10/05/2022
သင့်ရဲ့သွားတိုက်နည်း မှန်/မမှန်ဒီအချက်လေးတွေနဲ့စစ်ဆေးကြည့်ပါ။✍️
သွားတိုက်တဲ့အလုပ်ဟာ ကျွန်တော်တို့အားလုံးနေ့စဉ်လုပ်ရတဲ့အလုပ်ဖြစ်ပေမယ့် တစ်ခါတစ်လေမှာအနည်းငယ်လွဲချော်နေတာမျိုးဖြစ်တတ်ပါတယ်။ ဒါကြောင့်မို့ ဒီနေ့မှာကိုယ့်ရဲ့သွားတိုက်နည်း မှန်/မမှန် စစ်ဆေးနိုင်မယ့်အချက်တစ်ချို့ကို ကျွန်တော်တို့ 𝐁𝐢𝐨𝐝𝐞𝐧𝐭 𝐅𝐚𝐦𝐢𝐥𝐲 𝐃𝐞𝐧𝐭𝐚𝐥 𝐂𝐥𝐢𝐧𝐢𝐜 မှဖော်ပြပေးသွားပါ့မယ်ရှင်။
📝ပထမဦးဆုံးအနေနဲ့ သွားတိုက်ဆေးအရမ်းအများကြီးမဖြစ်ပါစေနဲ့။
သွားတိုက်ဆေးတိုင်းဟာ ဖလိုရိုက်ဓာတ်ပါဝင်တဲ့အတွက် "တန်ဆေးလွန်ဘေး" ဆိုတဲ့အတိုင်း သွားတိုက်ဆေးထည့်တာများလွန်းရင် ကျန်းမာရေးအတွက်မကောင်းနိုင်ပါဘူး။ ဒါကြောင့် သွားတစ်ခါတိုက်တိုင်း သွားတိုက်ဆေးကို လုံလောက်တဲ့ပမာဏ (စားတော်ပဲစေ့ခန့်) လောက်ပဲထည့်ပေးသင့်ပါတယ်။
📝မှန်ကန်တဲ့သွားတိုက်တံသေချာရွေးချယ်ပါ။ သွားတိုက်တံဟောင်းတွေကိုလဲလည်ပါ။
ကိုယ့်ရဲ့ သွားအခြေအနေအပေါ်မူတည်ပြီးသွားတိုက်တံကိုရွေးချယ်ပါ။ သွားရဲ့နောက်ဆုံးအံသွားတွေရဲ့အတွင်းဘက်မျက်နှာပြင် အထိရောက်နိုင်မယ့် သွားတိုက်တံခေါင်းပါတာရယ်၊ အရမ်းမမာကျောတဲ့ Brush (Soft or Extra soft) ပါဝင်တဲ့ သွားတိုက်တံရွေးချယ်တာကတော့များသောအားဖြင့်အသင့်တော်ဆုံးပါပဲ။
ပြီးတော့သွားတိုက်တံကိုလည်း (၃)လတစ်ကြိမ်လဲလည်ပေးသင့်ပါတယ်။
📝သွားတွေရဲ့နေရာအနှံ့ကိုသေချာပွတ်တိုက်ပေးပါ။
သွားတွေရဲ့ရှေ့မျက်နှာပြင်၊ အစာဝါးတဲ့အတွင်းဘက်မျက်နှာပြင်တွေကို သေချာပွတ်တိုက်ပေးပါ။ ပြီးတော့ အံသွား၊ လျှာ အစရှိတဲ့နေရာတွေကိုလည်း ခပ်ဖွဖွလေးသေချာပွတ်တိုက်ပေးသင့်ပါတယ်။
📝အချိန်ပေးပြီးတိုက်ပေးပါ။
သွားတစ်ခါတိုက်တဲ့အခါ (၂)မိနစ်ကနေ (၃)မိနစ်ကြားအချိန်ပေးပြီးတိုက်ပေးပါ။
📝အကြိမ်ရေမှန်မှန်တိုက်ပေးပါ။
သွားကိုတစ်နေ့ (၂)ကြိမ်တိုင်တိုင်(မနက်စာစားပြီးတဲ့ အချိန် နဲ့ ညအိပ်ရာဝင်ခါနီး အချိန်) တိုက်ပေးပါ။
ဒီအချက်တွေကတော့ ကျန်းမာတဲ့သွားတစ်စုံပိုင်ဆိုင်နိုင်ဖို့ လိုအပ်တဲ့အဓိကအချက်တွေဖြစ်ပါတယ်။
သွားနဲ့ပတ်သက်ပြီးအခမဲ့တိုင်ပင်ဆွေးနွေးဖို့၊ ဝန်ဆောင်မှုရယူဖို့နဲ့ Appointment ယူဖို့အတွက်ဆို
☎️ 09 420 266 126
☎️ 09 420 266 125 သို့ ဆက်သွယ်မေးမြန်းနိုင်ပါတယ်ရှင်။
𝐁𝐢𝐨𝐝𝐞𝐧𝐭 𝐅𝐚𝐦𝐢𝐥𝐲 𝐃𝐞𝐧𝐭𝐚𝐥 𝐂𝐥𝐢𝐧𝐢𝐜 မှာရရှိနိုင်တဲ့ဝန်ဆောင်မှုများကတော့
👉https://www.facebook.com/BiodentDentalfamilyClinic/posts/538151021016869
ဆေးခန်းလိပ်စာလေးကတော့ -
🏥အမှတ် (၂၆၉ က/၂၇၀ ခ)၊ မြေညီထပ် ၊ သံသုမာလမ်းမကြီး ၊ ကြီးပွားရေးရပ်ကွက် (သွားဆေးတက္ကသိုလ်အနီး)၊ သင်္ကန်းကျွန်းမြို့ နယ်
သို့ ပြောင်းရွေ့ဖွင့်လှစ်ထားကြောင်း မိတ်ဟောင်း၊ မိတ်သစ်များအားအသိပေးပါရစေ။🎉
