O-MED Dental Clinic

28/12/2024

معلومه في السريع
بمناسبه أدوار البرد المتكرره اللي بنشوفها اليومين دول في بعض الناس بتشتكي من التهابات علي الشفتين بعد ادوار البرد وبتبقي متكرره عندهم وده بيبقي نتيجه تنشيط لفيروس الهربس الكامن عند المصابين بيه قبل كده نتيجه ضعف المناعه بعد ادوار البرد ....
في اعراض مسبقه لظهور الالتهاب من تنميل او حرقان في الشفه قبل ظهورها بمده قصيره بننصح المرضي ان عند بدايه الاحساس بالاعراض اللي بتسبق ظهور الالتهاب انه يبدأ في استخدام كريم مضاد فيروسات تلات مرات في اليوم في مكان الحرقان وده ممكن يمنع ظهور الالتهاب او يقلل أعراضه ومدته بشكل كبير وكل ماكان التدخل بالكريم بدري كل ما كان النتيجه افضل.... دمتم بصحه وعافيه تابعونا عشان نعرف نصايح اكتر عن التعامل والوقايه من امراض الفم المختلفه ....

11/12/2024

ياتري ايه الخدمات اللي بتقدمها
عياده O‐Med dental clinic ؟
عيادتنا من اوائل العيادات التي تقدم خدماتها من خلال استشاريين في تخصص طب الفم لتوفير الرعايه المتخصصة من تشخيص وعلاج ومتابعه للمرضي الذين يعانون من مشاكل في صحه الفم كالآتي ذكرها:

-قرح الفم المزمنة

-قرح الفم المتكرره

-التهابات الفم الفطرية

-تغييرات حديثة في لون الغشاء المخاطي للفم

-جفاف الفم

-احساس بالحرقه بالفم

-كتل وتورمات في تجويف الفم

-الاعراض الفموية للأمراض الجلدية وأمراض المناعة الذاتية

-متلازمات آلام الفم والوجه

- الآثار الجانبية الفموية من علاجات السرطان

-استشارة قبل واثناء وبعد علاج السرطان (العلاج الكيميائي ، العلاج الإشعاعي ، زرع النخاع )

وتقدم العياده خدمه اخذ عينات للفحص النسيجي لتشخيص أمراض الفم المختلفه و خدمه الفحص الاكلينيكي الدوري للكشف المبكر للوقاية من سرطان الفم
للحجز والاستعلام يرجي الاتصال تليفونيا او بالواتس اب علي رقم 01558448954
او من خلال رسائل الصفحه

31/12/2023

26/12/2023

ريقي ناشف يادكتور اليومين دول مش عارف ليه🤔 ؟
السؤال ده بنشوفه في الفتره ديه كتير مع دخول فصل الشتا بعد استبعاد اي اسباب مرضيه لجفاف الفم بنلاحظ ان في ناس كتير بتبقي اعراض جفاف الفم نتيجه قله شرب المياه وفي بعض الأحيان بنشوف بعض المرضي ممكن يعدي يوم كامل من غير شرب مياه نهائيا حتي لو بنشرب مشروبات تانيه ده لا يغني عن شرب المياه مما يسبب جفاف الفم وقله افراز اللعاب وبالتالي ده بياثر سلبيا علي صحه الفم ....
متربطش شرب المياه بالاحساس بالعطش بس خلي شرب المياه عاده وده هيفرق كتير في الصحه العامه وصحه الفم .....
تابعونا لمعلومات اكتر وابعتولنا اي اسئله او استفسارات خاصه بصحه الفم .....

29/06/2023

اسره عياده O-MED Dental clinic تتمني لكم عيد اضحي سعيد ....

23/05/2023

هو التهابات او تقرحات الفم ممكن تكون علامه لمشكله صحيه عامه ؟
بيجيلنا مرضي بيشتكوا من حرقه في الفم او التهابات او تقرحات متكرره في انسجه الفم وكتير منهم بيبقي جاي قلقان🥺😰 انه يكون الاعراض دلاله علي وجود أورام في الفم خصوصا لما بيسأل د.جوجل 🧐......
الفم ممكن يبقي مرايه نشوف فيها مشاكل صحية عامه زي أمراض الجهاز الهضمي او القلب أمراض الدم او الكبد او الكلي وغيرهم من المشاكل الصحية عشان كده بنحتاج ناخد التاريخ المرضي للمريض بدقه ونسال عن كل الادوية اللي هو بياخدها وديه خطوه مهمه جدا او نستشير طبيبه اذا كان متشخص لمعرفه تفاصيل حالته او ممكن لو شكينا في وجود مشكله صحية اعراضها العامه او الفموية ظاهره عند المريض ولم يتم تشخيصها ممكن نحول المريض للطبيب المختص لتشخيص المريض والتعامل مع مشكلته الاساسية وليس الاعراض الظاهرة فقط. تابعونا عشان نعرف اكتر عن الاعراض الفموية اللي ممكن تظهر مع المشاكل الصحية العامة المختلفة

22/03/2023

اسره عياده O-MED Dental clinic تهنئكم بحلول شهر رمضان المبارك وكل عام وانتم بخير

09/02/2023

لو انت مريض سكر اكيد سمعت مقوله مشهوره تعالوا نعرف هي صح ولا غلط🤔
(مادام عندك السكر يبقي سنانك كلها هتتلخلخ🦷 وتقع🥺 )

المعلومه ديه مش دقيقه مرض السكر هو لا يسبب امراض اللثه ولكن مرض السكر غير المنتظم في حال وجود التهابات في اللثه هيزود ويسرع مشكله امراض اللثه الموجوده اصلا ...... امراض اللثه سببها الرئيسي البكتريا الموجوده في البلاك وتحت الجير عشان كده لازم مريض السكر يبقي حريص جدا علي نظافه الفم وزياره طبيب الاسنان لازاله اي رواسب جيريه لتجنب مشاكل أمراض اللثة اللي بتؤدي بالوقت لفقد الأنسجة الداعمه للأسنان ولخلختها وفقد الأسنان ....
يعني المقوله الصح هتكون
لو انت مريض سكر
خد بالك من نظافه الفم💯 + زور طبيب الأسنان علي الاقل كل ست شهور لازاله اي رواسب جيريه + ظبط السكر = أسنانك في امان 👌