A&O Dental Clinic

24/11/2025

လူကြီးမင်းတို့ရဲ့ သွားကို ယခုကဲ့သို လေဆာနှင့် Japan မှ ပါရဂူဘွဲ့ ရရှိသော ဆရာမှ ဖာပေးနေပါသည်။

14/05/2025

A&O သွားဆေးခန်းတွင်တာဝန်ထမ်းဆောင်ရန် အမျိုးသမီးဝန်ထမ်း ၁ ဦး အလိုရှိပါသည်။

-အသက် ၁၈-၂၅ အတွင်း အိမ်ထောင်မရှိသူ
- ကျောင်းကိစ္စရှင်းလင်းသူ
-ဆက်ဆံရေးပြေပြစ်သူ
-အလုပ်အပေါ် စိတ်ပါဝင်စားသူ
-အကျင့်စာရိတ္တကောင်းမွန်သူ
-ရိုးသားသူ
-အချိန်လေးစားသူ

ဖြစ်ရပါမည်။ အလုပ်ချိန် နံနက်၈း၃၀နာရီမှ ညနေ ၇ နာရီအထိဖြစ်ပြီးတစ်ပတ်တွင်တစ်ရက် နားရက်ရပါမည်။ အ တွေ့အကြံုမရှိသူဖြစ်ပါက သေချာသင်ပေးပါမည်။ အလုပ်သင်ကာလ သံုးလသတ်မှတ်ပါသည်။ အလုပ်ကြိုးစားမှု ကျွမ်းကျင်မှုအပေါ်မူတည်ပြီး လစာတိုးပေးပါမည်။

လျှောက်ထားလိုပါက
CV form၊ သန်းခေါင်စာရင်း+မှတ်ပံုတင်မိတ္တူ၊
သက်ဆိုင်ရာသင်တန်းဆင်းလက်မှတ်ရှိပါကမိတ္တူများကို ၀၉-၄၀၅၇၉၃၃၃၆ Viber တွင် ပေးပို့ရပါမည်။

လူတွေ့စစ်ဆေးရန် အချိန်ကိုပြန်လည်အကြာင်းကြားပါမည်။

A&O dental clinic
ည/၅, မင်္ဂလာလမ်း(သမာဓိ စတိုးနဲ့ vector နာရီ ဆိုင်ကြား, လမ်းတဖက်၌ KBZ နဲ့ City Mart ရှိ),ဖော့ကန် မှတ်တိုင်၊
အင်းစိန်မြို့နယ်။

12/06/2024

A&O dental clinic အတွက် ဆေးခန်းအကူ ( nurse aid assistant ) မ ၂ ဦး အလိုရှိပါသည်။
ရိုးသားကြိုးစားပြီး ရေရှည် လုပ်နိုင်သူကို ဦးစားပေးခေါ်ယူပါမည်။
အတွေ့ကြုံ မရှိသေးသောသူများလဲ လျှောက်ထားနိုင်ပါသည်။
CV form များကို A&O clinic (ည/၅, မင်္ဂလာလမ်း, ဖော့ကန်,အင်းစိန်) လာရောက်လျှောက်ထား/ပေးပို့ နိုင်ပါသည်။
Ph: 09421150824,09770095751

12/04/2023

A&O သွားဆေးခန်းကို ၁၂ ရက်နေ့ နေ့လည်၁၂း၀၀ မှ စပြီး ၁၇ရက်နေ့ထိ ပိတ်ထားပါမည်။
၁၈ ရက်နေ့ ( အင်္ဂါနေ့) နံနက် ၉း၀၀တွင် ဆေးခန်းပြန်လည် ဖွင့်လှစ်ပါမည်။

27/02/2023

လူကြီးမင်းများ​၏ မညီညာသောသွားများ( သွားညှိကုသမှုလိုအပ်သောသွားများ)ကို A&O မိသားစုမှဈေးနှုန်းချိုသာစွာဖြင့်ကုပေးနေကြောင်း သတင်းကောင်းပါးပါရစေ။
လက်ရှိကုသပေးနေသော ကေစ်(လူနာ) များစွာထဲက အနည်းငယ်သော လူနာပုံဖြစ်ပါသည်။

လူကြီးမင်းများ သိလို/မေးမြန်းလိုသောအရာများကို လာရောက်တွေ့ဆုံ မေးမြန်း/ဆွေးနွေးဖို့ ဖိတ်ခေါ်ပါရစေ။

13/12/2022

A&O သွားနှင့်ခံတွင်းဆေးခန်းကို ခရစ္စမတ်ပိတ်ရက်အဖြစ် ဒီဇင်ဘာလ ၂၅နှင့်၂၆ New Year ပိတ်ရက်အဖြစ် ဇန်နဝါရီ၁နှင့်၂ တို့တွင် ဆေးခန်းပိတ်မည်ဖြစ်ပါသည်။

26/06/2022

29/05/2022

13/04/2022

၁၃.၄.၂၀၂၂ မှ ၁၇.၄.၂၀၂၂ ထိ ဆေးခန်းပိတ်ထားပါမည်။

08/01/2022

ပြောပြချင်လို့ပါ😊😊

စျေးကြီးသော သွားနှင့်ခံတွင်းဆေးခန်းများအကြောင်း

ဒီနေ့တော့ သွားဆရာဝန်လေးတွေဘက်ကနေ ခံစားပြီး ရေးပါတယ် ။ ဒါကြောင့် (၂) မိနစ်လောက် သွားဆရာဝန်​လေး ဖြစ်ပေးကြပါနော် ။
သွားနှင့်ခံတွင်းဆေးခန်းတွေကို သွားတဲ့အခါ အကုန်လုံးသိထားကြတာက ပိုက်ဆံတော်တော်ကုန်တယ် သွားဆေးခန်းတွေက စျေးကြီးတယ်ပေါ့နော်...။ လူတော်တော်များများ သွားနှင့်ခံတွင်းဆေးခန်းမသွားရဲတဲ့ အကြောင်းအရင်းထဲမှာ ဒီ ပိုက်ဆံကုန်တယ် စျေးကြီးတယ်ဆိုတဲ့ အချက်လည်း အပါအဝင်ပါပဲ...။
ကျွန်တော်လည်း အပြင်လူတစ်ယောက်အနေနဲ့ဆိုရင် သွားနှင့်ခံတွင်းဆေးခန်းတွေရဲ့ ဝန်ဆောင်ခဟာ ကျွန်တော်တို့နိုင်ငံရဲ့ အနေအထားအရ စျေးကြီးတယ်ဆိုတာကို လက်ခံထားပါတယ်...။
ဒါ​ပေမယ့် ဘာကြောင့် သွား​ဆေးခန်းပြရင် စျေးကြီးနေတာလဲဆိုတာကို နဲနဲရှာဖွေကြည့်ရအောင်လားဗျ...။

👉 အနုပညာ ပစ္စည်းတွေ တော်တော်များများဟာ စျေးကြီးပါတယ်...။
ကျွန်တော်တို့ ကျောင်းတက်တုန်းက ဆရာတွေတော်တော်များများက ဒီလို​လေး ဆုံးမအား​ပေးခဲ့ကြတယ် ။
သွားဆရာဝန်တွေဟာ ဆရာဝန် + အင်ဂျင်နီယာ + အနုပညာရှင် တစ်ယောက်ပါ တဲ့ ။
သွားဆရာဝန်တွေရဲ့ အနုပညာဟာ လူနာရဲ့ ပါးစပ်ထဲမှာပါ...။ သွားတွေရဲ့ သဘာဝကျကျလှပမွု ဟာ ဆရာဝန်ရဲ့ အနုပညာပါ..။ သွားတွေရဲ့ လုံခြုံဘေးကင်းခြင်း ၊ စားလို့ဝါးလို့ကောင်းအောင်လုပ်ထားခြင်း ၊ ခိုင်ခန့်ခြင်း၊ မနာမကျင်ဖြစ်စေခြင်း စတာတွေဟာ ဆရာဝန်ရဲ့ အတတ်ပညာပါ..။ ဆေးခန်းကိုလာတဲ့ ခဏတာ အချိန်လေးမှာ အနုပညာရယ် အတတ်ပညာရယ် ဆရာဝန်ရဲ့ စိတ်ရှည်မွုတွေရယ် ပေါင်းစပ်ပြီး ကုသမွုပေးတာဖြစ်ပါတယ်...။
လူနာတစ်ယောက်ချင်းစီအတွက် ပါးစပ်ပေါက်သေးသေးလေးထဲ ခက်ရာခဲဆစ်ဖန်တီးထားတဲ့ Limited Edition အနုပညာပါ..။
တင်စား​ပြောရရင် အနုပညာမြောက်တဲ့ အရာတွေဟာ စျေးကြီးနေဦးမှာပဲ..။

👉 တံတွေးကနေ ရောဂါတော်တော်များများကူးစက်သလို သွေးတွေကနေလဲ ရောဂါတော်တော်များများကူးစက်ပါတယ်...။
သွားဆရာဝန်ရဲ့ လက်လေးတွေဟာ အမြဲ လူနာရဲ့ ပါးစပ်ထဲမှာပါ.. အမြဲတံတွေးတွေပေ သွေးတွေပေနဲ့ပေါ့...။ မျက်နှာဖုံးတပ်ထားပေမယ့် အမြဲလိုလို ခံတွင်းအနံ့ဆိုးဆိုးတွေကို ရှူရိှက်ရသူတွေဖြစ်ပါတယ် ။
မျက်နှာကိုလည်း တံတွေးတွေစင် သွေးတွေစင်ပါပဲ...။ တခါတလေ သွေးတွေ မျက်လုံးထဲစင်တတ်ပါတယ် ။
သူတို့ရဲ့ အလုပ်ဟာ ​ရောဂါကူးဖို့ အခွင့်အလမ်းအများဆုံး အလုပ်ဖြစ်ပြီး သူတို့ကိုယ်တိုင်အတွက် သူတို့မိသားစုတွေအတွက် အန္တရာယ်အရမ်းများပါတယ် ...။

👉 ​ယေဘုယျအားဖြင့် စျေးကြီးတဲ့ ဆေးခန်းဖြစ်လေလေ ဝန်ဆောင်မွုတွေကောင်းလေလေပါ...။
သူနာပြုတွေ နှစ်ယောက်လောက်ဘေးနားဝန်းရံနေတာမျိုး...၊ တခါသုံးပစ္စည်းတွေချည်းသုံးတာမျိုး ၊ ကရိယာတိုင်းမှာ ပိုးသတ်ထားကြောင်းပြတဲ့ အိတ်လေးတွေနဲ့ထုတ်ထားတာမျိုး ၊ ခေါတ်မီစက်ကရိယာတွေကြောင့် ကုသချိန်တွေမြန်ဆန်တာမျိုး၊ ပစ္စည်းအကောင်းတွေချည်းသုံးတာမျိုး စသဖြင့်ပေါ့ဗျာ...။ ဒီလို service တွေကွာသွားပြီး ဆေးခန်းတွေရဲ့ ဝန်ဆောင်ခဟာလည်း ကွာသွားပါလိမ့်မယ်...။

👉 အတော်အတန်ပြည့်စုံတဲ့ ဆေးခန်းလေးတစ်ခန်းဖြစ်ဖို့အတွက် သိန်းပေါင်း ၂၀၀ ခန့်ကို ရင်းနှီးထားရပါတယ်..။ နောက်ပြီး ဆေးခန်းမှာ သုံးနေတဲ့ ကရိယာတွေ ၊ ဆေးပစ္စည်းတွေဟာ Made in Myanmar တစ်ခုမှမရှိတဲ့အတွက် Dollar တွေနဲ့ဝယ်ရတာပေါ့နော့...။
ဒါပေမယ့် တခြားနိုင်ငံတွေထက် ကုန်ကျစရိတ် ဆယ်ဆလောက် သက်သာပြီး ကုပေးနေကြတာ မြန်မာနိုင်ငံကသွားဆရာဝန်​တွေပဲ ရှိမယ်ထင်ပါရဲ့ ။
ဒါကို နိုင်ငံခြားရောက်မြန်မာတွေ ၊ နိုင်ငံခြားမှာ သွားဆေးခန်းပြဖူးသူတွေဆို သိပါလိမ့်မယ် ။

ကျန်အချက်တွေဖြစ်တဲ့ ကျောင်းတွေဘယ်နှစ်နှစ်တက်ရတာ စာတွေဘယ်လိုကျက်ရတာ သင်တန်းတွေတက်ရတာ တွေမပြောတော့ပါဘူး...ဒါက ဆရာဝန်တစ်ယောက်ဖြစ်လာဖို့ မလွယ်ကူမှန်း လူတိုင်းသိနေကြလို့ပါ...။ ဒါပေမယ့် ဆရာဝန်ဖြစ်ပြီးမှ ပိုပြီးမလွယ်တာပါ...။ တာဝန်ယူမွုတွေ အများကြီးပုံကျလာတဲ့ အသက်​မွေးဝမ်း​ကြောင်းတစ်ခုမို့ စိတ်ဖိစီးမွုလည်း များတယ်ပေါ့နော်...လူနာကို သွားနူတ်ဖို့ ထုံဆေးစထိုးလိုက်ကတည်းကစလို့ နူတ်ပြီးတဲအထိ ဖြစ်သမျှအရာရာသည် သွားဆရာဝန်ရဲ့ တာဝန်ပါပဲ...။
တခါတလေ ဘယ်​လောက်စိတ်ဖိစီးရသလဲဆိုရင် ဒီသွားဆရာဝန်အလုပ်ကို လုံးဝမလုပ်တော့ဘူးလို့ တွေးမိတဲ့အထိပါပဲ ။
ဒါပေမယ့် သွားနှင့်ခံတွင်းဆေးမှာ ကုသမွုခံယူတဲ့အခါ သွားဖာတာပဲ ဖြစ်ဖြစ် ၊ သွားစိုက်တာပဲဖြစ်ဖြစ် ၊ နူတ်တာပဲဖြစ်ဖြစ် ကုသမွုကုန်ကျစရိတ်ရဲ့ တစ်ဝက်ခန့်ကိုတော့ လူနာဟာ အိမ်ကိုပြန်သယ်သွားတာမို့ ကျွန်တော်တို့သွားဆေးခန်းတွေ စျေးကြီးတာတော့လည်း မဟုတ်ဘူးလို့ ထင်မိပါတယ်...။
ဆရာဝန်အ​နေနဲ့ မဟုတ်ပ​ဲ အပြင်လူအ​နေနဲ့ ကြည့်ရင်တော့ စျေးကြီးနေပြန်တယ်လို့ ထင်မိပြန်ရောဗျ...။

ကျွန်တော်တို့ မြန်မာနိုင်ငံမှာက ပညာရှင်​တွေကို သိပ်တန်ဖိုးမထားကြလို့လဲ စျေးကြီးတယ်လို့မြင်နေကြတာ ဖြစ်ကောင်းဖြစ်နိုင်ပါတယ်..။ ဒါမှမဟုတ် ဆင်းရဲတဲ့ နိုင်ငံမို့လည်း ဖြစ်နိုင်ပါတယ် ။
ဥပမာ ဆိုင်မှာ ကြက်ဥကြော်တစ်လုံးစားတယ် 500 ကျတယ်...လူ​တော်​တော်များများ စျေးကြီးလိုက်တာ အော်နေကြတယ်...။ အိမ်ကလူတွေကအစ အိမ်မှာစားပါလား ကြက်ဥကြော်ကို တဲ့ ။ သူတို့ အဲ့အရသာထွက်အောင်ကြော်တတ်သလား ထည့်စဉ်းစားကြရမယ်..။ ကျွန်တော်တို့က ပညာကို ဝယ်စားတာ ဒါ တန်ဖိုးရှိတာလို့ သတ်မှတ်ရမှာပါ...။
ဒီတော့ ကျွန်တော်ကတော့ သွားဆရာဝန်ရဲ့ ပညာမှမဟုတ်ပါဘူး... ပညာရှင်တိုင်းကို တန်ဖိုးထားစေချင်ပါတယ်...။
စျေးကြီးတာမဟုတ်ဘူး တန်ဖိုးရှိတာပေါ့ဗျာ...။
ဒါဆို ခေါင်းစဉ်​ပြောင်းကြရ​အောင် ။
ဒါလေးကတော့ တန်ဖိုးရှိသော သွားနှင့်ခံတွင်းဆေးခန်းများအကြောင်းလို့ ဆိုကြပါစို့...။

ဒီစာလေးကလည်း သွားဆရာဝန်​တွေနဲ့လူနာ​တွေကြား အတော်အတန်နားလည်မွုရပြီး ပေါင်းကူးတံတားလေးဖြစ်မယ်လို့ ထင်ပါတယ် ။

ချစ်ခြင်းဖြင့်သာမျှဝေပါသည် ။

ဒေါက်တာမျိုးမြင့်အောင်


#ခင်ဗျားတို့ရဲ့သွားဆရာဝန်

09/12/2021

မနက်ဖြန် ၁၀.၁၂.၂၀၂၁( သောကြာနေ့) ဆေးခန်းတရက်ပိတ်ပါသည်။