13/08/2022
လူတိုင်းရဲ့ပါးစပ်ထဲမှာ နောက်ဆုံးမှပေါက်တဲ့ သွားကတော့ အံဆုံးသွားပါ
အသက် ၁၇ နှစ်မှ ၂၅နှစ်ကြား လူလတ်ပိုင်းအရွယ် ပညာစုံတဲ့အချိန်မှပေါက်တတ်လို့ wisdom teeth(ပညာရှိသွား) လို့လည်း ခေါ်ကြပါတယ်
အပေါ်သွား၊အောက်သွား ဘယ်ညာစုံလိုက်ပေါက်တာမို့ အံဆုံးသွားလေးချောင်းရှိပါတယ်
အံဆုံးပေါက်လျှင်
-ရိုးရိုးသွားပေါက်သလို နာကျင်မှုကို ခံစားရနိုင်ပြီး အခန့်မသင့်လို့ ပုံစံမမှန် ပေါက်လျှင် ပါးတခြမ်းလုံး ယောင်ရမ်းနာကျင်ပြီး ကိုက်ခဲနေတတ်ပါတယ်
အပေါ်အောက်မေးရိုးတစ်ဝိုက် နာကျင်တာ၊ယောင်ရမ်းတာဖြစ်နိုင်ပြီး တစ်ခါတစ်ရံမှာ ပါးစပ်ဟဖို့ ခက်ခဲတာမျိုး ဖြစ်တတ်ပါတယ်
-ဆိုးဆိုးဝါးဝါးနာကျင်မှုကိုခံစားရပြီး အခန့်မသင့်ရင် ဖျားနာတဲ့အထိ ကြုံရတတ်ပါတယ်။
-သာမန် ပေါက်တဲ့ အံဆုံးဆိုလျှင်သွားဖုံး ယောင်ပြီးကြားမှာ အစာညပ်တယ် ခံတွင်းနံ့ဆိုးတာမျိုးလည်း ဖြစ်တတ်ပါတယ်
အံဆုံးသွားတွေဟာ ပါးစပ်ထဲမှာ တစ်ခြားသွားတွေလို အတည့်ပေါက်တာရှိသလို တစောင်းပေါက်တာမျိုး၊ လှဲပြီးပေါက်တာမျိုး၊ တစ်ချို့အံဆုံးတွေမှာ မပေါက်ပဲမေးရိုးထဲမှာ မြုပ်နေတာမျိုးထိဖြစ်တတ်ပါတယ်
အံဆုံးသွားဟာ ပါးစပ်ထဲမှာ အပိုလို့ပြောလို့ရပါတယ်
စားတဲ့ဝါးတဲ့နေရာမှာလည်း မလိုအပ်တာကြောင့် အံဆုံးပေါက်လို့ နာကျင်ကိုက်ခဲတာမျိုးရှိရင် ဆရာဝန်နဲ့ပြသဆွေးနွေးပြီး နှုတ်ထားသင့်ပါတယ်
အံဆုံးသွားကို မနှုတ်ခဲ့ရင်
- အံဆုံးသွားကစောင်းပေါက်တဲ့အခါမှာ ဘေးကသွားကို တိုက်ပြီး တဖြည်းဖြည်းစားသွားနိုင်ပါတယ်
- တစောင်းပေါက်နေတဲ့အံဆုံးရဲ့ အမြစ်အောက်ခြေမှာ အရည်အိတ်ဖြစ်တတ်ပါတယ်။ အဲဒီလိုဖြစ်လာခဲ့ရင် အရည်အိတ်ကနေတစ်ဆင့် မေးရိုးကိုပါ ထိခိုက်တတ်ပါတယ်
- အံဆုံးသွားက အပြည့်မပေါက်တာမျိုးပဲဖြစ်ဖြစ်၊ စောင်းပေါက်တာမျိုးပဲဖြစ်ဖြစ် ဖြစ်လာတဲ့အခါမှာ သွားနဲ့ခံတွင်းသန့်ရှင်းရေးသေချာမလုပ်ရင် အစာညှပ်ပြီး သွားပိုးစားတာ၊ သွားဖုံးနဲ့ဆိုင်တဲ့ရောဂါဖြစ်တာတွေ ကြုံရနိုင်ပါတယ်
အဲဒါကြောင့် အံဆုံးပေါက်တဲ့အချိန်မှာ သွားနဲ့ခံတွင်းဆရာဝန်နဲ့ ပြသဆွေးနွေးသင့်ပါတယ်.....
သွားနဲ့ပတ်သက်ပြီးဆွေးနွေးပြသလိုလျှင် ရွှေနန်းမကိုဋ်သွားနှင့်ခံတွင်းအထူးကုဆေးခန်းကနွေးထွေးစွာကြိုဆိုနေပါတယ်။
၇၄လမ်း၊၂၉လမ်းနှင့်လမ်း၃၀ကြား၊ဆေးရုံကြီးအရှေ့ဘက်၊မန္တလေးမြို့။
ဖုန်း 09954487714,09797487714,09797487663
နံနက်၈နာရီခွဲမှည၈နာရီထိဖွင့်ပါတယ်။လပြည့်လကွယ်တိုင်းဆေးခန်းပိတ်ပါတယ်။
