AK3 Dental Clinic

25/01/2021

သွားကျဥ်တယ် ဆိုတာ အ​ကြောင်းအမျိုးမျိုး​ကြောင့်ဖြစ်နိုင်ပါတယ်။
၁) သွားပိုး​ပေါက်လေး​တွေ ရှိ​နေလို့ ➡️ သွားပိုး​ပေါက်​လေး​တွေ ရှိ​နေရင် ပိုပီးကျယ်မသွား​အောင်၊ ပိုပီး​အောက်အထိ နက်မသွား​အောင် အမြန်ဆုံး သွားဖာရပါမယ်။
၂) ​သွားအ​ပေါ်ယံ သို့မဟုတ် သွားပတ်ပတ်လည် ​ကြွေလွှာ ပြုန်းတီးမှု​ကြောင့်ပါ။ ဘလိုလူ​တွေမှာ အဖြစ်များလဲ ဆိုရင် သွားတိုတ်တံ အမာသုံးတဲ့သူ​တွေ၊ သွားတိုတ်ရာမှာ အလျားလိုက် ကန့်လန့်ဖြတ် သွားတိုတ်တဲ့ သူ​တွေ၊ ​နောက် ကွမ်းယာစားတဲ့သူ​တွေ ➡️ ကွမ်းယာစားထား​တော့ သွား​တွေ မဲ​နေပါတယ်။ မဲ​နေ​တဲ့ သွား​တွေကို အရင်လို ပြန်ပီးဖြူချင်​တော့ သွားတိုတ်တံကြမ်းကြမ်းနဲ့ ဖိတိုတ်​တော့တာ​ပေါ့။ အဲ့ဒါဆိုရင်လဲ ​ကြွေလွှာ​တွေ ပြုန်းတီးပီး​တော့ သွား​တွေ ကျဥ်လာမှာပါ။ တကယ်က ကွမ်းစားလို့မဲ​နေရင် ပြန်ဖြူချင်ပါက သွား​ဆေးခန်းမှာ ultrasonic scaler စက်နဲ့ ကွမ်းချိုးခြစ်ရင် သွား​တွေကိုအရင်အတိုင်း ပြန်ဖြူ​စေပီး ​ကြွေလွှာပြုန်းတီးမှုကိုလဲ မဖြစ်​စေပါဘူး။

၃) ​အစာစားပီးတိုင်း ပလုတ်မကျင်းတဲ့သူ​တွေ ခံတွင်းသန့်ရှင်း​ရေး မ​ကောင်းတဲ့သူ​တွေမှာလဲ ​ကြွေလွှာပြုန်းတီးနိုင်ပီး သွားကျဥ်တတ်ပါတယ်။ အစားစားပီး ပလုတ်ကျင်းတာ ခံတွင်းသန့်ရှင်း​ရေးမလုပ်တာ​ကြောင့် စားကြွင်းစားကျန်​တွေက ကြာလာ​တော့ အချဥ်​ပေါက်ပီး acid ဓါတ်တမျိုးအဖြစ်​ပြောင်းသွားပါတယ်။ အဲ့ဒီ acid ဓါတ်ကပဲ သွား​ကြွေလွှာ​တွေကို အ​ပေါက်ဖြစ်သွား​စေနိုင်သလို ​ကြွေလွှာပြုန်းတီးပီး ​ကြွေလွှာ​တွေ ပါးလာရင်လဲ တချက်တချက်သွားကျဥ်တာကိုခံစားရမှာပါ။ ➡️ အဲ့ဒါ​ကြောင့် အစာစားပီးတိုင်း သွားတိုတ်ဖို့ အဆင်မ​ပြေဘူးဆိုရင်​တောင် ခံတွင်းသန့်ရှင်း​ရေး​ကောင်း​နေ​စေဖို့ ပလုတ်ကျင်းရမှာပါ။

၄) ညအိပ်ချိန်​တွေမှာ အံကြိတ်တတ်တဲ့သူ​တွေမှာလဲ သွား​ကြွေလွှာပြုန်းတီးလို့ သွားကျဥ်တာ ခံစားရတတ်တယ်။ ​တ​နေ့တာ အလုပ်​တွေဖိအား​တွေ​အရမ်းများတဲ့သူ​တွေ မှာ ညအိပ်ချိန်မှာ အံကြိတ်တတ်တာများပါတယ်။ တချို့လဲ အရမ်း​ဒေါသကြီးတဲ့ သူ​တွေဟာ ညညအိပ်ရင်း အံကြိတ်တတ်တယ်လို့ ​ပြောကြတယ်။ အသက်ရူလမ်း​ကြောင်းမှာ problem အနည်းငယ်​ရှိတယ်ဆိုရင်လဲ ညညအိပ်ရင် အံကြိတ်တာ ရှိတတ်တယ်။ အဲ့ဒီ​တော့ ညညအိပ်ရင် အံမကြိတ်​အောင် တ​နေ့တာအလုပ်​တွေကို ​ပေါ့​ပေါ့ပါးပါးလုပ်ကြပါ။ စိတ်ဖိစီးမှု​တွေကို ​လျော့ချပါ။ ​ဒေါသလဲ မကြီးကြနဲ့​ပေါ့​နော်။

သွားကျဥ်တယ်ဆိုရင် ဘာလုပ်ရမှာလဲ

သွားပိုး​ပေါက်​လေး​တွေ ရှိ​နေရင် ဒါမှမဟုတ် သွား​ကြွေလွှာပြုန်းတီးတာကို ကုသဖို့နည်းလမ်း​တွေ အများကြီးရှိပါတယ်။ ဘယ်လိုအ​နေအထားမှာ ဘယ်လိုကုသမှု​ပေးရမယ်ဆိုတာက​တော့ ​စမ်းသပ်စစ်​ဆေး​ပေးမယ့် သွားနှင့်ခံတွင်းဆရာဝန်က ပိုပီးတိတိကျကျဆုံးဖြတ်နိုင်မှာမို့ ဒီ​နေရာမှာ အကျယ်တဝင့်မ​ရေး​တော့ပါဘူး။ သွား​ဆေးခန်းကိုပဲ ​စော​စောပြပါ။ လိုအပ်တဲ့ ကုသမှုပဲ ခံယူပါလို့ပဲ အကြံ​ပေးပါရ​စေ။

အိမ်မှာ​နေရင်း အိမ်တွင်းကုထုံး​လေး​တွေက​တော့ သွားကျဥ်တယ်ဆိုရင် အထက်မှာ​ပြောခဲ့သလို သွားနှင့်ခံတွင်း သန့်ရှင်း​ရေးကို ဂရုစိုက်ပါ။
သွားတိုတ်​ဆေးဆိုရင်​တော့ သွားကျဥ်တာ​သက်သာ​စေတဲ့ သွားတိုတ်​ဆေး​တွေရှိပါတယ်။ သွားတိုတ်​ဆေးဝယ်တဲ့​နေရာမှာ သွားတိုတ်​ဆေးရဲ့ ပါဝင်ပစ္စည်း​တွေထဲမှာ potassium nitrate တို့ fluoride တို့ ပါရင် သွားကျဥ်တာ အနည်းငယ်​​တော့ သက်သာပါတယ်။ သွားနှင့်ခံတွင်းဆရာဝန်နဲ့ ​​ဆွေးနွေးပါ။ လိုအပ်ရင် ကုသမှု ခံယူပါလို့ပဲ အကြံ​ပေးပါရ​စေ။

reference;

( အထက်ပါ စာစုသည် အများပြည်သူဗဟုသုတရ​စေရန်အတွက်သာ ​လေ့လာမှတ်သားဖူးသ​လောက်ရေးသားခြင်း ဖြစ်ပါသည်။ လိုအပ်သည်များလဲ ရှိနိုင်ပါသဖြင့် ပညာရှင်များအတွက် မရည်ရွယ်ပါခင်ဗျာ )

20/01/2021

06/01/2021

သွားနာသွားကိုက်​နေတဲ့အချိန်မှာ အများစုလုပ်တတ်တဲ့ အကျင့်ဆိုး​လေးများ

လူအများစုက သွားနာသွားကိုက်ပီဆိုရင် နာ​နေတဲ့သွားကို လက်နဲ့နှဲ့ကြည့်တာမျိုး​တွေလုပ်တတ်ကျတယ်။ မလုပ်ရဘူးဗျ။ သွား​ဘေးပတ်ပတ်လည်မှာ ရှိတဲ့ အလွာ​လေးပျက်စီးသွားပီး သွားနဲ့တာပိုဆိုးသွားတတ်တယ်။ တကယ်လို့ အ​​ကြောင်းတခုခု​ကြောင့် သွားနာတာ​ပျောက်သွားခဲ့ရင်​တောင် နဲ့​နေတဲ့သွားက ပြန်မခိုင်​နိုင်​တော့တာမျိုး​တွေ ကြုံရနိုင်တယ်။

​နောက်တခုက သွားပိုးစားလို့သွားနာ​နေပီဆိုရင် သွားအ​ခေါင်း​ပေါက်ထဲက ​လေးညှင်းပွင့်​တွေ ထည့်တာ၊ ဗမာ​ဆေး​တွေ ထည့်တာ၊ တချို့ဆို မိုက်မိုက်မဲမဲနဲ့ ဘက္ထရီအိုးထဲထည့်တဲ့ အက်စစ်ကို ဝါဂွမ်းစနဲ့ တို့ပီးထည့်တာမျိုး​တွေ​တောင် ကျ​နော့်​ဆေးခန်းမှာ လာတဲ့သူ​တွေ ပြန်​ပြောတာကြားဖူးတယ်။ ဒါလုံးဝမလုပ်ရဘူး​။ သွားအ​ခေါင်းပေါက်က​နေတဆင့် လူ့ခန္ဓါကိုယ်ထဲကို ​ပိုးဝင်သွားတာ၊ လူကိုအန္တရယ် ဖြစ်​စေနိုင်တဲ့ ဓါတ်​တွေ ဝင်သွားတာတွေ ဖြစ်နိုင်တယ်​။

​နောက် သွားအ​ခေါင်း​ပေါက်ထဲကိုသွားကြားထိုးတံ သို့မဟုတ် ချွန်ထက်တဲ့ အရာ​တွေနဲ့ ထိုးတာ​တွေမလုပ်ရဘူး။ သွားအတွင်းမှာရှိတဲ့ ​သွေး​ကြော​လေး​တွေ​ပေါက်သွားတာ၊ ပိုးဝင်သွားတာမျိုး​တွေ ဖြစ်နိုင်တယ်။
​နောက်သွားပတ်ပတ်လည် သို့မဟုတ် ပြင်ဘက်က​နေ ​ဆေးပူ​တွေ လိမ်းတာ​တွေလဲ ခဏတိုင်းပြန်ကြားရတယ်။ ဒါ​တွေလဲ မလုပ်ရဘူး။ လူ့ခန္ဓါကိုက တခြား​နေရာ​တွေမှာ ​အဲ့လိုလိမ်း​ဆေး​တွေ လိမ်းတာ အဆင်​ပြေချင်​ပြေ​နိုင်ပေမယ့် သွားနှင့် ခံတွင်းမှာ​တော့ အဲ့လိုလိမ်းလို့မရပါဘူး​နော်။ ​ဆေး​တော်​​တော်များများက ရောဂါနဲ့ဆေးကိုက်ညီ​​အောင်ထုတ်ထားတာပါ။ တခြား​နေရာ​တွေမှာ သုံးတဲ့လိမ်း​ဆေးတွေကို သွားနှင့်ခံတွင်းမှာ သုံးလို့မရပါဘူးခင်ဗျာ။
​နောက်တခုက ​ဆေးဆိုင်က စပ်​ဆေးဝယ်​သောက်တဲ့ကိစ္စပါ။ အားလုံးမဟုတ်ဆို​​တောင် ​တော်​တော်များများက သွားနာရင် သွားကိုက်ရင် ကို့ဘာသာပိုးသတ်​ဆေးဝယ်​သောက်လိုက်တာ၊ ဒါမှမဟုတ် ဆိုင်က စပ်​ပေးလိုက်တဲ့​ဆေး​ထဲမှာ ပဋိဇီဝပိုးသတ်​ဆေး​တွေ ပါ​နေတာ​ ​တွေ့ရပါတယ်။ ပိုးသတ်​ဆေးလို့ ​ခေါ်တဲ့ ပဋိဇီဝ​ဆေး​တွေက အလွယ်တကူ သောက်ချင်သလို​သောက်၊ ရပ်ချင်သလိုရပ်လုပ်လိုက်လို့မရပါဘူးခင်ဗျာ။ ဆေးယဥ်ပါးမှု ပြသနာ​တွေ ကြုံရတတ်ပါတယ်။ ​​​ (ဆေးယဥ်ပါးတယ်ဆိုတာက ရောဂါ​သေး​သေး​လေးကို ​​ဆေး​ပျော့​ပျော့​လေးနဲ့ အဆင်​ပြေ​ရောဂါ​ပျောက်ကင်းရမယ့်အ​​ခြေ​နေမှာ ဆေးပြင်းပြင်း​​တွေနဲ့မှ ​ပျောက်တာမျိုး​တွေ။ သူများ​တွေ တခုခုဖြစ်လို့လွယ်လွယ်ကူကူ​ပျောက်ကင်းကျ​ပေမယ့် ကို့အတွက်ဆို ဘယ်​ဆေးနဲ့မှ မတိုး​တော့တာတွေ ဖြစ်တာကို ​ပြောတာပါ) ဒါ​ကြောင့်​ဆေး​တွေကို ဆရာဝန် ညွှန်ကြားချက်အတိုင်းသာ ​သောက်သုံးသင့်ပါတယ်။
​နောက်တခုက ဆရာဝန် ညွှန်ကြားချက်အတိုင်းဆို​ပေမယ့်လို့ ​သူများ​ဆေးယူ​သောက်တာပါ။ ဥပမာ -​ဆေးခန်းပြလို့ ဆရာဝန်ကဆေး​သောက်ဖို့ သူငယ်ချင်းတ​ယောက်ကိုပေးလိုက်တာ။ ကိုက သွားနာလို့ ယူ​သောက်လိုက်တာ။ တကယ်​တော့ ကို့သူငယ်ချင်းနဲ့ ကိုက မတူပါဘူး။ သူ့မှာ မရှိတဲ့​ရောဂါအခံ ကို့မှာရှိ​နေနိုင်တယ်။ သူ့မှာ မရှိတဲ့ ​ဆေးဓါတ်မတည့်မှု​တွေ ကို့မှာ ရှိ​နေနိုင်တယ်။ သူ့မှာရှိတဲ့ ကိုခံအားကို့မှာ ရှိချင်မှရှိမယ်။ သူ့ကိုယ်အ​လေးချိန် သူ့​ရောဂါနဲ့ ​ပေးလိုက်တဲ့​ဆေးက ကိုနဲ့တထပ်တည်းကျမ​နေပါဘူး။ အဲ့ဒါ​ကြောင့်မို့ အဲ့လို​ဆေး​တွေလဲ မ​သောက်ရပါဘူး။
ဒါ​လေး​တွေက​တော့ သွားနာသွားကိုက်တဲ့အချိန်မှာ လုပ်တတ်ကြတဲ့ လုပ်မိလုပ်ရာ အကျင့်ဆိုး​လေး​တွေပါ။ လက်လှမ်းမီသ​လောက်​လေး​​​​ပြောပြရတာဆို​ပေမယ့်လဲ တော်​တော်များများ​တော့ နားလည်လိမ့်မယ်လို့ ​​​မျှော်လင့်ပါတယ်။

(ဒီပို့က သိပီးသားပညာရှင်များအတွက် မရည်ရွယ်ပါခင်ဗျာ)

Reference;

25/12/2020

*သွားတိုက်နည်း၊ သွားတိုက်ချိန် မှားလို့ ဘာတွေ ဆက်ဖြစ်နိုင်သလဲ ?

🔷သွားတိုက်နည်းစနစ်မှားလို့ ဖြစ်စေနိုင်တာတွေထဲမှာ အဓိကအားဖြင့်
၁။ သွားဖုံးရောင်ရောဂါ
၂။ သွားပိုးစားရောဂါ
၃။ သွားခြေတိုက်စားပျက်စီးခြင်း တို့ပဲ ဖြစ်ပါတယ်
💜၁။ သွားဖုံးရောင်ရောဂါ
သွားတိုက်နည်းစနစ်မှားတဲ့အခါ၊ သွားတိုက်တံ ရွေးချယ်မှုမှားတဲ့အခါ၊ သွားတိုက်ချိန်မှားတဲ့အခါမျိုးတွေမှာ သွားဖုံးရောင်ရောဂါ ဖြစ်တတ်ပါတယ်။
🔷သွားဖုံးရောင်ရောဂါ ဖြစ်မှန်း ဘယ်လိုသိနိုင်သလဲ?
၁။ သွားဖုံးနီမြန်းရောင်ရမ်းလာခြင်း
၂။ သွားတိုက်လျှင် သွေးထွက်ခြင်း
၃။ ကျောက်ဖြစ်လာခြင်း
၃။ ခံတွင်းနံ့ဆိုးလာခြင်း တို့ဖြစ်လာလျှင် သွားဖုံး
ရောင်ရောဂါဖြစ်နေပြီ၍ ဆိုနိုင်ပါသည်။
🔷သွားဖုံးရောင်ရောဂါ ဘယ်လိုဖြစ်လာသလဲ?
သွားတိုက်စနစ် မှန်ပြီး အချိန်မှန် သွားတိုက်လေ့ရှိတဲ့လူတွေမှာတောင် သွားဖုံးရောင်ရောဂါဖြစ်နိုင်ပါတယ်
ဘာကြောင့်လဲဆိုတော့ သွားဖုံးရောဂါ အဓိကဖြစ်စေတဲ့ အကြောင်းအရင်းက တံတွေးထဲမှာပါတဲ့ Salivary Glycoprotein လို့ ခေါ်တဲ့ ပစ္စည်းတစ်မျိုးကြောင့်ပဲ ဖြစ်ပါတယ်။
ဒီ Salivary Glycoprotein လေးဟာ သွားတိုက်ပြီး မိနစ်ပိုင်းအတွင်းမှာတွင်ပင် သွားမျက်နှာပြင်ပေါ် လာကပ်ပါတယ် ဒီအချိန်မှာတော့ bacteria တွေ မရှိနေသေးပါဘူး
ဒါကြောင့် သွားတိုက်ပြီးမိနစ်အနည်းငယ်ကြာတဲ့အခါမှာပင် သွားမျက်နှာပြင်ကိုလက်နဲ့ ခြစ်ကြည့်တဲ့အခါ အလွှာပါးလေး ( Acquired pellicle)ရှိနေတာကိုသိနိုင်ပါတယ်
ဒီအလွှာလေးဟာနာရီပိုင်းအတွင်းမှာပဲ အကျိုး
ပြုbacteria တွေဝင်ရောက်လာ ခြင်းခံရပါတယ်
သွားရဲ့မျက်နှာပြင်နေရာတိုင်းမှာ သွားကြားအပါအဝင် ဒီအလွှာဟာရှိနေတဲ့အတွက် သွားတိုက်ရုံနဲ့တင်တောင် ဒီအလွှာလေးကို ဖယ်ရှားဖို့ခက်ခဲပါတယ်
ဒီအလွှာလေးကိုဖယ်ရှားတဲ့ အလုပ်ဖြစ်တဲ့ သွား
တိုက်ခြင်းကို သေချာစနစ်တကျမလုပ်ပါက
ဒီအလွှာလေးဟာ ပထမ ဝင်ရောက်တဲ့ အကျိုးပြု bacteria တွေအပြင် သွားဖုံးရောဂါဖြစ်စေတဲ့ သန်းပေါင်းများစွာရှိတဲ့ bacteriaတွေဝင်ရောက်
ခြင်း ခံရပါတော့တယ်
ဒီအချိန်မှာ ဒီအလွှာလေး ဟာ bacteria မျိုးစိတ်ပေါင်းများစွာရဲ့ ကျက်စားရာနေရာအဖြစ်တည်ရှိနေပါတော့တယ်
ဒါကြောင့် အဲ့ဒီအချိန်မှာတော့ အဲ့ဒီအလွှာလေးကို သွားကပ်ပိုးမြှေးလွှာ( Plaque) လို့ခေါ်ပါတယ်
သာမှန် မျက်စိနဲ့တော့ အဲဒီ Plaque ဆိုတဲ့ အလွှာလေးကိုမမြင်နိုင်သေးပါဘူး
မြင်ရအောင်ဆိုရင်တော့ Disclosing Agent လို့ခေါ်တဲ့ ဆေးတွေသုံးပြီး ကြည့်ရပါမယ်
သွားဖုံးသားများဟာရောင်ရမ်းနေပြီး အနည်းငယ်ထိရုံ နဲ့တင်သွေးထွက်နိုင်ပါတယ်
🚫ဒီ သွားဖုံးရောင်တဲ့ရောဂါကိုတော့ Gingivitis လို့ခေါ်ပါတယ်
သွားတိုက်ရုံနဲ့တော့ဒီအလွှာလေးကိုမဖယ်ရှားနိုင်
တော့ပါဘူး
Scaling လို့ခေါ်တဲ့ သွားကျောက်ခြစ်တာ ကသာ ဒီအလွှာကိုဖယ်ရှားနိုင်မှာဖြစ်ပါတယ်
💢အခြားရောဂါ ဥပမာ - သွေးတိုးကျဆေးသောက်နေသူများ၊ ကိုယ်ဝန်ဆောင်သည်များ စသည့် လူနာများတွင်ဖြစ်မည်ဆိုပါက ပုံမှန် ထက် သွားဖုံး ကြီးထွား
ရောင်ရမ်းမှုဖြစ်စေနိုင်ပြီး လိုအပ်လျှင် ကျောက်ခြစ်
ခြင်း (Scaling ) အပြင်သွားဖုံး ပုံစံပြန်ဖော်ခြင်း Gingivectomy , Gingivoplasty ပြုလုပ်ပေးရပါမယ်

အဲဒီသွားကပ်ပိုးမြှေးလွှာလေးကို အချိန်မီ ဖယ်ရှင်း
ခြင်းမပြုနိုင်ပါက တစ်ဖြည်းဖြည်း မည်းလာပြီး ပို၍ မာလာပါတော့တယ်
အဲဒီအချိန်မှာတော့ ကျောက် ( Calculus) or ( Tartar) ဖြစ်လာပါတော့တယ်
ဒီ calculus ထဲမှာဆိုလျှင် မရေတွက်လောက်
အောင်များပြားတဲ့ bacteria တွေ ရှိနေပါပြီ
သွားဖုံးသားလေးဟာဒီအချိန်မှာ နီရဲနေပြီး အလွယ်တကူသွေးထွက်နေပါတော့တယ်
Bacteria 🦠 ရဲ့ ဇီဝဖြစ်စဉ်ကြောင့် အနံ့ဆိုးများကို
ဖြစ်ပေါ်စေကာ ခံတွင်းနဲ့ဟာသိသိသာသာ ဆိုးရွားလာပါတော့တယ်
ဒါ့အပြင် bacteria တွေ ဟာ သွားအမြစ်ဘက်ပိုင်းရှိ သွားဖုံးသားတွေကိုဖျက်စီးလိုက်ပီး သွားဖုံးသားကို နိမ့်ကျလာစေပါတယ်
ပိုမိုဆိုးရွားလာတဲ့အခါ သွားအမြစ်ပတ်လည်ရှိ သွားဖုံးရိုးကိုပါ စတင်ဖျက်ဆီးပါတော့တယ်
သွားဖုံးရိုးပျက်စီးလာတဲ့အခါ သွားများဟာယိုင်နဲ့ လာပြီး ကျွတ်ထွက်တဲ့ ဖြစ်လာပါတော့တယ်
⭕️ဒီအခြေအနေကို တော့ Periodontitis
( ရေစီးကမ်းပြို ရောဂါ) လို့ခေါ်ပါတယ်

✅ဒီအခြေအနေမှာတော့ သွားကျောက်ခြစ်တာ ကို သေချာပြုလုပ်ရမှာဖြစ်ပြီး လိုအပ်လျှင်
သွားဖုံးသား အောက်ထဲတွင်ရှိသော ကျောက်များကို ဖယ်ပေးခြင်း ( Deep Scaling)
သွားဖုံးသားနိမ့်ကျပျက်စီးသွားပါက သွားဖုံး အစားထိုးခြင်း ( Connective Tissue Graft)
အရိုးပျက်စီးပါက အရိုးအစားထိုးခြင်း ( Bone Graft)များ
ပြုလုပ်ရမယ့် အခြေအနေတွေဖြစ်လာပါတော့တယ်

💜ဒီ procedure တွေကိုလုပ်ဖို့တော့ တတ်ကျွမ်းတဲ့ ဆရာဝန်တွေနဲ့ သေချာ တိုင်ပင်ဆောင်ရွက်ဖို့လိုပါ
တယ်နော်

ဒါကတော့ သွားဖုံးရောင်ရောဂါ အဆိုးဆုံးနောက်
ဆက်တွဲ ဆိုးကျိုးဖြစ်ပြီး ဘယ်လို ကုသနိုင်တဲ့ဆိုတာ ဖော်ပြထားတာပဲဖြစ်ပါတယ်

ဒါကြောင့် အပ်နဲ့ထွင်းရမယ့်အရာကို ပေါက်စိန်နဲ့ မပေါက်ရစေဖို့ သွားနှင်းခံတွင်းကျန်းမာရေးကိုသေ
သေချာချာဂရုစိုက်ဖို့တော့လိုအပ်ပါတယ်နော်။

Credit to Original script & photo

23/12/2020

မင်္ဂလာပါ.... AK3 သွားနှင့်ခံတွင်း​ဆေးခန်းမှာ

- သွားနုတ်ခြင်း
- သွားမနုတ်လိုသူများအတွက် သွားအ​ကြောထုတ်ကုသခြင်း

- ​လေဆာ​ရောင်ခြည်ဖြင့် သွားဖာခြင်း
- သွားဖုံး​ရောင်​ရောဂါနဲ့ ခံတွင်းနံ့ဆိုး​စေ​သော ​ကျောက်များကို စက်ဖြင့် သန့်စင်​စေခြင်း
- သွားစိန်ကပ်ခြင်း
- သွားများပိုမိုဖြူ​ဖွေး​စေရန်သွားအ​ရောင်တင်ခြင်း ( whitening )
- မညီညာ​သော သွားများအား သွားညှိကုသခြင်း ( Brace ) ( Orthodontic treatment )

- သွားအ​သေစိုက်ခြင်း
​ကြွေသွား
သတ္တုသွား
​သွားအစစ်နဲ့ အရမ်းတူပီး ​​​ပေါ့ပါးခိုင်ခံ့တဲ့နောက်ဆုံး​​ပေါ် zarconia ​ကြွေသွား
- သွားအရှင် အံကပ်စိုက်ခြင်း
​ကွေးနိုင်ဆံ့နိုင်​သော အံကပ်​ပျော့
သမရိုးကျ acrylic အံကပ်
​သွားဖုံးသား​တွေနိမ့်ကျမသွား​စေ​သော ခိုင်ခံ့​သော skeletal denture ခေါ် သတ္တုအံကပ်တပ်ဆင်ခြင်း
စသည့် ကုသမှုများ ရရှိနိုင်ပါသည်။


တဦးနှင့်တဦး ​ရောဂါကူးစက်မှု လုံးဝ(လုံးဝ) မရှိ​စေရန်အတွက်

* ပိုးသန့်ရင်ရာတွင် အ​ကောင်းဆုံးစနစ်ဖြစ်သည့် Autoclave ဖြင့်ပိုးသတ်ခြင်း
* ပိုးသန့်စင်ထား​သော ပစ္စည်းများကို Sterile Bag တွင်ထည့်ကာ Ultraviolet Rays တွင်ထား၍ပိုးသန့်စင်မှုကို ထိန်းသိမ်းထားခြင်း
*တခါသုံး​ရေခွက်၊လက်အိပ်၊​ဆေးထိုးအပ်(needle), Diagnosis setတို့ကို အသုံးပြုခြင်းတို့ကို
အထူးအ​လေးထား​ဆောင်ရွက်ထားပါသည်။

23/12/2020

20/12/2020

အံဆုံးသွား​တွေ ဘယ်အရွယ်မှာပေါက်သလဲ?

ယေဘုယျအားဖြင့် အသက် ၁ရ ကနေ ၂၁ နှစ်ကြားမှာ အံဆုံးပေါက်တယ် ။ ဒါပေမယ့် တချို့လည်း အသက် (၃၀)​ကျော်မှ (၄၀) လောက်မှ အံဆုံးက ပေါက်ချင်ပေါက်လာတတ်တာမျိုး ​တွေ့ရတယ်။
တချို့လူ​တွေလဲ အံဆုံးပေါက်တာကို သိတောင်မသိလိုက်ပဲ အဆင်​ပြေ​ပြေနဲ့ ​ပေါက်လာတတ်ကြသလို လူတော်တော်များများကတော့ အံဆုံးပေါက်တဲ့အချိန်ဆို တမျိုး မဟုတ်တမျိုး​တော့ နာကြပါတယ် ။

ကဲ.. အဲ့ဒါဆို အံဆုံးပေါက်လို့ နာတဲ့အခါအိမ်မှာ ဘယ်လိုဂရုစိုက်ရမလဲဆိုတာ မျှဝေပေးချင်ပါတယ်။

အံဆုံး​ပေါက်လို့နာတယ်ဆိုတာ ဖြစ်နိုင်​ချေများတာက .... အံဆုံးက အပြည့်အဝ မပေါက်တဲ့အခါ သွားဖုံးက သွားကိုတဝက်တပျက်ဖုံးနေတတ်တာကြောင့် သွားဖုံးအောက်မှာ အစာအကြွင်းအကျန်တွေ ဝင်​နေတတ်ပါတယ် ။ သွားကဆက်မပေါက်တော့ သွားဖုံးတစ်ဝက်က သွားအပေါ် မှာ သွားဖုံးသားကြီးဘတ်လတ်ကြီး ဖုံး​နေတတ်တာပေါ့ ။ အဲ့ဒီ​အောက်ထဲအစာ​တွေဝင်ရင် တော်ရုံပြန်မထွက်တော့ဘူး။ ဒါကြောင့် သွားဖုံးဟာ ရောင်ပြီး နာလာ​တော့တာပါပဲ ။
​နောက်အ​ခြေအ​နေတစ်ခုဖြစ်နိုင်တာ ပေါက်လာတဲ့ အံဆုံးက တည့်တည့်မပေါက်ပဲ ကန့်လန့်ကြီးစောင်းပြီး​ပေါက်​နေရင် သန့်ရှင်းမှုအားနည်းတာကြောင့် အဲ့ဒီ အနီးတဝိုက်က သွားဖုံးတွေ​ရောင်ပြီး နာလာမယ်။
​​အောက်သွားဖုံးသားရောင်လာတဲ့အတွက်​ကြောင့် သွားဖုံးအ​ပေါ်ယံလွှာ ​ဖောင်းလာပီး (တကယ်လို့များအ​ပေါ်အံဆုံးသွား ​ပေါက်ပီးသားဆိုရင်) အ​ပေါ်သွားနဲ့ကိုက်မိတာ​မျိုးဖြစ်ပီး ပိုနာလာမယ်၊ပို​ပီး​ရောင်လာတတ်တယ်။

တော်​တော်များများက နာလာပြီဆိုတာနဲ့ နာတဲ့ဘက်ကို သွားမတိုက်ကြတော့ဘူးဆိုတာ​တွေ ပြန်ကြားရတယ်။ ပြန်စဉ်းစားကြည့်ရင် သန့်ရှင်းရတာ ခက်ခဲသွားလို့ အစာတွေပိုကျန်တာပေါ့နော်။ ဒါ​ကြောင့် ပိုကြိုးစားပြီး သန့်ရှင်းရေးလုပ်ရမယ်​။ နာ​နေတဲ့​နေရာကို ဖွဖွ​လေး သွားတိုက်တံနုနု​လေးနဲ့ ​သေချာအချိန်​ပေးပြီး သွားတိုက်ပေးရပါမယ်။ သွားတိုက်တဲ့အခါ နည်းနည်းနာနိုင် သွေးထွက်နိုင်ပေမယ့် သွားဆက်တိုက်ပါ ။
ပလုတ်ကျင်းဆေးရည် သို့မဟုတ် ဆားရည်နွေးဖြင့် အစားစားပြီးတိုင်း ပလုတ်ကျင်းပေးပါ။ ညအချိန်နာ​နေလို့ ​ဆေးခန်း သွားပြလို့အဆင်မ​ပြေရင် ကို​သောက်​နေကျ အကိုက်ခဲ​ပျောက်​ဆေးကို အစာ​လေးဝင်သ​လောက်စားပီး ​သောက်နိုင်ပါတယ်။ ​နောက်တ​နေ့ကျရင် နီးစပ်ရာ သွားနှင့်ခံတွင်း​ဆေးခန်းကို ပြသတာအ​ကောင်းဆုံးပါ။

ရှောင်ကျဉ်ရမှာတွေက နာတဲ့နေရာကို လက်ဖြင့်ခဏခဏနိုက်ကြည့်ခြင်း ၊ သွားကြားထိုးတံဖြင့် ဆွခြင်း ၊ အပြင်ဘက်မှ အပူလိမ်းဆေး အနာလိမ်းဆေးများလိမ်းခြင်း ၊ ညော်ရူခြင်း၊ စပ်ဆေးများသောက်ခြင်း​တွေ မလုပ်ရပါဘူး။

ဘယ်လိုကုသကျတာများသလဲ။

- အံဆုံးသွားက ​ရှေ့ သို့မဟုတ် ​နောက်ဘက်ကို ​စောင်း​စောင်းကန့်လန့်ကြီးပေါက်နေမယ် သို့မဟုတ် တစ်ဝက်တပျက်ပေါက်နေမယ်ဆိုရင် မလွတ်မလပ်နဲ့တိုးထွက်​ရတဲ့အတွက် နာလာတတ်ပါတယ်။ အံဆုံးက​ရှေ့ဘက်ကိုစောင်းပြီး​ပေါက်နေမယ်ဆိုရင် တွန်းထုတ်​နေသလိုဖြစ်​စေတဲ့အတွက်​ကြောင့် ​ရှေ့သွား​တွေကို ယိုင်နဲ့သွား​စေနိုင်သလို အံဆုံးနဲ့ သူ့ရှေ့က သွားကြားမှာ အချိုင့်​လေးလိုဖြစ်​နေပီး အစာတွေအမြဲကျန်နေတတ်ပါတယ်။
အဲ့ဒါဆိုရင် သွားနှစ်ချောင်းလုံးကို ပိုးစားစေ​တော့တာပဲ။ ဒါ​ကြောင့် အံဆုံးသွားကန့်လန့်​ပေါက်​နေပီဆိုရင် ဆရာဝန်နဲ့တိုင်ပင်ပီး နုတ်ဖို့အကြံ​ပေးရင် တခြားသွား​တွေ မပျက်စီး​​သေးခင် အံဆုံးကိုနုတ်လိုက်ပါ။

နိုင်ငံတချို့က ရှေ့တန်းထွက်မယ့် စစ်သားတွေ၊ ပင်လယ်သမုဒ္ဒရာထဲမှာ နေကြရတဲ့ သင်္ဘောသားတွေဟာ ဒီအံဆုံးသွားကို ကြိုနူတ်ထားကြပါတယ်။

​- နောက်တခုက အံဆုံးကန့်လန့် သို့မဟုတ် တဝက်​လောက်ပဲ​ပေါက်​နေပီဆိုရင် ဘက်တီးရီးယား​တွေပေါက်ဖွားပီး သွားဖုံးရောင် ပြည်တည်လာတတ်တယ်။ ​မေးရိုး​အောက်နဲ့ လည်ပင်းနားတဝိုက်မှာ အကြိတ်​သေး​သေး​လေး​တွေစ​တွေ့လာမယ်။တခါတ​လေ မြန်မြန်ဆန်ဆန်နဲ့ကိုမျက်နှာတခြမ်း​ ​ရောင်သွားတတ်ပါတယ်။ ပါးစပ်သိပ်မဟနိုင်တော့ဘူး။ ခံတွင်းအနံ့သက်​တွေ ဆိုးရွား​နေမယ်။ အစာလဲ ​ကောင်း​ကောင်းမစားနိုင်​တော့ဘူး။ ဖျားချင်သလို​တွေဖြစ်လာမယ်​။
ဒီလိုအခြေအနေရောက်လာရင်လည်း ဆရာဝန်နဲ့တိုင်ပင်ပီး လမ်းညွန်ချက်အတိုင်း အံဆုံးသွားကို နူတ်သင့်​နေပါပီ။

- အရိုးထဲမှာ အရည်အိတ်လေးဖြစ်နေပြီဆိုရင် နူတ်ပါ ။
ဒါကတော့ ဓာတ်မှန်ရိုက်ကြည့်မှမြင်ရတာပါ။ ဒါကြောင့် ဆရာဝန်က စမ်းသပ်ပီးဓာတ်မှန်ရိုက်ကြည့်သင့်တယ်လို့ အကြံ​ပေးရင် လက်ခံလိုက်ပါ။
ဒီအရည်အိတ်လေးဟာ သတိမထားမိပဲ တဖြည်းဖြည်းနဲ့ကြီးလာတဲ့အခါ အရိုးတွေကို စားပစ်သလိုဖြစ်ပြီး မေးရိုးကို အား​ပျော့​စေလို့ ​မေးရိုးကျိုးသွားတာမျိုးဖြစ်နိုင်ပါတယ် ။
ဒါကြောင့် ဓာတ်မှန်မှာ အရည်အိတ်လေးတွေ့တယ်လို့ ဆရာဝန်ကပြောတာနဲ့ ချက်ချင်း အံဆုံး နူတ်ဖို့စဉ်းစားပါ။
​နောက်ဆုံး လူကြီးဖြစ်မှ​​ပေါက်လာတဲ့ အံဆုံး​ကိုနူတ်ပြီးရင် သွားပြန်စိုက်ဖို့မလိုပါခင်ဗျာ။ ဒါ​ကြောင့်မို့ စိတ်ရှင်းရှင်းနဲ့ နုတ်စရာရှိတာနုတ်ပါလို့ အကြံ​ပေးပါရ​စေ။

Crd; ​​ဒေါက်တာမျိုး
Page အား မှီငြမ်း​ရေးသားပါသည်။

16/12/2020

ခုတ​ခေါက်က​တော့ နခမ်းကွဲ အာ​ခေါင်ကွဲ​ရောဂါ အ​ကြောင်း​လေး မျှ​ဝေ​ပေးခြင်ပါတယ်။
ပထမဆုံး ပြောချင်တာက​တော့ ဒီ​ရောဂါဟာ ခွဲစိတ်ကုသလို့ရပီး အ​ကောင်းပကတိအတိုင်း ပြန်ဖြစ်နိုင်ပါတယ်။ နမကုပဲ ထားမယ်ဆိုရင် ပုံမှန်အတိုင်းလှပမှုမရှိဘူး၊ စကားမပီဘူး၊ အစားစာ​တွေကို ​ကောင်း​ကောင်းမွန်မွန်မစားနိုင်ဘူး၊ ဘယ်​လောက်စားစား ကို​ယ်အ​လေးချိန်တက်သင့်သ​လောက် မတက်ဘူး၊ ကိုယ်ခန္ဓါဖွံ့ဖြိုးမှု ရှိသင့်သ​လောက်မရှိနိုင်ဘူး။ အကြမ်းဖျဥ်း​တော့ဒါ​တွေဖြစ်နိုင်တယ်။
ခွဲစိတ်ကုသတာ​က​တော့ ကွဲတဲ့​နေရာအတိမ်အနက်၊ တဘက်ထဲ ကွဲတာလား၊ ဘယ်ညာ ၂ ဘက်လုံးကွဲတာလားဆိုတဲ့ အ​နေအထား​​တွေပေါ်မူတည်ပီး​တော့ တကြိမ် သို့မဟုတ် တကြိမ်ထက်ပိုပီး​တော့လဲ ဖြစ်နိုင်တယ်။ အခမဲ့ခွဲစိတ်ကုသမှု​တွေ လုပ်​ပေး​နေကြတာကို TV အစီအစဥ်​တွေမှာ မကြာခနဆိုသလို ​တွေ့ရတတ်ပီး facebook လို social media မှာလဲ ​တခါတရံတွေ့ရတတ်တယ်။
နခမ်းကွဲ အာ​ခေါင်ကွဲ​ရောဂါ ဖြစ်​စေတဲ့အ​ကြောင်းအရာ​တွေကို​တော့ တိတိကျကျမသိရ​သေး​ပေမယ့် အကြမ်းဖျဥ်းအားဖြင့်
၁။ မျိုးရိုးလိုက်ခြင်း
၂။ အသက် ၃၅ အထက် ကိုယ်ဝန်​ဆောင်မိခင်မှ​မွေးဖွားသော က​လေး​တွေမှာလဲ ​ရံဖန်ရံခါ ​တွေ့ရတတ်တယ်။
၃။ ကိုယ်ဝန်​ဆောင်စဥ်ကာလ ပထမ ၃ လပတ်အတွင်း မိခင်မှ ဝက်သက်​ပေါက်ခြင်း၊ အာဟာရချို့တဲ့ခြင်း၊စိတ်ဖိစီးမှုများခြင်း၊လိမ့်ကျခြင်း၊ သ​န္ဓေသားအား ထိခိုက်တတ်​သော ​ဆေးများစားသုံးမိခြင်း စတာ​တွေ​​ကြောင့်လဲ ဖြစ်တတ်တယ်။
ခုလို​ဆောင်ရန်​ရှောင်ရန်​လေး​တွေသိထား​တော့ ကိုယ်ဝန်​ဆောင်​မေ​မေတို့ ပိုပီးဂရုစိုက်လို့ရတာ​ပေါ့​နော်။

နခမ်းကွဲအာခေါင်ကွဲ ​က​လေး​မွေးလာပါက ကုသလို့​ပျောက်ကင်းတဲ့ ​ရောဂါဖြစ်လို့ အချိန်မဆွဲပဲ စော​စောကုသဖို့ လိုအပ်တယ်။ နခမ်းကွဲဆိုရင် ​မွေးပီး ၃ လ၊ အာ​ခေါင်ကွဲ ​မွေးပီး ၆ လ​လောက်မှာ စပီးအ​စောဆုံးကုသမှု ခံယူလို့ရနိုင်တယ်။ အသက်အရွယ်မ​ရွေး ကုသလို့ရနိုင်တယ်။ ကို့ပတ်ဝန်းကျင်မှာ နခမ်းကွဲအာ​ခေါင်ကွဲက​လေးများ​တွေ့ရှိခဲ့ရင် စိတ်ဓါတ်ကျစရာမလိုဘူး၊ကုသမှု ခံယူနိုင်တဲ့ အ​ကြောင်း သ​တင်း​​စကား​လေး ပါးလိုက်ကြပါဦး​နော်။

ဗဟုသုတအ​နေနဲ့သာ မျှ​​​ဝေခြင်း ဖြစ်ပါသည်။
Photo crd;

13/12/2020

ထင်ထားသည်ထက် ဒုက္ခပိုပေးသော ကွမ်းစားခြင်း၏ဆိုးကျိုး
===============================================
ကွမ်းစားသူများတွင်ဖြစ်ပွားတတ်သော ခံတွင်းပါးစောင်ကင်ဆာ အဖြစ်များလာပြီး ယခုအခါ အသားအစားထိုး၍ ကုသပေးသော နေပြည်တော် ဇမ္ဗူသီရိဆေးရုံကြီး၌ ကုသသူများလာကြောင်း သတင်းရရှိသည်။

ပြည်ပနိုင်ငံများသို့ သွားရောက်ခွဲစိတ်ကုသပါက ငွေကျပ်သိန်းထောင်ချီကုန်ကျနိုင်ပြီး နေပြည်တော်ဇမ္ဗူသီရိဆေးရုံကြီးတွင် သိန်း ၅၀၊ သိန်း ၁၀၀ ဝန်းကျင်ဖြင့် ကုသနိုင်ရန် စီစဉ်ထားသည်။

ကွမ်းစားသူများတွင် ခံတွင်းကင်ဆာမှာ ပါးစောင်အမှေးပါး၌ အဖြစ်အများဆုံးဖြစ်ပြီး မြန်မာနိုင်ငံရှိ ဝေဒနာရှင်များ၏ ၆၀ ရာခိုင်နှုန်းမှာ ရောဂါအဆင့်လေး (အဆင့်လွန်)ရောက်နေကြောင်း အင်းစိန်ပြည်သူ့ဆေးရုံ အထွေထွေဆေးပညာ အထူးကုဆရာဝန်ကြီး ဒေါက်တာတင့်တင့်ကြည်ကပြောသည်။

ကွမ်းကြောင့် ပါးစောင်ကင်ဆာအပြင် လျှာကင်ဆာ၊ သွားဖုံးကင်ဆာလည်း အဖြစ်များပြီး ပေါင်မှအသားကိုယူ၍ သွေးကြောနှင့်တကွ အသားအစားထိုးခြင်းဖြင့် ခွဲစိတ်မှုတစ်ခုကို အထူးကုအဖွဲ့လေးဖွဲ့ထိပေါင်းကာ နေပြည်တော် ဇမ္ဗူသီရိဆေးရုံကြီးတွင် ကုသပေးနေသည်။

‘‘ဘုန်းကြီးတစ်ပါး ပါးစောင်ကပေါက်ထွက်နေတဲ့အနာလာပြတယ်။ မန်းရည်ရယ်၊ သွားရည်ရယ်၊ သွေးရယ်၊ ပြည်ပုပ်တွေရယ် စီးကျလို့ နံဟောင်နေတယ်။ အဆင့်လွန်နေပြီဖြစ်တဲ့ ပါးစောင်ကင်ဆာပေါက်ထွက်နေတာက တစ်နှစ်ကျော်ကြာပြီ။ အောက်မေးရိုးက ကင်ဆာဆဲလ်တွေပြန့်ပြီး ဆွေးလို့ကျိုးနေပြီ။ လည်ပင်းမှာလည်း အကျိတ်တွေကခဲလို့။ ညာဘက်ခြမ်းကိုပါပြန့်စပြုနေပြီ။ ဒီအခြေအနေဟာ နောက်ဆုံးအဆင့်ပါ။ သေမိန့်စောင့်နေရုံပါပဲ။ အနာဆေးထည့်တိုင်းလည်း သွေးတွေကစီးကျနဲ့။ လူနာမပြောနဲ့ ဆေးထည့်ပေးရတဲ့ ဆရာဝန်ကိုယ်တိုင် စိတ်ပျက်အားလျော့လာမိတယ်။ ကျွန်တော် တော်တော်စိတ်ညစ်သွားပါတယ်။ လွန်ခဲ့တဲ့အပတ်ကပဲ ကွမ်းစားလို့ဖြစ်တဲ့ လျှာကင်ဆာနဲ့ အသက်(၂၈)နှစ်အရွယ် လူနာတစ်ဦးကို ENT surgeon နဲ့အတူ လည်ပင်းက အကျိတ်တွေထုတ်၊ လျှာတစ်ခြမ်းဖြတ်ထုတ်တဲ့ ခွဲစိတ်မှုကို လုပ်ပေးခဲ့ရပါတယ်။ ကွမ်းကြောင့်ဖြစ်လိုက်ကြတဲ့ ပါးစောင်ကင်ဆာ၊ လျှာကင်ဆာ၊ သွားဖုံးကင်ဆာလူနာတွေ မနည်းမနောပါ။ ကွမ်းက ကျွန်တော်တို့ထင်ထားတာထက် အများကြီးဒုက္ခပေးနေပါပြီ။ ကျွန်တော်တို့ဆေးရုံကို ကွမ်း၊ ဆေးလိပ်တို့ကြောင့်ဖြစ်တဲ့ ကင်ဆာတွေဖြစ်လို့ လာပြကြတဲ့လူနာတွေ မနည်းမနောပါ။ အများစုမှာ အဆင့်လွန်ကင်ဆာတွေဖြစ်ပြီး ကျွန်တော်တို့ မကယ်တင်နိုင်ခဲ့ပါဘူး’’ဟု ဇမ္ဗူသီရိဆေးရုံကြီးမှ ခွဲစိတ်အထူးကုဆရာဝန် ဒေါက်တာမင်းဇော်အောင်က ၎င်း၏ လူမှုကွန်ရက်စာမျက်နှာတွင် ရေးသားထားသည်။
အသက်(၃၉)နှစ်အရွယ် ဘုန်းကြီးတစ်ပါး နှုတ်ခမ်းအချို့နှင့် ပါးစောင်ပေါက်ထွက်နေကာ အတွင်းရှိသွားများပေါ်နေခြင်း၊ အနာတွင် ပြည်များပြည့်နေသော လူနာကို ဇမ္ဗူသီရိဆေးရုံကြီးတွင် ဆေးခွဲစိတ်ကုသနေပုံကို ခွဲစိတ်ဆရာဝန်တစ်ဦးက လူမှုကွန်ရက်သို့တင်ခဲ့ရာ ကွမ်းယာ၏ဆိုးကျိုးအဖြစ် လူမှုကွန်ရက်အသုံးပြုသူ လူပေါင်း ၁၄,၀၀၀ ကျော်က ပြန်လည်မျှဝေခဲ့ကြသည်။

‘‘သုံးလအတွင်း ကွမ်းယာကြောင့်ဖြစ်တဲ့ ပါးစောင်ကင်ဆာလူနာ ရှစ်ယောက်လောက် ခွဲစိတ်ပေးခဲ့ရတယ်’’ဟု ဇမ္ဗူသီရိဆေးရုံကြီးမှ ခွဲစိတ်အထူးကုဆရာဝန် ဒေါက်တာမင်းဇော်အောင်က ၎င်း၏အတွေ့အကြုံကို ပြောပြသည်။

အာဆီယံဒေသတွင်း အဖြစ်အများဆုံး ကင်ဆာရောဂါငါးခုတွင် ခံတွင်းကင်ဆာလည်းပါဝင်သည်။ မြန်မာနိုင်ငံတွင် ကွမ်းယာစားသုံးမှုမှာ အာဆီယံအဆင့်နှင့် နှိုင်းယှဉ်ပါက မြင့်တက်နေကြောင်း ကျန်းမာရေး၀န်ကြီးဌာန ဒုဝန်ကြီး ဒေါက်တာဝင်းမြင့်က ပြောထားသည်။ ကွမ်းစားသုံးမှုအများဆုံး နိုင်ငံခြောက်နိုင်ငံတွင် မြန်မာနိုင်ငံမှာ ထိပ်ဆုံး၌ရှိကြောင်း ပြည်သူ့ကျန်းမာရေးဌာန စာရင်းဇယားများတွင် ဖော်ပြထားသည်။

၂၀၁၃ တွင် မြန်မာနိုင်ငံ၌ ကွမ်းစားသုံးမှုမှာ ၈၃ ဒသမ ၃ ရာခိုင်နှုန်းရှိသည်။ ကွမ်းစားသူများ၏ ခံတွင်းကင်ဆာဖြစ်ပွားသူ ၁ ဒသမ ၆(ကွမ်းစားသူတစ်ထောင်လျှင် ၁၆ ဦးနှုန်း)ရှိသည်။ ခံတွင်းကင်ဆာမှာ ကွမ်းစားမှုကြောင့် အများဆုံးဖြစ်ကြောင်း WHO မှ ကောက်ယူထားသော စစ်တမ်းများတွင် ဖော်ပြသည်။ ခံတွင်းကင်ဆာ အများဆုံးဖြစ်ပွားသောနေရာမှာ ပါးစောင်အမြှေးပါးတွင်ဖြစ်ပြီး ကွမ်းစားသူများ၏ ကွမ်းငုံခြင်းအလေ့အထကြောင့် ပါးစောင်အမြှေးပါးတွင် ဖြစ်ပွားခြင်းဖြစ်သည်။။

7Day Daily

04/12/2020

ဒီ​နေ့​ဆေးခန်း​ရောက်လာတဲ့ Patient ​ပါ။ သွား​လေး​တွေလှချင်တယ်။ ​ရှေ့သွား​လေး တ​ချောင်းကလည်း ထိခိုက်မိထားလို့ တို​နေတာကြာပီ။ ကွမ်း​တွေစားထား​တော့ သွား​တွေကလဲမည်း​နေပီ။ မနက်ဖြန် အလှူ​ပွဲ​လေး ရှိလို့ ဓါတ်ပုံထဲမှာလဲ လှချင်တယ်။ အချိန်လဲ မရဘူး​ပေါ့။ ​Stay Home ကာလမို့ ​နောက်ထပ်ရက်ချိန်းလဲ မလာချင်ဘူး။ ​​ရေရှည်​လေးလဲ ​ကောင်းချင်တယ်။ တရက်နှစ်ရက်နဲ့ ပြန်ပျက်သွားတာမျိုးလဲ အဖြစ်မခံချင်ဘူး​ပေါ့။တောင်းဆိုမှု​တွေကလဲ များတယ်။ဖြစ်နိုင်ပါ့မလား... တဲ့။

ဟုတ်ကဲ့ ... ဖြစ်နိုင်ပါတယ်​။ ​ နာရီဝက်​လောက်​လေးပဲ အချိန်​ပေးပါ။ ​တို​နေတဲ့ ​ရှေ့သွား​လေးကို ​လေဆာ​ရောင်ခြည်သုံးသွားဖာနည်းနဲ့ ပြန်ဆက်​ပေးပီး​တော့ ကျန်တဲ့သွား​တွေကိုလဲ ဖြူ​အောင်ပြုပြင်​ပေးလိုက်တယ်။ သူလဲ ​သ​ဘောကျသွားပါတယ်။ ဒီ​လောက်ဆိုရင် ​တော်​တော်​လေး အဆင်​ပြေပါပီတဲ့။

ပျက်အစဥ် ပြင်ခနဆိုသလိုပါပဲ။ တကယ် လှချင်တဲ့ စိတ်​လေး ရှိဖို့ပဲ လိုအပ်တာပါ​နော်။

01/12/2020

Patient က အသက် ၂၇ နှစ်ပဲ ရှိပါသေးတယ်။​ သူက ​ပြောပါတယ်။ သူသွားပိုးစားတာ မျိုးရိုးလိုက်တာတဲ့။ သူတို့တမျိုးလုံး သွားမ​ကောင်းဘူးတဲ့။ ကျ​နော့်​ဆေးခန်းမှာ အမြဲလိုလို ကြား​နေကြ စကားပါ။ လုံးဝ မဟုတ်ပါဘူး​နော်။ ပိုးစားပျက်စီး​နေတဲ့ သွားကို အချိန်မီ ကုသမှုမခံယူတာနဲ့ သွား​တွေပိုးမစား​အောင် ​ရေရှည်ခိုင်ခံ့​အောင် ဘယ်လို ထိန်းသိမ်းရမလဲဆိုတာ မသိ​သေးလို့ပါ​။

အခုပုံက ရှေ့သွား​ ၆ ​ချောင်းမှာ ၅ ​ချောင်းက ပိုးစား​နေပီး အဲ့ဒီထဲက တ​ချောင်းက​တော့ သွားအငုတ်သာသာ​လေးပဲ ရှိပါ​တော့တယ်။ အဲ့တာကို လှပ​အောင် ပြုပြင်ထားတဲ့ပုံ​လေးပါ။

အလယ်မှာ မရှိ​တော့တဲ့ သွား​နေရာကို ​ဘေးသွားအကူယူပီး သွားစိုက်ထားတာပါ။ ကျန်တဲ့ ​ဘေးသွား ၃ ​ချောင်းကို​တော့သဘာဝသွားအ​ရောင်အတိုင်းတူတဲ့ ​လေဆာ​ရောင်ခြည်ပေးပီးသွားဖာတဲ့နည်းနဲ့ ပြန်ဖာထားတာပါ။

ဘ​ယ်လောက်ပဲ ပျက်စီး​နေပါ​စေ။ လုံးဝ ပစ်မထားလိုက်ပါနဲ့။ သွားနှင့် ခံတွင်းဆရာဝန်နဲ့ ပြပါ။ ​တိုင်ပင်ဆွေး​​နွေးကြည့်ပါ။ အချိန်မီ ကုသမှု ခံယူမယ်ဆိုရင် အ​ကောင်းအတိုင်းနီးပါး​ ပြန်ဖြစ်နိုင်ပါ​သေးတယ်။