Dr/ RST

Dr/ RST fun for dental student in alryada university

لا تمت ب اي صله بالجامعه والجامعه غير مسئوله عنها تماما

اسوأ حاجه شوفتها النهارده😔 .بعد م كل الناس كانت بتشكر ف الجامعه وبتنصح بيها كله بقا بينصح بالابتعاد عنها Al Ryada Univer...
09/05/2026

اسوأ حاجه شوفتها النهارده😔 .

بعد م كل الناس كانت بتشكر ف الجامعه وبتنصح بيها كله بقا بينصح بالابتعاد عنها

Al Ryada University
نتمنى تكونوا كدا مرتاحين ومبسوطين ب آداء الجامعه اللي تعبنا ع م عملنالها اسم وتيجوا تهدوا دا ف لحظه

شكرا بجد 😠

06/05/2026

مش عارف :
أتكلم عن الناس اللي بتوفر المصاريف بالعافيه .

ولا الناس اللي حاسباها بالجنيه ع اساس اتفاق موثوق من اشخاص .

ولا اتكلم ع الادوات الغاليه اللي بالكاد نعرف نوفرها .

ولا اتكلم ع الخدمات المتدنيه التي تكاد تكون معدومه .

ولا اتكلم عن المستقبل المبهم اللي مش عارفين هيمشي ازاي

رأيي الشخصي كطالب ف جامعة الرياده:

لا أرشح جامعة الرياده لأي شخص كان ☝🏼☝🏼

01/05/2026

بصراحة، بعد اللي حصل الفترة اللي فاتت، بقى صعب أصدق أو أثق في أي وعود بتتقال من إدارة الجامعة.
اللي المفروض يكون مكان أمان وتعليم بقى مصدر ضغط واستفزاز للطلبة.

احنا مش ضد النظام…
بس ضد العشوائية، وضد قرارات بتتغير بدون وضوح، وضد إن صوتنا يتسمع بس من غير ما يتحط في اعتبار حقيقي.

الثقة مش بتتطلب… الثقة بتتبني
وكل موقف زي ده بيهدم أكتر ما بيبني.

الطلبة مش أرقام…
والتعليم مش بيزنس بس…
وحقنا نفهم ونتعامل باحترام.

دلوقتي السؤال الحقيقي:
هل في نية حقيقية للتصحيح؟ ولا هنفضل في نفس الدوامة؟

مساء الخير،بخصوص زيادة المصاريف 💸 لحد دلوقتي مفيش أي رد واضح من الإدارة، مع إن الطلبة قدمت شكاوى بقالها فترة. الوقت بيعد...
27/04/2026

مساء الخير،
بخصوص زيادة المصاريف 💸 لحد دلوقتي مفيش أي رد واضح من الإدارة، مع إن الطلبة قدمت شكاوى بقالها فترة. الوقت بيعدي وإحنا داخلين على العملي وبعده الفاينل 😕 فهل المقصود إن الموضوع يعدّي لحد ما يبقى أمر واقع وخلاص؟
خلينا نكون واضحين: الموضوع مش “مبدأ” بس، ده عبء مادي حقيقي على ناس كتير جدًا 🙏 مش كل الأسر تقدر تستحمل زيادات مفاجئة بالشكل ده، خصوصًا إن مصاريف كلية الأسنان أساسًا مستمرة طول السنة.
إحنا دخلنا الجامعة على أساس نظام ومصاريف معينة، والتغيير المفاجئ ده بيضرب مصداقية أي كلام اتقال قبل كده 🤷‍♂️ وبيخلي الطلبة تحس إن مفيش وضوح في القرارات.
بصراحة، تجاهل الموضوع أو تأجيل الرد لحد الامتحانات هيخلي إحساس عدم الثقة يزيد أكتر ⚠️ وده مش في مصلحة حد.
المطلوب بسيط: رد رسمي واضح، وتوضيح حقيقي للوضع قبل ما الموضوع يخرج عن السيطرة.
أتمنى يتم التعامل مع الموضوع بجدية، لأن الموضوع بقى مهم جدًا لكل الطلبة.
وشكرًا.

18/04/2026

دا رأي صديقه لينا في منتهى الاحترام وكلامها منطقي وجميل اوي 🤍❤️قالت اللي لينا واللي علينا 🫡🫡

أنا حابة أتكلم بكل احترام ووضوح مش بدافع الهجوم أو التقليل من أي مجهود.

ولكن بدافع مبدأ وحق طبيعي لينا كطلبة من أول يوم دخلنا فيه الجامعة كنا بنحبها بجد وكنا دايمًا بنمدح فيها قدام أي حد واعتبرنا نفسنا جزء من اسمها وسمعتها .☝️

وكنا بنحاول نظهرها بأفضل صورة رغم وجود بعض العيوب كنا بنعديها ☝️لأن في الآخر دي جامعتنا.

لكن اللي بيحصل مؤخرًا خلّى الموضوع يتجاوز حدود المقبول .

وقت التقديم تم التأكيد إن المصاريف ثابتة وبعد كده اتفاجئنا بتقسيمها لمصاريف دراسية ثابتة ومصاريف إدارية متغيرة وده ماكنش واضح من البداية بل وتم ذكر إن المصاريف الإدارية هتكون أول سنة بس.

وبعد كده اتقال إنها كل سنة ووافقنا رغم كده لكن دلوقتي زيادة جديدة بدون مبرر واضح كمان فكرة الخصومات زي 25 و30 واضح إنها كانت مجرد وسيلة جذب لأن فعليًا اللي بندفعه كل سنة بيزيد ومع الظروف الحالية وارتفاع تكاليف المعيشة بشكل عام وكمان مع سفرنا اليومي للجامعة وارتفاع أسعار المواصلات سنة بعد سنة بقى الحمل المادي أكبر🫡🫡 علينا وعلى أهلنا وبالرغم من ذلك المصاريف أصبحت أعلى من جامعات أقدم وذات اسم ومش معنى إننا داخلين جامعة خاصة إن معانا ملايين بالعكس إحنا معانا ملاليم وأهلنا بيتحملوا فوق طاقتهم😥 وبيحرموا نفسهم وبيحرموا إخواتنا عشان يقدروا يدفعوا لنا مصاريف الجامعة🥺

فرفقًا بيهم الراحمون يرحمهم الله.

بالنسبة للخدمات اللي بيتقال إنها سبب الزيادة المعامل غير مجهزة بالشكل الكافي والطلبة اللي بيحضروا فيها أو بيؤدوا امتحانات بيبقوا في جو غير مناسب خالص بسبب الحر وغياب التهوية 🫨😖ومش بنطالب بحاجة كبيرة زي تكييفات لكن على الأقل وجود عدد كافي من المراوح ده أبسط حق عشان نقدر نذاكر
ونمتحن في جو مناسب وده بيأثر بشكل مباشر على التركيز والأداء .☝️☝️

وكمان الأسيمنتات اللي كنا بندفع فيها فلوس لكل مادة على حدة زي البوسترات والأنشطة وفي الآخر تم استخدامها في تزيين الكلية يعني حتى تزيين الكلية كان على حساب الطلبة ورق الكويزات والمواد المطبوعة بنطبعها على حسابنا رغم إن ده المفروض يكون من مسؤولية الجامعة وبالمقارنة ناس كتير مننا ليهم صحاب وقرايب في جامعات حكومية وبيأكدوا إن ورق الكويزات والامتحانات هناك بيكون من الجامعة للطلاب بشكل طبيعي.

التأمين الصحي موجود ومفعل لكن أغلب الطلبة لا يستخدمونه بشكل فعلي ولو عليه فالفكرة إننا مستغنين عنه حتى لو تم إلغاؤه بالنسبة لينا مش هيكون مشكلة حتى الخدمات داخل الكليات زي جلسات العلاج الطبيعي الطلبة بيدفعوا مقابلها☝️☝️ رغم إنها المفروض تكون من أبسط حقوقهم الجامعة.

بالنسبة لنا مش مجرد مكان دراسة دي بيتنا التاني🫡🫡 وإحنا بنقعد فيها وقت أكتر ما بنقعد في بيوتنا ووقت الرجوع للبيت مع السفر أقل من الوقت اللي بنقضيه جوه الجامعة.

وكمان لما بنعمل أي إعلان أو نشاط للجامعة بنبذل قصارى جهدنا عشان نطلعها بأحسن شكل وبنشتغل أسابيع قبل أي مناسبة وآخرها يوم الكليات من يومين عملنا أحسن شغل وطلعنا الجامعة بأفضل صورة وحاولنا نجذب طلاب ونحببهم في الجامعة كل ده بنعمله بحب❤️🤍 ومن غير ما نكون مجبرين ولا بناخد عليه أي مقابل هل ده جزائنا بعد كل اللي قدمناه ده.

أول ما الجامعة بدأت بس تطلع راحت جاية علينا إحنا أول دفعات ليها ولسه حتى مخرجتش ولا دفعة أمال لما تخرج بقى .😏😏

عيب لما الجامعة تستخف بعقولنا وتقول إن أسباب الزيادة مبررات غير منطقية ده بيحسسنا بعدم احترام وتقدير لينا ولتعبنا ومجهودنا إحنا مش ضد الجامعة بالعكس إحنا عايزينها تبقى في أفضل صورة🤍 ويفضل اسمها قوي ❤️لكن ده مش هيحصل إلا بوجود شفافية وعدل.

وإحنا عايزين نحل الموضوع بشكل هادي ومحترم عشان منضطرش ناخد قرارات إحنا مش حابينها زي التحويل أو خطوات تانية إحنا مش عايزينها اللي بنطلبه ببساطة👈🏼 وضوح والتزام بالوعود وتقدير حقيقي للطالب لأن حبنا للمكان ده كان حقيقي لكن الضغط المستمر والقرارات غير المفهومة بدأت تأثر علينا بشكل واضح نتمنى صوتنا يوصل ويتم النظر للموضوع بجدية👌🏼👌🏼

17/04/2026

بسم الله الرحمن الرحيم الرحيم
من المؤمنين رجال صدقو ما عاهدوا الله عليه صدق الله العظيم
كلمتين لإدارة الجامعه بنيابه عني وعن كل الطلبه
احنا لما جينا قدمنا في الجامعه كلنا سالنا عن المصاريف و المصاريف الاداريه وكان كلام الجامعه و سياستها واضحه قدام الكل وعلي كل الصفحات وكان كلامهم واضح جدا و صريح و بالفعل الكلام دا اتنفذ لمدة 3 سنين وكان الكلام واحد وعلشان كدا كنا احنا اول ناس بندافع عن الجامعه حتي لو فيه تقصير في حاجات كتير بس دايما احنا ال بندافع عن الجامعه و نعمل موتمرات وقوافل و نكتب بوستات علشان سمعة الجامعه دي هتاثر علينا بعد كدا في كنا اول ناس بندافع و نشجع الناس أنها تقدم حتي لو كنا شايفين سلبيات بس كنا بنعدي علشان دي في الاول و الاخر جامعتنا
الموضوع مش موضوع فلوس قد ما هوا موضوع مبدا بنمشي عليه و كلمه بتتقال قدام ربنا قبل ما نقولها للناس
وعلشان كدا بنعتذر اننا نكمل ف اي بوست بعد كدا يتكلم عن الجامعه واي حد يسالنا عن الجامعه احنا بنعتذر اننا نرد و بنيابه عني و عن كل اصحابي احنا مش موافقين علي القرار دا و مش موافقين عن اي كلام يتغير من إدارة الجامعه لحد ما إدارة الجامعه تراجع قرارها أو توضح للناس اي ال اتغير
واقولها تاني احنا مش بنتكلم عن فلوس احنا بنتكلم عن مبدا وكلام اتقالنا من اول يوم وعلشان كدا احنا قدمنا في الجامعه ووافقنا عن أي سلبيات شوفناها

الجامعه شكلها نسيت البنود بتاعتها اللي كانت حاطاها ☝️حبيت افكرهم بيها بس Al Ryada University
17/04/2026

الجامعه شكلها نسيت البنود بتاعتها اللي كانت حاطاها ☝️
حبيت افكرهم بيها بس
Al Ryada University

23/04/2025

❤️❤️❤️

14/10/2024

بكامل الحزن والأسى 🥺😓
نودع أصدقاءنا وزملاءنا طلاب الجلاله 🥺
سائلين الله أن يتغمدهم برحمته وأن يسكنهم فسيح جناته🥺
Faculty Of Dentistry RST Al Ryada University
#فيسبوك

Address

Monofia
Sadat City

Website

Alerts

Be the first to know and let us send you an email when Dr/ RST posts news and promotions. Your email address will not be used for any other purpose, and you can unsubscribe at any time.

Shortcuts

Share

Category