Thitsar Myaing Dental Clinic

11/05/2022

ဒီဆေးခန်းမှာ ❣️SDF ❣️လို့ခေါ်တဲ့ သွားပိုး
း‌ေသစေ နိုင်တဲ့ဆေးနဲ့ လူကြီး/ကလေး
သွားများကို ပိုးသတ်နိုင်ပါပီနော်
*** သင့်ရဲ့သွားကိုစက်နဲ့တိုက်စားမှာကြောက်သူတွေအတွက်အထူးသင့်လျော်ပါတယ်နော်…........

29/01/2021

"လူကြီး/ကလေး အားလုံး၏ သွားကျန်းမာရေးအတွက် 🥗အာဟာရပြည့်ဝ အစားအစာနှင့် 🦷သွားပိုးစားစေသော အစားအစာများ"

🦷သွားနှင့်ခံတွင်း ကျန်းမာရေးအတွက် အာဟာရပြည့်ဝသည့် 🥗 အစားအစာများကိုလဲ စားသုံးပေးရန် လိုအပ်ပါတယ်။

1️⃣ အင်အား ဖြစ်စေသော အုပ်စု၊
2️⃣ ရောဂါ ကာကွယ်စေသော အုပ်စုနှင့်
3️⃣ ခန္ဓာကိုယ် ကြီးထွားစေသော အုပ်စု
ဆိုတဲ့ အစာအုပ်စု (၃)စု ကို သင့်တင့်မျှတစွာ စားသုံးပေးရမှာ ဖြစ်သလို ဒီထဲက သွားပိုးစားစေတဲ့ အစားအစာတွေကိုလည်း သတိထားပြီး ရှောင်ကြဉ်ရပါမယ်။
☑️သဘာ၀ 🥗 ဟင်းသီးဟင်းရွက်များ၊
☑️ပရိုတင်းဓါတ် များ‌သော🥩အသား၊🐠ငါး၊🥚ကြက်ဥ၊
☑️ ကယ်လ်စီယံဓာတ် 🦴ကြွယ်၀‌သော နို့ထွက် 🐄🥛ပစ္စည်းများ(အချိုမပါသော/အချိုနည်းသော) ကို စားသုံးပေးသင့် ပါတယ်။

❗အဓိကရှောင်ကြဉ်ပီး လျော့စားပေးရမှာတွေကတော့
➡️သကြား များစွာပါဝင်သော အစားအစာ နှင့် အချိုရည်
➡️ချိုပီးစေးကပ်တဲ့ အစားအစာ
တွေကိုတော့ အတတ်နိုင်ဆုံး လျော့စားပေးရပါမယ်နော်။

🍬 ချိုပြီး‌ စေးကပ်တဲ့ အစားအစာများကို စားပီးရင်လည်း ပလုတ်ကျင်းခြင်း(သို့)သွားတိုက်ခြင်းတို့ကို ပြုလုပ်ပေးရပါမယ်။
🍩 သရေစာ (meal snack)
ကိုလည်း အများဆုံး တစ်နေ့ ( ၃ ) ကြိမ် ထက်ပိုမစားသင့်ပါဘူး။
❌ တတ်နိုင်လျှင် မစားဘဲနေတာက အကောင်းဆုံးပါ။
💦 အဓိကကတော့ ဘယ်အစားအစာကိုမဆို စားပီးတိုင်း ပလုတ်ကျင်းပေးလျှင် အကောင်းဆုံးဖြစ်ပါတယ်။

🪥 သွားလေးတွေ ကျန်းမာပြီး သွားပိုးစားတာကိုကာကွယ်ဖို့အတွက် မနက်စာစားပြီး ၁ကြိမ်နဲ့ ညအိပ်ရာမ၀င်ခင် ၁ကြိမ် စနစ်မှန်သွားတိုက်နည်းနဲ့ သွားတိုက်ဖို့လည်း အရေးကြီးပါတယ်နော်။
# အိပ်ခါနီး သွားတိုက်ပီးရင်လဲ ဘာမှ
ထပ်မစားရတော့ပါဘူးနော် *

🧏‍♂️လူကြီး သွားကျန်းမာရေး အတွက် 🚭 သွားနှင့်ခံတွင်း ကျန်းမာရေးကို ထိခိုက်စေသော ဆေးလိပ်သောက်ခြင်း၊ ကွမ်းစားခြင်း၊ 🥃အရက်သောက်ခြင်းတို့ကို ရှောင်ကြဉ်ရပါမယ်နော်။

👨‍⚕️၁နှစ်လျှင်၂ကြိမ် မိမိကိုယ်တိုင်နှင့် ကလေးများ၏ သွားကျန်းမာရေးအတွက် သွားဘက်ဆိုင်ရာဆရာဝန်များထံ စစ်ဆေးပြသပီး အကြံညဏ် တောင်းသင့်ပါတယ်။


Address - 64လမ်း၊ 25x26လမ်းကြား၊ မန္တလေးမြို့။
Ph - 09 444 037 112, 09 983 212 949

05/12/2020

"သွားပိုးစားရောဂါ နှင့် ဖလိုရိုက်ဒ်"
(Dental caries and fluoride)

🦷 သင့်မှာ သွားပိုးစား‌‌ရောဂါ ရှိမရှိ ဘယ်လိုသိနိုင်မလဲ ❓

သွားမျက်နှာပြင်မှာ အမဲစက်တွေ ၊ သွားပိုးပေါက်တွေ ဖြစ်နေပြီ ဆိုလျှင် သင့်မှာသွားပိုးစားရောဂါ ဖြစ်နေပါပြီ။

🦷 ဘယ်လိုကာကွယ်ရမလဲ ❓

အဓိကအားဖြင့်
1️⃣ 🍭 အစားအသောက်ပုံစံ ဂရုစိုက်ခြင်း
2️⃣ 👄 ခံတွင်း သန့်ရှင်းအောင်ထားခြင်း
3️⃣ 🪥 ဖလိုရိုက်ဒ် (fluoride) ပါဝင်‌‌သော အရာများ (ဥပမာ - သွားတိုက်‌ဆေး)ကို အသုံးပြုခြင်း အားဖြင့် ကာကွယ်နိုင်ပါတယ်။
( 🍩🍦🍬 အစားအသောက်ကြောင့် 🦷 သွားများ ပိုးစား‌ခြင်းနှင့် 🪥 ခံတွင်းသန့်ရှင်းရေး နည်းလမ်းများကို ဆက်လက်တင်ပေးပါမယ်။ )

🦷 ဖလိုရိုက်ဒ်ဓာတ်က သွားတွေကို ဘယ်လိုအကျိုးပြုသလဲ ❓

ဖလိုရိုက်ဒ်ဓာတ်မှာ သွား၏ အပေါ်ဆုံးအလွှာ(ကြွေသွားလွှာ)ကို ပိုမိုမာကြောလာစေခြင်း၊ အစပျိုးနေသည့် သွားပိုးပေါက်များကို နှေးကွေးစေပြီး ရပ်တန့်စေခြင်း စတဲ့ အကျိုးကျေးဇူးတွေရှိပါတယ်။

🦷 ဖလိုရိုက်ဒ်ဓာတ်ကို ဘယ်က ရနိုင်မလဲ ❓

ဖလိုရိုက်ဒ် ပါဝင်တဲ့
(၁) သွားတိုက်ဆေး
(၂) ပလုတ်ကျင်းဆေးရည်
(၃) ဖလိုရိုက်ဂျယ်(gel)
(၄) ဖလိုရိုက်ဒ် ဆေးရည် တို့ကို အသုံးပြုခြင်းအားဖြင့် ဖလိုရိုက်ဒ်ဓာတ်ကို ရရှိနိုင်ပါတယ်။

🦷 ဖလိုရိုက်ဒ် ပါဝင်တဲ့ သွားတိုက်ဆေးကို ပမာဏ ဘယ်လောက်ထည့် တိုက်သင့်လဲ ❓

သွားတိုက်ဆေး ကြော်ငြာ တော်တော်များများက 🪥 သွားတိုက်တံအပြည့် သွားတိုက်ဆေးထည့်ပြီး ကြော်ငြာကြတာ များပါတယ်။
ဒါကြောင့်လည်း သွားတိုက်တံ အပြည့်သွားတိုက်ဆေး ထည့်ရမယ်လို့ ကလေး၊လူကြီးများ အမှတ်မှား‌နေကြတာပါ။

👶 ကလေးအသက် ၆လ(သွားစပေါက်ချိန်) မှစပြီး ၃နှစ်အတွင်းဆိုရင် သွားတိုက်ဆေး ဆန်စေ့ ပမာဏလောက် ထည့်ပြီး တနေ့ နှစ်ကြိမ်တိုက်လျှင် လုံလောက်ပါတယ်။

👶 အသက် ၃နှစ်မှ ၆နှစ်အတွင်းဆိုရင် ပဲစေ့ ပမာဏ ထည့်ပြီး တနေ့ နှစ်ကြိမ် တိုက်ပေးရမယ်။

👶 အသက်‌ ၆နှစ်နှင့် အထက်ဆိုလျှင်လဲ
ပဲစေ့ ပမာဏ ထည့်ပြီး တိုက်သင့်သလို ၎င်းအသက်အရွယ်တွင် လူကြီးသွားများ စတင်ပေါက်လာပြီ ဖြစ်တဲ့အတွက် ပိုပြီး ဂရု
စိုက်သင့်ပါတယ်၊ အသက် ၆ နှစ်အောက်
ကလေးတိုင်းရဲ့သွားမျက်နှာပြင်အနှံ့
သန့်ရှင်း‌ေစရန် မိဘ/အုပ်ထိန်းသူက
အနီးကပ်စောင့်ကြပ်ပီး ၎င်းတို့ကိုယ်တိုင်
ကပါ တိုက်ပေးရန် လိုအပ်ပါတယ်။

🦷 ကလေး သွားတိုက်ဆေးအတွက် ဖလိုရိုက်ဒ် (fluoride ) ပါဝင်နှုန်း ဘယ်‌လောက် ရှိသင့်ပါသလဲ ❓

သွားပိုးစားခြင်း အနည်းငယ်သာ ရှိသော မည်သည့် ကလေးငယ်မဆို 1000 ppm ဖလိုရိုက်ဒ် ပါဝင်တဲ့ သွားတိုက်ဆေး ကို သုံးသင့်ပါတယ်။ တကယ်လို့ သင့်ကလေးမှာ သွားပိုးစားရောဂါ ဖြစ်ပွားမှု များနေမယ် ဆိုရင်တော့ 👨‍⚕️သွားဆရာဝန်နဲ့ တိုင်ပင်ပြီး ဆရာဝန် လမ်းညွှန်တဲ့ သွားတိုက်ဆေးကို ပြောင်းသုံးပေးသင့်ပါတယ်။ လိုအပ်လျှင် ဖလိုရိုက်ဒ်ဆေးရည် သုတ်လိမ်းပေးသည့် ကုသမှုမျိုးကို ခံယူရပါမယ်။


Address - 64လမ်း၊ 25x26လမ်းကြား၊ မန္တလေးမြို့။
Ph - 09 444 037 112, 09 983 212 949

03/12/2020

"🦷မိဘများ သတိမမူ မိသော ကလေးအသက် (၆)နှစ် အရွယ်တွင် စတင် ပေါက်သည့် လူကြီးအံသွား အကြောင်း🦷"
(Eruption of First Permanent Molar)

🦷 ကလေးသွားတွေ ဘယ်ချိန်ဆို စုံပြီလဲ❓

👶 ကလေး ၆လ အရွယ်မှာ သွားလေးတွေ စပေါက်ပြီး အသက် ၃နှစ် မှာတော့ ကလေးသွားများ စုံလင်စွာ ပေါက်ပြီး ဖြစ်ပါတယ်။ အဲဒီအခါမှာ သွားအရေအတွက် စုစုပေါင်း အချောင်း ၂၀ ရှိ‌နေရပါမယ်။

🦷 လူကြီးသွားတွေ ဘယ်အချိန်မှာ စတင် ပေါက်ပါသလဲ❓

👶 ကလေးအသက် ၆နှစ် အရွယ်မှာ 🦷ပထမဆုံး လူကြီးအံသွား (First Permanent Molar) စတင်ပေါက် ပါတယ်။ သို့သော်လည်း မိဘများက ကလေးသွားနှင့် မှား၍ ဂရုမစိုက်ဘဲ🙅 ပစ်ထား တတ်ကြပါတယ်။ ( 🤱 ကလေးသွားတွေ လည်း ဂရုစိုက်‌ပေးဖို့ လိုပါတယ်နော်။ 🦷ကလေးသွားတွေရဲ့ အရေးပါပုံကိုလည်း ထပ်မံ တင်ပေးပါမယ်။ )

🦷 ဂရုမစိုက်ဘဲ ပစ်ထားလျှင် 👉 ဘာတွေဆက်ဖြစ်မလဲ❓

👶 အချိန်အတန်ကြာ သွားပိုးစားခြင်းကြောင့် ကယ်တင်၍ မရတော့ဘဲ နှုတ်ပစ်ရသည် အထိ ဖြစ်နိုင်ပါတယ်။
👶 လူကြီးသွား ဖြစ်တဲ့အတွက် နှုတ်ပြီးပါက လုံးဝ ❌ ပြန်ပေါက် မလာနိုင်တော့ပါ။
👶 မဖြစ်မနေ နှုတ်ရတော့မည် ဆိုပါက ကလေးအသက် ၈နှစ် နှင့် ၁၀နှစ်ခွဲ ကြားနှုတ်လျှင် 👌အကောင်းဆုံး ဖြစ်ပါတယ်။

👶 ထိုအသက်ထက် စော၍ ဖြစ်စေ၊ နောက်ကျ၍ ဖြစ်စေ နှုတ်မိပါက
➡️ နောက်‌ပေါက်မည့် လူကြီးသွားများ နေရာအမှန် မပေါက်တော့ဘဲ နေရာရွေ့နိုင်ခြင်း၊
➡️ သွားများ မညီမညာ ဖြစ်ခြင်း၊
➡️ ရှေ့သွားနောက်သို့ စောင်းပြီး နောက်သွားရှေ့သို့ စောင်းလာခြင်း ၊
➡️ အောက် အံသွားနုတ်ထားလျှင် အပေါ်သွားများ ရှည်ကျလာခြင်း၊
➡️ ကျိုးသွားတဲ့ နေရာလွတ်တွင် 🍜အစာညှပ်ခြင်း အစရှိတဲ့ ပြဿနာများ 😖 ကြုံတွေ့ လာနိုင်ပါတယ်။

🦷 သွား မဆုံးရှုံးအောင် ဘယ်လို ကာကွယ်ရမလဲ❓

✴️ ၎င်းသွားများအား သွားအခေါင်းပေါက် အရွယ် သေးသေးလေး မှစ၍ ပြုပြင်ဖာထေး ထားသင့်ပါတယ်။

☑️ သွားနှင့်ခံတွင်း 🪥 သန့်ရှင်းရေး ပုံမှန် လုပ်ပေးခြင်း၊
☑️ သွားနှင့်ခံတွင်း 👨‍⚕️ ဆရာဝန်ထံ ၁နှစ် ၂ကြိမ် သွားကျန်းမာရေး စစ်ဆေးခြင်း၊
☑️ လိုအပ်ပါက 🦷 သွားဖာခြင်း၊ သွားအကြောထုတ်ခြင်း များဖြင့် သွားဆုံးရှုံးမှုကို ကာကွယ်နိုင်ပါတယ်။


Address - 64လမ်း၊ 25x26လမ်းကြား၊မန္တလေးမြို့။
Ph - 09 444 037 112, 09 983 212 949

28/11/2020

"🦷သင်၏ ကလေးငယ်များအတွက် သွားကျန်းမာရေး စောင့်ရှောက်ရမည့် နည်းလမ်းများ🦷"
(Dental Health CareTips For Your Children)

👶 ကလေးငယ်များက သူတို့🦷 သွားလေးတွေနှင့်အတူ မွေးဖွားလာတယ်ဆိုတာ သင်သိပါသလား။ သူတို့ သွားလေးတွေက သွားဖုံးထဲမှာ ပုန်းနေတဲ့အတွက် 👁️ မျက်စိနဲ့တော့ မမြင်နိုင်ပါဘူး။

👶 ကလေးအသက် ၆လ မှာတော့ 🦷 သွားလေးတွေ စတင် ထွက်ပေါ်လာပါပြီ။ ဒါပေမယ့် ကလေးသွား မပေါက်မီကတည်းက ကလေး၏ 👄 ခံတွင်းကို သန့်ရှင်းပေးဖို့ လိုအပ်ပါတယ်။ ကလေးအား 🤱 နို့တိုက်ပြီးတိုင်း သန့်စင်သော အဝတ်စို သို့ ဂွမ်းအစိုဖြင့် သွားဖုံးပေါ်သို့ သုတ်ပေးရပါမယ်။ အဲလိုသုတ်ပေးခြင်းအားဖြင့် 🦷 သွားပိုးစားခြင်းကို ဖြစ်ပေါ်စေသော 🦠 ဘက်တီးရီးယားပိုးမွှားများကို ဖယ်ရှားပေးပါတယ်။

👶 ကလေးသွားလေးတွေ ပေါက်ပြီဆိုပါက ကလေးသွားတိုက်တံကို စတင် အသုံးပြုပေးရပါမယ်။ ဖလိုရိုက်(Fluoride)ပါဝင်သော သွားတိုက်ဆေးကို ဆန်စေ့ပမာဏလောက် ထည့်၍ မနက် ၁ကြိမ်၊ ည ၁ကြိမ် သွားတိုက်ပေးရပါမယ်။ ကလေးအသက် ၃နှစ် နှင့် ၆နှစ်ကြားဆိုလျှင် သွားတိုက်ဆေးကို ပဲစေ့ပမာဏလောက် ထည့်ပေးပါ။ သွားတိုက်ပြီးပါက အမြုပ်များကို သေချာစွာ ထွေးခိုင်းပါ။

👶 ကလေးသွားများ နို့ပိုးစားခြင်းလို့ သိကြတဲ့ ECC (Early Childhood Caries)ကို ကာကွယ်ရန် ညလုံးပေါက် 🤱 မိခင်နို့တိုက်၍ အိပ်စေခြင်း၊ နို့နှင့် အချိုရည်ပါသော 🍼 နို့ဘူးအား အချိန်ကြာမြင့်စွာ တိုက်ခြင်းများ ရှောင်ကြဉ်ရပါမယ်။

👶 ကလေးအသက် 🎂၁နှစ် ပြည့်မွေးနေ့မှစပြီး 👨‍⚕️သွားနှင့်ခံတွင်းဆရာဝန်ဖြင့် စတင် ပြသသင့်ပါတယ်။ သွားဆေးခန်းသွား၍ သွားနှင့်ခံတွင်း ပုံမှန်စစ်ဆေးခြင်း၊ ကုသခြင်းများသည် လုပ်သင့် လုပ်ရမည့် အရာတစ်ခု အဖြစ် 👨‍👩‍👦 မိဘများမှ ကလေးအား နားလည်အောင် ပြောပြရပါမယ်။ သို့မှသာ သွားနှင့်ခံတွင်းရောဂါများကို အချိန်မီ ကုသနိုင်ပြီး ကလေး၏ 🦷သွားလေးများ ကျန်းမာနေမည် ဖြစ်ပါတယ်။


Address-64လမ်း၊ 25 x 26လမ်းကြား၊ မန္တလေးမြို့။
Ph-09 444037112, 09 983212949

24/11/2020

သင်နှင့်သင်၏ကလေး
အပါအဝင်
သင့်မိသားစု၊ဆွေမျိုးများ၏
သွားနှင့်ခံတွင်းကျန်းမာရေးအား
နွေးထွေးသော‌မိသားစုစေတနာဖြင့်
တာဝန်ယူပါရစေ.....

15/11/2020

Level - II covid 19 ကာကွယ်ရေးဝတ်စုံ (တစ်ခါသုံး)

14/11/2020