19/09/2026
الحالة دي جتلي وكان عندها كمية كبيرة من الجير، مع حساسية وبدايه حركة في الأسنان، وده لأنها عمرها ما عملت تنظيف جير بسبب فكرة غلط كانت واصلالها زي ناس كتير.
يا ترى إيه هي الفكرة؟!
كتير أوي بتسأل:
«يا دكتورة، هو تنظيف الجير مش غلط؟ طب ماهو الجير هو اللي ماسك الأسنان ومثبتها، لو شيلناه أسناننا هتقع؟!»
الحقيقة إن دي واحدة من أكتر الأفكار الغلط المنتشرة.
الجير مش هو اللي مثبت الأسنان.
بالعكس، تراكم الجير لفترات طويلة ممكن يسبب التهاب اللثة، نزيف، جيوب لثوية، رائحة فم غير مرغوبة، ومع استمرار المشكلة ممكن يحصل فقد في العظم الداعم للأسنان وحركه الأسنان.
بعد ما خلصنا إزالة الجير بالكامل، المريضة قالتلي إنها حست براحة كبيرة، وإن الإحساس المزعج اللي كانت حاسة بيه اختلف جدًا 🤍
عشان كده، لو بدأت تلاحظ جير بيتكون على أسنانك، أو عندك نزيف في اللثة أو رائحة فم أو حركة في الأسنان، الأفضل ما تستناش المشكلة تكبر واستشير طبيب الأسنان.
اهتم بلثتك بدري… عشان تحافظ على أسنانك لفترة أطول. 🤍🦷
