02/04/2023
Laser tooth Whitening ( လေဆာဖြင့် သွားအရောင်ဖြူခြင်း)
ဒီနောက်ပိုင်း သွားနဲ့ပတ်သက်လို့ လူမေးများတဲ့ ကိစ္စတွေမှာ သွားဖြူအောင် လုပ်လို့ရလား ဆိုတာကို မကြာခဏ တွေ့ရပါတယ် . Laser tooth Whitening treatment လို့ ခေါ်ပါတယ် . လုံးဝကြီး စွတ်စွတ်ဖြူသွားအောင်တော့ မရပါဘူး . ကိုယ့် သွားအရောင်ထက် နှစ်ဆင့် သုံးဆင့် လောက် ဖျော့သွားအောင် ,နုသွားအောင် လုပ်တာဖြစ်ပါတယ် . အရပ်စကားနဲ့ ပြောရရင် သွားကို အရောင်ချွတ်တာဖြစ်ပါတယ် . သွား ရဲ့ ကျန်းမာရေး ကို အတတ်နိုင်ဆုံးမထိခိုက်စေပဲ အရောင်ချွတ်တဲ့ ကုသမှုပါ. မိမိတို့ရဲ့ အတိုင်းအတာ တစ်ခုအထိဝါနေတဲ့ , ရင့်နေတဲ့ သွားအရောင်ကြောင့် စိတ်အနှောင့်အယှက်ရှိနေခဲ့ရင် ဒီ treatment ကို ယူလို့ အဆင်ပြေပါတယ် .
မိတ်ဆွေတို့ အနေနဲ့ ဒီ treatment ကို ယူမယ်ဆိုခဲ့ရင် စမ်းသပ်ခုံပေါ်မှာ မိနစ် ၂၀ လောက်ကနေ ၄၅ မိနစ်လောက် အထိတော့ အချိန်ပေးရပါတယ် . Mouth Guard လို့ခေါ်တဲ့ ပါးစပ်ဟ ကိရိယာတစ်မျိုးနဲ့ ပါးစောင် /ပါးစပ် ကြွက်သားတွေ ညောင်းမသွားအောင် တွန်းကန်ပေးထားတဲ့ အချိန်မှာ Laser Whitening Product/Gel လို့ ခေါ်တဲ့ ဆေးတစ်မျိုးကို သွားမျက်နှာပြင်တွေမှာ သုတ်လိမ်းထားပြီး Laser မီး အလင်းပေးထားမယ့် , သက်တောင့်သက်သာနဲ့ ကုသမှု ခံယူလို့ ရတဲ့ treatment မျိုးဖြစ်ပါတယ် . ကျွန်တော်တို့ ရွှေ သွားနှင့်ခံတွင်း အထူးကု ဆေးခန်းမှာလည်း အခု ပြောပြခဲ့တဲ့ Laser Tooth Whitening treatment ကို service ပေးတဲ့ အကြောင်း တစ်ခါတည်း သတင်းစကား ပါးလိုက်ပါရစေ . မိတ်ဆွေတို့ရဲ့ သွား ‘အလင်း’ ကို တင်ပြီး confidence တင်ချင်တယ် ဆိုရင် page ရဲ့ chat box ကနေ မေးမြန်း appointment ယူလို့ရပါတယ် .
