27/08/2026
مش شرط كل حالة فقد في الأسنان يبقي علاجها زراعة او تركيب ثابت
زي الحالة دي مثلاً جاتلنا العيادة وكان عندها فقد في اكتر من سنه في الفك العلوي ومش عارفه تاكل ولا تضحك واغلب الحروف ضايعه من عندها بسبب الموضوع دا
عملنا فحص كويس للاسنان وطبعا الخيار الاول كان زراعة بس المريض كان هيبقي الموضوع مكلف عليه
الخيار الثاني كان تركيب ثابت أنا اللي رفضته عشان تركيبات طويلة ومعرضة للكسر في اسرع وقت خاصة وان المريض مش مهتم بغسيل اسنانه
الخيار الأخير والمناسب من كل النواحي كان التركيبات المتحركة المرنه المعمولة باحترافية عالية اوي خاصة ان العضم كان قليل في اماكن كتير في الفك بس الحمدلله قدرنا نتغلب عالمشكلة دي في النتيجة النهائية للتركيبة عشان توصل للمنظر اللي شايفينه قدامكم
الفكرة او الغرض من الموضوع دا هو ان مهما كان عدد الأسنان المفقودة او شكل أسنانك مكانش مريحك متسكتش وتستسلم للموضوع واتاكد ان دايما في حل
وبس كدا.
ودمتم سالمين 🙏❤️
