18/06/2026
🔴 2026 පොසොන් පෝහෝය වෙනුවෙන් ඔබ විසින් සංවිධානය කරනු ලබන දන්සැල් ඔබ ප්රදේශයට අදාළ සෞඛ්ය වෛද්ය නිලධාරී කාර්යාලයේ අනිවාර්යයෙන්ම ලියාපදිංචි කිරීමට කටයුතු කරන්න.
දන්සැල් පැවැත්වීමට අදාල සෞඛ්යමය උපදෙස් මහජන සෞඛ්ය පරීක්ෂකවරැන් විසින් ලබා දෙන අතර සියලු දන්සැල් සෞඛ්යාරක්ශිත ද යන්න පරීක්ෂා කරනු ලැබේ.
බැති සිතින් ලබා දෙන දන්සල කිසිවකුටවත් හානියක් නොවී පැවැත්වීමට නිවැරදි උපදෙස් ලබාගන්න.
සෞඛ්යට නුසුදුසු තත්වයෙන් පවත්වන දන්සල් පවත්වාගෙන යාමට ඉඩ ලබා නොදෙන බව කරුණාවෙන් දන්වා සිටිමු.
වැඩි දුර විස්තර සදහා ඔබ ප්රදේශයේ මහජන සෞඛ්ය පරීක්ෂක මහතා අමතන්න.
🔴 දැනුවත් වීම සදහා කරුණු කිහිපයක්....
💠 දන්සැල සදහා පිරිසිදු පානීය ජලය භාවිතා කළ යුතුය. සෞඛ්ය ආරක්ෂිතව ජලය ගබඩා කර ගැනීම කළ යුතුය. දූෂණය වීම අවම කර ගත යුතුය
💠 අපජලය ක්රමානුකූලව බැහැරලීම කළ යුතුය. අපජලය එකතු වන ස්ථාන දන්සැල පවත්වා ගෙන යන කාලය තුල නිරන්තරයෙන් සෝදා පිරිසිදු කිරීම කළ යුතුය. අපවිත්ර ජලය මාර්ගය ඔස්සේ ගලා යාමට සැලැස්වී නොකළ යුතුය
💠 දන්සැලින් එකතුවන කසළ වර්ග කිරීමත්,එකතු කිරීමට ප්රමාණවත් පියන සහිත කසළ බදුන් හෝ බෑග් භාවිතා කළ යුතුය.
💠 දන්සැල පැවැත්වීමෙන් පසු පෙර තිබූ පරිදි ස්ථානය පිරිසිදු කිරීම කළ යුතුය.
💠 දන්සැල සදහා දායක වන සෑම තැනැත්තෙකුම පුද්ගලික ස්වස්ථාවය ආහාර ස්වස්ථාව සනීපාරක්ෂාව පිළිබද ඉහළ මට්ටමින් ක්රියා කළ යුතු අතර ආහාර විෂවීම් ඇති නොවීමට වග බලා ගත යුතුය.
💠 දන්සැල් පරිශ්රය තුල බුලත් විට සැපීම, දුම්පානය කිරීම බීමත්ව හැසිරීම සම්පුර්ණයෙන්ම තහනම් වේ.
💠 කිසියම් බෝවන රෝගයකින් පෙළෙන්නෙකු, චර්ම රෝගයකින් පෙළෙන්නෙකු දන්සැල් කාර්ය මණ්ඩලය සදහා සභාභාගි කරවා නොගත යුතු අතර දන්සැල් පරිශ්රය තුල රැදි සිටීමද නොකළ යුතුය.
🔴 බත් / කඩල/නුඩ්ලස් /පාන්/රෝටි දන්සැල සඳහා කොන්දේසි
1. ආහාර පිසින ස්ථානයේ ප්රමාණවත් තරම් ඉඩ පහසුකම් තිබිය යුතුය.
2. වැසිකිළි අසළ හා කාණු උඩ හෝ අසල ආහාර පිසීම නොකළ යුතුය.
3. ආහාර පිළියෙල කිරීමට ගන්නා සියලුම භාණ්ඩ හා උපකරණ සබන් දා හොදින් සෝදා පිරිසිදු කර භාවිතා කළ යුතුය.
4. ආහාර පරිහරණය කරන්නා හොදින් සබන්දා අත් සේදීම කළ යුතු අතර ප්රමාණවත් සබන් සපයා තිබිය යුතුය.
5. පිරිසිදු ඇදුම් පැලද සිටිය යුතුය. නිළ ඇදුමක් ලබාදීම වඩාත් උචිතය.
6. සෑම අවස්ථාවකදීම මැස්සන්ගෙන් ආහාර ආරක්ෂා කර ගැනීමට වසා තැබිය යුතුය.
7. කුණු කසළ විවෘතව නොතබා පියන සහිත බදුන් වල බහාලිය යුතුය. අප ජලය ක්රමාණුකූලව බැහැරලිය යුතුය.
8. දන්සැල්හි ආහාර පිළිගන්වන්නන් අත්වැසුම්, හිස් වැසුම්, මුඛ ආවරණ පැළද සිටිය යුතුය.
🔴 අයිස් ක්රීම් / කෝපි දන්සැල සදහා කොන්දේසි
1. අයිස් ක්රීම් නියමිත උෂ්ණත්වයේ ශිතකරණ වල ගබඩා කර තැබිය යුතුය.
2. ආහාර පිළිගන්වන්නන් අත්වැසුම්, හිස් වැසුම්, මුඛ ආවරණ පැළද සිටිය යුතුය.
3. කෝපි/බෙලිමල්/කොත්තමල්ලි සඳහා භාවිතා කරන කෝප්ප හොදින් ගලා යන ජලයෙන් සෝදා පිරිසිදු කළ යුතුය.
4. ප්රමාණවත් කසළ බදුන් තිබිය යුතුය.
Copied
🟢දන්සල් ලියාපදිංචිය සදහා 🟠 https://docs.google.com/forms/d/e/1FAIpQLSeVL_6dufpPmyAGxoqlB68AkNZpOs2rLD-hpIFMvZDfrBQq9A/viewform?usp=sharing&ouid=108108167911798704970
#දන්සැල්
