုတွေကြောင့် ညအိပ်ရင်းသွားတွေ ကြိတ်တော့တာပဲ ။
ကျွန်တော့်မိတ်ဆွေတစ်ယောက် အိမ်ကိုအလည်လာတော့ ခရီးပန်းလာတယ်ထင်ပါရဲ့ အစောကြီးအိပ်ရာဝင်တာ ။ သူအိပ်ပျော်သွားတော့ ဘယ်လောက်မှမကြာဘူး သွားတွေစကြိတ်တော့တာပဲ ။ ဘေးနားမှာ အရိုးတွေထိုင်ဝါးနေသလား ထင်မိရတယ် ကျွန်တော့်ဖြင့် သူ့အစားသွားတွေကြိမ်းလိုက်တာ ။
ဒီလိုညကို သွားတွေကြိတ်ထားရင် မနက်လည်းနိုးလာရော မေးရိုးတွေညောင်းနေတာ ၊ သွားတွေနာနေတာကို ခံစားရမှာဖြစ်ပါတယ် ။ ဒီလို ညအိပ်နေစဉ် သွားကြိတ်ခြင်းက သွားနှင့်ခံတွင်းကျန်းမာရေးကို ဆိုးဆိုးရွားရွားထိခိုက်စေတဲ့အကြောင်းကို Health Guide Magazine ရဲ့ January 2018 Issue မှာ အကျယ်တဝင့်ဖော်ပြခဲ့ပြီးဖြစ်ပါတယ် ။

(၃) သွားသန့်ရှင်းရေးသေသေချာချာမလုပ်ဖြစ်တော့ပါဘူး ။

ကျွန်တော်တို့စိတ်ညစ်တဲ့အခါ ဘာမှကိုယ်လုပ်ချင်ကိုင်ချင်စိတ်မရှိတော့ဘူး။ အရာရာကိုအလိုမကျတွေဖြစ်ပြီး တစ်ခါတလေ ဒေါသတွေပါထွက်လာရော ။ တစ်ယောက်တည်း အိပ်ရာထဲမှာပဲခွေနေချင်တော့တာ ။ ရေလည်းမချိုးချင်တော့ အလှလည်းမပြင်ချင်တော့ဘူး ။
ဒီလိုဆိုတော့ သွားသန့်ရှင်းရေးတွေလည်း လုပ်ချင်တော့မှာမဟုတ်ဘူး ။ သွားမတိုက်တော့ခြင်း၊ သွားတိုက်သော်လည်းစနစ်တကျမဟုတ်တော့ခြင်း(ပြီးစလွယ်ဖြစ်သလိုတိုက်လိုက်ခြင်း) ၊ သွားပွတ်ကြိုးမသုံးတော့ခြင်း စတဲ့အချက်တွေက ပါးစပ်ထဲ အစာအကြွင်းအကျန်တွေကျန်စေပြီး သွားဖုံးရောဂါနှင့် သွားပိုးစားတာတွေဖြစ်ဖို့ အခွင့်အရေးပိုများလာပါတယ် ။

(၄) အစားအသောက်ပျက်လာခြင်း ။

စိတ်ညစ်တဲ့အခါ ကျွန်တော်တို့အရမ်းကြိုက်တဲ့ အစားသောက်တွေတောင်မစားချင်တော့ဘူး ။ အစားအသောက်ပျက်တဲ့အခါ ခန္ဓာကိုယ်အတွက်သင့်တင့်မျှတတဲ့ အာဟာရဓာတ်ကိုရတော့မှာမဟုတ်ပါဘူး ။ လေ့လာမှုတွေအရ အာဟာရသင့်တင့်မျှတမှုမရှိတဲ့သူတွေက သွားနှင့်ခံတွင်းရောဂါဖြစ်နှုန်းပိုမိုမြင့်တက်ပါသတဲ့ ။

(၅) အကျင့်ဆိုးတွေလုပ်ဖြစ်ခြင်း ။

ကျွန်တော်တို့ စိတ်ညစ်တဲ့အခါ အဲ့ဒီအရာတွေကိုမေ့ပစ်ချင်တယ် စိတ်ထွက်ပေါက်တစ်ခုခုရချင်တယ်ပေါ့ ။ စိတ်ထွက်ပေါက်ရဖို့အတွက် လူတွေဟာ အမျိုးမျိုးကြိုးစားကြတယ် ။ သီချင်းနားထောင်တာ ၊ KTV မှာ သီချင်းသွားဆိုတာ ၊ မုန့်စားတာ ၊ ဘုရားသွားတာ ၊ ဗေဒင်ဆရာဆီသွားတာ စသဖြင့်ကိုယ်သန်ရာ သန်ရာကို လုပ်ကြတော့တာပဲဗျ ။ သန်ရာသန်ရာဆိုတဲ့နေရာမှာ တချို့လူတွေက စိတ်ထွက်ပေါက်အဖြစ် ဆေးလိပ်တွေ အရက်တွေသောက်ဖြစ်သွားကြတတ်ကြတယ်။ စိတ်ညစ်တဲ့အကြောင်းပြချက်နဲ့ သောက်ရင်းသောက်ရင်း စွဲသွားကြတဲ့ လူတွေကိုလည်းအများကြီးတွေ့ဖူးပါတယ် ။
တကယ်တော့ ဆေးလိပ်သောက်တာဟာ စိတ်ဖိစီးမှုတွေကိုပိုမိုဆိုးရွားစေပြီး ခန္ဓာကိုယ်ရဲ့ခုခံအားစနစ်ကိုလည်းကျဆင်းစေပါတယ် ။ သွားဖုံးရောဂါ နှင့် သွားပိုးစားနှုန်းကိုလည်း မြင့်တက်စေပြီး ခံတွင်းနံကိုလည်း ဆိုးဆိုးရွားရွားထိခိုက်စေမှာဖြစ်ပါတယ် ။ ဆေးလိပ်ရဲ့ နောက်မကောင်းတဲ့အချက်တစ်ခု သွားတွေကို အညိုရောင် ၊ အမဲရောင်အဖြစ်ပြောင်းသွားစေတာပါပဲ ။ အညိုရောင် နှင့်အမဲရောင်ပြောင်းသွားတဲ့သွားတွေကို ဘယ်လိုမှ သဘာဝအတိုင်း ပြန်ဖြူလာအောင်လုပ်လို့ရတော့မှာမဟုတ်ပါဘူး ။
နောက်တစ်ခုဆိုးတာက အရက်နှင့် ဆေးလိပ်က ခံတွင်းကင်ဆာကို ဖြစ်ပွားစေနိုင်တာပါပဲ ။

(၆) သွားဖုံးရောဂါကိုဖြစ်ပွားစေပါတယ် ။

လူတွေ စိတ်ညစ်လာလေလေ ခန္ဓာကိုယ်ရဲ့ခုခံအားစနစ်ဟာ ကျဆင်းလာလေလေပါပဲ ။ ခန္ဓာကိုယ်ရဲ့ ခုခံအားစနစ်ကျဆင်းလာတဲ့အခါ ပါးစပ်ထဲက အန္တရာယ်ရှိတဲ့ ဘက်တီးရီးယားတွေကို မခုခံနိုင်တော့ပါဘူး ။ ဒါဆိုရင် သွားဖုံးတွေစတင်အဖျက်ဆီးခံလိုက်ရပြီး သွားဖုံးရောဂါလည်း စတင်ဖြစ်ပွားလာပါတော့တယ် ။

(၇) ပါးစပ်ခြောက်ခြင်း ။

ပါးစပ်ထဲက တံတွေးဟာ ခံတွင်းကျန်းမာရေးအတွက် များစွာအရေးပါလှပါတယ် ။ တံတွေးဟာ ပါးစပ်ထဲမှာ အစာကြွင်းအကျန်တွေမရှိအောင်ဆောင်ရွက်ပေးသလို ခံတွင်းနံ့တွေကောင်းအောင်လည်း ကူညီပေးပါတယ် ။
ဒီလိုပါးစပ်ခြောက်တာကို စိတ်ဖိစီးမှုတွေအတွက် သောက်ရတဲ့ဆေးတွေရဲ့ဘေးထွက်ဆိုးကျိုးအနေနဲ့ တွေ့ရတာများပါတယ် ။ နှလုံးရောဂါ နှင့် သွေးတိုးရောဂါအတွက် သောက်ရတဲ့ဆေးတွေရဲ့ ဘေးထွက်ဆိုးကျိုးကလည်း ပါးစပ်ခြောက်စေတယ်လို့ဆိုကြပါတယ် ။

(၉) ဆေးခန်းပုံမှန်မသွားတော့ခြင်း ။

သွားနှင့်ခံတွင်းဆေးခန်းတွေဆီကို (၆) လတစ်ကြိမ်သွားပြီး အမြဲစစ်ဆေးမှုခံယူရတယ်ဆိုတာကိုတော့ အားလုံးသိပြီးဖြစ်မှာပါနော် ။ စိတ်ဖိစီးမှုမရှိတဲ့ သာမာန်လူတွေ ၊ ကျန်းမာရေးအသိရှိတဲ့လူတွေ ၊ ကုန်ကုန်ပြောရရင် ဆရာဝန်တွေ ကိုယ်တိုင်ကိုက အလုပ်တွေများပြီး (၆) လတစ်ကြိမ် သွားဆေးခန်းလာဖို့ကို မေ့လျော့ကြပါတယ် ။ ကျန်းမာရေးနဲ့ပတ်သက်ပြီးအရမ်းလိုက်စားတဲ့သူတွေ ၊ သွားနှင့်ခံတွင်းရောဂါတွေကိုပြင်းပြင်းထန်ထန်ခံစားဖူးတဲ့သူတွေသာ (၆)လတစ်ကြိမ်ပုံမှန်ပြဖြစ်ကြပါတယ် ။ ဒါကလည်း ကျွန်တော်ထင်တယ်..လူအယောက်တစ်ရာမှာ တစ်ယောက်နှစ်ယောက်လောက်ပဲဗျ ။ ကျွန်တော်တို့ မြန်မာတွေတော်တော်များများက ရောဂါကာကွယ်တာတွေ ဘာညာ စိတ်မဝင်စားဘူးဗျ ..ရောဂါဖြစ်ပီဟေ့ဆိုမှသာ ကုန်းရုန်းကုကြတော့တာ ။ ဘာစတိုလ်ကြီးလဲ ကျွန်တော်လည်း မပြောတတ်။
စိတ်ညစ်နေတဲ့လူ စိတ်ဖိစီးနေတဲ့လူတွေဆိုရင်တော့ တွေးသာကြည့် ။ ပုံမှန် (၆)လတစ်ကြိမ်ဆေးခန်းလာဖို့မဆိုထားနဲ့ တကယ့်ကုသရမယ့်အပိုင်းတွေမှာတောင် ရက်ချိန်းမှန်ချင်မှ မှန်မှာမျိုးဗျ ။ ဒါတွေက ကုသမှုကို နှောက်နှေးစေတဲ့အချက်ဖြစ်ပြီး ရောဂါအခြေအနေကို ပိုပြီးဆိုးရွားစေမှာဖြစ်ပါတယ် ။

ဒီလောက်ဆိုရင် စိတ်ဖိစီးမှုတွေက သွားနှင့်ခံတွင်းကျန်းမာရေးကို ဘယ်လိုထိခိုက်စေတယ်ဆိုတာ သိလောက်ပြီလို့ထင်ပါတယ် ။

စိတ်ဖိစီးမှုတွေနဲ့ ကြုံတွေရတဲ့အခါ
များများအနားယူပါ ။
အနေအစား/ အအိပ်မှန်အောင် ကြိုးစားပါ ။ ရေများများသောက်ပေးပါ ။
မိတ်ဆွေတွေနဲ့တွေဆုံပါ ။
ချစ်ခင်ရသူတွေဆီအလည်သွားပါ ။ ရင်ဖွင့်ပါ ။
အခုကာလကတော့ Facebook ခဏနားပါလို့ အကြံပြုပါရစေ ။

📌 သွားနှင့်ခံတွင်းကျန်းမာရေးပြသနာများရှိရင်တော့ ဒီစာမျက်နှာရဲ့ Chat Box မှာ အခမဲ့ အကူအညီရယူနိုင်ပါတယ်ခင်ဗျာ ။

ချစ်ခြင်းဖြင့်သာ မျှဝေပါသည် ။

ဒေါက်တာ မျိုးမြင့်အောင်

မှတ်ချက် - အရင် (၃) နှစ်က ကျွန်တော်ရေးသား ဖော်ပြခဲ့တဲ့ဆောင်းပါးအား အခုကာလနှင့်ဆီလျော်အောင် အနည်းငယ်ပြုပြင်ရေးသားထားခြင်းဖြစ်ပါတယ် ။

06/09/2021

Mask တပ်ပါ။
လက်ဆေးကြပါနော်။

28/08/2021

ကျွန်တော်တို့ "စိုးသစ္စာ" သွား နှင့် ခံတွင်း အထူးကုဆေးခန်း ကို ( 1• 9 • 2021 ) ဗုဒ္ဓဟူးနေ့ မှစတင်၍ ပြန်လည် ဖွင့်လှစ် ကုသမှုများပေးသွားမည် ဖြစ်ပါသည်။

⏰ ဆေးခန်းဖွင့်ချိန် ⏰
***အင်္ဂါနေ့ မှ တနင်္ဂနွေနေ့ အထိ
***မနက် ( ၉ : ၀၀ ) မှ
***ညနေ ( ၆ : ၀၀ ) အထိ
***တနင်္လာနေ့ ကို ဆေးခန်းပိတ်ရက်အဖြစ် ယာယီသတ်မှတ်ထားပါသည်။
ယခု ကိုဗစ် ကာလအတွင်း ဆေးခန်းဖွင့်ချိန်များကို ယာယီ ပြောင်းလဲ သတ်မှတ်ထားပါသည်။

🔴🔴🔴 လူနာများအနေဖြင့် ဆေးခန်းသို့ မလာမီ ဆေးခန်းဖုန်းသို့ ဆေးခန်းချိန်အတွင်း ကြိုတင်ဆက်သွယ် appointmentယူစေလိုပါသည် 🔴🔴🔴

💠တိုကင်ယူထားပြီး မလာဖြစ်ရင်လည်း ကြိုတင် ဆက်သွယ်အကြောင်းကြား ပေးစေလိုပါသည်

အခြားလူနာများအား အချိန်ညှိပေးနိုင်ရန်အတွက် ဖြစ်ပါသည် 🙏

🔺ဆေးခန်းသို့လာလျှင် maskတပ်လာပေးရပါမယ်
🔺ဆေးခန်းအဝင်မှာ ကိုယ်အပူချိန် စစ်ဆေးမူအား ခံယူပေးရပါမယ်

Covid 19ကူးစက်ရောဂါ လက္ခဏာများဖြစ်သော
⭕ ကိုယ်အပူချိန်တက်ခြင်း
⭕ အသက်ရှူရခက်ခြင်း
⭕ အနံ့ အရသာ ပျောက်နေခြင်း
⭕ ချောင်းဆိုး နှာရည်ယိုခြင်း
⭕ လည်ချောင်းနာခြင်းတို့ ရှိနေသော
လူနာများ အနေဖြင့် သွားဆေးခန်းသို့ မလာမှီ
Fever Clinic သို့ ဦးစွာ သွားရောက် ကုသ စစ်ဆေးမူ ခံယူသင့်ပါတယ်

💧Covid 19 ရောဂါသည် ကူးစက်နိုင်ခြေလည်း အင်မတန်များပါတယ်
ထို့အတွက်ကြောင့် ပိုးသတ် သန့်စင်ခြင်းများကို တိတိကျကျ လုပ်ဆောင်ရပါတယ်

🔷နဂိုမူလတည်းက ဆေးခန်းသုံး ပစ္စည်းများကို အဆင့်သုံးဆင့်ဖြင့် တိတိကျကျ ပိုးသတ် သန့်စင်ပြီးမှ လူနာများမှာ အသုံးပြုခဲ့ပါတယ်

🔶လူနာ တစ်ဦးပြီးတိုင်း Dental Chairကိုသာမက ကုသခန်းကိုပါ ပိုးသတ်ဆေးရည်များဖြင့် ပိုးသတ် သန့်စင်ခြင်းပြုလုပ်ပေးပါသည်

💠သို့သော်လည်း ယခုကိုဗစ်ကာလအတွင်း အရေးပေါ် သွားနှင့်ခံတွင်း ကုသမူများအတွက်
ပိုးသတ်သန့်စင်မူများကို အပိုငွေထပ်ဆောင်း ကောက်ခံမှာ မဟုတ်ပဲ နဂိုမူလ နှုန်းထားများသာ ကျသင့်မှာ ဖြစ်ပါတယ်

🔺အလွန်အမင်း သွားကိုက် သွားနာခြင်း
‌🔺ပြည်တည်ယောင်ယမ်း၍ ပိုး၀င်ခြင်း
🔺သွား နှင့် ခံတွင်း၏ ပုံမှန် လုပ်ငန်းဆောင်တာတို့ကို
ကောင်းစွာ မလုပ်နိုင်ခြင်း စသည်တို့ အတွက်သာ
အရေးပေါ်ကုသမူများ လာရောက် ခံယူသင့်ကြောင်း
ပြောလိုပါတယ်

✨🦷 "စိုးသစ္စာ" သွားနှင့်ခံတွင်း အထူးကုဆေးခန်းကို
အမှတ် ၃၃ ၊ ရွှေဆံတော်ဘုရားလမ်း၊ Honda NCX Showroomရှေ့ ၊ကျုံးကြီးရပ်ကွက်၊ တွံတေးမြို့ တွင် ဖွင့်လှစ်ထားပါသည်။

☎️ Ph. 09 795471704
09 446972711
📱Ph. 09 5506765
09 762000625
09 955067655

Soe Thitsar Dental Clinic

09/04/2024

01/08/2023

25/06/2023

21/05/2023

24/09/2022

17/01/2022

21/09/2021

06/09/2021

28/08/2021

Address

Opening Hours

Telephone

Website

Alerts

Contact The Practice

Shortcuts

Share

Category

Monday	08:00 - 20:00
Tuesday	08:00 - 20:00
Wednesday	08:00 - 20:00
Thursday	08:00 - 20:00
Friday	08:00 - 20:00
Saturday	08:00 - 20:00
Sunday	08:00 - 20:00