05/10/2018
البوست ده لكل اللي بيشتغل في العيادات وبالاخص طلبة اولي كلينيكال 😌
ازاي تحافظ علي ادواتك وتعقمها كويس وتحافظ علي نفسك من انتقال العدوي ؟؟ 😨😨
اولا : ازاي انت تحافظ علي نفسك ؟؟ 😔
بص ياسيدي وانت جوة العيادة لازم تتبع بروتوكول الانفكشن كنترول زي مابيقول الكتاب
* تبقي لابس البالطو بتاعك ومقفول
* تلبس الفيس ماسك 😷
* تلبس الجوانتي
* ممنوع تلمس اي الات في العيادة من غير جوانتي 😤
* الحالات المصابة بفيروس C لازم تامن نفسك كويس وتلبس double gloves
* قبل البيشنت مايدخل تكون مجهز الدياجنوستيك بتاعتك ✋
* لو انت شغال لبيشنت ومحتاج حاجة مش موجودة عالبراكيت ياما الاسيستانت يناولها ليك او تقلع الجلافز وتلبس اوفر جلافز تجيب الحاجة اللي عايزها وتلبس لاتكس جلافز جديد ✋✋
* الفيس ماسك 😷 لازم يتغير بين كل مريض والتاني
* هاتلك نضارة طبية او فيس شيلد عشان تحافظ علي عينيك
* اي sharp instrument هتترمي لازم تتحط في safety box 💉
* لازم تغسل ايدك كويس بعد الشغل بصابون مضاد للجراثيم
* لازم تغير الرابينج بعد كل بيشنت وتغير ال air tip وتعمل disinfection لليونت كويس
دي تقريبا ملخص الحاجات اللي تحافظ بيها علي نفسك وعلي البيشنت بتاعك
نيجي بقي للادوات ✋💉💉
* بعد ماتخلص شغل المفروض تحط ادواتك شوية كدة في مية بكلور
* بعد كدة بتغسل ادواتك تحت حنفية بصابون وفرشاة ادوات المخصصة وتتاكد كويس ان مفيش اي blood علي الادوات 👌
بعد كدة هتفرش ادواتك علي نابكين وترش عليهم spray ببخاخة يكون فيها ديتول وتنشفها كويس بمناديل نضيفة
* بعد كدة ياباشا بقي تحط ادواتك في الباكيت وتقفل عليها كويس وتتاكد انها مقفولة عشان متتفتحش في التعقيم من الضغط
* بعد ماتعقمها في دورة التعقيم مينفعش تطلع الادوات من الباكيت الا لما تيجي تستخدمها للبيشنت لان انت كدة هتضيع تعقيمها 😡
كل الحاجات دي مينفعش تتهاون فيها لانك كدة بتعرض نفسك انت والمريض للعدوي اللي انت تقدر تبقي في غني عنها ❤
بنعتذر ليكم عن الاطالة ونرجو ان البوست يكون فيه افادة وبنعتذر عن اي خطأ او سهو
