Dr.Somar Al Jary

18/10/2026

انحسار اللثة او تراجع اللثة مشكلة بيعانو منها كثار و الاغلب ما بيكونو عرفانين ليش صار عندن التراجع.

اختصرت اسباب تراجع اللثة بسببين مهمين و يعدو من اكثر الاسباب شيوعاً :
الاول تفريش الاسنان بقوة و بشكل مؤذي قد ينتج عنه انحسار اللثة و انكشاف اعناق الاسنان.
و السبب الثاني و اللي انا متأكد 90 بالمية ما بيعرفوه هو ارتفاع مستوى اللجام او الخيط الجلدي اللي بيربط الشفة باللثة و بيعمل فروقات بين الاسنان خاصة العلوية و اللي منقول عنها بالعامية الفلجة.
و ايضاً يسبب انحسار اللثة مع الوقت و يعالج بطرق عديدة جراحياً او باستخدام الليزر.

15/10/2026

Laminate Veneers عدسات سيراميك ✅
Please stop calling it قشور خزفية ❌

13/10/2026

يعتبر تبييض الاسنان سواء المنزلي او في العيادة واحد من الاشياء اللي ممكن تأثر سلباً على اسنانك اذا زادت عن حدها.
انا بعرف ناس ممكن تجرب التبييض مرة وحدة بحياتها و انا واحد منن ، انا عملت تبييض مرة وحدة بحياتي و ما حسيت انو في داعي عيدها ..

اهم مادة فعالة موجودة بتركيبة مواد التبييض هيي الهايدروجين بيروكسايد H2O2 وتأثيرها مش مجرد تنظيف سطحي، بل تفاعل كيميائي يؤكسد الجزيئات المسؤولة عن التصبغات داخل بنية السن.
و من هون بيبين ضرره على الاسنان اذا زاد استخدامه عن الحد الطبيعي.

08/10/2026

اذا شي مرة لاحظت وجود بقعة بيضة متل الطبشور على اسنانك .. هذا مش تسوس ، لكن قد يكون بداية الطريق للتسوس ..

اسبابه:
ممكن يكون الو اكثر من سبب منها نقص تمعدن طبقة المينا بسبب تراكم فضلات الطعام على اعناق الاسنان نتيجة سوء العناية.

مرات ممكن يكون ضعف بطبقة المينا نفسا بسبب نقص الكالسيوم بالجسم و بيبين غالباً عند المرضى الحوامل بعد الولادة مباشرة.

أما السبب الاشهر فهو التبقع الفلوري او بمصطلح ثاني التسمم الفلوري نتيجة التعرض لتراكيز عالية من مادة الفلورايد اثناء تكوّن الاسنان و قبل البزوغ.

علاجه:
العلاج ببساطة يعتمد على موقع البقعة و حجمها ..
اذا كانت صغيرة ممكن نستخدم مواد معينة لازالتها وتنظيفها ، اما اذا كان حجمها متوسط ممكن نكتفي بالحشوات التجميلية ، و اذا لاقيناها كبيرة و تغطي السن او تحول لونها للبني فبهي الحالة صار السن مهدد انو يضعف اكثر مع الوقت و يتكسر فمنحتاج لغطاء يحميه و هون بيجي دور الفينيرز او عدسات السيراميك.

06/10/2026

04/10/2026

فشل زراعة الاسنان قد يحصل و له اسباب كثيرة خاصة عند عدم اتباع قواعد واضحة من الطبيب والمريض.

مسؤوليات الطبيب تكمن في خلق بيئة نظيفة وصحية في العيادة و الاهتمام بأدق التفاصيل ابتداء بالعقامة وصولاً الى نوع الزرعة و مراحل العمل الجراحي ككل.

اما مسؤوليات المريض فتكون باتباعه لتعليمات الطبيب كالاهتمام بمكان الجراحة وتجنب اي مؤثرات قد تؤذي الزرعة مثل التدخين و المشروبات الساخنة و اتباع الخطة الوقائية التي يضعها الطبيب للحفاظ على صحة الفم والزرعة منها تناول الأدوية واستخدام المضامض الفموية.

قبل البدء بأي عملية لزراعة الاسنان يتم التحدث مع المريض و وضعه بصورة العمل و توضيح ان فشل الزراعة قد يحدث و بأنه امر طبيعي ، كما يجب التعامل معه بوعي من قبل الطبيب بغض النظر عن سبب الفشل.

02/10/2026

يمتاز التقويم الشفاف عن التقويم المعدني بأنه غير مرئي و متحرك مما يجعله خيار مناسب جمالياً فمن الممكن التخلي عنه و خلعه في بعض الأوقات غير المناسبة او وقت الطعام .. و هذا يجعل من الصعب الالتزام به في معظم الاوقات. و هنا تكمن صعوبة الوصول الى النتيجة المرجوة منه.

التقويم الشفاف يناسب حالات سوء الاطباق البسيطة الى المتوسطة و بعض حالات ازدحام الاسنان او اغلاق المسافات بين الاسنان لكنه لا يعالج الحالات المعقدة والتي تحتاج هنا تدخل اخصائيي تقويم الاسنان فيأتي دور التقويم المعدني والذي لا يمكن الاستغناء عنه في كثير من الحالات ليتم وضع خطة علاج متكاملة تعالج حالات سوء الاطباق خاصة عند الاطفال و المراهقين.

01/10/2026

الخراج هو عبارة عن انتفاخ بيصير تحت الاسنان غالباً بحالتين الاولى تموت بالعصب أدى لحدوث عفونة بنسيج العصب داخل الجذور و صار الانتفاخ و الثانية ضرس معالج عصبه من زمان لكن كان في خلل بعلاجه او نقص بحشوة العصب و سوء تنظيف أدى لحدوث الخراج.

الخراج داء عنيد و بيحتاج يتعالج على ايدي مختصين بعصب الاسنان وعلاج الجذور و ايضاً بيحتاج عدة جلسات طويلة و بياخد وقت حتى يتم ازالته تماماً.

ينصح بعلاج الخراج اذا كان السن سليم وقوي و بيتحمل ، اما بحالات التهدم الكامل فالنصيحة بتكون خلعه والتخلص من السبب والمسبب.

30/09/2026

محتار بين الزراعة التقليدية او الرقمية ؟! ..
لسهل عليك الموضوع التنين يعتبرو عمل جراحي بس واحد بسيط و سهل و سريع بس اغلى اللي هو الزرعة الرقمية ، و التاني اصعب شوي و بياخد وقت بالاستشفاء اكتر و ممكن يكون مؤلم شوي زيادة بس ارخص بكتير و اللي هو الزرعة التقليدية.

بالمختصر ما في زراعة بدون ألم او بدون فترة استشفاء لكن من مراجعتي للمرضى بقدر قلك انو بالحالتين صدقاً في ناس ما بتحتاج تاخد حبة مسكن ..
هيي بتعتمد على العمل الجراحي ككل و على صحة المريض على وجه الخصوص.

اذا بدك شي دقيق و سريع و بألم أقل و مستعد تدفع اكتر بنصحك تختار الرقمية. أما اذا كنت من النوع اللي ما بيتألم كتير و حابب توفر على حالك شوي اختار التقليدية.
و اذا عملتن عندي بالحالتين بوعدك تكون النتيجة نفسا😊

28/09/2026

ابتسامة هوليوود او الفينيرز او عدسات السيراميك كلن نفس المسمى لعلاج واحد .. في ناس بتقلك بدي اعمل فينيرز بدون ما حف الاسنان و ما بيعرفو انو هدا الشي يكاد يكون صعب اذا ما كان مستحيل ..

الفينيرز بشكل عام هو متل ما بيقولو ( ون وي تيكيت ) يعني تذكرة ذهاب بلا عودة و لحتى يكون الفينيرز ناجح لازم تنحف الاسنان حتى ولو شي بسيط و الأهم انو لازم نستخدم مواد لإلصاق الفينيرز بتخرش سطح السن لنضمن ثباته و ديمومته و هذا كلو بيأثر عالطبقة الخارجية للسن الطبيعي و بيروح لمعته و زهوته .. بدك تعمل فينيرز بدك تحف و بدك تعرض اسنانك لمواد بتأثر عليهن سلباً ..

اذا كنت بحاجة و اسنانك مو عاجبينك فلا حول ولا قوة انت مضطر تعمل فينيرز ليصيرو احلى .. اما اذا اسنانك مش بحاجة فحاول ما تضحي فيهن.