05/11/2025
📍هنتكلم شويه عن 'تسنين' الأطفال (Teething)👶🦷
• هى مرحلة طبيعية بيبتدى يظهر بروز الأسنان السفلية الأمامية الاول فالفترة من عمر ( ٦شهور ل ٩ شهور) .🦷
📌 امتى اعرف ان دى اعراض التسنين؟
لو لقيت :
• زيادة سيلان اللعاب💦
• تورم اللثة واحمرارها.
• بكاء أكثر من الطبيعى واضطراب النوم.
• فقدان الشهية مؤقتاً.
• إدخال الأصابع فى الفم و عض الاشياء.
• فرك الأذن او الخد (بسبب الألم المنتقل من اللثة ).
📢 فى العادة التسنين مش بيسبب❌ :
• سخونية ( حرارة عالية )
• إسهال شديد
• كحة / رشح
طبعاً دى بتحتاج استشارة من الطبيب علشان نستبعد العدوى👨🏻⚕️🦠
📌 هنعمل ايه علشان نتعامل مع الألم :
• تدليك اللثة بقطعه شاش باردة.
• عضاضات باردة ممكن احطها فى الثلاجة (وليس الفريزر) .
• أطعمه باردة زى الزبادي أو قطع خيار 🥒/ تفاح مبردة 🍎( بعد إدخال الطعام الصلب للطفل ).
• مسكنات الألم💊 * باستشارة الطبيب * عند اللزوم.
• نتجنب الچل المخدر للثة ❌* إلا إذا وصفه الطبيب *
🖇️ نحاول نراقب الطفل وقت التسنين لانه بيحاول يعض اى حاجة
🖇️ نحافظ على نظافة اللثة و الأسنان بفرشاة صغيرة أو منديل نضيف.
