What are the opening hours?

Monday 2pm - 9pm Tuesday 2pm - 9pm Wednesday 2pm - 9pm Thursday 2pm - 9pm Saturday 2pm - 9pm Sunday 2pm - 9pm

https://www.facebook.com/170710816803960/

Dr.maryam Ashraf, شارع عمر سعفان المتفرع من شارع المديريه عماره رقم 3 فوق صيدليه الخولي, Tanta (2026)

21/09/2022

إيه هو برنامج (أمل)
بعد دراسه علم الوقاية والحفاظ على صحه الأسنان
لقينا أن مش معنى الوقايه بمنع حدوث تسوس الأسنان بس لكن دي مجرد مرحله من أربع مراحل ..بل ما بعد التسوس لا تقل أهميه عن ما قبل
ومش بس كده
التعليمات بتختلف بأختلاف المرحله العمريه
ومش بس للطفل لكن هي معلومات هتفرق في كل المراحل العمرية

فأحنا قرارنا نتكلم عنها بشكل مبسط في شكل بوستات
وفي المستقبل هتكون حمالات مكثفه على أرض الواقع

وده كان إجابه أول سؤال
أمته تبدأ الأم تهتم بصحه أسنان طفلها ؟؟؟
هو من قبل الولاده على شكل زياره لطبيب الأسنان نبداء نتعلم عن التحديات الي ممكن تواجهنا وازي نتعامل معاها بوعي أكثر علشان نحافظ على صحه اسنان الطفل بدون ألم
طب ليه مش بعد الولاده
لان غالبا الام بتكون مشغوله جدا ومجهده ومش بيكون عندها الوقت الكافي ..
لزياره طبيب الأسنان الا بعد ما تحصل المشكله

عياده دكتوره مريم اشرف
العنوان : شارع عمر سعفان متفرع من شارع المديريه عماره رقم 3 الدور الخامس
للحجز والاستفسار يرجى الاتصال على الرقم
٠١١٠٤٥٤٩٥٨٠

08/09/2022

علاج عصب سنه تقى ٦ سنين ونص
وتغطيه السنه ب كرون( طربوش ) لحميتها
وبكده حفاظنا علي العضه الطبيعيه والصحيه لتقى
وتقدر تأكل وتتفاعل بشكل طبيعي وصحي🌹❤️

04/09/2022

من الحالات الي بنشوفها كثير في العياده
لاطفال عمرهم من ٦-٨ سنين ..
هي أن الاسنان الدائمه تظهر داخل الفك بدون اي لخلخه في الاسنان اللبنيه ..في الحقيقه امهات كثير بتقلق على أطفالها رغم أن الحل الحمد لله سهل ..
اول حاجه هنتكلم عن سبب انتشار الظاهره دي ...هي طبيعيه الاكل الي أغلبه بيكون طري وسهل المضغ
تاني حاجه ان الاسنان الدائمة اتجاها كان بعيد عن الاسنان اللبنيه فادى الي أن جذور الأسنان اللبنيه تفضل في مكانها ..وده كنت شرحته في فيديو هسيبه في اول كومنت
العلاج
هو ببساطه اننا نخلع الاسنان اللبنيه عن دكتور الاسنان
طيب السؤال الي بنساله ديما هل الاسنان هتفضل لجوه ؟ وهل محتاجه تقويم ؟
من رحمه ربنا أنه في حالات كثير بتتحسن لان حركه اللسان أثناء الكلام والأكل في الطبيعي بتزق الاسنان الدائمه علشان ترجع في مكانها الطبيعي
فا مفيش داعي للقلق خالص ..كل الي علينا نعرف أن بدايه من ٦ سنين لابداء تظهر السنان الدائمه وهنتكلم عن تريب ظهورهم في بوست تاني ..فنبداء نتابع ونركز مع أطفالنا ولو لاحظنا اي شئ غريب نستشير الطبيب

للحجز والاستفسار: ٠١١٠٤٥٤٩٥٧٠
العنوان : عياده دكتور مريم اشرف شارع عمر سعفان متفرع من شارع المديريه عماره رقم ٣ الدور الخامس فوق صيدليه الخولي

03/09/2022

اسنانك الاماميه هى اساس جمال ابتسامتك واستعاده الشكل التجميلى ليها مطلب مهم لحالات كتير

حالة حشو ليزر ابيض تجميلى للناب ❤️

Direct composite restoration for canine

-الحجز من خلال رسائل الصفحه📥

او من خلال التواصل على الهاتف
01104549580📞

العنوان /طنطا -شارع عمر سعفان متفرع من شارع المديريه -عماره رقم ٣ فوق صيدليه الخولى - الدور الخامس

02/09/2022

عندما يمرض الطبيب
يمكن البوست ده مختلف عن اي بوست على اي صفحه عياده لكن أنا حبيت اكتبه بأسلوبي لان فيه نصيحه حابه اوصلها
في البدايه بشكر دكتور رضا سفينه على حسن الاستقبال وحقيقي أنا مبسوطه انا كل مره ببقى مبهوره من النتيجه وإتقان الشغل وانا بثق فيه جدا
تاني حاجه عايزه أحكيها هي تجربة طبيب اسنان لما بيروح لطبيب اسنان بشكل عام ..
المفاجئه أنه بيخاف برضوا عادي
فخلال فتره الانتظار افتكرت ايه ( الَّذِي خَلَقَنِي فَهُوَ يَهْدِينِ (78) وَالَّذِي هُوَ يُطْعِمُنِي وَيَسْقِينِ (79) وَإِذَا مَرِضْتُ فَهُوَ يَشْفِينِ (80) وَالَّذِي يُمِيتُنِي ثُمَّ يُحْيِينِ (81) وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّينِ (82) رَبِّ هَبْ لِي حُكْمًا وَأَلْحِقْنِي بِالصَّالِحِينَ (83) وَاجْعَلْ لِي لِسَانَ صِدْقٍ فِي الْآخِرِينَ (84) وَاجْعَلْنِي مِنْ وَرَثَةِ جَنَّةِ النَّعِيمِ (85) وَاغْفِرْ لِأَبِي إِنَّهُ كَانَ مِنَ الضَّالِّينَ (86) وَلَا تُخْزِنِي يَوْمَ يُبْعَثُونَ (87) يَوْمَ لَا يَنْفَعُ مَالٌ وَلَا بَنُونَ (88) إِلَّا مَنْ أَتَى اللَّهَ بِقَلْبٍ سَلِيمٍ)

في تفسير الشيخ الشعراوي قال( هو) المتكرره في أول ثلاث ايات على عكس باقي الآيات في الاعراب تعتبر حرف زائد لكن من سواء الادب أن نقول حرف زائد فبنقول حرف لا محل له من الاعراب لكن في سبب تاني لوجود هو ..
لان الهدايه والرزق والشفاء قد يشك أو ينسى الإنسان أن في حد معين هو الي بيرزق هو الي بيشفي وهو الي بيرشد فجت كلمه هو لتأكيد أن ربنا هو مسبب الاسباب ومجريها على عكس باقي الآيات لا خلاف أن ربنا بس هو من يحي ويموت وهو من يغفر ..
فأثناء ما انت بتسعى ويتطلب من حد متنساش أن الأمر والحكم كله بايد ربنا
والطبيب ليس إلا معالج أما الشافي فهو الله ..
الطبيب بيجتهد وبيفكر لكن في النهايه الأمر كله لله

فالنصيحه اننا نستحضر المعنى ده ونتذكر دعاء ( اللهم رب الناس أشفى انت الشافي لا شفاء الا شفائك)
( اسال الله العظيم رب العرش العظيم ان يشفين )
هنلاقي نفسنا بقينا أهدى ...

بعد فتره الانتظار أنا عندي خلفيه وتخيل في البدايه ده مكنش كويس لاني كنت خايفه أكثر بس بعدين افتكرت ايه
(فصبر لحكم ربك فإنك بأعيوننا)
أنا رغم اني ممكن اشتغلت حالات زي حالتي كثير بس مش شافيه ايه الي دكتور شايفه بالظبط ولو شايفه فانا مش همسك أيده واشتغل فبرضوا حسيت بالعجز وهنا عرفت معنا التسليم ...
مش لان السنه حاجه مهمه جدا ..بس لان الشغل أنا مدياه جزء كبير من حياتي فا إذا كنت مقدرتش أنفع نفسي وفي النهايه سلمت امري لله فمن باب أولى الواحد يخلي قراراته ربنا يرضا عليها

اخر نصيحه الصبر ...
الوقت جزء من اي علاج ...وكمان أكثر حاجه يتهون و بتساعد على الصبر هي العلم ..ويمكن هنا كان أن عندي تخيل خلاني أهدى ومتقبله الأحداث اكثر ..
على شان كده احنا هنا هنشتغل على حاجه اسمها
patient education
هنتكلم عليها في سلسله بوستات
وده بينقسم لثلاث اجزاء
١-الوقايه خير من العلاج ..وهنا بنتكلم عن ازي نحمي اسنان الاطفال بشكل خاص والكل بشكل عام للوقايه من قبل ما يحصل أي تسوس ..وهنركز على العادات الي لو اضفنها ليومنا هتفرق كثير في صحه الاسنان
٢- ازي نتصرف في حالات الطوارئ و ازي نلاحظ بدايات التسوس والمفروض نعمل ايه في البيت وأمته لازم نروح لدكتور الاسنان
٣- فكره مبسطه عن الإجراءات الطبيه و تعليمات قبل وبعد العلاج علشان تكون تجربه لطيفه ..
وبس كده ❤️

01/09/2022

ازي نختار فرشاة الأسنان...

في السوق في انواع واشكال كثير من فرشاه الاسنان ..ازي نفرق بينهم وايه اهم حاجه في اختيار الفرشاه
اول واهم حاجه بيكون مكتوب على الفرشاه درجه الخشونه في الغالب بيتكوين بين soft , medium
لكن في الأصل هما اربع درجات
Extra soft شديده النعومه
Soft ناعمه
Medium. متوسطه الخشونه
Hard. خشنه
ابدا مش بنستخدم الhard
يفضل استخدام ال extra soft للاطفال و الكبار الي بيعانو من انحسار اللثه أو التهابات اللثه المتكرره
وال soft مفضله عن ال medium
لان الخشونه هتسبب خدوش بسيطه في الاسنان وجروح في اللثه مما يؤدي إلي
١- زياده حساسيه الاسنان بشكل كبير
٢- انحسار والتهابات في اللثه
٣- اصفرار الاسنان على المدى الطويل بسبب تأكل طبقه المينا

ثاني نقطه حجم الفرشاه
كل ما كانت اصغر كان افضل لأنها هتوصل الضروس الاماكن الصغيره في الاسنان بشكل انسيابي اسهل

ثالث نقطه وعلى غير المتوقع
كل ما كانت مستقيمه من غير تعرجات داخله وطالعه كان افضل لان التجربه اثبت انها مش بتقدر توصل للاماكن الصغيره زي ما بيظهر في الدعايا بالعكس ممكن تسبب أن بعض الإمكان مش بتلمسها الفرشاه
ودمت سالمين 🌹

ده بوست من سلسله بوستات برعايه عياده دكتوره مريم اشرف هدفها التوعيه بصحه وسلامه الأسنان
واحنا موجدين للاجابه عن اي اسئله أو استفسارات
للحجز برجاء الاتصال على رقم. ٠١١٠٤٥٤٩٥٨٠
العنوان
شارع عمر سعفان متفرع من شارع المديريه عماره رقم ٣ الدور الخامس فوق صيدليه الخولي

23/01/2022

ليه احيانا لما بنغسل أسنانها اللثه بتجيب دم ؟؟
واللثه ملتهبه ؟
أو حتي لوحدها مع الاكل؟؟
الفكره بختصار
أن بواقي اكل متنضفتش ←بتترسب علي سطح الأسنان ←المعادن بتترسب +بكتريا (الجير) طبقه صلبه ←البكتريا بنبداء تطلع سموم داخل الجيوب اللثويه فتسبب التهاب اللثه
اذا سبب التهاب اللثه الأساسي عدم غسيل الاسنان

طيب ايه تاني الأسباب
التدخين ...
بيقلل من كميه الدم في اللثه←بيقلل الاجسام المضادة الي بتحميل اللثه ←ضعف في اللثه ويبداء يحصل نزيف بسهوله
سوء التغذية...
نقص فيتامين سي الأساسي في تكوين النسيج اللثوي
التركيبات ...
ناس كثير بتعتقد أن بما أن التركيبه مش هتسوس وانا غطيت السنه يبقي مش لازم نغسل الاسنان ..وده اعتقاد غلط والعكس صحيح ..مع التركيبات المفروض نغسل أسنانها لان بيكون في أماكن تحته صعب غسلها و صعب يوصلها اللسان فهي عرضه لتكون جير الأسنان بشكل أكبر
التقويم ....
لان في أماكن بيتحشر فيها الاكل صعب تنظيفها وليها فرشاه مخصوصه

هنكمل أن شاء الله عن العلاج في بوست تاني
ودمتم سالمين 🌹

18/01/2022

حقنه البنج ....اكثر حاجه مخيفه عند دكتور الاسنان ..
الحقيقه ان السبب الرئيسي للخوف بشكل عام هو اني مش عارف ..وده بيخليني افترض افتراضات وتخيلات جوا دماغي و اكبر من حجم أي موضوع صغير وده هيتسبب في قلق وفي الاخر هيعود عليا بالاذى لنفسي
(الإنسان يخشى مما يجهل)
نرجع بقي لموضوعنا
السبب الخوف من دكتور الاسنان
حاجه من اثنين
١- تجربه سيئه وانت صغير زمان فضلت مستمره معاك لحد ما كبرت
٢- انك اتعرضت بشكل لا واعي لقصص زي الأم الي بتاخد ابنها معاها لدكتور الاسنان وهي خايفه أو تقعد تحكي قد ايه تألمت قدام الطفل
٣-الاهل الي بتهتدد ولادها وبتستعمل الحقنه والدكتور كوسيله عقاب زي مثلا لو محلتش الواجب هوديك للدكتور يديك حقنه كبيره
طيب تبداء نتكلم عن حقنه البنج
الحقيقه ان علي رغم شكلها الغريب والطويل لا ان شكلها وطولها الكبير هدفه بس انه يسمحلنا من اماكنيه الوصول للاماكن الي صعب الوصول اليها علي شان نقدر نوصل ماده التخدير لاماكن معينه بيمشي فيها العصب الرئسي الي بيغزي الاسنان
تاني حاجه كربول البنج الي فيه المحلول المخدر
ثالث حاجه الابره ...وده الي ممكن شويه بيخوف لكن الحقيقه أنه سمكه رفيع جدا وده بيخليها تقدر تدخل من غير ما تسبب ألم بعكس الحقنه العاديه لان كل ما دق قل المه
من كثر ما هي رفعيه بقدر تدخل جواه ابره الحقنه العاديه زي ما واضح في الفيديو ...

تاني حاجه ضروري نكون متواقعين هنحس بايه بعد البنج
بالنسبه للاسنان السفليه ف في غالب الحالات الدكتور بيستعمل بنج يخدر نص الفك ..فبنحس بتنميل لحد نص الشفاه وممكن نحس أن وشنا كبر رغم أنه في الحقيقه طبيعي وكذلك مش بنحس بنص اللسان ...وكل ده طبيعي ودليل علي أن البنج شغال ..ضروري بس بعد انتهاء الجلسه منعضش علي شفافينا لاننا مش بتكون حاسين وده ممكن يسبب مشاكل
بالنسبه للاسنان العلويه فالدكتور في الأغلب بيخدر عصب السنه الواحده فا مش بنحس باي تنميل ..فمنستغربش ..

كمان من الاسباب الي ممكن تزود من فاعليه البنج انك لو بتاخد مسكن من نوع paracetamol زي pandol خده قبل معاد الزياره بنص ساعه

ثالث حاجه أن في حالات اللتهاب العصب الشديده احيانا بنضطر ناخد أكثر من كربول بنج فا متقلقش لان جزء الحقن بيكون اتخدر ..فا مش بتحس باي الم مع دخول الابره في المره التانيه

من التوصيات علشان تقلل من خوفك من دكتور الاسنان
انك تخلي الزياره وسط يوم مشغول ده بيقلل من التفكير في الأحداث والقلق
تاخد حد من اصحابك يكون مرح وبيضحك يخفف عنك
أن اول زياره مثلا تكون كشف بس أو ازاله جير وتلميع للاسنان دي من الحجات الي مش بتحتاج بنج ومش مؤلمه

وافتكر انك لازم تاخد الخطوه لان كل ما بتتاخر كل ما علاج السن بيحتاج زيارات ووقت اطول في العلاج وكل ما بدأت بدري كل ما الالم كان أقل والتكلفة كانت أقل كثير

دمتم سالمين 🌹

14/01/2022

نغسل أسنانا اول ما نصحى من النوم ولا بعد الفطار ؟؟؟
ياترى ايه الأفضل وليه ؟؟
الصح أن اول ما تصحي من النوم علي طول وقبل تناول وجبه الافطار وده لسببين
الاول ..لان طبيعي وانت نايم الفم ممكن يتفتح شويه أو في ناس بتتنفس من بقها فيتالي ده بيساعد أن البكتريا تدخل جوا الفم وتترسب علي سطح الأسنان والثه ..وده بيؤدي الي أن وسط الفم بيكون وسط حامضي والآن الاسنان بتكون ضعيفه في الوسط الحمضي فزياده حمضيه الاسنان بتناول الافطار ممكن علي المدي البعيد يزود من تسوس الاسنان

ثاني حاجه ...أن غلط تغسل اسنانك بعد الاكل مباشره ...والمفروض علي الاقل استنى ٢٠ دقيقه لان بعد تناول الطعام ليصبح وسط الفم وسط حامضي ..الاسنان فيها بتكون ضعيفه فأحتكاك الفرشه ممكن يأذيها

بعد وجبه الإفطار واي حاجه تأكلها المفروض تتمضمض اسنانك بالمايه العاديه بين كل الاسنان وتزود الحركه علي الاقل لمده دقيقتين وتزود الحركه شويه ..
اولا المايه مش هتأثر علي الاسنان باي ضرر ...
ثانيا هتزيل كل الاكل العالق أو معظمه فهتتجنب مشاكل تسوس وتصبغات واصفرار الاسنان ...ومشاكل اللثه وتكون جير الاسنان ...
دمتم سالمين 🌻

12/01/2022

ايه هي قرح الفم وأسبابها؟؟؟
وايه هو علاج قرح الفم ؟؟؟
مبدئيا قرح الفم عباره عن جرح أو خلل في النسيج المبطن للفم بمعني أن الطبقه المبطنه للفم يبداء يحصل فيها تأكل بيكون لونها ابيض او رمادي وحدودها لونها احمر زي ما واضح في الصوره ويتكون مؤلمه جدا مع الاكل والكلام ..طب ايه أسبابها
١- اننا مش بنغسل أسنانا أو الفم اساسا
٢- اننا بنغسل أسنانا ولكن بشكل خطئ يعني بعنف زايد عن المطلوب قرح الفم وكمان التهابات اللثه
٣ - الناس الي طول الوقت تحت ضغط عصبي وقلق وتوتر بتظهر بشكل كبير جدا عن الطلاب خلال فتره الامتحانات
٤- الناس الي عندهم أمراض مزمنة زي مرض السكر بتكون نسبه تكون قرح الفم عندهم كبيره
٥- الناس الي بتاخد ادويه ومضاد حيويه علي طول
٦- الاكل السخن والحار والمشروبات الساخنه جدا بتلسع البطانه أو النسيج فبتعمل فيه قرح
٧-الناس الي عندهم سوء تغذيه ونقص فيتامينات أو أنميا بأنواعها

طيب ايه هو علاج قرح الفم
هي واحد من الامراض الي بتخف لوحدها ..بتقعد اسبوعين وبعدين تخف ..طب ايه الحجات الي ممكن اعملها علشان تساعد في ان نسبه قرح الفم تكون قليله وفي نفس الوقت نقلل فتره علاج قرح الفم
١- تبداء نهتم بنظافة الفم
٢- نبعد عن الحمضيات زي الليمون ..في ناس اول ما بتطلع قرحه الفم بيجيبو نص ليمونه علي أساس أنه هيعلجها بس الحقيقه هو مؤلم علي الفاضي ..علي عكس الطحينيه فعاله لأنها تحتوي علي زيت السمسم وهو مضاد للأكسدة +مضاد للمكروبات + مضاد الالتهابات والتورم
٣-نتمضمض بمضمضه زي ال orovex أو tantam الاخضر
مرتين في اليوم ..المره الي بليل لازم تكون قبل النوم مباشره علشان المفعول يكمل معانا اطول فتره ممكنه
أو ممكن نستخدم جيل (oracure) أو (BBC spray)
بيكون فيه مادتين واحده عباره عن بنج موضعي تقلل الم القرحه والتانيه مسؤوله عن تقليل التهاب القرحه وتسرع من علاجها
طب
هل ناخد مسكنات ؟؟ لا
هل ناخد مضاد حيوي ؟؟ لا نهائيا
المطلوب أن ربنا ميزنا بعقل وقدره علي التكيف واكتساب العادات ..فنبداء نصبر شويه علي المشروبات والأكل السخن ..ونقلل شويه من الاكل الحار جدا
والأهم نريح اعصابنا ونروق لان شده الأعصاب ديما مؤذيه لينا قبل اي حد

ودمتم سالمين🌹

Dr.maryam Ashraf

21/09/2022

08/09/2022

04/09/2022

03/09/2022

02/09/2022

01/09/2022

23/01/2022

18/01/2022

14/01/2022

12/01/2022

Address

Opening Hours

Telephone

Website

Alerts

Shortcuts

Share

Category

Monday	2pm - 9pm
Tuesday	2pm - 9pm
Wednesday	2pm - 9pm
Thursday	2pm - 9pm
Saturday	2pm - 9pm
Sunday	2pm - 9pm