لأنك لو عالجت آخر حلقة في السلسلة، وسيبت السبب اللي بيغذيها…
ممكن المشكلة تفضل موجودة حتى لو الجهاز اتعمل بأدق شكل.
11/09/2026
كمية المرضى اللي بيجولي متشخصين ألم العصب الخامس (Trigeminal Neuralgia) مش طبيعية!
وكمية المرضى اللي بتاخد علاجات للنوع ده من الأمراض مش طبيعية كذلك!
الغريب إننا مع التاريخ المرضي، والفحص والكشف، ومراجعة التحاليل وخطابات التحويل، بنكتشف إن ده كان misdiagnosis من الأول.
وده راجع في حالات كتير إن كل تخصص بيبص للمشكلة من زاويته بس، من غير ما يبص للصورة كاملة.
فمش كل ألم في الوجه هو Trigeminal Neuralgia، ومش كل ألم في الفك أو الأسنان سببه الأسنان أو مفصل الفك.
التشخيص الصح هو أول خطوة في العلاج الصح.
11/09/2026
الـSplint مش مجرد جهاز بتحطه في بق المريض وخلاص.
كل حالة ليها diagnosis، وليها objectives… وبالتالي ليها design مختلف.
وعشان كده أنا مش بشتغل بـSplint واحد لكل الناس.
ببدأ بالـassessment، وباستخدم الـdigital scan عشان آخد تفاصيل دقيقة عن الـocclusion والحالة، وبعدها أنا اللي بعمل الـdesign وأصمم الـSplint حسب احتياج المريض، وبنفذه عندي بالـdigital workflow والـ3D printing.
والأهم؟
الـSplint نفسه مش هو العلاج.
في حالات الـTMD ممكن يكون جزء من خطة أكبر تشمل
Physical Therapy + Behavioral Management + Patient Education + Splint
دخل ينام يا عيني... مصحيش 😴
حوالي مليار انسان حول العالم بيعانوا من درجات مختلفة من انقطاع النفس الانسدادي اثناء النوم.
ده بنعرفه لما مريضنا بيشخر و هو نايم لفترات طويلة، مبيقدرش ياخد كفايته من النومو ده ليه توابع سلبية كتيرة زي:
• ارتفاع ضغط الدم
• السمنة و زيادة الوزن
• اضطراب الاكتئاب
• اضطراب القلق العام
و غيرهم كتير.
ومش كل الحالات علاجها جهاز CPAP.
في حالات مختارة، جهاز تقديم الفك السفلي MAD ممكن يكون حل فعال يساعد على تحسين التنفس اثناء النوم.
بس قبل العلاج... لازم التشخيص الصح وتحديد هل الـMAD مناسب لحالتك ولا لا.
24/08/2026
مش كل مشكلة في الفك محتاجة جهاز يتعمل وخلاص.
التشخيص الدقيق يبدأ بفهم حركة الفك والعضة، والـ Digital Articulator بيساعدنا نحاكي الحركة ونخطط للعلاج بشكل أدق.
17/08/2026
متستناش فكك يوجعك عشان تبدأ تهتم بيه
لو عاوز متلفش على الدكاترة وتفضل تاخد مسكنات الصبح وبليل بسبب ألم الفك والعضلات، خد النصائح دي من واحد عايش مع مرضى الـTMD كل يوم:
- متعتبرش طقطقة الفك حاجة بسيطة دايما.
مش كل طقطقة محتاجة علاج، لكن لو معاها ألم، قفل في الفك، صعوبة في الفتح، أو بتزيد مع الوقت، متستناش لحد ما المشكلة تكبر.
- متضغطش على أسنانك طول اليوم.
كتير من الناس بيشدوا أسنانهم من غير ما ياخدوا بالهم، خصوصا أثناء التركيز والشغل. خلي فكك في وضع الراحة: الأسنان مش ملامسة بعض، والعضلات مرتاحة.
- المضغ مش اختبار قوة.
الإفراط في اللبان، المكسرات الصلبة، الأكل القاسي، أو فتح الفم بشكل مبالغ فيه ممكن يزود الحمل على العضلات والمفصل عند بعض الناس.
- متتجاهلش ألم الفك اللي مستمر.
ألم العضلات أو المفصل لو استمر لفترة طويلة ممكن يدخل في دائرة من الألم المستمر وزيادة حساسية الجهاز العصبي. كل ما فهمنا المشكلة بدري، كان التعامل معاها أسهل.
- النوم مهم جدا للفك.
قلة النوم والتوتر ممكن يزودوا شدة الألم عند مرضى كتير. النوم الكافي مش رفاهية، وهو جزء من إدارة الألم.
- متعتبرش كل وجع في الفك سببه مفصل الفك.
الصداع، ألم الوجه، الأذن، الرقبة والكتف ممكن يتداخلوا مع بعض، وعشان كده التشخيص أهم من إنك تاخد علاج عشوائي.
- متخليش المسكن هو الحل الدائم.
المسكن ممكن يهدّي الألم، لكن السؤال الأهم: ليه الفك بيوجع أصلا؟
العلاج الصح يبدأ من تشخيص السبب، مش من إخفاء العرض.
- متستناش لحد ما الفك يقفل تماما.
لو بدأت تلاحظ إن فتحة الفم بتقل، أو الفك بيعلق، أو الأكل والكلام بقوا أصعب، دي علامات تستحق التقييم بدري.
- ومهم تعرف إن الـTMD مش معناه إنك هتعيش على جهاز أو علاج طول عمرك.
في حالات كتير العلاج بيكون محافظ وبسيط، لكن اختيار العلاج الصح يعتمد على التشخيص الصح.
الخلاصة:
مفصل الفك والعضلات زي أي جزء في جسمك... متستناش لحد ما المشكلة تكبر عشان تبدأ تهتم.
ولو عندك ألم، طقطقة مصاحبة لأعراض، محدودية في فتح الفم، أو صداع متكرر مرتبط بالفك... ابدأ بالتشخيص، مش بالمسكن.
10/08/2026
ايام ما كنت طبيب اسنان عادي، كنت بتعامل مع الحالات بشكل مختلف...
بيحشي، يخلع، يركب، والحالات في اغلب الوقت كانت بالنسبالي متشابهة في شكواها وطريقة علاجها:
نشيل التسوس، نعزل، نحط الحشوة... وخلاص.
لكن من وقت ما بدأت اهتم بمجال الم الوجه والفكين، اكتشفت قد ايه كل حالة مختلفة عن التانية.
اه، ممكن نوصل في النهاية لنفس الخطة العلاجية او نفس الهدف، لكن خلال جلسة التشخيص... كل مريض بيحكي قصته بشكل مختلف.
شكل الالم.
مكانه.
بيزيد مع ايه؟
بيقل مع ايه؟
بيظهر امتى؟
وايه اللي بيخليه يستمر؟
ومن اغرب الحالات اللي قابلتها، مريض كان الالم عنده بيزيد كل ما يعدي قدام مدرسته القديمة...
مش بسبب المدرسة نفسها، لكن بسبب ذكريات وتجارب سيئة مرتبطة بالمكان.
وهنا فهمت اكتر ان الالم مش مجرد اشارة جاية من نسيج متضرر...
الالم تجربة معقدة، بيتداخل فيها الجسم والمخ والذكريات والمشاعر والبيئة المحيطة.
كل مريض حالة مختلفة...
وكل شكوى ليها قصة.
فسبحان الله الذي علمنا ما لم نكن نعلم، وهدانا لهذا العلم.
04/08/2026
عامل كام كراون؟ 🦷
اكتب العدد في الكومنتات، واعرف هل كان ممكن تحافظ على جزء أكبر من سنك بتركيبة جزئية
د. محمد هندي
أخصائي ترميمات الأسنان
04/08/2026
لا يتحسن مريض الام الوجه و مفصل الفك لان الطبيب *لقي مكان الوجع* فقط...
بل لان التشخيص الصحيح يمنح المريض اخيرا تفسيرا منطقيا لكل ما كان يشعر به.
في عيادة الام الوجه و الفكين، لا يكفي ان ننظر الى الاشعة او المفصل فقط.
احيانا يكون مصدر الالم من العضلات، او الجهاز العصبي، او عادات مثل الضغط على الاسنان، او حتى عوامل نفسية تؤثر على الاحساس بالالم.
ولهذا فان اختيار الطبيب يجب ان يقوم اولا على العلم، و الخبرة، و القدرة على التشخيص الشامل، و ليس على العلاج السريع او الوعود البراقة.
ومن حق كل مريض ان يبحث عن طبيب يشعر معه بالثقة، ويستمع اليه، ويفهم شكواه دون استعجال.
لكن الاهم... الا يتحول البحث عن "الحل السحري" !
او
*الدكتور المثالي*الى سبب لتاخير العلاج.
فاضطرابات مفصل الفك والام الوجه قد تتحول مع الوقت الى الم مزمن، وكلما بدا التشخيص والعلاج مبكرا، كانت فرص التحسن افضل.
Be the first to know and let us send you an email when Dr.hendy posts news and promotions. Your email address will not be used for any other purpose, and you can unsubscribe at any time.
