Dr.Gamil Boshra Dental Clinic عيادة أسنان د. جميل بشرى

14/06/2024

كل سنة وانتم طيبين ودايما في خير وصحة وسلامة
عيادة الدكتور جميل بشرى بتتمنى ليكم عيد أضحى مبارك و أجازة سعيدة.
العيادة هتكون اجازة من النهاردة لغاية يوم الاحد الموافق ٢٣ يونيو و هنرجع نستقبل حضراتكم من يوم الإثنين الموافق ٢٤ يونيو ٢٠٢٤.
لحجز المواعيد والاستعلام برجاء التواصل على الرقم الموجود في الصفحة.

كل سنة وانتم طيبين ❤️

07/06/2024

معلومة سريعة
لو عندك ضرس أو سن وقع أو خلعته وسبته ، العضم اللي حواليه بيبدأ يضعف وده ممكن يسبب مشاكل كبييييييييرة أنتم في غنى عنها
زي تآكل الفك وهبوط الشفايف وتغير في شكل الوجه وبكدة الشيخوخة بتظهر عليك بدري .
علشان كدة بنقولك إن كل المشاكل دي ممكن تتفاداها لو عملت زراعة أو تركيبات الاسنان .
تعالوا شرفونا في العيادة أو تواصلوا معانا هنكون في انتظارك علشان نقدملك الحلول الطبية إللي نحافظ بيها على جمال وصحة أسنانك.

19/05/2024

لو اسنانك وقعت لأي سبب 🫢يبقى البوست ده ليك...... لان فيه معلومة مهمة جدا عن زراعة الأسنان 🦷

طبعاً انت فاكر ان لو عندك اكتر من سن مخلوع جنب بعض هتزرعهم كلهم ..🤔 وتقعد تعدهم وتضرب في سعر الزرع........ وده طبعا مش صحيح ..

في العيادة عندنا بنقدملك حلول طبية مش تجارية
و بالطريقه دي ممكن نزرع و نعمل تركيبات بين الزرعات نعوض بيها باقي الاسنان المفقودة ..

القرار ده بيتاخد بناء على التشخيص الصحيح للحالة .. و حالة عظام الفك وحاجات تانيه كتير مش عايزة اشغلكم بيها ......

إللي عاوزين نقولهولك متحسبهاش🧮 كتير.....

وإحنا بنوعدك اننا هنقدملك حلول بأسعار مختلفة و أكيد هتلاقي الحل إللي يناسب حالتك و ظروفك

13/05/2024

البوست بتاع النهاردة هنتكلم فيه معاكم عن خيط الأسنان (Dental Floss) :

🦷أولا - الطريقة الصحيحة لاستخدام خيط الأسنان :
- اسحب الخيط بين الأسنان بالهداوة و بلطف
- انتبه و تجنب إصابة لثة الفم.
- اتني الخيط برفق حول قاعدة كل سن وتحت خط اللثة، وحركه بشكل دائري لإزالة الفضلات والبلاك.

🦷ثانيا :طيب استخدم خيط الأسنان كل اد إيه 🤔🤔🤔

بننصح باستخدام خيط الأسنان يومياً، لأنه يساعد في الوقاية من تراكم البلاك والحفاظ على صحة اللثة والأسنان.


#عيادةاسنان

#عيادة
#دكتوراسنان
#دكتورة

13/05/2024

شرفتينا انهاردة راهبات مدرسة الارمن الكاتوليك

11/05/2024

https://www.facebook.com/profile.php?id=61558187296957&mibextid=ZbWKwL

أطباء أسنان نعمل في علاج جميع مشاكل الأسنان
تقدم العيادة خدماتها منذ عام 1964 ونقدم خدمات طبية
متميزة
علاج و حشو جذور الأسنان
علاج وتجميل الأسنان
تركيبات ثابتة ومتحركة
جراحة الوجه والفكين
وعلاج التقويم
تقدم العيادة احدث أساليب علاج وتجميل الأسنان

10/05/2024

*الطريقة الصحيحة لغسل الاسنان*

🦷 لازم تستخدم فرشاه اسنان🪥 ناعمه ولا نفضل استخدام فرشاة الأسنان الناشفة (Hard) و بننصح دايما باستخدام معجون اسنان بيحتوي علي الفلورايد ولو بتستخدم معجون أسنان فيه حبيبات تبييض ف بلاش تستخدمه اكتر من مرتين في الاسبوع .

🦷لازم نمسك فرشاه الأسنان بزاوية ٤٥ درجة و غسل الاسنان يكون بشكل دائري وده بيخلينا نتجنب اي ضرر أو التهاب للثة .

ودايما إفتكر و افتكري إن نظافة ولمعان أسنانك😁 من اهم الحاجات إللي هتخليك شخص جذاب😍😍. والعكس صحيح، مهما كان شكلك مميز و جميل وانيق ومش مهتم باسنانك مش هتبقى شخص مقبول .



#عيادة

06/05/2024

اتسألنا كتير عن فرشاة أسنان الأطفال الرضع:
حبينا نتكلم سوى عن فرشة أسنان الطفل الرضيع

بتكون مصنوعة من السيليكون وعادة بتكون صغيرة بحجم أصبع الام وبتستخدها الام بالهداوة في فم الطفل الرضيع زي اللعبة كدة 😊

بيكون فيها جزء شبه الفرشة لتنظيف الأسنان وجزء تآني مدبب لتنظيف اللسان.
واحدة من اهم فوائدها هي أنها بتنظف أسنان الطفل بلطف دون ما تلهب اوتهيج اللثة أو الفم.
وبسبب مرونتها الأطفال بتحبها



#عيادةاسنان

03/05/2024

كل سنه وانتم طيبين
بمناسبة أعياد القيامة المجيدة .. و أجازة عيد العمال
إحنا كمان هنكون اجازة وهنرجع نستقبل حضراتكم من تآني يوم الاربعاء ٨ مايو.
هنكون في انتظاركم في المواعيد بتاعتنا من ٥ مساء إلى ٩ مساء للحجز والاستعلام برجاء التواصل على الرقم الموجود في الصفحة