01/09/2026
☆المظهر الجمالي لأسناننا مهم جدًا، بس الأهم منه هو سهولة الحفاظ عليه لأطول وقت ممكن👌🏻☆
البنوتة الجميلة دي جاتلنا العيادة بكسور وتصبغات شديدة في ال4 قواطع العلويين وشكوتها الأساسية كانت الشكل فقط ومفيش أي ألم مصاحب للأسنان دي.
***بعد تقييم الوضع مبدأيًا بشكل كامل قررنا نحل مشكلة المظهر الجمالي عن طريق عمل crowns (طرابيش) لل4قواطع ومشينا في خطة العلاج كالآتي:-
1- إزالة التسوس كاملًا وعلاج الجذور لأن الكسور كانت واصلة لأعصاب الأسنان، وده بيودينا لملحوظة مهمة إن كسر الأسنان ممكن يأثر على العصب بدون ما يسبب أي ألم، وعدم وجود الألم لا يدل بالضرورة على إن العصب سليم واللي بيحدد مسار العلاج هو الطبيب عن طريق الفحص الإكلينيكي والأشعة🔍
2- بعد علاج العصب بدأنا نحضر الأسنان لعمل التركيبات، وبعد انتهائنا من التحضير عملنا تقييم للوضع مرة تانية لتحديد نوع وشكل التركيبات المناسبة.
3- بعد التقييم النهائي واجهتنا مشكلة وهي إن طول الأسنان اللي هتتثبت عليها التركيبات كان أقصر من الحد المناسب، وده بالإضافة لعلاج العصب بيخلوا الأسنان دي أضعف ومعرضة للكسر بسهولة بعد تثبيت التركيبة.
4- اخترنا في الحالة دي نعمل surgical crown lengthening (إطالة تاج السن جراحيًا) عن طريق "apically positioned flap" عملنا ازاله للعضم اللي حوالين الجذر ، وعملنا"Glickman flap"ودي تقنية جراحة لثوية بنعمل فيها ازاله لموضع حواف اللثة المتضرره اللي بتحاوط أعناق الأسنان، والطريقة دي ميزتها إنها بتغني عن قص اللثة بإنها تغير مكان النسيج اللثوي كاملًا بدون التضحية بأي جزء، وده بيجنبنا معظم مشاكل اللثة المحتملة بعد التركيبات🤍
5- بعد تغيير موضع الحواف اللثوية بالقدر المطلوب بنثبتها في مكانها الجديد بالخيوط الجراحية وبنستنى اللثة تلم في الوضع الجديد تمامًا قبل أي خطوة تانية وبنعمل check up كل فترة نتأكد إن الوضع ماشي بشكل صحيح💁🏻♂️
6- الحالة نورتنا تاني بعد الالتئام الكلي وبفضل الله النتيجة كانت مُرضية جدًا وخلصنا باقي خطوات التركيبة النهائية بنجاح✅
متترددش كتير، لو عندك أي مشكلة مشابهة تقدر تنورنا في العيادة نطمنك على صحة أسنانك ونحطلك خطة العلاج المناسبة ليك🦷
