27/06/2026
أشهر جملة بنسمعها من المرضى أول ما نقترح عليهم تنظيف جير:
"لا يا دكتور.. أنا صاحبي نظف جير وسنانه اتلخلخت وبقت بتتحسس!" 🤦♂️
تعالوا نكشف السر ورا الخرافة دي وليه هي غلط تماماً؟ 👇
الجير اللي متراكم على سنانك ده مش طبقة حماية.. ده عبارة عن مستعمرة بكتيريا حية. البكتيريا دي بتفرز سموم بتسبب التهاب حاد في اللثة، وبتخلي العظم المحيط بالأسنان ينحسر ويتآكل بالتدريج.
الغريب بقى.. إن الجير بياخد مكان العظم اللي اّكل ده، وبيعمل "دعامة وهمية" كأنه ساند السنان.
لما بتزورنا في العيادة ودكتور قسم البيريو (أمراض اللثة) يبدأ يشيل الطبقة دي بـ "الـ Scaler".. السنان بتظهر على وضعها الحقيقي اللي ورا الجير. من هنا بتحس بالخلخلة المؤقتة أو الحساسية، واللي هي في الأصل نتيجة تدمير الجير للعظم، مش نتيجة التنظيف نفسه! 🩸🦷
💡 الخلاصة: تنظيف الأسنان بيُنقذ ما يمكن إنقاذه من العظم واللثة، وسكاتك على الجير هو اللي بيلخلخ السنان فعلياً.
اعمل شير للفيديو ومنشن لصاحبك اللي خايف ينظف جير عشان يعرف الحقيقة! 😉👇
وأنت.. آخر مرة نظفت جير كانت إمتى؟ شاركنا في التعليقات. #مصر #صحه #دكتوراسنان
